30-08-2023, 15:48
[center]
[/center]
[/center]Türkiyə Rusiyaya yeni səfir təyin edir
Türkiyə Rusiyaya yeni səfir təyin edəcək.
Bu barədə diplomatik mənbələr bildirib.
Qeyd olunub ki, Türkiyənin Rusiyadakı hazırkı səfiri Mehmet Samsarın missiyası başa çatır:
“Yaxın vaxtlarda yeni səfir təyin olunacaq”.
Yeni səfirin təyin olunacağı vaxt dəqiq açıqlanmayıb.
30-08-2023, 15:29
Türkiyədəki səfirimiz Ərdoğanı bayram münasibətilə təbrik etdi
Azərbaycanın Türkiyədəki səfiri Rəşad Məmmədov Zəfər günü ilə bağlı Prezident Rəcəb Tayyib Ərdoğanı təbrik edib.
Bu barədə səfirliyin “X” hesabında məlumat paylaşılıb.
“Səfir Rəşad Məmmədov Prezident Sarayında keçirilən Zəfər Bayramı mərasimində iştirak edib və Prezident Rəcəb Tayyib Ərdoğana təbrikini çatdırıb”, - paylaşımda qeyd olunub.
30-08-2023, 15:17
Fransa vasitəçilik etmək istəyirsə hər iki ölkənin mövqeyini nəzərə almalıdır
Fransa vasitəçilik etmək istəyirsə, həm Ermənistanın, həm də Azərbaycanın mövqeyini nəzərə almalıdır.
Bunu Rusiya Xarici İşlər Nazirliyinin sözçüsü Mariya Zaxarova deyib.
O qeyd edib ki, Moskva Azərbaycan-Ermənistan münasibətlərinin normallaşması ilə bağlı Rusiya səylərinə əks olmayan, onları təkrarlamayan, bu səyləri pozmayan bütün təşəbbüsləri alqışlayır.
"Digər tərəfdən Fransanın bu istiqamətdə fəallığı bizə yaxşı məlumdur. Bu cür vasitəçilik səyləri çərçivəsində münaqişənin hər iki tərəfinin, yəni həm Azərbaycan, həm də Ermənistanın ilk növbədə mövqeyini nəzərə almaq lazımdır. Bunlarsız vəziyyətin nizamlanmasında hər hansı irəliləyişə ümid etməyə dəyməz”, - deyə Zaxarova bildirib.
30-08-2023, 15:13
Fransadan göndərilən "humanitar yük" Qarabağa buraxılmadı
Fransadan göndərilən "humanitar yük" Qarabağa buraxılmayıb.
Fransanın göndərdiiyi 10 yük maşını iyulun 26-dan sərhəddə gözləyən Ermənistanın “Spayka” avtomobillərinin sırasına düzülüb.
Yük maşınları Paris şəhərinin meri Anna İdalqonun və Strasburq meri Janna Barseqyanın müşayiəti ilə Azərbaycan sərhədinə gəlib.
Qeyd edək ki, “Spayka” avtomobilləri Ermənistan tərəfindən göndərilib, lakin Azərbaycanın razılığı olmadığı üçün həmin vaxtdan orada gözləyir.
30-08-2023, 14:54
Priqojinlə qapalı vida mərasimi keçirildi
Avqustun 29-u axşam saatlarında Sankt-Peterburqda Tver vilayətində təyyarə qəzasında həlak olan "Vaqner" muzdlularının rəhbəri Yevgeni Priqojinlə qapalı vida mərasimi keçirilib.
O, Poroxovskoye qəbiristanlığında atasının yanında dəfn edilib.
Priqojinin məzarından fotoları təqdim edirik:
30-08-2023, 14:30
Azərbaycan və Türkiyə diasporunun icma toplantısı keçirildi
ABŞ-ın Meyn ştatında Azərbaycan və Türkiyə diasporunun dostluq münasibətlərinə həsr olunmuş icma toplantısı keçirilib.
