24-04-2024, 17:21
Almaniyadan terrorla mübarizədə daha çox dəstək gözləyirik - Ərdoğan
"Biz indi müdafiə sənayesindəki məhdudiyyətləri tamamilə gündəmimizdən çıxarmaq istəyirik".
Bunu Türkiyə prezidenti Rəcəb Tayyib Ərdoğan deyib.
"Ümid edirəm ki, bundan sonra maneələrdən yox, birgə istehsaldan danışacağıq. Terrorla mübarizədə Almaniya rəsmilərindən daha çox dəstək və həmrəylik gözlədiyimizi ifadə etdik", - deyə o bildirib.
Qeyd edək ki, Almaniya prezidenti Frank-Valter Ştaynmayer Türkiyədə səfərdədir.
24-04-2024, 17:05
Sabiq baş pediatrın intiharı ilə bağlı cinayət işi açıldı
Sabiq baş pediatr Nəsib Quliyevin intiharı ilə bağlı cinayət işi başlanıb.
Bu barədə Baş Prokurorluğun Mətbuat xidməti məlumat yayıb.
Bildirilib ki, 1951-ci il təvəllüdlü Quliyev Nəsib Cəfər oğlunun aprelin 24-də yaşadığı evdə intihar etməsi faktı ilə bağlı rayon prokurorluğunda Cinayət Məcəlləsinin özünü öldürmə həddinə çatırma maddəsi ilə cinayət işi başlanıb.
Hadisənin baş vermə şəraiti, səbəbi ətraflı və obyektiv yoxlanılmaqla nəticəsi üzrə müvafiq qərarın qəbul edilməsi təmin olunacaq.
24-04-2024, 16:56
Özünü güllələyən sabiq baş pediatr ötən gün işdə olub
Xəbər verdiyimiz kimi, Respublikanın sabiq baş pediatrı, tibb elmləri doktoru, professor Nəsib Quliyev Abşeron rayonu ərazisində yerləşən yaşadığı evdə özünün güllələyib.
73 yaşlı pediatr Azərbaycan Tibb Universitetinin (ATU) Uşaq Xəstəlikləri Kafedrasında çalışırdı.
Universitetdən saytımıza bildirilib ki, son günlər Nəsib Quliyevin səhhətində heç bir problem müşahidə olunmayıb.
Məlumata görə, o, dünən, aprelin 23-də də universitetdə olub və dərsdə iştirak edib.
Qeyd edək ki, intiharla bağlı araşdırma aparılır. Baş Prokurorluqdan bildirilib ki, hadisənin baş vermə şəraiti və səbəbləri tam, hərtərəfli və obyektiv araşdırılmaqla müvafiq qərarın qəbul edilməsi təmin olunacaq.
24-04-2024, 16:48
Ukraynalı deputatlardan Nobel Komitəsinə müraciət: Vardanyanın namizədliyi rədd olunsun!
Ukraynalı deputatlar terrorçuluğu maliyyələşdirməyə görə hazırda Bakıda həbsdə saxlanılan qondarma “Artsaxın keçmiş dövlət naziri” Ruben Vardanyanın namizədliyini rədd etmək üçün Nobel Komitəsinə açıq müraciət ünvanlayıblar.
Ukraynalı parlamentarilər bildiriblər ki, nüfuzlu mükafata namizədlər siyahısında Vardanyanın yeri yoxdur.
Bu barədə Ukraynanın 5-ci kanalının məlumatında bildirilib.
Müraciəti imzalayanlar bəyan ediblər ki, onlar “terrorizm və separatizmi dəstəkləyən, korrupsiya qalmaqallarında iştirak edən, Rusiya təcavüzünün sponsoru və Ukraynanın düşməni olan şəxsin Nobel sülh mükafatına namizədliyini irəli sürməyi qəbuledilməz və absurddur.
Ukrayna KİV-i onu da xatırladıb ki, hələ 2019-cu ildə Avropa Parlamentinin 22 deputatı Vardanyanın Kremllə əməkdaşlığına görə sanksiyalar siyahısına daxil edilməsi təşəbbüsü ilə çıxış etmişdi.
Müraciətdə qeyd olunub ki, 2022-ci ildə ABŞ Konqresinin 46 üzvü Vardanyanı RT telekanalının rəhbəri Marqarita Simonyanla birlikdə sanksiya siyahısına daxil edib.
