10-04-2024, 23:41
Odessa bombalandı: 4 nəfər öldü
Aprelin 10-da axşam saatlarında Rusiya Ukraynanın Odessa vilayətinə raket zərbəsi endirib. Nəticədə 4 nəfər ölüb.
Bu barədə Odessa Vilayət Dövlət Administrasiyasının rəhbəri Oleq Kiper məlumat yayıb.
“Rusların axşam saatlarında Odessa vilayətinə raket hücumu nəticəsində biri uşaq - 10 yaşlı qız olmaqla, 4 nəfər həlak olub, 7 nəfər yaralanıb. Yaralılardan bir nəfərin vəziyyəti ağırdır. Həkimlər mümkün olan hər şeyi edirlər”, - deyə Kiper əlavə edib.
Onun sözlərinə görə, Odessa bölgəsinə “İskəndər-M” ballistik raketləri ilə hücum olunub. Nəticədə Odessa vilayətində nəqliyyat infrastrukturuna və yaxınlıqdakı yük maşınlarına ziyan dəyib.
10-04-2024, 22:25
Ermənistanda Rusiya kanalları bağlana bilər
Ermənistan Rusiya ilə kütləvi kommunikasiyalar sahəsində əməkdaşlıq haqqında sazişi birtərəfli qaydada ləğv edə bilər.
Bunu Ermənistan yüksək texnologiyalı sənaye naziri Mxitar Hayrapetyan bildirib.
O qeyd edib ki, Ermənistan növbəti həftə Rusiya tərəfinə sazişə düzəlişlər və yeni təkliflər paketi təqdim etməyi planlaşdırır.
"Pozuntular olsa, sanksiyalar tətbiq olunacaq. Təkliflər qəbul olunmasa, Ermənistanın müqaviləni birtərəfli qaydada ləğv edəcəyini istisna etmirəm”, - nazir parlamentdə qeyd edib.
Hayrapetyanın sözlərinə görə, qarşı tərəflə məsləhətləşmələr aparılıb, lakin Rusiya telekanallarının Ermənistan ərazisində yayımlanan televiziya proqramlarında erməni tərəfinin artıq qeydə aldığı pozuntular ətrafında konsensus əldə olunmayıb.
10-04-2024, 21:38
Britaniya və Ukrayna arasında yeni saziş imzalandı
Böyük Britaniya və Ukrayna müdafiə və sənaye əməkdaşlığına dair yeni saziş imzalayıblar.
Saziş Böyük Britaniyanın Ukraynaya ən böyük ticarət missiyası zamanı Kiyevdə imzalanıb. Britaniyanın 29 şirkətindən ibarət nümayəndə heyəti öz təcrübələri haqqında danışmaq və əməkdaşlıq imkanları tapmaq üçün bu ölkəyə səfər edib.
Sazişə görə Böyük Britaniyanın bəzi ən böyük müdafiə şirkətləri Ukrayna Silahlı Qüvvələri və Ukrayna şirkətləri arasında strateji hərbi təmir obyektlərinin yaradılmasından tutmuş, mülki infrastrukturun yenidən qurulmasına və kiberhücumlardan müdafiə texnologiyasının tətbiqinə qədər onlarla layihə üzərində əməkdaşlıq edə bilərlər.
“BAE Systems” Böyük Britaniyanın Ukraynaya bağışladığı “L119” yedəkli silahların Ukraynada təmiri və saxlanması üçün Britaniyanın Müdafiə Nazirliyi ilə müqavilə imzalayıb.
10-04-2024, 20:27
İsrailin COP29 üzrə koordinatoru Azərbaycana gəldi
İsrailin COP29 üzrə milli koordinatoru Karmela Şamir Azərbaycana səfər edib.
Bununla bağlı İsrailin Azərbaycandakı səfiri Corc Dik “X”dəki hesabında yazıb.
“İsrailin COP29-da iştirakı üzrə milli koordinatoru Karmela Şamirin Bakıya səfərini başa çatdırmaqdan şadam! Enerjili görüşlər, uğurlu və yaddaqalan hadisə üçün zəmin hazırlığı. Biz İsrailin COP29-da yaxından iştirakını gözləyirik!”, - diplomat qeyd edib.
Qeyd edək ki, aprelin 4-də İsrail Xarici İşlər Nazirliyi COP28-in təsirləri və noyabrda Bakıda keçiriləcək COP29-a hazırlıqla bağlı qurumlararası konfrans təşkil edib. Konfrans nazirliklərin, biznes sektorunun, elmi dairələrin və yüksək vəzifəli şəxslərinin iştirakı ilə keçirilib. Konfrans çərçivəsində Karmela Şamir İsrailin COP29-da iştirakı üzrə yeni təyin edilən milli koordinator olduğu açıqlanıb.
10-04-2024, 20:02
HƏMAS liderinin üç oğlu, iki nəvəsi öldürüldü
İsrail ordusu Qəzza zolağında HƏMAS siyasi bürosunun lideri İsmayıl Haniyənin ailə üzvlərinin olduğu avtomobilə zərbə endirib.
Bu barədə İsrail mətbuatı məlumat yayıb. Məlumatı Haniyənin özü də təsdiq edib.
Məlumata görə, HƏMAS liderinin üç oğlu - Hazem, Amir və Mohammadin içində olduğu avtomobil Qəzzanın Əl-Şati düşərgəsində partladılıb və hər üçü ölüb. HƏMAS mediası bildirib ki, Haniyənin iki nəvəsi də hücumda həlak olub, üçüncüsü isə yaralanıb.