Meyn Azərbaycanlıları Cəmiyyətinin rəhbəri Tərlan Əhmədov bildirib ki, açıq havada təşkil olunmuş toplantıda bu ştatdakı Azərbaycan və türk icmalarının birgə fəaliyyəti nəticəsində əldə olunan uğurlardan danışılıb, “bir millət, iki dövlət, vahid diaspor” prinsipi əsasında həyata keçirilməsi nəzərdə tutulan gələcək əməkdaşlıq perspektivləri müzakirə edilib.
Tədbir mədəniyyət irsimizi əks etdirən musiqilərin səsləndirilməsi və milli mətbəx nümunələrimizin təqdim olunması ilə yekunlaşıb.
Qeyd edək ki, iki icmanın açıq havada dostluq toplantıları ötən ildən başlayaraq keçirilir.
30-08-2023, 14:23
Ermənistan Hindistanla hərbi əməkdaşlığını dərinləşdirir
Ermənistanın müdafiə naziri Suren Papikyan Hindistan Milli Müdafiə Kollecinin nümayəndə heyətini qəbul edib.
Nümayəndə heyətini Hindistanın İrəvandakı fövqəladə və səlahiyyətli səfiri Nilakşi Saha Sinha müşayiət edib.
"Nazir Hindistan Milli Müdafiə Kollecinin komandanı general-leytenant Sukriti Sinq Dahianı və Hindistanı və digər tərəfdaş ölkələri təmsil edən dinləyiciləri salamlayıb. Suren Papikyan Ermənistan-Hindistan münasibətlərinin müdafiə sahəsində mövcud inkişaf kursunu nəzərə alaraq Ermənistana səfər etmək təşəbbüsünü yüksək qiymətləndirib", - məlumatda deyilir.
"Görüşdə Papikyan orduda aparılan islahatlar, müdafiə sahəsində Ermənistan-Hindistan əməkdaşlığının gedişatı və perspektivləri barədə məlumat verib, həmçinin Milli Müdafiə Kollecinin nümayəndə heyətinin üzvlərinin hərbi sahədə mövcud vəziyyətlə bağlı suallarını cavablandırıb", - deyə qeyd olunub.
Regional təhlükəsizlik də müzakirə mövzusu olub.
30-08-2023, 13:55
Vətən müharibəsi şəhidimizin anası dünyasını dəyişdi
Vətən müharibəsi şəhidi Elnur Şirinzadənin anası Gültəkin Şirinova dünyasını dəyişib.
Bu barədə məlumat sosial şəbəkələrdə yayılıb.
Şəhidimizin anası Yevlax rayonunda vəfat edib.
1998-ci il təvəllüdlü Elnur Şirinzadə Memarlıq və İnşaat Universitetinin tələbəsi olub. O, 2020-ci ildə könüllü olaraq ordu sıralarına qoşulub. 44 günlük Vətən müharibəsi zamanı həlak olan hətbçimiz Yevlax rayonunun Şəhidlər xiyabanında dəfn olunub. O, “Vətən uğrunda” və “Suqovuşanın azad olunmasına görə” medalları ilə təltif edilib.
Allah rəhmət eləsin!
30-08-2023, 13:42
Ceyhun Bayramov qardaş ölkəni Zəfər günü münasibətilə təbrik etdi
Azərbaycanın xarici işlər naziri Ceyhun Bayramov qardaş Türkiyəni Zəfər günü münasibətilə təbrik edib.
Bu barədə nazir "X" (twitter) sosial şəbəkə hesabında yazıb.
"Bu gün qardaş Türkiyənin İstiqlal Savaşındakı əzm və qəhrəmanlığı ilə əldə edilmiş şanlı qələbəsinin təcəssümü olan Zəfər Bayramının 101-ci ildönümü qeyd olunur.
Bu münasibətlə təbriklərimi çatdırır, şəhidlərimizin müqəddəs xatirəsini dərin ehtiramla anıram", - paylaşımda qeyd olunub.
Qeyd edək ki, Türkiyədə 30 avqust Zəfər bayramı və Silahlı Qüvvələr Günüdür.
