Bir ömrün halallıq simfoniyası .....                        Azərbaycan Mətbuat Şurasının yaranması .....                        "Mançester Yunayted” qalib oldu .....                        "KamAZ" sürücünün üstünə aşdı .....                        İlham Əliyev mühüm qanunu təsdiqlədi .....                        Əfv sərəncamı 154 nəfərə şamil edilib .....                        Rusiyadan bu ölkəyə gedən miqrantlar geri göndəriləcək .....                        Bayden Azərbaycanın Ukraynaya yardımını yüksək qiymətləndirdi .....                        Şuşada 18 memarlıq abidəsi bərpa edilib .....                       
19-04-2024, 23:36
NATO müttəfiqləri Ukraynayla bağlı razılığa gəldi


NATO müttəfiqləri Ukraynayla bağlı razılığa gəldi

NATO müttəfiqləri Ukraynaya hava hücumundan müdafiəni gücləndirməyə kömək etməyə razılaşıblar.
Bu barədə NATO-nun baş katibi Yens Stoltenberq Ukrayna-NATO Şurasının yekunlarına dair mətbuat konfransında məlumat verib.
Baş katibin sözlərinə görə, Şuranın iclasında iştirak edən Ukrayna Prezidenti Volodimir Zelenski müttəfiqləri döyüş meydanındakı vəziyyət və Ukraynanın hava hücumundan müdafiəsini gücləndirməyin zəruriliyi barədə məlumatlandırıb.
“NATO-nun müdafiə nazirləri hava hücumundan müdafiəni gücləndirmək də daxil olmaqla, daha çox hərbi dəstək verməyə razılaşıblar. NATO Alyans daxilində mövcud imkanların siyahısını hazırlayıb və buna görə də mən hava hücumundan müdafiə sistemləri ilə bağlı yeni açıqlamalar gözləyirəm. Bunlar yaxın gələcəkdə Ukraynanın müdafiə qabiliyyətini artıracaq”, - deyə Stoltenberq bildirib.
O, Almaniyanın əlavə “Patriot” hava hücumundan müdafiə sistemini Ukraynaya ötürmək qərarını alqışlayıb. Baş katibin qeyd etdiyi kimi, müttəfiqlər “Patriot”la yanaşı, SAMP-T zenit-raket kompleksini də ötürə bilərlər.
Mövcud sistemləri olmayan bir çox müttəfiqlər onları Ukrayna üçün əldə etmək məqsədilə maliyyə dəstəyi verməyi təklif ediblər.
“Biz təkcə hava hücumundan müdafiəni müzakirə etmədik. Müdafiə nazirləri, həmçinin Ukraynanın digər ehtiyaclarını, o cümlədən 155 mm-lik mərmilər, uzaq mənzilli imkanlar və dronları müzakirə ediblər. Hər bir NATO müttəfiqi nə təmin edəcəyinə özü qərar verəcək. Bir sıra müttəfiqlər görüş zamanı konkret öhdəliklər götürüblər və indi töhfələri yekunlaşdırırlar. Mən gözləyirəm ki, bu, tezliklə elan olunacaq", - deyə baş katib əlavə edib.
Xatırladaq ki, Rusiya işğalçılarının Ukraynaya raket və dron hücumlarını intensivləşdirməsindən sonra Prezident Volodimir Zelenski Kiyevin Ukrayna-NATO Şurasının iclasını çağıracağını açıqlamışdı.
19-04-2024, 22:37
İstanbulda torpaq sürüşməsi baş verdi


İstanbulda torpaq sürüşməsi baş verdi

İstanbulun Qaziosmanpaşa rayonunda yerləşən bir gecəqondu məhəlləsində torpaq sürüşməsi baş verib.
Bu barədə İstanbul Valiliyi açıqlama yayıb.
Məlumata əsasən, hadisə zamanı 14 tikiliyə ciddi zərər dəyib, onlardan üçü tamamilə dağılıb.
Qabaqlayıcı tədbirlər çərçivəsində bölgədən 70 nəfər təxliyə edilib. Xəsarət alan yoxdur.
19-04-2024, 22:22
“Nərimanov” stansiyasında bədbəxt hadisə