Vardanyanın Vladimir Zelenskinin fərmanı ilə Ukraynanın sanksiya siyahısına salındığı da bildirilib.
2023-cü ildə Ukraynanın Milli Təhlükəsizlik Xidməti Ruben Vardanyanın “Ukrayna və ya NATO ölkələrinin hüquq-mühafizə orqanlarına dərhal təhvil verilməli olduğunu” qeyd edib.
Nobel Komitəsi hələ ki ukraynalı parlamentarilərin məktubuna cavab verməyib.
24-04-2024, 16:40
2026-cı ilədək Şərqi Zəngəzura 40 min nəfər köçürüləcək
Müvafiq Dövlət Proqramına əsasən 2022-2026-cı illərdə Zəngilan, Cəbrayıl və Qubadlı rayonlarında 24 kənd, 5 qəsəbə və 3 şəhərin inşası planlaşdırılır. Hazırda Cəbrayıl şəhərində 712 mənzildən ibarət böyük bir kompleks artıq tikilir və 2 aydan sonra onun bir hissəsi təhvil veriləcək. Həmin bu kompleksə Cəbrayıl şəhərinin sakinləri qayıdacaqlar. Cəbrayıl rayonundakı kompleksə 712 ailənin köçürülməsi nəzərdə tutulur.
Bu barədə Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Laçında keçirilən "COP29 və Azərbaycan üçün Yaşıl Baxış” beynəlxalq forumunda deyib.
O vurğulayıb ki, hazırda Zəngilanda da böyük iş görülür:
“Zəngilan şəhərində də yaşayış evlərinin tikintisi həyata keçirilir. 13 binadan ibarət bir kompleks tikilir və sakinlərin 2024-2026-cı illərdə ora köçürülməsi planlaşdırılır. Rayonun Cahangirbəyli kəndində də hazırda tikinti işləri həyata keçirilir.
V.Hacıyev qeyd edib ki, həmçinin 2024-2026-cı illərdə Cəbrayıl rayonunun Horovlu qəsəbəsinə, Qubadlı rayonunun Mahruzlu və Zilanlı kəndlərində də artıq tikintilər başlanılıb və həmin bu kəndlərə də köç nəzərdə tutulur.
"2022-2026-cı illər üzrə Dövlət proqramına əsasən Cəbrayıl, Qubadlı və Zəngilana 40 min nəfər köçəcək. Bu proses mərhələli şəkildə həyata keçiriləcək. Ümumiyyətlə, işğaldan azad olunmuş ərazilər yaşıl zona elan edilib və bunun sayəsində bütün inzibati binalarda, qeyri-yaşayış sahələrinin üstündə günəş panelləri istifadə olunur. Bundan əlavə, Zəngilan rayonunun özündə 4 kiçik su elektrik stansiyası artıq fəaliyyət göstərir", - deyə Prezidentin nümayəndəsi bildirib.
24-04-2024, 16:40
2026-cı ilədək Şərqi Zəngəzura 40 min nəfər köçürüləcək
Müvafiq Dövlət Proqramına əsasən 2022-2026-cı illərdə Zəngilan, Cəbrayıl və Qubadlı rayonlarında 24 kənd, 5 qəsəbə və 3 şəhərin inşası planlaşdırılır. Hazırda Cəbrayıl şəhərində 712 mənzildən ibarət böyük bir kompleks artıq tikilir və 2 aydan sonra onun bir hissəsi təhvil veriləcək. Həmin bu kompleksə Cəbrayıl şəhərinin sakinləri qayıdacaqlar. Cəbrayıl rayonundakı kompleksə 712 ailənin köçürülməsi nəzərdə tutulur.
Bu barədə Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Laçında keçirilən "COP29 və Azərbaycan üçün Yaşıl Baxış” beynəlxalq forumunda deyib.
O vurğulayıb ki, hazırda Zəngilanda da böyük iş görülür:
“Zəngilan şəhərində də yaşayış evlərinin tikintisi həyata keçirilir. 13 binadan ibarət bir kompleks tikilir və sakinlərin 2024-2026-cı illərdə ora köçürülməsi planlaşdırılır. Rayonun Cahangirbəyli kəndində də hazırda tikinti işləri həyata keçirilir.
V.Hacıyev qeyd edib ki, həmçinin 2024-2026-cı illərdə Cəbrayıl rayonunun Horovlu qəsəbəsinə, Qubadlı rayonunun Mahruzlu və Zilanlı kəndlərində də artıq tikintilər başlanılıb və həmin bu kəndlərə də köç nəzərdə tutulur.