30-08-2023, 13:31
Azad edilmiş ərazilərdəki kütləvi məzarlıqlardan 500-ə yaxın insan qalığı tapılıb
Azərbaycan Respublikasının Əsir və İtkin Düşmüş, Girov Götürülmüş Vətəndaşlarla əlaqədar Dövlət Komissiyasının İşçi qrupunun topladığı şahid ifadələri və materiallar əsasında Xocavənd rayonunun Edilli kəndində aşkar edilən kütləvi məzarlıqda Ermənistan silahlı qüvvələri tərəfindən işğal dövründə girovluqda saxlanılarkən qətlə yetirilmiş 15-20 nəfər azərbaycanlı mülki şəxsin nəşinin 3 metr dərinlikdə basdırıldığı məlum olub. Eləcə də Edillidə tapılmış məzarlıqda basdırılmış Azərbaycan hərbi qulluqçularının əl və ayaqlarının məftil və ya kəndirlə bağlanması kimi faktlar aşkarlanıb.
Bu faktlar Azərbaycanın İnsan Hüquqları üzrə Müvəkkili (ombudsman) Səbinə Əliyevanın Birinci Qarabağ müharibəsi dövründə itkin düşmüş azərbaycanlılarla bağlı hazırladığı hesabatda öz əksini tapıb.
Qeyd edilib ki, bu istiqamətdə aparılmış növbəti tədbirlər zamanı Xocalı rayonu ərazisindəki Fərrux yüksəkliyində bir neçə insana aid naməlum meyit qalıqları aşkarlanıb. Fərrux kəndi yaxınlığında tapılmış qalıqların ekspertizası nəticəsində Ermənistan tərəfinin iddialarının əksinə olaraq, insanların heç bir qəbirüstü abidə və ya tanınma lövhəsi olmadan dəfn edildiyi və antropoloji təhlilə əsasən həmin insan qalıqlarının Azərbaycan türklərinə aid olduğu üzə çıxıb.
Əsir və İtkin Düşmüş, Girov Götürülmüş Vətəndaşlarla əlaqədar Dövlət Komissiyasında 62 nəfər Azərbaycan hərbçisi Birinci Qarabağ müharibəsi zamanı 1992-1993-cü illərdə Fərrux yüksəkliyi uğrunda döyüşlərdə itkin düşmüş şəxs kimi qeydiyyata alınıb. Eyni zamanda, toplanmış məlumatlara əsasən, Fərrux yüksəkliyinin yaxınlığında yerləşən, Xocalı rayonunun Pirlər kəndində 46, Ağdam rayonunun Əliağalı kəndində 11 nəfər Azərbaycan hərbçisi itkin düşüb.
Şuşada da bu günədək bir neçə kütləvi məzarlıq aşkarlanıb. Xüsusilə Şuşa həbsxanası ərazisində aşkarlanmış məzarlıqlarda insanlara işgəncə verilməsinin izləri aşkarlanmış, baş və bədənin ayrı basdırılması, qarın boşluğunda mismarların olması və sair kimi hallar məlum olub. İnsan qalıqlarının tapıldığı bu cür kütləvi dəfn yerlərindən sonuncusu isə çirkab quyusunda aşkarlanıb.
Ümumilikdə, azad edilmiş ərazilərdə aşkar edilmiş kütləvi məzarlıqlardan 500-ə yaxın insan qalığı tapılıb. Bu günədək aparılmış eyniləşdirmələr nəticəsində 4000-ə yaxın itkin düşmüş hesab edilən şəxsdən 15 nəfərin şəxsiyyəti müəyyən edilmiş, onların qalıqları ailələrinə təhvil verilərək adətlərə uyğun şəkildə dəfn mərasimləri keçirilib. Kütləvi məzarlıqlarda aşkar edilmiş qalıqlardan 4-ü mülki şəxslərə, qalanlar isə hərbi qulluqçulara aid olub. Aşkar olunmuş kütləvi məzarlıqlar və insan qalıqları Birinci Qarabağ müharibəsində ermənilərin törətdiyi cinayətlərin bariz nümunəsidir və Ermənistanın azərbaycanlılara qarşı apardığı soyqırımı siyasətini bir daha sübut edir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!