“Nərimanov” stansiyasında bədbəxt hadisə

Bakı Metropoliteninin "Nərimanov" stansiyasında 65-70 yaşlarında kişi sərnişin ehtiyatsızlıq etdiyindən stansiya yoluna düşüb.
Bu barədə "Bakı Metropoliteni" QSC-dən məlumat verilib.
Qeyd olunub ki, Bakı metropoliteninin normativ tələblərinə uyğun olaraq, dərhal yüksək gərginlik çıxarılıb, təcili tibbi yardım dəvət olunub.
Dispetçer mərkəzi müvafiq ehtiyat tədbirləri görərək, "Gənclik-Nərimanov" mənzili ilə hərəkət edən qatarın maşinistinə vəziyyətlə əlaqədar müvafiq təlimatı verib.
Sərnişin stansiya yolundan çıxarılıb. Sərnişinə ilkin yardım göstərilib, zədə aldığı məlum olub. Təcili yardım personalı ilkin tibbi xidməti göstərdikdən sonra sərnişini aidiyyəti üzrə tibb müəssisəsinə aparıb.
Qatarlararası interval pozuntusuna yol verilməyib.
19-04-2024, 21:21
Aİ Qazaxın 4 kəndinin qaytarılmasını alqışlayır


Aİ Qazaxın 4 kəndinin qaytarılmasını alqışlayır

Avropa İttifaqı Azərbaycanla Ermənistan arasında danışıqları və dayanıqlı həlli tam dəstəkləyir.
Bunu Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toyvo Klaar "X" hesabında bildirib.
"Bu gün Ermənistan və Azərbaycan sərhəd komissiyalarının işi, hüquqi sənədlər və 1991-ci il Almatı sazişi əsasında delimitasiya prosesinin başlanması ilə bağlı ümidverici xəbərlər oldu. Aİ danışıqlar prosesini, hərtərəfli və dayanıqlı həll hədəfini tam dəstəkləyir", Klaar bildirib.
19-04-2024, 21:12
Sadiq Qurbanov nüfuzlu beynəlxalq tədbirdə məruzəçi olub


Sadiq Qurbanov nüfuzlu beynəlxalq tədbirdə məruzəçi olub

Milli Məclisin Təbii ehtiyatlar, energetika və ekologiya komitəsinin sədri - Dos. Dr. Sadiq Qurbanov 4-5 aprel tarixlərində keçirilmiş “International Scientific Conference on Economic and Social Development "Green Economy & Sustainable Development" beynəlxalq tədbirdə onlayn formada “Dayanıqlı ENERJİYƏ DOĞRU: QLOBAL KONTEKSTdə AZƏRBAYCAN” (TOWARDS SUSTAINABLE ENERGY: AZERBAIJAN IN A QLOBAL CONTEXT) mövzusunda məruzəçi statusunda iştirak edib.
Məlumat üçün bildirək ki, beynəlxalq tədbirin nəşr etdiyi kitab CPCI (WoS), EconLit, ABI Inform (by ProQuest), EBSCO and EconBIZ kimi elmmetrik bazalarda indekslənir.
Məruzəçi, Müasir Azərbaycanın adının neftlə sıx bağlı olmasına baxmayaraq, hazırda Azərbaycan böyük bərpaolunan enerji potensialına malik olan güclü ölkə olduğunu və ölkəmiz regionda yaşıl enerjiyə keçid modeli tətbiqi üzrə öndədir və qlobal iqlim dəyişmələrinin fəsadlarına qarşı mübarizəyə böyük töhfə verir. S.Qurbanov konfrans iştirakçılarının nəzərinə, iqlim dəyişmələrinə qarşı qlobal mübarizədə beynəlxalq həmrəyliyin gücləndirilməsi məqsədilə “Azərbaycan Respublikasında 2024-cü ilin “Yaşıl dünya naminə həmrəylik ili” elan olunması barədə” Sərəncamın mahiyyəti barədə məlumat verib. Təsadüfi deyildir ki, Prezident İlham Əliyev tərəfindən təsdiq edilmiş "Azərbaycan 2030: sosial-iqtisadi inkişafa dair Milli Prioritetlər"də 5-ci prioritet "Təmiz ətraf mühit və "yaşıl artım" ölkəsi" adlanır.
Sənəddə ekoloji təmiz texnologiyaların tətbiqinə əhəmiyyətli yer verilməsi, tullantıların təkrar emalı və çirklənmiş ərazilərin bərpasının təşviqi, ekoloji baxımdan əlverişli olan "yaşıl" texnologiyaların tətbiqinin genişləndirilməsi ilə bağlı qarşıya konkret tapşırıqlar qoyulub.
Azərbaycanın beynəlxalq arenada şəksiz nüfuzunun məntiqi nəticəsi Bakının dünyanın ən iri və nüfuzlu tədbirlərindən birinin - BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına – COP29-a ev sahibi seçilməsini qeyd edib.
Məruzəçi Azərbaycanın Avropanın enerji təhlükəsizliyinin təminatında ölkəmiz rolu üzərindən xüsüsi qeydlər edib və ölkəmizin “yaşıl” enerjinin ixracı barədə də açıqlamalar verilib. Beləliklə, Azərbaycanın qlobal dünyada və regionda sülhü, sabitliyi və təhlükəsizliyi dəstəkləyini arqument və faktlarla ortaya qoyub.


