Xəbərlərin siyahısı: Avqust 2023 illər » Səhifə 2

31-08-2023, 14:26

Böyük Britaniyanın yeni müdafiə naziri Ukraynayla bağlı açıqlama verdi

Böyük Britaniyanın yeni müdafiə naziri Qrant Şapps ilk açıqlamasını verib.
O, çıxışını Ukraynaya həsr edib.
Nazir Kiyevə yardımı prioritetlər sırasına daxil etdiyini xüsusi vurğulayıb.
“Ölkəmizin təhlükəsizliyini qoruyan Silahlı Qüvvələrimizin igid kişi və qadınları ilə Müdafiə Nazirliyində əməkdaşlığı səbirsizliklə gözləyirəm. Və Putinin vəhşi işğalına qarşı mübarizədə Böyük Britaniya Ukraynaya dəstəyini davam etdirir”, - o qeyd edib.
Xatırladaq ki, Şapps bu gün istefa verən Ben Uollesi əvəzləyib. O, təyinata qədər energetika naziri postunu tutub.

Böyük Britaniyanın yeni müdafiə naziri Ukraynayla bağlı açıqlama verdi

31-08-2023, 13:59

UEFA “Qarabağ” klubuna ödəniş etdi

UEFA 2023/2024 mövsümündə avrokuboklarda iştirak edən “Qarabağ” klubuna ödəniş edib.
Ağdam təmsilçisinə 200 min avro verilib.
Vəsait milli assosiasiyanın vasitəçiliyi ilə klubun hesabına köçürülüb.
Qeyd edək ki, qitə futbol qurumu bu mövsüm Çempionlar Liqası və Avropa Liqasında iştirak edən bütün klublara ödəniş edib.

UEFA “Qarabağ” klubuna ödəniş etdi

31-08-2023, 13:44

Rusiya sanksiyalara baxmayaraq, məsuliyyətli taxıl tədarükçüsüdür - Peskov

"Rusiya və KXDR yaxşı, qarşılıqlı hörmətə əsaslanan münasibətlər saxlayır və onları daha da inkişaf etdirmək niyyətindədir".
Bu barədə Kremlin sözçüsü Dmitri Peskov danışıb.
"Rusiya sanksiyalarla bağlı çətinliklərə baxmayaraq, məsuliyyətli taxıl tədarükçüsüdür. İndi inflyasiya hədəf səviyyəsindən "bir qədər yuxarıdır", lakin hələ də kifayət qədər aşağıdır. Rusiya Federasiyası, Türkiyə və Qətər arasında taxıl tədarükü ilə bağlı müzakirələrin konkret nəticəsi yoxdur, bu, yaxın gələcəkdə yüksək səviyyədə davam etdiriləcək", - o qeyd edib.

Rusiya sanksiyalara baxmayaraq, məsuliyyətli taxıl tədarükçüsüdür - Peskov

31-08-2023, 13:29

Qarabağ seperatçılarına yeni “dövlət naziri” təyin olundu

Qarabağ separatçılarının rəhbərliyindən istefa verdiyini bəyan edən Arayik Arutyunyan bu addımı atmazdan öncə qondarma “təhlükəsizlik şurasının katibi” Samvel Şahramanyan “dövlət naziri” təyin edib.
Bu barədə Ermənistan KİV xəbər yayıb.
Qeyd edək ki, bundan əvvəl qondarma “dövlət naziri” Qurgen Nersisyan postundan çıxarılmışdı.Beləliklə, bu gündən Qarabağ separatçılarının rəhbəri Samvel Şahramanyan olub.
Şahramanyan İrəvanda Beynəlxalq iqtisadiyyat fakültəsinə daxil olub, 1998-ci ildə Xankəndidəki "universitet"ə keçib və 1999-cu ildə oranı bitirib.
1996-1999-cu illərdə Qarabağdakı qanunsuz silahlı dəstədə “xidmət” edib. 2008-ci ildən Qarabağdakı qondarma qurumda bir sıra “vəzifələrdə” çalışıb. 29 may 2020-ci il tarixində “general-mayor” olub.
O, Qarabağdakı separatçı dəstənin “təhlükəsizlik xidmətinin direktoru", Ermənistanın hərbi vətənpərvərlik, gənclər, idman və turizm naziri olub.

