10-04-2024, 18:00
Lukaşenko Putinlə danışıqlar aparmaq üçün Moskvaya səfər edir
Rusiya prezidenti Vladimir Putin aprelin 11-12-də Moskvaya işgüzar səfər edəcək Belarus lideri Aleksandr Lukaşenko ilə danışıqlar aparacaq.
Belarusun teleqram kanallarının məlumatına görə, prezidentlər gələcək ikitərəfli əməkdaşlığın əsas məsələlərini, o cümlədən yanvarın 29-da Sankt-Peterburqda keçirilmiş İttifaq Dövləti Ali Dövlət Şurasının sessiyasının qərarlarının icrası prosesini müzakirə etmək niyyətindədirlər.
Bundan əlavə, Lukaşenko administrasiyasına yaxın kanalın məlumatına görə, Rusiya və Belarus liderləri aprelin 12-də Kosmonavtika Günü münasibətilə birgə tədbirlər keçirməyi planlaşdırırlar.
10-04-2024, 17:18
Ərdoğan bu ölkələrin liderləriylə telefon danışığı apardı
Türkiyə Prezidenti Rəcəb Tayyib Ərdoğan aprelin 10-da Türkmənistan, İran, Nigeriya və Qazaxıstan liderləri ilə telefon danışığı aparıb.
Bu barədə Türkiyə Prezident Administrasiyası məlumat yayıb.
Telefon söhbəti zamanı Türkiyə ilə Türkmənistan arasında ikitərəfli əlaqələr, regional və qlobal məsələlər müzakirə edilib. Prezident Ərdoğan Türkmənistanın Türk Dövlətləri Təşkilatına marağının artmasının sevindirici hal olduğunu bildirib. İki lider bir-birlərini Fitr bayramı münasibətilə təbrik ediblər.
Rəcəb Tayyib Ərdoğanın İbrahim Rəisi ilə telefon danışığında Türkiyə ilə İran arasında ikitərəfli əlaqələr, regional və qlobal məsələlər müzakirə edilib.
Prezidentlər bir-birlərini Ramazan bayramı münasibətilə təbrik ediblər.
Ərdoğan Nigeriya Prezidenti Bola Əhməd Tinubu ilə də telefon danışığı aparıb. Prezident Ərdoğan Sahel bölgəsindəki hadisələrin yaxından izlənildiyini və Türkiyənin müdafiə sənayesi sahəsində təcrübə və imkanları Nigeriya ilə bölüşməyə davam edəcəyini bildirib.
Hər iki lider bir-birini Fitr bayramı münasibətilə təbrik ediblər.
Prezident Ərdoğan Qazaxıstan lideri Kasım-Jomart Tokayevlə ikitərəfli əlaqələr, regional və qlobal məsələləri müzakirə edib.
Prezident Ərdoğan görüşdə Qazaxıstanda baş verən böyük sel fəlakəti ilə bağlı kədərini bölüşüb və Türkiyənin yardıma hazır olduğunu bildirib.
Görüş zamanı hər iki lider bir-birini Fitr bayramı münasibətilə təbrik ediblər.
10-04-2024, 17:18
Ərdoğan bu ölkələrin liderləriylə telefon danışığı apardı
Türkiyə Prezidenti Rəcəb Tayyib Ərdoğan aprelin 10-da Türkmənistan, İran, Nigeriya və Qazaxıstan liderləri ilə telefon danışığı aparıb.
Bu barədə Türkiyə Prezident Administrasiyası məlumat yayıb.
Telefon söhbəti zamanı Türkiyə ilə Türkmənistan arasında ikitərəfli əlaqələr, regional və qlobal məsələlər müzakirə edilib. Prezident Ərdoğan Türkmənistanın Türk Dövlətləri Təşkilatına marağının artmasının sevindirici hal olduğunu bildirib. İki lider bir-birlərini Fitr bayramı münasibətilə təbrik ediblər.
Rəcəb Tayyib Ərdoğanın İbrahim Rəisi ilə telefon danışığında Türkiyə ilə İran arasında ikitərəfli əlaqələr, regional və qlobal məsələlər müzakirə edilib.
Prezidentlər bir-birlərini Ramazan bayramı münasibətilə təbrik ediblər.
Ərdoğan Nigeriya Prezidenti Bola Əhməd Tinubu ilə də telefon danışığı aparıb. Prezident Ərdoğan Sahel bölgəsindəki hadisələrin yaxından izlənildiyini və Türkiyənin müdafiə sənayesi sahəsində təcrübə və imkanları Nigeriya ilə bölüşməyə davam edəcəyini bildirib.
Hər iki lider bir-birini Fitr bayramı münasibətilə təbrik ediblər.
Prezident Ərdoğan Qazaxıstan lideri Kasım-Jomart Tokayevlə ikitərəfli əlaqələr, regional və qlobal məsələləri müzakirə edib.