19-04-2024, 20:30
Martın 17-də keçirilən buraxılış imtahanının nəticələri elan olundu


Martın 17-də keçirilən buraxılış imtahanının nəticələri elan olundu

Ümumi (9 illik) orta təhsil səviyyəsi üzrə 2024-cü il martın 17-də keçirilən buraxılış imtahanının nəticələri elan olunub.
Bu barədə Dövlət İmtahan Mərkəzi məlumat yayıb.
İmtahanda iştirak edən 9-cu sinif şagirdləri verilmiş keçidə (//www.e-gov.az/az/services/read/2641/0?tqdk_xdm=19) daxil olaraq iş nömrəsi və şəxsiyyəti təsdiq edən sənədin nömrəsindən (və ya FİN kodundan) istifadə etməklə öz imtahan nəticələri, cavab vərəqinin qrafik təsviri ilə tanış ola bilərlər. İmtahan iştirakçıları iş nömrələrini buradan öyrənə bilərlər.
Şagirdlər imtahan nəticələri haqqında məlumatı (hər fənn üzrə ümumi balı) mobil operatorlar (Azercell, Bakcell, Nar, Naxtel) vasitəsilə bu imtahan üçün nəzərdə tutulan buraxılış vərəqəsində göstərilən kodu 7727 nömrəsinə göndərməklə də öyrənə bilərlər.
Yazı işlərinin (açıq tipli tapşırıqların cavabları) yoxlanılması prosesi onlayn şəkildə həyata keçirilib. Belə ki, hər marker yoxlama prosesinə öz evindən qoşularaq proqramın onun kompüterinə təsadüfi göndərdiyi işləri yoxlayıb. Qeyd edək ki, onlayn (evdən) yoxlama prosesində üztanıma texnologiyası tətbiq edilib və yoxlama prosesinin bütün tələblərinə (meyarların təkmilləşdirilməsi, işlərin şifrələnməsi, markerlərin hər tapşırıq üzrə yoxlamadan əvvəl kalibrləmədə iştirak etməsi, yoxlama ərzində "seeding" (markerlərə sayıqlığı itirməmək üçün əvvəlcədən hazırlanan və kalibrə edilən sualların mütəmadi olaraq göndərilməsi) prosesinin tətbiqi, işlərin markerlərə proqram tərəfindən təsadüfi göndərilməsi, imtahan protokollarının araşdırılması və s.) əməl olunub.
Yazı işlərinin onlayn (evdən) yoxlanılması üçün proqram təminatı Dövlət İmtahan Mərkəzinin mütəxəssisləri tərəfindən hazırlanıb.
Bu imtahanlarda iştirakı nəzərdə tutulan 46741 nəfərdən 485 nəfər imtahana gəlməyib. Tələb olunan imtahan qaydalarını pozduğu üçün 5 nəfərin nəticəsi ləğv olunub.
İmtahan iştirakçıları arasında 6 nəfər (siyahı) maksimal olan 300 bal toplamaqla ən yüksək nəticəni göstərib.
İmtahan nəticələri ilə bağlı müraciətlərə baxılması üçün DİM-də Apellyasiya Komissiyası fəaliyyət göstərəcək. Apellyasiya Komissiyasına müraciət etmək istəyənlər 30 aprel və 1, 2 may tarixlərində DİM-in saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan Apellyasiya Komissiyasına müraciət edə bilməyəcəklər. Elektron ərizədə haqqında müraciət edilən tapşırığın nömrəsi seçilməli, onunla bağlı müraciətin məzmunu yazılmalı və meyarın hansı bəndinə uyğun hesab edildiyi göstərilməlidir. Elektron ərizədə müraciətin məzmunu qeyd olunmadığı halda ərizə qəbul edilmir və həmin müraciət araşdırılmır. Apellyasiya prosesi aşağıdakı ardıcıllıqla aparılır:
Apellyasiya Komissiyası tərəfindən haqqında müraciət olunan bütün işlər araşdırılır;
Şagirdlərin müraciət etdikləri tapşırıqlar üzrə ekspert rəyi (yazılı şəkildə) apellyasiya ərizələrinə əlavə edilir;
Şagirdlərin apellyasiya ərizələrində qeyd etdikləri telefon nömrəsinə apellyasiya prosesinin başa çatması ilə bağlı “sms” göndərilir.
Bundan sonra şagirdlər apelyasiya.dim.gov.az saytında ərizələrinə daxil olaraq apellyasiyanın nəticəsi ilə tanış ola və ekspert rəyini oradan çap edə bilərlər.
Cavab vərəqində təlimata uyğun olmayan formada qeyd olunmuş cavablar, o cümlədən cavabın optik qurğu tərəfindən səhv kimi nəzərə alınması ilə nəticələnən düzəlişlərlə (məsələn qapalı sualda iki dairənin qaralanması və s.) bağlı müraciətlərə baxılmayacaq.
Apellyasiya Komissiyasına müraciət etməmişdən əvvəl şagirdlər DİM-in saytında, imtahan nəticələri ilə bağlı səhifədə öz nəticələri, cavab vərəqinin qrafik təsviri, hər bir açıq tipli tapşırıq üzrə qiymətləndirmə meyarları ilə tanış ola bilərlər. Ötən imtahanların təcrübəsi göstərir ki, apellyasiya üçün ərizə yazanların təqribən 15%-i ümumiyyətlə tapşırığa cavab verməyib və ya öz cavabı ilə mümkün doğru cavabları, qiymətləndirmə şkalasını müqayisə edib tanış olmadan komissiyaya müraciət ediblər. Abituriyentlərin nəzərinə çatdırırıq ki, bu tip müraciətlərə baxılmayacaq.
19-04-2024, 19:51
Milli Məclisin plenar iclasında nələr müzakirə olundu..


