17-02-2026, 14:50
Xamenei azərbaycanlılarla görüşdə Trampı HƏDƏLƏDİ
İranın ali lideri Ayətullah Seyid Əli Xamenei ABŞ Prezidenti Donald Trampın hərbi təhdidlərinə sərt reaksiya verib.
Xamenei bu reaksiyanı Tehrandakı İmam Xomeyni Hüseyniyyəsində Şərqi Azərbaycan əyalətindən olan insanlarla - azərbaycanlılarla görüşdə göstərib.
Xamenei bugün keçirilən həmin görüşdə İran xalqına da müraciət edib.
ABŞ Prezidenti Donald Trampın hərbi təhdidlərinə cavab verən Ayətullah Xamenei deyib: "ABŞ Prezidenti daim ordusunu "dünyanın ən güclü ordusu" kimi təsvir edir, lakin hətta bu güc belə gözlənilməz məğlubiyyətlərlə üzləşə bilər. O, İrana gəmilər göndərməklə öyünür. Gəmi təhlükəli bir vasitədir, amma gəmidən daha təhlükəlisi onu dənizin dibinə batıra bilən silahdır".
Xamenei daha sonra əlavə edib: "Son çıxışlarından birində ABŞ Prezidenti etiraf etdi ki, ölkəsi İslam Respublikasını 47 ildir məhv edə bilməyib. Bu, yaxşı bir etirafdır. Demək istədiyim odur ki, siz də bunu edə bilməzsiniz".
Ali lider İranda baş verən son hadisələrə toxunaraq deyib: "Qan töküldü. Hamımız yas içindəyik".
Xamenei son hadisələrdə həyatını itirənləri üç kateqoriyaya böldü. O, təhlükəsizlik qüvvələrinin həlak olan əməkdaşlarını "seçilən şəhidlər" adlandırıb. Eyni zamanda hadisələr zamanı həlak olan günahsız mülki şəxsləri şəhid hesab etdiyini bildirib.
O, həmçinin təhrikçilər tərəfindən yoldan çıxarılan, lakin sonradan tövbə edənləri "bizim övladlarımız" adlandırıb və onlar üçün bağışlanma diləyib. Lakin iğtişaşların başçılarını və düşməndən dəstək alanları bu kateqoriyadan kənarlaşdırıb.
Seyid Əli Xamenei bu fikirləri hazırda Avropada keçirilən İran-ABŞ danışıqları fonunda səsləndirib.
Qeyd edək ki, hazırda İsveçrənin Cenevrə şəhərindəki Oman səfirliyində İran və ABŞ arasında dolayı nüvə danışıqlarının ikinci mərhələsi keçirilir.
Danışıqların bu mərhələsi də əvvəlki kimi Omanın xarici işlər naziri Bədr əl-Busaidinin vasitəçiliyilə baş tutub.
Prosedura əsasən, hər iki nümayəndə heyəti əvvəlcə Oman tərəfi ilə görüşəcək, fikirlərini və qiymətləndirmələrini Omanın xarici işlər nazirinə çatdıracaq; sonra Omanın xarici işlər naziri bu məsələləri tərəflərə çatdıracaq.
Cenevrə danışıqlarının mövzusu nüvə məsələlərinin müzakirəsidir.
Danışıqlarda Amerika tərəfinə ABŞ Prezidentinin elçisi Stiv Uitkov, İran tərəfinə isə xarici işlər naziri Abbas Arakçi rəhbərlik edir.
17-02-2026, 14:30
"Tarqovı"dakı yanğın söndürüldü: xəsarət alan var - YENİLƏNİB
Bakı şəhəri, Yasamal rayonu, Lev Tolstoy küçəsində yaşayış binasında baş vermiş yanğın tam söndürülüb.
Bu barədə FHN Mətbuat xidməti məlumat yayıb. Qeyd olunub ki, Fövqəladə Hallar Nazirliyinin qüvvələri tərəfindən görülmüş zəruri və təxirəsalınmaz tədbirlər nəticəsində yanğın tam söndürülüb.