Prezident Ərdoğan görüşdə Qazaxıstanda baş verən böyük sel fəlakəti ilə bağlı kədərini bölüşüb və Türkiyənin yardıma hazır olduğunu bildirib.
Görüş zamanı hər iki lider bir-birini Fitr bayramı münasibətilə təbrik ediblər.
10-04-2024, 17:18
Ərdoğan bu ölkələrin liderləriylə telefon danışığı apardı
Türkiyə Prezidenti Rəcəb Tayyib Ərdoğan aprelin 10-da Türkmənistan, İran, Nigeriya və Qazaxıstan liderləri ilə telefon danışığı aparıb.
Bu barədə Türkiyə Prezident Administrasiyası məlumat yayıb.
Telefon söhbəti zamanı Türkiyə ilə Türkmənistan arasında ikitərəfli əlaqələr, regional və qlobal məsələlər müzakirə edilib. Prezident Ərdoğan Türkmənistanın Türk Dövlətləri Təşkilatına marağının artmasının sevindirici hal olduğunu bildirib. İki lider bir-birlərini Fitr bayramı münasibətilə təbrik ediblər.
Rəcəb Tayyib Ərdoğanın İbrahim Rəisi ilə telefon danışığında Türkiyə ilə İran arasında ikitərəfli əlaqələr, regional və qlobal məsələlər müzakirə edilib.
Prezidentlər bir-birlərini Ramazan bayramı münasibətilə təbrik ediblər.
Ərdoğan Nigeriya Prezidenti Bola Əhməd Tinubu ilə də telefon danışığı aparıb. Prezident Ərdoğan Sahel bölgəsindəki hadisələrin yaxından izlənildiyini və Türkiyənin müdafiə sənayesi sahəsində təcrübə və imkanları Nigeriya ilə bölüşməyə davam edəcəyini bildirib.
Hər iki lider bir-birini Fitr bayramı münasibətilə təbrik ediblər.
Prezident Ərdoğan Qazaxıstan lideri Kasım-Jomart Tokayevlə ikitərəfli əlaqələr, regional və qlobal məsələləri müzakirə edib.
Prezident Ərdoğan görüşdə Qazaxıstanda baş verən böyük sel fəlakəti ilə bağlı kədərini bölüşüb və Türkiyənin yardıma hazır olduğunu bildirib.
Görüş zamanı hər iki lider bir-birini Fitr bayramı münasibətilə təbrik ediblər.
10-04-2024, 17:00
Ermənistan ordusu atəş açdı - Zabitimiz yaralandı
Aprelin 10-da, saat 15:20 radələrində Dövlət Sərhəd Xidmətinin (DSX) sərhəd qoşunlarının “Qubadlı” əlahiddə sərhəd diviziyasının Qubadlı rayonunun Cicimli yaşayış məntəqəsinin ərazisindəki sərhəd döyüş məntəqəsinin xidməti ərazisində qarşı tərəfdəki Ermənistanın Nerkin Xnzoresk kəndi istiqamətindən 2 nəfərin dövlət sərhədini pozaraq 200 baş mal-qaranı təxminən 300 metr Azərbaycan ərazisinə keçirməsi aşkar olunub.
Dövlət Sərhəd Xidmətinin Mətbuat Mərkəzindən bildirilib ki, dövlət sərhədinin pozulmasının qarşısını alan sərhəd naryadına Ermənistan silahlı qüvvələrinin döyüş postundan atəş açılıb və nəticədə baş leytenant Rövşən Məmmədov yaralanıb.
Məlumata görə, hərbi qulluqçu təxirə salınmadan tibb müəssisəsinə təxliyə olunub.
"Hazırda əməliyyat şəraiti sabitdir və bölmələrimizin nəzarəti altındadır. Təxribata görə məsuliyyət tam şəkildə Ermənistanın hərbi-siyasi rəhbərliyinin üzərinə düşür", - DSX-dən bildirilib.
10-04-2024, 16:22
“Bizim nə Bağanıs Ayrım, nə də Aşağı Əskipara adlı kəndlərimiz olub” - Paşinyan
“Bizim nə Bağanıs Ayrım, nə də Aşağı Əskipara adlı kəndlərimiz olub”.
Bunu aprelin 10-da Ermənistanın baş naziri Nikol Paşinyan jurnalistlərə bildirib.
O deyib ki, Sovet Ermənistanı və Ermənistan Respublikası ərazisində belə kəndlər heç vaxt olmayıb.
Bununla yanaşı, Paşinyan əlavə edib ki, Ermənistan Respublikası ərazisində Voskepar və Bağanıs adlı kəndlər olub və olacaq.
Nikol Paşinyan Tavuş rayonunun bir millimetr ərazisinin belə mübahisələndirilə biləcəyi ehtimalını yalan və böhtan adlandırıb.