Milli Məclisin plenar iclasında nələr müzakirə olundu..

Aprelin 19-da Sahibə Qafarovanın sədrliyi ilə Milli Məclisin yaz sessiyasında növbəti plenar iclası keçirilib.
İclasın gündəliyi qəbul edildikdən sonra cari məsələlərin müzakirəsi aparılıb.
Müzakirələrdə parlamentin komitə sədri Zahid Oruc, deputatlar Sahib Alıyev, Razi Nurullayev, Nizami Səfərov, Azər Badamov, Ceyhun Məmmədov, Fəzail Ağamalı, Musa Qasımlı, Bəhruz Məhərrəmov, Etibar Əliyev çıxış ediblər.
Deputatlar Fransanın Azərbaycandakı səfirinin məsləhətləşmələr üçün geri çağırılması məsələsinə münasibətlərini bildiriblər.
Müzakirələrdə, habelə Azərbaycanın Qarabağ bölgəsində müvəqqəti yerləşdirilən Rusiya sülhməramlı kontingentinin ölkəmizdən çıxarılması məsələsinə toxunulub. Bildirilib ki, bu, Prezident İlham Əliyevin qətiyyətli və prinsipial siyasətinin nəticəsidir. Vurğulanıb ki, ABŞ-ın bu proseslə bağlı qeyri-obyektiv mövqeyi təəssüf doğurur.
Gündəliyində 14 məsələnin yer aldığı iclasın birinci məsələsi Hesablama Palatasının 2023-cü ildə fəaliyyəti haqqında hesabatı olub. Hesabatı Palatanın sədri Vüqar Gülməmmədov təqdim edib. O bildirib ki, 2023-cü il üzrə hesabat “Hesablama Palatası haqqında” Qanuna, “Azərbaycan Respublikası Milli Məclisinin Daxili Nizamnaməsi”nə əsasən, beynəlxalq standartların tələbinə uyğun olaraq hazırlanıb.
Parlamentin İqtisadi siyasət, sənaye və sahibkarlıq komitəsinin sədri Tahir Mirkişili hesabatla bağlı fikirlərini açıqlayıb.
Məsələ ətrafında müzakirələrdə çıxış edən deputatlar hesabatla bağlı fikir və qeydlərini açıqlayıblar. Parlamentin komitə sədri Tahir Mirkişili, Hesablama Palatasının sədri Vüqar Gülməmmədov səsləndirilən fikirlərə münasibət bildiriblər.
Sonra Hesablama Palatasının 2023-cü ildə fəaliyyəti haqqında hesabat səsə qoyularaq nəzərə alınıb.
Milli Məclisin sədri Sahibə Qafarova gündəliyin növbəti altı məsələsinin üçüncü oxunuşda qanun layihələri olduğunu bildirib.
Hüquq siyasəti və dövlət quruculuğu komitəsinin üzvü Kamal Cəfərov “Dövlət vergi orqanlarında xidmət haqqında Əsasnamə”də, Əmək və sosial siyasət komitəsinin sədr müavini Məlahət İbrahimqızı “Əmək pensiyaları haqqında” Qanunda, Hüquq siyasəti və dövlət quruculuğu komitəsinin üzvü Əminə Ağazadə İnzibati Xətalar Məcəlləsində, komitə sədri Tahir Mirkişili Vergi Məcəlləsində, “Sosial sığorta haqqında”, “Gömrük tarifi haqqında”, “Reklam haqqında” qanunlarda, həmçinin Mülki Məcəllədə və “İpoteka haqqında” Qanununda dəyişiklik edilməsi barədə qanun layihələrini təqdim ediblər. Bu sənədlərlə bağlı müvafiq komitələrin rəyləri dinlənildikdən sonra qanun layihələri üçüncü oxunuşda qəbul edilib.
Gündəliyin növbəti məsələsi “Media haqqında” Qanunda dəyişiklik edilməsi barədə (üçüncü oxunuş) qanun layihəsi olub. Sənəd Naxçıvan Muxtar Respublikasının Ali Məclisi tərəfindən qanunvericilik təşəbbüsü qaydasında Milli Məclisə təqdim edilib.
Məsələ barədə İnsan hüquqları komitəsinin sədri Zahid Oruc məlumat verib.