"2022-2026-cı illər üzrə Dövlət proqramına əsasən Cəbrayıl, Qubadlı və Zəngilana 40 min nəfər köçəcək. Bu proses mərhələli şəkildə həyata keçiriləcək. Ümumiyyətlə, işğaldan azad olunmuş ərazilər yaşıl zona elan edilib və bunun sayəsində bütün inzibati binalarda, qeyri-yaşayış sahələrinin üstündə günəş panelləri istifadə olunur. Bundan əlavə, Zəngilan rayonunun özündə 4 kiçik su elektrik stansiyası artıq fəaliyyət göstərir", - deyə Prezidentin nümayəndəsi bildirib.
24-04-2024, 16:37
Əfv Komissiyasının iclası keçirilib - Müraciətlərin sayı 300-ə çatdı
Azərbaycan Prezidenti yanında Əfv Məsələləri Komissiyasının növbəti iclası keçirilib.
İclasda 100-dən artıq müraciətə baxılıb.
Bununla da Komissiyanın iclaslarında baxılan müraciətlərin sayı 300-ü keçib.
Qeyd edək ki, komissiyanın iclasları 28 May – Müstəqillik Günü ilə əlaqədar nəzərdə tutulan əfvlə bağlı keçirilir.
24-04-2024, 15:58
Bu il Cəbrayıla 712 ailə köçürüləcək
Bu il Cəbrayılda 712 mənzildən ibarət böyük bir kompleks tikilir və iki aydan sonra bir hissəsi təhvil veriləcək. Bu kompleksə 712 ailənin köçürülməsi planlaşdırılır.
Bu barədə jurnaıistlərə Azərbaycan Respublikası Prezidentinin Cəbrayıl, Qubadlı və Zəngilan rayonlarında xüsusi nümayəndəsi Vahid Hacıyev deyib.
O qeyd edib ki, ümumilikdə 2022-2026-cı illəri əhatə edən Dövlət Proqramına əsasən, Zəngilan, Cəbrayıl və Qubadlıda 24 kənd, 5 qəsəbə və 3 şəhərin tikilməsi planlaşdırlır.
“Zəngilanda da evlərin tikilməsi davam edir. Artıq 13 binadan ibarət kompleks tikilir və bu il Zəngilan şəhərinə də sakinlər köçəcək. Rayonun Cahangirbəyli kəndində hazırda tikinti işləri həyata keçirilir və əhalinin köçürülməsi planlaşdırılır. Qubadlı rayonunun Mahruzlu və Zilanlı kəndlərində də artıq tikinti başlanılıb və həmin kəndlərə köç nəzərdə tutulur”, - deyə o əlavə edib.
V.Hacıyev əlavə edib ki, ümumilikdə 2022-2026-cı illərdə Zəngilan, Cəbrayıl və Qubadlı rayonlarına 40 min nəfərin köçürülməsi nəzərdə tutulur.
24-04-2024, 15:50
Sabiq erməni nazir Azərbaycanla sərhədə gəldi
Ermənistan parlamentinin müxalif “Hayastan” fraksiyasının rəhbəri, keçmiş müdafiə naziri Seyran Ohanyan Azərbaycanla sərhədə gəlib.
Bu barədə "Sputnik Armenia" məlumat yayıb.
O, fraksiyadan olan bir sıra digər deputatlarla birgə Kirantsın Tavuş kəndinə gəliblər.
Deputatlar ərazilərin delimitasiyasına qarşı etiraz aksiyasının iştirakçıları ilə görüşüblər.
24-04-2024, 15:35
Ərdoğan alman həmkarıyla görüşdü
Türkiyə Prezidenti Rəcəb Tayyib Ərdoğan Ankarada Almaniya Prezidenti Frank Valter-Ştaynmayerlə görüşüb.
Məlumatı “TRT Haber” yayıb.
Məlumata görə, səfər prezidentlərin təkbətək görüşü ilə davam edib. Daha sonra Rəcəb Tayyib Ərdoğan və Frank Valter-Ştaynmayerin başçılığı ilə nümayəndə heyətlərinin görüşü başlayacaq.
Qeyd edək ki, Almaniya Prezidenti aprelin 22-dən Türkiyədə səfərdədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!