Onun fikrincə, bu mövzunun müzakirəsi siyasi dividendlər qazanmaq cəhdidir və “müəyyən anti-dövlət qüvvələri tərəfindən maliyyələşdirilən şəxsləin uydurmalarıdır”.
Paşinyan Azərbaycan qoşunlarının erməni kəndlərinin yaxınlığında yerləşə biləcəyinin xatırladılmasına cavab olaraq Qafandakı oxşar vəziyyəti arqument kimi göstərib. O deyib ki, indi də Tavuşun digər kəndləri - Ayqehovit, Berkaber, Ayqepar Azərbaycan qüvvələrinə yaxındır və bu region artıq 30 ildir sərhəddən bir neçə metr aralıdadır.
Paşinyan əmin edib ki, xəritələr razılaşdırılmayana qədər heç bir delimitasiya prosesi olmayacaq. Lakin Azərbaycanın tələb etdiyi 4 kənd məsələsi bu prosesə daxil deyil və Paşinyan bunun səbəbini dəfələrlə izah etdiyini vurğulayıb.
Baş nazirin sözlərinə görə, kəndlər məsələsi Alma-Ata bəyannaməsi və Ermənistan SSR-in Ermənistan, Azərbaycan SSR-in isə Azərbaycan olması faktı ilə həll olunur. Buna görə də o kəndlər Azərbaycanlıdır.
Paşinyan bir daha bəyan edib ki, “Ermənistanda belə adda kəndlər yoxdur” və sonda jurnalistləri qınayıb: “Siz sonuncu dəfə nə vaxt Berkaberdə olmusunuz?”.
Xatırladaq ki, Paşinyanın bəhs etdiyi Bağanıs Ayrım və Aşağı Əskipara kəndləri Azərbaycanın Qazax rayonuna məxsusudur. Qazaxın həmin 2 kəndi ilə yanaşı, daha 5 yaşayış məntəsəi – Qızılhacılı, Xeyrimli, Yuxarı Əskipara, Barxudarlı və Sofulu 90-cı illərin əvvəllərində Ermənistan tərəfindən işğal olunub.
Bu kəndlərdən 4-ü (Bağanıs Ayrım, Aşağı Əskipara, Qızılhacılı, Xeyrimli) esklav olmayan yaşayış məntəqələridir, 3-ü isə (Yuxarı Əskipara, Barxudarlı, Sofulu) ekslavdır (hər tərəfdən Ermənistan ərazisilə əhatə olunub).
Hazırda kəndlərin Azərbaycana qaytarılması gündəmin əsas müzakirə məsələsidir. Azərbaycan tərəfi Ermənistandan qanunsuz olaraq Tavuş bölgəsinə daxil etdiyi bu kəndlərin 4-nü ilk növbədə qeyd-şərtsiz qaytarılmasını istəyir. Rəsmi Bakı bildirib ki, daha sonra digər 3 kəndin və Naxçıvanın işğal altındakı esklav olan Kərki kəndinin qaytarılması məsələsi müzakirə olunmalıdır.
Ermənistanda isə hələ ki buna müqavimət göstərilir, proses uzadılır.
Ermənistanın baş naziri Nikol Paşinyan da bir müddət əvvəl Tavuş bölgəsində keçirdiyi görüşdə bəyan etmişdi ki, kəndləri təcili qaytarmasalar, müharibə olacaq. Onun bu bəyanatı Ermənistandakı revanşist qüvvələr tərəfindən etirazla qarşılanmış, Paşinyan qorxaqlıqda suçlanmışdı.
10-04-2024, 16:07
Çin sədri Avropa ölkələrinə səfər edəcək
Çin Xalq respublikasının sədri Si Cinpin mayın əvvəlində bir sıra Avropa ölkələrinə səfər edəcək.
Çin liderinin mayın 5-də ikigünlük səfərlə Fransaya gedəcəyi gözlənilir. Si Cinpin Fransadan sonra Serbiyaya səfər edəcək.
Daha sonra Çin Xalq Respublikasının sədri Macarıstana gedəcək.
10-04-2024, 14:48
Putin Paşinyanla bütün məsələləri şəxsən müzakirə edəcək - Peskov
Yaxın gələcəkdə Rusiya prezidenti Vladimir Putin və Ermənistanın baş naziri Nikol Paşinyan iki ölkə arasındakı münasibətlərə dair bütün məsələləri şəxsən müzakirə edə biləcəklər.
Bu barədə Rusiya prezidentinin mətbuat katibi Dmitri Peskov jurnalistlərə bildirib.
"Ümid edirik ki, yaxın gələcəkdə liderlərin bu cür məsələləri, şəxsən müzakirə etmək imkanı olacaq", - Kreml sözçüsü bildirib.