***
14:09
Bakının Yasamal rayonu, Lev Tolstoy küçəsində yerləşən yaşayış binasındakı yanğın məhdudlaşdırılıb.
Bunu FHN-nin Dövlət Yanğından Mühafizə Xidmətinin rəis müavini polkovnik Taleh Babayev jurnalistlərə açıqlamasında deyib.
Onun sözlərinə görə, ilkin məlumata əsasən, bir nəfər xəsarət alıb, 6 nəfər tüstülü zonadan təxliyə edib.
FHN rəsmisi bildirib ki, bina taxta konstrukdiyadan ibarət olduğu üçün yanğın söndürülmə işlərində çətinliklər olub:
"Hazırda yanğın məhdudlaşdırılıb. Əraziyə ümumilikdə 5 yanğın abtomobili, 27 nəfər şəxsi heyət cəlb olunub" (Report).
***
Paytaxtın Yasamal rayonu, Lev Tolstoy küçəsində yerləşən yaşayış binasında baş verən yanğınla bağlı ərazidə FHN-in Dövlət Yanğından Mühafizə və Xüsusi Riskli Xilasetmə xidmətlərinin fəaliyyəti davam edir.
Bu barədə FHN-dən məlumat verilib.
"Binanın taxta araskəsmələrdən ibarət olması yanğının söndürülməsi işlərini çətinləşdirsə də yanğından mühafizə bölmələri tərəfindən görülmüş operativ tədbirlərlə yanğın nəzarət altına alınıb
Təhlükəsizlik tədbirləri çərçivəsində bina sakinlərinin təxliyəsi həyata keçirilib. Hazırda yanğınla mübarizə əməliyyatı davam edir.
Əlavə məlumat veriləcək", - məlumatda deyilir.
17-02-2026, 10:18
Azərbaycan-Serbiya münasibətləri
yeni strateji mərhələdə
Azərbaycan Respublikasının Prezidenti İlham Əliyevin fevralın 15-də Serbiya Respublikasına rəsmi səfəri zamanı verdiyi bəyanat iki ölkə arasında mövcud olan strateji tərəfdaşlığın yeni mərhələyə qədəm qoyduğunu bir daha nümayiş etdirdi. Dövlət başçısının çıxışında səsləndirilən fikirlər Azərbaycan-Serbiya münasibətlərinin təkcə diplomatik çərçivə ilə məhdudlaşmadığını, eyni zamanda real iqtisadi, energetika və investisiya imkanları üzərində qurulduğunu açıq şəkildə göstərdi. Prezident İlham Əliyevin Serbiya Prezidenti Aleksandr Vuçiç haqqında səsləndirdiyi yüksək qiymətləndirmələr qarşılıqlı etimadın və səmimi dostluğun bariz nümunəsi kimi diqqət çəkir. Hər iki liderin dövlət maraqlarını hər şeydən üstün tutması bu münasibətlərin əsas dayaq nöqtəsi kimi çıxış edir.
Prezidentin vurğuladığı kimi, Serbiya təbii sərvətləri olmayan ölkə olmasına baxmayaraq, müstəqil iqtisadi siyasət yürüdərək öz gücünə arxalanan və heç bir kənar yardımdan asılı olmayan inkişaf modelini formalaşdırıb. Bu isə həm Avropa məkanında, həm də beynəlxalq miqyasda Serbiyanın nüfuzunun artmasına səbəb olub. Azərbaycan tərəfinin bu uğurları yüksək qiymətləndirməsi iki ölkə arasında həm siyasi, həm də mənəvi yaxınlığın göstəricisidir.
Səfər çərçivəsində keçirilən Serbiya-Azərbaycan Strateji Şurasının ilk iclası isə münasibətlərin gələcək perspektivlərini daha da aydınlaşdırdı. Müzakirələr zamanı siyasi dialoqun möhkəmləndirilməsi, iqtisadi əlaqələrin genişləndirilməsi, beynəlxalq platformalarda qarşılıqlı dəstəyin davam etdirilməsi və birgə sərmayə layihələrinin həyata keçirilməsi kimi mühüm məsələlər gündəmə gətirildi.