Milli Məclis sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli sənədlə bağlı bu komitənin müsbət rəyini diqqətə çatdırıb və qanun layihəsi üçüncü oxunuşda səsə qoyularaq qəbul edilib.
Sonra ikinci oxunuşda olan beş məsələ təqdim edilib.
Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov “Azərbaycan Respublikası Silahlı Qüvvələri Daxili xidmət nizamnaməsinin təsdiq edilməsi haqqında”, “Tarix və mədəniyyət abidələrinin qorunması haqqında”, “Cinayət törətmiş şəxslərin verilməsi (ekstradisiya) haqqında” və “Mədəniyyət haqqında” qanunlarda, Əmək və sosial siyasət komitəsinin üzvü Arzu Nağıyev “Sosial sığorta haqqında” Qanunda və Vergi Məcəlləsində dəyişiklik edilməsi haqqında qanun layihələri barədə məlumat veriblər.
Müvafiq komitələrin rəyləri səsləndirildikdən sonra qanun layihələrə səsə qoyularaq ikinci oxunuşda qəbul olunub.
Növbəti iki məsələ - “Təhsil haqqında” və “Şəhid adının əbədiləşdirilməsi və şəhid ailələrinə edilən güzəştlər haqqında”, “Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında”, “Veteranlar haqqında”, “Qaçqınların və məcburi köçkünlərin (ölkə daxilində köçürülmüş şəxslərin) statusu haqqında”, “Valideynlərini itirmiş və valideyn himayəsindən məhrum olmuş uşaqların sosial müdafiəsi haqqında”, “Peşə təhsili haqqında” və “Əlilliyi olan şəxslərin hüquqları haqqında” qanunlarında dəyişiklik edilməsi barədə qanun layihələri Prezidentin bir məktubu ilə Milli Məclisə daxil olub.
Bu sənədlər haqqında məlumatı parlamentin Elm və təhsil komitəsinin sədri Bəxtiyar Əliyev verib.
Müzakirələrdə iştirak edən deputatlar məsələ ilə bağlı bəzi fikir və qeydlərini söylədikdən sonra qanun layihələri ayrı-ayrılıqda səsə qoyularaq ikinci oxunuşda qəbul edilib.
Səhiyyə komitəsinin sədri Əhliman Əmiraslanov “Dərman vasitələri haqqında” Azərbaycan Respublikasının Qanununda dəyişiklik edilməsi barədə” Qanunun icrası ilə əlaqədar bəzi qanunlarda dəyişiklik edilməsi haqqında qanun layihəsini (birinci oxunuş) təqdim edib.
Hüquq siyasəti və dövlət quruculuğu komitəsinin sədri Əli Hüseynli, Əmək və sosial siyasət komitəsinin üzvü İlham Məmmədov, İqtisadi siyasət, sənaye və sahibkarlıq komitəsinin sədri Tahir Mirkişili məsələ ilə əlaqədar bu komitələrin müsbət rəy verdiyini bildirdikdən sonra qanun layihəsi səsə qoyularaq ikinci oxunuşda qəbul olunub.
Milli Məclisin sədri Sahibə Qafarova gündəliyin son iki məsələsinin birinci oxunuşda qanun layihələri olduğunu vurğulayıb.
Hüquq siyasəti və dövlət quruculuğu komitəsinin üzvü Nurlan Həsənov “Ədliyyə orqanlarında qulluq keçmə haqqında” Qanunda dəyişiklik olunması barədə və “Xəzər dənizinin (gölünün) Azərbaycan Respublikasına mənsub olan bölməsində süni torpaq sahələrinin yaradılması haqqında” qanun layihəsini (birinci oxunuş) təqdim edib.
Komitə sədrləri Tahir Mirkişili, Tahir Rzayev və Sadiq Qurbanov bu komitələrdə də məsələnin geniş müzakirə olunduğunu və müsbət rəy verildiyini diqqətə çatdırıblar.
Qanun layihəsi səsə qoyularaq birinci oxunuşda qəbul edilib.
Bununla da Milli Məclisin bugünkü plenar iclası başa çatıb.
19-04-2024, 19:42
Bu saytın rəhbəri həbs olundu