Peskovun sözlərinə görə, Moskva Rusiya Federasiyası ilə Ermənistan arasında münasibətlərdəki çətin məsələlərin dialoq yolu ilə həll olunacağını gözləyir:
“Dialoqlar iş səviyyəsində baş verir. Və təbii ki, biz bundan çıxış edirik ki, ikitərəfli münasibətlərimizin son zamanlar yaranmış bütün çətin aspektləri məhz belə dialoq çərçivəsində öz həllini tapacaq”.
Peskov deyib ki, Ermənistanla Rusiya arasında münasibətlərin əhəmiyyətini qiymətləndirmək çətindir, İrəvan Moskvanın yaxın tərəfdaşıdır.
“Bilirsiniz ki, Ermənistan bizim yaxın tərəfdaşımızdır, müttəfiqimizdir. Bizi bir çox inteqrasiya formatları, məsələn, MDB, Aİİ və digərləri birləşdirir.
Təbii ki, tarixi ikitərəfli münasibətlər, humanitar əlaqələr, onların əhəmiyyətini qiymətləndirmək çətindir”, - Kreml nümayəndəsi bildirib.
Paşinyan bundan əvvəl Ermənistanın Rusiya ilə münasibətlərdə “bircə dənə də olsun səhv addım atmadığını” bildirsə də, “əks halların çox olduğunu” iddia edib.
10-04-2024, 09:34
Misiroğlu haqqa yürüdü...
Vəliyəddin Misiroğlu İsmayılov Dünyadan köçdü.
Vəliyəddin müəllimin üzündə elə bir nur, gözlərində elə bir işıq, baxışında elə bir doğmalıq, ruhunda elə bir cazibə, dilində elə bir şirinlik, könlündə elə bir ilahi mərhəmət var idi ki, onu tanıyıb da ona bağlanmamaq mümkünsüz idi.
Onu yaxından tanıyanlar yaxşı bilir ki, Vəliyəddin Misiroğlu namus adlı məhək daşını ömrüboyu çiyinlərində şərəflə daşıyıb. Çiyinləri altındakı köksündə isə özü ilə bərabər bir ürəkdolusu Ana sevgisi, Vətən sevgisi, ailə, övlad sevgisi, şeir-sənət, saz-söz sevgisi gəzdirib və heç vaxt onların heç birini urvatdan salmayıb. Onun şəxsiyyətinə, xarakterinə heç bir rəng, boya, bəzək- düzək vurmaq lazım deyil.
Bu itki çox ağır itkidir. Azərbaycan ədəbiyyatı, Azərbaycan folkloru, Azərbaycan dilçiliyi, ən əsası da dost qədri bilənlər üçün lap ağır itkidir. Onun dili o qədər zəngin, sinəsi o qədər dolu idi ki, “Azərbaycan dilinin izahlı lüğət”ləri, Azərbaycan sözlük lüğəti onun yanında çox yoxsul, miskin görünürdü.
Mən Vəliyəddin müəllimə açıqca və dönə-dönə deyirdim: O xəzinəni özünlə aparma, onu yaz, kitab şəklində bu millətin gələcək nəsillərinə əmanət elə. Gülüb keçirdi.
Amma getdi, o xəzinəni də özü ilə apardı.
Ailəmiz adından, “Bütöv Azərbaycan” qəzetinin kollektivi adından Vəliyəddin müəllimin ailəsinə, dostlarına, doğmalarına başsağlığı verirəm. Övladları Vüqara, İlqara, Sevinc xanıma, Aytən xanıma səbr diləyirəm.
Vəliyəddin İsmayılov ruhuna ehtiramla: Tamxil ZİYƏDDİNOĞLU
10-04-2024, 08:48
Hüquqşünas Səmədoğullarını ziyarət edib
Tanınmış hüquqşünas, Müvəkkil Hüquq Mərkəzinin sədri Səməd Vəkilov Birinci Fəxri Xiyabanda uyuyan Azərbaycanın xalq şairi Vaqif Səmədoğlunun, Azərbaycanın xalq yazıçısı Yusif Səmədoğlunun və Azərbaycan filosofu, ictimai xadim, fəlsəfə elmləri doktoru, professor Heydər Hüseynovun məzarlarını ziyarət edib.
Səməd Vəkilov onunla bərabər ziyarətə gələn dostlarına sağlığında Vaqif əmi deyərək müraciət etdiyi mərhum Vaqif Səmədoğlu ilə bağlı xatirələrini bölüşüb. Heydər Hüseynovun məzarı başına gəlincə, Qərbi Azərbaycan İcması Qadınlar Şurasının üzvü, İrəvan Şəhər İcmasının sədri, filologiya elmləri doktoru, professor Fəridə Səfiyevanın mərhum filosovun həyat və fəaliyyətindən bəhs edən- “Bir ömrün izi ilə” adlı mükəmməl bir kitab yazdığını bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!