Prezident İlham Əliyevin Azərbaycanın Serbiyaya böyük həcmdə sərmayə qoymağa hazır olduğunu bəyan etməsi bu əməkdaşlığın konkret nəticələrə yönəldiyini göstərir. Birgə inşa ediləcək elektrik stansiyası layihəsi həm Serbiyanın enerji təhlükəsizliyinin möhkəmlənməsinə, həm də regionda enerji balansının qorunmasına xidmət edəcək. Azərbaycan artıq Serbiyaya təbii qaz ixracına başlayıb və yaxın dövrdə bu həcmlərin artırılması planlaşdırılır. Bu qazın elektrik enerjisinə çevrilməsi isə Serbiya üçün yeni iqtisadi üstünlüklər yaradacaq.
Azərbaycanın 2032-ci ilə qədər əlavə 8 giqavat enerji gücü əldə etməyi planlaşdırması və bunun böyük hissəsinin ixraca yönəldilməsi ölkəmizin Avropa enerji bazarında strateji rolunu daha da gücləndirir. Bu baxımdan Serbiya ilə əməkdaşlıq yalnız ikitərəfli deyil, həm də regional əhəmiyyət daşıyan bir model kimi qiymətləndirilə bilər.
Səfərin yekununda səsləndirilən “Yaşasın Serbiya! Yaşasın Azərbaycan! Yaşasın Serbiya-Azərbaycan dostluğu!” çağırışı isə sadəcə diplomatik jest deyil, iki xalq arasında dərin tarixi, siyasi və insani bağların rəmzidir. Bu münasibətlər göstərir ki, dövlətlər arasında qurulan səmimi tərəfdaşlıq xalqların rifahına, regionun sabitliyinə və gələcək nəsillərin daha təhlükəsiz dünyada yaşamasına xidmət edir.
Sevil Əliyeva
Güzdək qəsəbə tam orta ümumtəhsil məktəbinin direktoru
17-02-2026, 00:24
Abbas Əraqçi Cenevrədə BQXK prezidenti ilə görüşüb
İranın xarici işlər naziri Abbas Əraqçi Cenevrədə Beynəlxalq Qızıl Xaç Komitəsiin prezidenti Miryana Spoljaric ilə görüşüb.
Bu barədə İranın Xarici İşlər Nazirliyi məlumat yayıb.
Görüş zamanı tərəflər beynəlxalq humanitar hüquq və İran ilə BQXK arasında əməkdaşlıq məsələlərini müzakirə ediblər. Abbas Əraqçi bütün hökumətlərin beynəlxalq humanitar hüququn prinsip və normalarına riayət etməsinin vacibliyini vurğulayıb.
Qeyd edək ki, İranın XİN rəhbəri Cenevrəyə ABŞ ilə nüvə danışıqları aparmaq üçün Omanın vasitəçiliyilə səfər edib.
16-02-2026, 23:57
Gəncədə yanğın: Tüstüdən zəhərlənənlər var
Gəncədə yanğın hadisəsi baş verib.
Hadisə şəhər ərazisində qeydə alınıb.
Belə ki, sözügedən ərazidə yerləşən fərdi yaşayış evlərinin birində anidən yanğın başlayıb.
Yanğın zamanı 2004-cü il təvəllüdü G.Nəbiyeva, 1989-cu il təvəllüdlü N.Mövsümov tüstüdən zəhərləniblər.
Zəhərlənən şəxslər xəstəxanaya yerləşdiriliblər. Hadisə yerinə aidiyyəti qurumların əməkdaşları cəlb ediliblər.
16-02-2026, 23:53
Azərbaycan nümayəndələri Ermənistana bu kənddən daxil olub
Bir neçə gün əvvəl Ermənistanda keçirilən “Sülh Körpüsü” təşəbbüsü çərçivəsində Azərbaycan və Ermənistan vətəndaş cəmiyyəti nümayəndələrinin növbəti görüşü baş tutub.
Səfərdə iştirak edən nəqliyyat eksperti Rauf Ağamirzəyev Azərbaycan nümayəndə heyətinin sərhədi keçməsi ilə bağlı detalları açıqlayıb.