Bu saytın rəhbəri həbs olundu

“Məclis.info” saytının rəhbəri İmran Əliyev həbs edilib.
Xətai Rayon Məhkəməsi belə qərar qəbul edib.
Qərara əsasən İ.Əliyev haqda 2 ay 1 günlük həbs qətimkan tədbiri seçilib.
Qeyd edək ki, sayt rəhbəri ötən gün hava limanında saxlanılıb. Ona qarşı Cinayət Məcəlləsinin 206.3.3-cü (qaçaqmalçılıq-vəzifəli şəxs tərəfindən öz qulluq mövqeyindən istifadə edilməklə törədildikdə) maddəsi ilə ittiham irəli sürülüb.
19-04-2024, 19:26
“Sumqayıt” rəqibini darmadağın etdi - 4:1


“Sumqayıt” rəqibini darmadağın etdi - 4:1

Bu gün futbol üzrə Azərbaycan Premyer Liqasında XXXI tura start verilib.
İlk oyun günündə bir qarşılaşma baş tutub. "Turan Tovuz" doğma meydanda "Sumqayıt"la üz-üzə gəlib. Tovuz şəhər stadionunda keçirilən matç qonaqların 4:1 hesablı qələbəsi ilə yekunlaşıb.
Bu nəticədən sonra xallarını 47-yə çatdıran “Sumqayıt” ikinci pilləyə yüksəlib. “Turan Tovuz” isə 42 xalla altıncı pillədə qalıb.
Qeyd edək ki, turun digər görüşləri aprelin 20-21-də baş tutacaq.
19-04-2024, 18:44
Azad edilən kəndlərin icra nümayəndəsi danışdı