Qarabağ seperatçılarına yeni “dövlət naziri” təyin olundu

31-08-2023, 13:16

Peşə məktəblərinə tələbə qəbulunun II mərhələsinə start verildi

Sabahdan 2023/2024-cü tədris ili üzrə peşə təhsil müəssisələrinə boş qalan plan yerləri üçün tələbə qəbulunun II mərhələsinə start verilir.
Bu barədə Peşə Təhsili üzrə Dövlət Agentliyindən xəbər verilib.
Bildirilib ki, II mərhələdə müraciətçilər www.portal.edu.az platforması üzərindən elektron formada müraciət edə bilərlər. Boş qalan yerlərə sənəd qəbulu 5 sentyabr saat 18:00-dək davam edəcək. Peşə təhsil müəssisələrinə ümumi və ya tam orta təhsil bazasını bitirən şəxslər müraciət edə bilərlər.
Həmçinin peşə təhsil pilləsi üzrə elektron tələbə qəbulunun I mərhələsində uğurlu nəticə göstərməyən şəxslər də II mərhələyə qatıla və ixtisas seçimi həyata keçirə bilərlər. Boş qalan yerlər üzrə müraciət imkanı I mərhələdə iştirak etməyənlər üçün də açıqdır.
Peşə təhsil müəssisələrinə qəbul ərizəçinin attestatında göstərilən müvafiq fənlər üzrə qiymətlərinin orta balı əsasında aparılır.
Tələbə qəbulu prosesində hər şəxsə maksimum 5 ixtisas üzrə seçim etmək imkanı yaradılır. Müsabiqədən uğurla keçən şəxslər növbəti mərhələdə qəbul olduqları müəssisəyə sənədlərini təqdim etmək üçün müraciət etməlidirlər.
Məlumat üçün bildiririk ki, peşə təhsil müəssisələrinə tələbə qəbulunun I mərhələsi 28 iyul – 11 avqust tarixlərində 66 peşə təhsil müəssisəsində 128 ixtisas olmaqla 25420 yer üzrə aparılıb. İlk mərhələdə www.portal.edu.az platforması vasitəsilə 24090 nəfərdən 75140 müraciət daxil olub. Peşə təhsil müəssisələrinə qəbul olan namizədlərdən 13660 nəfəri sənədlərini qəbul olunduğu təhsil müəssisəsinə təqdim ediblər.

Peşə məktəblərinə tələbə qəbulunun II mərhələsinə start verildi

31-08-2023, 12:56

Arayik Arutyunyan “istefa verdiyini” bildirdi

Qarabağ separatçılarının başçısı Arayik Arutyunyan bir qədər öncə Xankəndidəki qondarma rejimin rəhbərliyindən "istefa verdiyini" bildirib.
Bu barədə o, feysbukda məlumat yayıb.
Arayik Arutunyan özü "istefa verməzdən" öncə qondarma rejimin “dövlət naziri” Qurgen Nersisyanı "vəzifədən azad edib".
Separatçılara rəhbərlik müvəqqəti olaraq qondarma “Təhlükəsizlik Şurasının katibi” Samvel Şahramanyana keçib.

Arayik Arutyunyan “istefa verdiyini” bildirdi

31-08-2023, 12:50

Prezident Qubaya yeni icra başçısı təyin etdi

İlqar Akif oğlu Mahmudov Quba Rayon İcra Hakimiyyətinin başçısı təyin edilib.
Bununla bağlı Prezident İlham Əliyev Sərəncam imzalayıb.

Prezident Qubaya yeni icra başçısı təyin etdi

31-08-2023, 12:45

Sabahın hava proqnozu

Bakıda və Abşeron yarımadasında sentyabrın 1-də hava şəraitinin əsasən yağmursuz keçəcəyi gözlənilir.
Milli Hidrometeorologiya Xidmətindən verilən məlumata görə, cənub-şərq küləyi əsəcək.
Havanın temperaturu gecə 20-24° isti, gündüz 27-30° isti olacaq. Atmosfer təzyiqi 761 mm civə sütunu olacaq. Nisbi rütubət gecə 60-65 %, gündüz 40-45 % olacaq.
Azərbaycanın rayonlarında əsasən yağmursuz hava şəraiti gözlənilir. Lakin gündüz bəzi dağlıq ərazilərdə qısamüddətli az yağış yağacağı ehtimalı var. Gecə və səhər bəzi rayonlarda duman olacaq. Şərq küləyi əsəcək.
Havanın temperaturu gecə 16-21° isti, gündüz 30-34° isti, dağlarda gecə 9-14° isti, gündüz 14-19° isti olacaq.

Sabahın hava proqnozu

31-08-2023, 12:39

Qarabağdakı Rusiya sülhməramlılarının yeni komandiri təyin olundu

Azərbaycanın Qarabağ iqtisadi rayonu ərazisində müvəqqəti yerləşdirilmiş Rusiya sülhməramlı kontingentinin yeni komandiri təyin edilib.
Bu barədə Ermənistan KİV-i məlumat yayıb.
Bildirilir ki, general-mayor Kirill Kulakov Rusiyanın Qarabağdakı sülhməramlı qüvvələrinə rəhbərlik edəcək.
Kirill Kulakov 20 iyul 1969-cu ildə anadan olub.
1990-cı ildə Kazan Ali Hərbi Komandanlıq Məktəbini bitirib. 2014-2017-ci illərdəki fəaliyyətinə görə "Qırmızı Bayraq" ordeni alıb.

Qarabağdakı Rusiya sülhməramlılarının yeni komandiri təyin olundu

31-08-2023, 12:28

Erməni silahlı dəstələri Şuşada təxribat törətdi

Avqustun 31-i saat 10:55 radələrində Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Şuşa rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər.
Bu barədə Müdafiə Nazirliyindən məlumat verilib.
Ordumuzun bölmələri tərəfindən görülən təxirəsalınmaz tədbirlər nəticəsində aparılan işlər dərhal dayandırılıb.

Erməni silahlı dəstələri Şuşada təxribat törətdi