O bildirib ki, Azərbaycan nümayəndə heyəti bütün zəruri prosedurları tamamlayaraq Azərbaycanın Aşağı Əskipara kəndi və Ermənistanın Voskepar kəndi yaxınlığında delimitasiya və demarkasiya edilmiş quru sərhəd hissəsindən keçməklə Ermənistana daxil olub. Keçid sərhəd və gömrük nəzarəti qaydalarına uyğun şəkildə həyata keçirilib.
Qeyd edək ki, görüşdə 39 nəfər iştirak edib. Proqrama əsasən, Azərbaycan nümayəndə heyəti Ermənistanda təxminən 35 saat olub. Bu müddət ərzində yol və yerləşmə, dörd diskussiya sessiyası, iki rəsmi görüş, mətbuat konfransı və davamlı qeyri-formal dialoq təşkil edilib.
Müzakirələr zamanı proqramda nəzərdə tutulan məsələlərlə yanaşı, hər iki cəmiyyəti narahat edən mövzular, sülh gündəliyinə yanaşmalar, mövcud maneələr və problemlər, eləcə də gələcək fəaliyyət istiqamətləri ətrafında fikir mübadiləsi aparılıb.
16-02-2026, 23:10
Bakıda 23 yaşlı oğlan ondan ayrılmaq istəyən sevgilisini maşında döydü
Bakının Sabunçu rayonunda 23 yaşlı oğlan sevgi münasibətində olduğu qızı döyüb.
Hadisə ötən ilin iyulun 15-də rayonunun Bakıxanov qəsəbəsi, Anaşkin küçəsində baş verib. Tərtər rayon sakini, 2003-cü il təvəllüdlü Pənah həmin gün saat 20 radələrində avtomobilin içərisində sevgilisi Günayla (adlar şərtidir – red.) mübahisə edib. Onların mübahisəsinə səbəb isə Günayın ondan ayrılmaq istəməsi olub. Bu səbəbdən aralarında yaranmış mübahisə zamanı qəsdən əli ilə qızın qol və kürək nahiyələrindən bir neçə dəfə vurub. Ona müxtəlif dərəcəli xəsarətlər yetirib.
Faktla bağlı təqsirləndirilən şəxsin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Sabunçu Rayon Məhkəməsində cinayət işi üzrə araşdırma aparılan zaman məlum olub ki, təqsirləndirilən şəxs zərərçəkənlə barışıb. Zərərçəkmiş qızda ona qarşı şikayətini geri götürüb.
Məhkəmə hökm çıxaran zaman bu halları nəzərə alıb. Təqsirləndirilən şəxsin barəsində olan cinayət təqibinə xitam verilib. O, cinayət məsuliyyətindən azad edilib.
16-02-2026, 22:07
“Apple” yaxın zamanda ucuz “MacBook” təqdim edəcək
Apple yaxın zamanda daha əlçatan qiymətə “MacBook” noutbuklarını təqdim edəcək.
Bu barədə Bloombergin texnologiya eksperti Mark Gurman sosial şəbəkə hesabında məlumat verib.
Bildirilib ki, yeni model “Mac” xəttində indiyədək təqdim olunan ən ucuz noutbuk olacaq. Cihaz sarı, yaşıl, göy, çəhrayı, gümüşü və tünd-boz rəng seçimləri ilə satışa çıxacaq.
Məlumata görə, noutbuk 13 düymlük ekran və “iPhone 18 Pro” modellərində istifadə olunan A18 Pro prosessoru ilə təchiz olunacaq. Qurman plastik korpusla bağlı iddiaları təkzib edib və bildirib ki, model digər “Mac” cihazları kimi alüminium korpusa malik olacaq.
Rəsmi qiymət açıqlanmasa da, nəşr yeni “MacBook”un təxminən 699 dollara satışa çıxacağını yazır.
16-02-2026, 21:42
Paytaxtda müəmmalı ölüm: "Medi Hall" tibb müəssisəsində nə baş verir?
Bakıda estetik əməliyyat etdirən 43 yaşlı qadın dünyasını dəyişib. Hadisə Binəqədi rayonunda qeydə alınıb.
