Xəbərlərin siyahısı: Avqust 2023 illər » Səhifə 41

13-08-2023, 10:24

Boksçularımız yarışları 10 medalla başa vurdu

Belarusda keçirilən II MDB Oyunlarında boks yarışlarına yekun vurulub.
Azərbaycan Boks Federasiyasından millimiz turniri 10 medalla başa vurub.
Komandamızın heyətində Aynur Mikayılova (54 kq), Məhəmmədəli Qasımzadə (60 kq), Ziya Həsənov (71 kq) və Fərhad Şeydayev (75 kq) gümüş mükafata sahib olublar.
Digər boksçularımızdan Ömər Aslanlı (54 kq), Aslan Quliyev (63,5 kq), Lalə Mədətova (48 kq), Aysu İsmayılova (50 kq), Nərmin Əlizadə (52 kq) və Qızbəs İsgəndər (60 kq) isə Oyunları bürünc medalla bitiriblər.
Yığmamız bu nəticə ilə komanda hesabında 5-ci yeri tutub. Qeyd edək ki, boksçularımız Bakıya avqustun 14-də qayıdacaqlar.

Boksçularımız yarışları 10 medalla başa vurdu

13-08-2023, 10:05

Səudiyyə Ərəbistanı Fələstinə səfir təyin etdi

Səudiyyə Ərəbistanının İordaniyadakı diplomatik missiyasının rəhbəri Naif əl-Sudeyri, eyni zamanda Fələstinə səfir təyin edilib.
Naif əl-Sudeyri etimadnaməsini Fələstin Prezidentinin diplomatik müşaviri Məcdi əl-Xalidiyə təqdim edib. Etimadnamələrin təqdimetmə mərasimi Fələstinin Əmmandakı səfirliyinin binasında baş tutub.
Qeyd edək ki, Əl-Sudeyri Səudiyyə Ərəbistanını Fələstində təmsil edən ilk diplomatdır.

Səudiyyə Ərəbistanı Fələstinə səfir təyin etdi

12-08-2023, 20:53

Türkiyədə meşə yanğını başladı

Türkiyənin Burdur vilayətində meşə yanğını başlayıb.
Yanğın vilayətin Bucak rayonunda baş verib.
Hadisənin səbəbi hələlik bəlli deyil.
Yanğının söndürülməsi üçün bölgəyə 2 helikopter, 5 təyyarə və çoxlu sayda canlı qüvvə cəlb edilib.

Türkiyədə meşə yanğını başladı

12-08-2023, 20:53

Türkiyədə meşə yanğını başladı

12-08-2023, 20:26

Zaxarova:“Krım körpüsünə hücumlar qəbuledilməzdir”

Ukrayna silahlı qüvvələrinin Krım körpüsünə hücumları cavabsız qalmayacaq.
Bunu Rusiya Xarici İşlər Nazirliyinin nümayəndəsi Mariya Zaxarova deyib .
“Biz bu terror aktlarını qətiyyətlə pisləyirik. Krım körpüsü sırf mülki infrastruktur obyektidir, ona hücumlar qəbuledilməzdir. Ötən ilin payızından bu cür hücumlara məruz qalıb", - o deyib.
Qeyd edək ki, bu gün, avqustun 12-nə keçən gecə körpüyə 20 pilotsuz uçuş aparatı ilə hücum edilib.
Daha sonra Rusiya Federasiyasının Müdafiə Nazirliyi körpünün üzərindən S-200 raketinin vurulması barədə məlumat yayıb.

Zaxarova:“Krım körpüsünə hücumlar qəbuledilməzdir”

12-08-2023, 19:20

Eyfel qülləsi bomba həyəcanı ilə boşaldıldı

Bu gün Fransanın paytaxtı Parisdə yerləşən Eyfel qülləsi bomba iddiasına görə boşaldılıb.
Naməlum şəxsin qüllədə bomba partladacağı barədə şayiələr yayılıb.
Məlumata görə, həmin şəxs bunu yerli televiziya kanallarından birinə zəng edərək bildirib.
Hadisədən sonra Eyfel qülləsində geniş təhlükəsizlik tədbirləri görülüb və daha sonra yenidən ziyarətçilərin üzünə açılıb.