Azad edilən kəndlərin icra nümayəndəsi danışdı

Qazax rayonun Ermənistanın işğalı altında olan 4 kəndinin Azərbaycana qaytarılması barədə razılıq əldə edilib.
Delimitasiya prosesinin ilkin mərhələsində Tərəflər sərhəd xəttinin ayrı-ayrı hissələrinin Sovet İttifaqı çərçivəsində onun süqutu dövrünə mövcud olduğu hüquqi cəhətdən əsaslandırılmış respublikalararası sərhədə uyğun olaraq Bağanis (ER) - Bağanıs Ayrım (AR), Voskepar (ER) - Aşağı Əskipara (AR), Kirants (ER) – Xeyrımlı (AR) və Berkaber (ER) - Qızılhacılı (AR) yaşayış məntəqələri arasında bilavasitə keçməsini razılaşdırıblar.
Həmçinin qərara alınıb ki, sərhəd xəttinin bu hissələrinin təsviri koordinatları yerdəki geodeziya ölçmələrinə əsaslanaraq dəqiqləşdirilməsi nəzərə alınmaqla tərtib edilsin və bu, Tərəflər arasında 15 may 2024-cü il müddətinədək müvafiq Protokol-təsvirlə sənədləşdirilərək razılaşdırılmalı və imzalanmalıdır.
Şübhəsiz ki, Qazaxın kəndlərinin qaytarılması Azərbaycan diplomatiyasının növbəti qələbəsi və Prezident İlham Əliyevin ardıcıl siyasətinin təntənəsidir.
Qazax Rayon İcra Hakimiyyətinin başçısının Aşağı Əskipara kənd inzibati ərazi dairəsi üzrə nümayəndəsi bu qələbəylə bağlı fikirlərini bölüşüb.
O qeyd edib ki, kənd sakinləri bu xəbəri çox sevinclə qarşılayıb.
“Xəbər çıxandan kəndin sakinləri mənimlə əlaqə saxlayırlar. Əlbəttə hamımız bu xəbəri çox sevinclə qarşıladıq. Kəndimizin sakinlərin çox hissəsi Qazax şəhərində məskunlaşıb. Bir hissəsi isə dövlət tərəfindən Qazaxbəyli kəndində salınan yeni qəsəbədə məşkunlaşıb. Kəndin nümayəndəliyi indi Qazax rayonunda fəaliyyət göstərir”, - icra nümayəndəsi deyib.
47 yaşlı icra nümayəndəsi vurğulayıb ki, kənd işğal olunanda o, hələ 15 yaşında olub.
“O hadisələri dəhşətlə yaxşı xatirlayıram. Ermənilər bu proseslərə 1988-ci ildən başladılar. 1990-ci ildə bizim qonşu kəndi Bağanıs Ayrım kəndini yandırdılar. Sonra onlar oradan çıxdılar. 1992-ci ilin mart ayının 11-dən 12-sinə keçən gecə kənddə atışma oldu. Uşaqlar qadınlar kənddən çıxarıldı. Gəldik rayonun özünə… Ermənilər kəndə basqın etdilər. Daha sonra iyun ayının 14-də yenidən hücüma keçdilər. Bizim silahlarımız yox idi. Tankla hücuma keçdilər. Bir gündə kəndə bəlkə də 200-ə yaxın top düşürdü. Kəndimizdə 15 nəfərdən çox insan şəhid oldu. Yaralananlar da çox idi”.
İcra nümayəndəsinin sözlərinə görə, o vaxtı kəndin əhalisinin sayı 1096 idi, indi isə 1515-dir:
“Bizim hər zaman ümidimiz var idi ki, kəndə qayıdacağıq. Qonşu kəndlərdən gedib kəndimizə baxırdıq. Oranı tamamən dağıdıblar. Bizim evimiz traktorla uçurdublar.
Bizə bu xoşbəxtliyi yaşatdığına görə Cənab Prezidentimizə sonsuz minnətdarıq. Prezidentimizin rəhbərliyi ilə hələ Azərbaycan çox böyük uğurlara imza atacaq. Biz artıq xoşbəxt xalqıq. Siz bu dörd kənd sakinlərinin necə sevinindiklərini təsəvvür edirsinizmi”.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Aprel 2024    »
BeÇaÇCaCŞB
1234567
891011121314
15161718192021
22232425262728
2930 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!