Fevralın 10-da "Medi Hall" tibb müəssisəsində bədənşəkilləndirmə əməliyyatı edilən 1983-cü il təvəllüdlü Nigar İsmayılovanın qəfil halı pisləşib. Ona tibbi müdaxilə göstərilməsinə baxmayaraq, həyatını xilas etmək mümkün olmayıb.
Müəyyən edilib ki, "Medi Hall" hospitalının baş həkimi, adı daha əvvəl də bir sıra uğursuz estetik əməliyyatlarda hallanan Nigar Məhəmmədovadır. Sözügedən həkim əvvəllər "MedAura" klinikasında fəaliyyət göstərib və həmin dövrdə pasiyentlərin çoxsaylı şikayətləri ilə üzləşib.
Klinika direktoru isə Baku TV-yə qadının ölümünün tibb müəssisəsi ilə əlaqəsinin olmadığını bildirib. Onun sözlərinə görə, pasiyent əməliyyatdan bir neçə gün sonra evə buraxılıb və evində dünyasını dəyişib. Ölümün səbəbi kimi ürək problemi və tromboemboliya ehtimalı göstərilir.
Klinika rəhbərliyi qeyd edib ki, əməliyyatdan əvvəl pasiyent müayinədən keçirilib və hər hansı ciddi problem aşkarlanmayıb. Bildirilib ki, tromb yaranması halları müxtəlif səbəblərdən baş verə bilər və bu cür risklər istənilən şəxsdə mümkündür.
Hadisə ilə bağlı Səhiyyə Nazirliyi Analitik Ekspertiza Mərkəzindən bildirilib ki, "Medi Hall" tibb müəssisəsi ilə bağlı səlahiyyətlərinə aid olan bütün məsələlər ciddi şəkildə araşdırılır.
Qeyd olunub ki, Azərbaycan Respublikasının Cinayət Prosessual Məcəlləsinin 201.1-ci maddəsinə əsasən, istintaq sirrini təşkil edən məlumatların yayılması qadağandır və bu məlumatlar yalnız istintaqı aparan orqanın icazəsi ilə açıqlana bilər.
Baş vermiş ölüm hadisəsi ilə bağlı Baş Prokurorluğun mətbuat xidmətindən isə bildirilib ki, fevralın 10-da paytaxtın Binəqədi rayonu ərazisində yerləşən "Medi Hall" hospitalda əməliyyat olunmuş 1983-cü il təvəllüdlü Nigar İsmayılovanın üç gün sonra dünyasını dəyişməsi faktı ilə bağlı Binəqədi Rayon Prokurorluğunda araşdırma aparılır.
Bildirilib ki, hadisənin səbəbi tam, hərtərəfli və obyektiv araşdırıldıqdan sonra müvafiq qərar qəbul ediləcək.
16-02-2026, 21:12
İsrail HƏMAS-a 60 gün vaxt verəcək
İsrail HƏMAS hərəkatına tərk-silah olunması üçün 60 günlük müddət verəcək. Əks halda, İsrail ordusu Qəzza zolağında döyüş əməliyyatlarını bərpa edə bilər.
Bu barədə İsrail Nazirlər Kabinetinin katibi Yossi Fuks Qüdsdə keçirilən konfransda çıxışı zamanı məlumat verib.
Onun sözlərinə görə, 60 günlük müddətin verilməsi xahişi Amerika Birləşmiş Ştatları administrasiyası tərəfindən irəli sürülüb və İsrail tərəfi bu müraciətə hörmətlə yanaşır.
Fuks qeyd edib ki, müddətin hesablanmasına başlanacaq dəqiq tarix hələ müəyyən edilməyib. Ehtimal olunur ki, bu vaxt Qəzza üzrə Sülh Şurasının ilk iclasının keçirildiyi gündən etibarən hesablanacaq.
O əlavə edib ki, müddətin sonunda vəziyyət yenidən qiymətləndiriləcək və tərk-silah baş verməzsə, İsrail ordusu Qəzzada əməliyyatları davam etdirmək məcburiyyətində qalacaq.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!