Eyfel qülləsi bomba həyəcanı ilə boşaldıldı

12-08-2023, 19:11

Britaniya admiralı Kiyevə səfər etdi

Britaniya Müdafiə Qərargahının rəisi, admiral Toni Radakin Kiyevə səfər edib.
O, Ukrayna Silahlı Qüvvələrinin Ali Baş Komandanı Valeri Zalujnı ilə görüşüb.
Zalujnı Radakini döyüş meydanındakı vəziyyət, Ukrayna hərbçilərinin hücum və müdafiə hərəkətləri barədə məlumatlandırıb.
Ali rütbəli zabitlər Ukrayna ordusunun təcili ehtiyaclarını müzakirə ediblər.

Britaniya admiralı Kiyevə səfər etdi

12-08-2023, 18:28

Qazimiz qəzaya düşərək öldü

Ağcabədidə ölümlə nəticələnən yol nəqliyyat hadisəsi baş verib.
Hadisə rayonun Sarvanlar kəndi ərazisində qeydə alınıb.
Mirzəyev Racim Çingiz oğlunun idarə etdiyi "Mercedes" markalı avtomobil idarəetmədən çıxaraq dərəyə aşıb. Nəticədə R.Mirzəyev hadisə yerində həyatını itirib.
R. Mirzəyevin 44 günlük Vətən müharibəsinin iştirakçısı olduğu bildirilir. O, "Füzulinin azad olunmasına görə" ,"Cəbrayılın azad olunmasına görə", "Xocavəndin azad olunmasına görə", "Şuşanın azad olunmasına görə", "Cəsur döyüşçü", "Vətən müharibəsi iştirakçısı" medalları ilə təltif olunub.
Faktla bağlı araşdırma aparılır.

Qazimiz qəzaya düşərək öldü

12-08-2023, 18:11

Ermənilər Xocavənd istiqamətində mövqelərimizi atəşə tutdu

Avqustun 12-si saat 15:00-da Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Ordumuzun Xocavənd rayonu istiqamətində yerləşən mövqeləri atıcı silahlardan atəşə tutulub.
Bu barədə Müdafiə Nazirliyindən bildirilib.
Bölmələrimiz tərəfindən qeyd olunan istiqamətrdə adekvat cavab tədbirləri görülüb.

Ermənilər Xocavənd istiqamətində mövqelərimizi atəşə tutdu

12-08-2023, 17:24

Dövlət Gömrük Komitəsində yeni layihə

Dövlət Gömrük Komitəsinin (DGK) bu ilin avqust ayında pilot qaydada tətbiqinə başladığı yeni layihəylə “könüllü əməletmə” prinsipi əsasında fəaliyyət göstərən sahibkarların bəyannamələrinin 30 dəqiqə ərzində yoxlanılması və nəqliyyat vasitələrinin sürətli çıxışı təmin ediləcək.
Bu barədə DGK-nın məlumatında deyilir.
Bildirilir ki, ilkin mərhələdə 5 sahibkarın istifadə etdiyi layihədən hazırda 60 biznes subyekti faydalanmaqdadır.
Avqustun sonunadək isə fəaliyyətini qanunvericiliyə uyğun şəkildə quran 400-ə qədər şirkətin yeni layihədən istifadə etməsi planlaşdırılır.
Qeyd olunub ki, şəffaflıq, vətəndaş və sahibkar məmnuniyyəti gömrük orqanlarının əsas strateji hədəflərindəndir. Bu məqsədlə gömrük rəsmiləşdirilməsinin daha da sadələşdirilməsi, gömrük bəyannaməsinin doldurulması prosesinin təkmilləşdirilməsi, rəqəmsal həllərin tətbiqi hesabına vətəndaş-məmur təmasının minimuma endirilməsi istiqamətində mühüm addımlar atılır ki, bu da sahibkarlara vaxt və vəsaitə qənaət etmək baxımından əlavə imkanlar yaradır.

Dövlət Gömrük Komitəsində yeni layihə