11-02-2026, 18:31
İrana hücum üçün hər şey hazırdır – XƏRİTƏ YAYILDI
ABŞ-ın Yaxın Şərqdəki hərbi bazalarında aktivliyin artdığına dair yeni peyk görüntüləri yayılıb.
“Reuters”in təhlilinə əsasən, ABŞ qüvvələri Qətərdə yerləşən Əl-Udeyd Hərbi Hava Bazası ərazisində “Patriot” hava hücumundan müdafiə raketlərini mobil yük maşınlarına yerləşdirib. Bu addım raketlərin daha sürətli hərəkət etdirilməsi və mümkün hücum və ya əks-hücum ssenarilərində operativ istifadə imkanını artırır.
Məlumata görə, "Patriot" sistemləri M983 HEMTT tipli hərbi maşınlara quraşdırılıb. Analitiklər bildirirlər ki, raketlərin sabit platformalar əvəzinə mobil qurğularda saxlanması bölgədə risklərin artdığını göstərir.
Peyk şəkilləri yanvarın ortası ilə fevralın əvvəli arasında regiondakı ABŞ bazalarında təyyarə və hərbi texnika sayının artdığını ortaya qoyur. Əl-Udeyddə RC-135 kəşfiyyat təyyarəsi, C-130 və C-17 hərbi nəqliyyat təyyarələri, eləcə də KC-135 yanacaqdaşıyan təyyarələrin sayında artım qeydə alınıb. Eyni zamanda İordaniyadakı "Muwaffaq Salti" aviabazası ərazisində F-15E, A-10 və elektron müharibə təyyarələrinin yerləşdirildiyi müşahidə olunub.
ABŞ Prezidenti Donald Tramp İranın nüvə və ballistik raket proqramı ilə bağlı sərt bəyanatlar səsləndirib. Tehran isə mümkün zərbə halında regiondakı ABŞ bazalarına cavab veriləcəyi barədə xəbərdarlıq edib.
Peyk görüntülərində İranın “Şahid Bageri” pilotsuz aparat daşıyan gəmisinin Bəndər-Abbas yaxınlığında göründüyü də qeyd olunur. Hər iki tərəfin hərbi hazırlıqları fonunda regionda gərginlik artmaqda davam edir.
11-02-2026, 18:16
Paşinyan iş adamlarına müraciət etdi: Azərbaycandan keçən yol açıqdır!
Ermənistanın baş naziri Nikol Paşinyan parlamentdə çıxışı zamanı biznes nümayəndələrinə müraciət edərək Azərbaycan üzərindən ixrac üçün dəmir yolu marşrutunun açıq olduğunu bəyan edib.
O bildirib ki, Ermənistan biznesi bu faktı nəzərə almalı və yeni imkanları qiymətləndirməlidir.
Paşinyanın sözlərinə görə, bu məsələ ilə bağlı ən yüksək səviyyədə təminatlar mövcuddur.
Baş nazir xatırladıb ki, Azərbaycan Prezidenti İlham Əliyev də bir gün əvvəl çıxışında Azərbaycanın tranzit və yükdaşımalarla bağlı məhdudiyyətləri aradan qaldırdığını, həmçinin Azərbaycanın artıq Ermənistana neft məhsulları ixracına başladığını açıqlayıb. Ermənistan hökumət başçısı qeyd edib ki, bu addımlar faktiki olaraq iki ölkə arasında ticarət və əməkdaşlığın başlanğıcı kimi qiymətləndirilə bilər.
O əlavə edib ki, Ermənistan yaxın günlərdə ABŞ tərəfinə “Tramp marşrutu” adlandırılan layihə üzrə saziş layihəsinə dair öz müşahidələrini təqdim edəcək. Onun sözlərinə görə, hazırda layihə üzrə texniki-iqtisadi əsaslandırma prosesi aparılır.
Paşinyan çıxışında Ermənistanın yeni atom elektrik stansiyasının inşası məsələsinə də toxunub. O bildirib ki, rəsmi İrəvan hələ də hansı model üzrə stansiya tikiləcəyinə dair yekun qərar verməyib. Xatırladaq ki, bir neçə gün əvvəl İrəvanda Paşinyan ABŞ-ın vitse-prezidenti Cey Di Vens ilə ümumi dəyəri 9 milyard dollar olan Amerika istehsalı modul reaktorları üzrə (yanacaq və servis xidmətləri daxil olmaqla) saziş imzalayıb.