"Tələblərimiz aydın və konkretdir və biz onlara güzəştə getməyəcəyik. Düşmən danışıqların kulminasiya nöqtəsində və hərəkatın cavabını göndərməmişdən əvvəl oğullarımın hədəfə alınmasının HƏMAS-ı mövqeyini dəyişməyə sövq edəcəyini düşünsə, aldanacaq", - o qeyd edib.
Haniyənin böyük oğlu "Facebook" səhifəsində üç qardaşının öldürüldüyünü təsdiqləyib.
10-04-2024, 20:02
HƏMAS liderinin üç oğlu, iki nəvəsi öldürüldü
İsrail ordusu Qəzza zolağında HƏMAS siyasi bürosunun lideri İsmayıl Haniyənin ailə üzvlərinin olduğu avtomobilə zərbə endirib.
Bu barədə İsrail mətbuatı məlumat yayıb. Məlumatı Haniyənin özü də təsdiq edib.
Məlumata görə, HƏMAS liderinin üç oğlu - Hazem, Amir və Mohammadin içində olduğu avtomobil Qəzzanın Əl-Şati düşərgəsində partladılıb və hər üçü ölüb. HƏMAS mediası bildirib ki, Haniyənin iki nəvəsi də hücumda həlak olub, üçüncüsü isə yaralanıb.
"Tələblərimiz aydın və konkretdir və biz onlara güzəştə getməyəcəyik. Düşmən danışıqların kulminasiya nöqtəsində və hərəkatın cavabını göndərməmişdən əvvəl oğullarımın hədəfə alınmasının HƏMAS-ı mövqeyini dəyişməyə sövq edəcəyini düşünsə, aldanacaq", - o qeyd edib.
Haniyənin böyük oğlu "Facebook" səhifəsində üç qardaşının öldürüldüyünü təsdiqləyib.
10-04-2024, 19:30
Abşeronda avtoxuliqanlıq edən sürücü tutuldu
"Nexia" markalı, 75-BA-227 dövlət qeydiyyat nişanlı avtomobilin sürücüsü Ramin Qasımov yol hərəkəti qaydalarını kobud şəkildə pozaraq digər hərəkət iştirakçılarının həyat və sağlamlığına real təhlükə yaratmaqla avtoxuliqanlıq hərəkətləri etdiyi üçün Abşeron rayon Dövlət Yol Polisi Şöbəsinin əməkdaşları tərəfindən saxlanılıb.
Daxili İşlər Nazirliyinin mətbuat xidmətindən bildiriblər ki, sürücü barəsində protokol tərtib edilərək baxılması üçün rayon məhkəməsinə təqdim olunub.
Məhkəmənin qərarı ilə sürücü R.Qasımov 15 sutka inzibati qaydada həbs edilib və 500 manat məbləğində cərimə olunub.
Qeyd edək ki, sürücü avtomobili sürücülük hüququ olmadan idarə edib.
10-04-2024, 18:32
Atletçimiz Tailandda 3 medal qazandı
Azərbaycanın milli atleti Dadaş Dadaşbəyli Tailandın Phuket şəhərində keçirilən ağırlıqqaldırma üzrə Dünya Kubokunda 3 gümüş medal qazanıb.
109 kq çəki dərəcəsində yarışan Dadaş Dadaşbəyli birdən qaldırma hərəkətində 177 kq-ı ram edib və bu hərəkətdə gümüş medala sahib çıxıb.
O, təkanla qaldırma hərəkətində 211 kq-ın öhdəsindən gəlib və bu hərəkətdə də eyni uğura imza atıb.
Toplam 388 kq (177+211) nəticə gösərən Dadaşbəyli yekun sıralamada da 2-ci yeri tutub və yarışı 3 gümüş medalla başa vurub.
10-04-2024, 18:25
Türkiyə və İran Prezidentləri telefon danışığı apardı
Türkiyə Prezidenti Rəcəb Tayyib Ərdoğan və İran Prezidenti İbrahim Rəisi arasında telefon danışığı olub.
Bu barədə Türkiyə Prezidentinin Mətbuat Xidməti məlumat yayıb.
Dövlət başçıları ikitərəfli və regional məsələləri müzakirə ediblər.
Liderlər beynəlxalq müstəvidə baş verən siyasi proseslər barədə fikir mübadiləsi aparıblar.
10-04-2024, 18:00
Lukaşenko Putinlə danışıqlar aparmaq üçün Moskvaya səfər edir
Rusiya prezidenti Vladimir Putin aprelin 11-12-də Moskvaya işgüzar səfər edəcək Belarus lideri Aleksandr Lukaşenko ilə danışıqlar aparacaq.
Belarusun teleqram kanallarının məlumatına görə, prezidentlər gələcək ikitərəfli əməkdaşlığın əsas məsələlərini, o cümlədən yanvarın 29-da Sankt-Peterburqda keçirilmiş İttifaq Dövləti Ali Dövlət Şurasının sessiyasının qərarlarının icrası prosesini müzakirə etmək niyyətindədirlər.
Bundan əlavə, Lukaşenko administrasiyasına yaxın kanalın məlumatına görə, Rusiya və Belarus liderləri aprelin 12-də Kosmonavtika Günü münasibətilə birgə tədbirlər keçirməyi planlaşdırırlar.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!