Ermənistan hökumətinin başçısı vurğulayıb ki, beynəlxalq tərəfdaşlarla müzakirələr davam edir və yekun qərar ölkənin maraqlarına ən uyğun olan layihənin xeyrinə veriləcək.
11-02-2026, 18:00
Audiovizual Şuranın iclası keçirilib, iki yeni lisenziya verilib
11 fevral 2026-cı il tarixində Azərbaycan Respublikası Audiovizual Şurasının iclası keçirilib. İclasda lisenziya üçün müraciətlərə baxılıb.
Bu barədə Şuradan məlumat verilib.
Təqdim olunmuş sənədlərin və iqtisadi əsaslandırmanın yoxlanılması, habelə yerində keçirilmiş baxışın nəticələri əsasında Audiovizual Şura "Kinobox" MMC-yə sifarişli yayım xidməti provayderi lisenziyasının (xidmət adı: "Kinobox" olmaqla) verilməsi haqqında qərar qəbul etmişdir.
İclasda həmçinin, "Mahnı" MMC-nin lisenziya alınması üçün müraciəti müzakirə olunmuşdur. Ərizəçinin sənədlərinə, iqtisadi əsaslandırmasına, habelə texniki və proqram təminatına baxışın nəticələrinə əsasən ona peyk yayımı həyata keçirməyən platforma yayımçısı (televiziya redaksiyasının adı: "Mahnı TV" olmaqla) lisenziyasının verilməsi haqqında qərar qəbul olunmuşdur.
İclasın sonunda "Aznet Technologies" QSC-nin təşkilati-hüquqi formasının dəyişilməsi ilə əlaqədar Audiovizual Şuraya ünvanladığı müraciətə əsasən "Aznet" və "Araznet" operator xidmətləri üçün verilmiş lisenziyaların "Aznet Technologies" MMC-nin adına yenidən rəsmiləşdirilməsi haqqında müvafiq qərarlar qəbul edilmişdir.
11-02-2026, 17:58
Nazirliklərdə bu sahədə yeni müavin ayrılsın - Prezident
“Hesab edirəm ki, hər bir dövlət qurumunda, ilk növbədə, nazirliklərdə rəqəmsallaşma, süni intellekt, kibertəhlükəsizlik üzrə bir müavin ayrılsın”.
Bunu Prezident İlham Əliyev “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə bildirib.
“Yeni ştat vahidi yaradılsın, ya da bu sahə mövcud müavinlərin birinə tapşırılsın ki, Rəqəmsal İnkişaf və Nəqliyyat Nazirliyinin əməkdaşları, rəhbərliyi bilsinlər ki, onların təmasda olacaqları şəxslər kimdir və hər bir dövlət qurumunda bu sahə prioritet sayılmalıdır”, - dövlət başçısı qeyd edib.
11-02-2026, 17:51
Türkiyə parlamentində dava - Deputat xəsarət aldı
Türkiyə Böyük Millət Məclisində (TBMM) dava düşüb.
Davaya səbəb Akın Gürlekin ədliyyə naziri kimi and içməsi olub.
Belə ki, CHP-li deputatlar keçmiş prokurorun siyasətlə məşğul ola bilməyəcəyini bildiriblər.
AK Partiyanın fraksiya sədrinin müavini Abdülhamit Gül isə buna cavab olaraq andiçmə mərasiminin baş tutmalı olduğunu vurğulayıb. Bundan sonra gərginlik artıb.
Akın Gürlek hərəkət etdiyi zaman bəzi AK Partiyalı deputatlar onun ətrafını əhatəyə alıblar. Ardınca CHP-li deputatlarla AK Partiyalı deputatlar arasında yumruq davası baş verib. CHP-dən Mahmut Tanal ilə AK Partiyadan Osman Gökçek arasında qarşılıqlı yumruqlaşma yaşanıb.
Hadisə zamanı tribunaya doğru iki ədəd Konstitusiya kitabçası atılıb.
11-02-2026, 17:47
Paşinyan Qazax-İcevan yolu ilə bağlı suala cavab verdi
Kommunikasiyaların açılması prosesində müzakirə olunmayan heç bir məsələ, o cümlədən dəmir yolu xətti yoxdur.
Bu barədə Ermənistanın Baş naziri Nikol Paşinyan bu gün parlamentdə keçirilən hökumət saatı zamanı bildirib.
O, deputatlardan birinin Qazax-İcevan dəmir yolu xəttinin bərpasının müzakirə olunub-olunmaması ilə bağlı sualını cavablandırarkən qeyd edib ki, bu məsələ də gündəmdədir.
“Əlbəttə ki, müzakirə olunur. Lakin sözügedən dəmir yolu hissəsi ilə bağlı nəzərə almalıyıq ki, Aqarçin kəndi ərazisində torpaq sürüşmələri baş verir. Bu isə həll oluna bilən məsələdir. Əgər həmin dəmir yolu xətti kifayət qədər yükdaşımaya və gəlirlilik perspektivinə malik olduğunu göstərərsə, onun bərpası mümkündür”, - deyə Paşinyan bildirib.
11-02-2026, 17:47
Məktəblərin tədris proqramına dəyişikliklər edilməlidir - İlham Əliyev
"Kadr hazırlığına gəldikdə, bu, əsas vəzifələrdən biridir. Son vaxtlar bu istiqamətdə müəyyən işlər görülür".
Prezident İlham Əliyev bunu “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirə zamanı deyib.
"Biz öz təhsil sistemimizdə bu sahəyə daha böyük diqqət göstərməliyik. Həm Azərbaycanda fəaliyyət göstərən ali məktəblərdə, eyni zamanda, dövlət xətti ilə xaricə göndərilən tələbələr bu ixtisas üzrə peşəkarlığı artırmalıdırlar. Ona görə nəzərə alsaq ki, bu, uzunmüddətli proses olacaq və bu proses ancaq və ancaq genişlənəcək, gələcəkdə bu sahədə kadrlara böyük ehtiyac olacaq. Təbii ki, orta məktəblərdə şagirdlərə ilkin biliklərin aşılanması üçün tədris proqramına da müəyyən dəyişikliklər edilməlidir", - Prezident qeyd edib.
11-02-2026, 17:43
Xankəndidə qarın fəsadları
aradan qaldırılır
Xankəndi şəhərinə yağan qarın fəsadlarının aradan qaldırılması istiqamətində intensiv tədbirlər həyata keçirilir. Xankəndi şəhərində, Ağdərə və Xocalı rayonlarında Bərpa Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, şəhərin əsas və daxili küçələri xüsusi texnika vasitəsilə qardan təmizlənir, yol örtüyünə qum və duz səpilərək, nəqliyyat vasitələrinin təhlükəsiz hərəkəti təmin olunur.
Komunal xidmətlər gücləndirilmiş iş rejiminə keçərək, fasiləsiz fəaliyyət göstərir.Hazırda bütün əsas magistrallar və yaşayış massivlərinə aparan yollar nəzarətdə saxlanılır, yaranan çətinliklərin aradan qaldırılması üçün zəruri tədbirlər davam etdirilir. Sakinlərdən hava şəraiti ilə əlaqədar ehtiyatlı olmaları və müvafiq qurumların tövsiyələrinə əməl etmələri xahiş olunur.
11-02-2026, 17:39
Süni intellekt dövlət qurumlarında geniş tətbiq edilsin - Prezidentdən tapşırıq
Süni intellektin tətbiqi dövlət qurumlarında geniş vüsət almalıdır. Bu gün bu sahədə aparıcı ölkələrdə bu belədir.
Bu fikirləri Prezident İlham Əliyev “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə səsləndirib.
“Hətta mənə verilən məlumata görə, bu sahədə inkişaf etmiş bəzi ölkələrdə dövlət məmurlarının gündəlik fəaliyyətinə də süni intellekt agentləri, - belə adlandırılır, - kömək göstərir”, - deyə dövlətimizin başçısı qeyd edib.
11-02-2026, 17:33
Strateji Tərəfdaşlıq Xartiyası tarixi sənəddir - Prezident
Amerika Hökuməti ilə Azərbaycan Hökuməti arasında imzalanmış Strateji Tərəfdaşlıq Xartiyası da bu üstünlüyü bizə təmin edir. Bu Xartiya tarixi bir sənəddir.
Bu sözləri Prezident İlham Əliyev “Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə deyib.
Bu sənədin artıq mətbuatda da dərc edildiyini bildirən dövlətimizin başçısı qeyd edib: “Hər kəs görə bilər nədən ibarətdir (Xartiya – red.), o cümlədən data mərkəzləri, rəqəmsallaşma, süni intellekt və bu sahədəki Amerika şirkətləri ilə sıx əlaqələrimiz. Yəni bu da bizim üstünlüyümüzdür”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!