Fəridə Səfiyevanın “İrəvan tarixi sənədlərin dili ilə” .....                        "Milli QHT Forumunda "Kəlağayı Bayramı" silsilə tədbirlərinə start verildi .....                        Qazaxda gənclərin karyera planlama müzakirəsi .....                        Könüllərdə taxt quran kişi .....                        TƏHSİL TARİXİMİZİN SÖNMƏYƏN ÇIRAQLARI .....                        20 oktyabr — Səttarxanın doğum günü: .....                        Zəngilanın dirçəliş və qayıdış dövrü .....                        Sədaqətli dost, dəyərli qələm sahibi .....                        Azərbaycan və Kamboca əməkdaşlığın yeni mərhələsinə hazırlaşır .....                       
8-04-2026, 02:09
Cəlilabad sakini Bakıda dəm qazından öldü


Cəlilabad sakini Bakıda dəm qazından öldü

Bakı şəhərində dəm qazından zəhərlənmə hadisəsi baş verib.
Paytaxtda yaşayan, Cəlilabad rayonunun Maşlıq kənd sakini, 1995-ci il təvəllüdlü Qəhrəman Əliyev hamam otağında dəm qazından zəhərlənərək həyatını itirib.
Faktla bağlı araşdırma aparılır.
Qeyd edək ki, 3 uşaq atası olan Q.Əliyev paytaxtda tikintidə çalışırmış.
8-04-2026, 01:54
Azərbaycana yağan aramsız yağışların səbəbi bu imiş...


Azərbaycana yağan aramsız yağışların səbəbi bu imiş...

Son günlər ölkə ərazisində müşahidə olunan intensiv yağıntılar bir sıra bölgələrdə subasmalara səbəb olub. Qısa müddətdə düşən yağıntının həcmi isə diqqətçəkən dərəcədə yüksəkdir. Bəs bunun arxasında hansı amillər dayanır?
Meteoroloq Cavid Hüseynov açıqlamasında aprel ayında Azərbaycanda müşahidə olunan intensiv yağıntıların və qeyri-sabit hava şəraitinin bir neçə əsas meteoroloji və iqlim səbəbi olduğunu bildirib.
“İlk olaraq bu, atmosfer dövranı və hava kütlələri ilə əlaqədardır. Aprel ayı keçid dövrü olduğu üçün müxtəlif temperatur göstəricilərinə malik hava kütlələri ölkə ərazisində tez-tez qarşılaşır. Şimaldan gələn soyuq hava kütlələrinin cənubun isti hava kütlələri ilə toqquşması atmosfer cəbhələrinin yaranmasına, bu isə öz növbəsində intensiv yağışlara, şimşək çaxmasına və bəzi hallarda doluya səbəb olur”, - o bildirib.
Ekspertin sözlərinə görə, iqlim dəyişikliyi və rütubət də sözügedən prosesdə rol oynayır.
“Qlobal istiləşmə nəticəsində atmosferin temperaturu yüksəldikcə, hava daha çox rütubət saxlama qabiliyyəti qazanır (hər 1 dərəcə artım rütubəti təxminən 7% artırır). Bu, yağıntıların paylanmasını qeyri-müntəzəm edir və qısa müddətdə ekstremal yağıntıların düşmə ehtimalını artırır.
Xəzər də dənizinin təsiri var. Şərq rayonlarında yağıntıların daha güclü olması çox vaxt Xəzər dənizi üzərindən gələn rütubətli hava kütlələrinin qurudakı soyuq cəbhə ilə birləşməsi ilə bağlıdır”.
Meteoroloq oroqrafik amillərdən də (relyef) söz açıb:
“Azərbaycanın dağlıq relyefi hava kütlələrinin qarşısını kəsərək onları yuxarı qalxmağa məcbur edir. Bu proses havanın soyumasına və xüsusilə Böyük və Kiçik Qafqazın ətəklərində yağıntıların intensivləşməsinə gətirib çıxarır”.
Ekoloq Sadiq Həsənov isə saytımıza açıqlamasında yağışların intensiv formada yağmasını belə şərh edib:
“Son günlər Azərbaycanda, ümumilikdə isə Qafqaz regionunda müşahidə olunan intensiv yağışların əsas səbəbi arktik mənşəli siklonların Xəzər dənizi üzərinə daxil olmasıdır. Məlum olduğu kimi, yaz mövsümünə keçid dövründə temperatur fərqləri artır və bu da atmosfer proseslərini daha da aktivləşdirir. Havaların nisbətən mülayimləşməsi nəticəsində Arktika zonasında buzlaqların əriməsi güclənir və bu, şimaldan gələn soyuq hava kütlələrinin formalaşmasına şərait yaradır. Həmin hava kütlələri və siklonlar güclü küləklərin təsiri ilə Şərqi Sibir üzərindən hərəkət edərək Xəzər dənizinin şimal hissəsinə daxil olur”.
Həmçinin bildirilib ki, nəticədə həmin siklonlar bölgədə qeyri-sabit hava şəraiti yaradaraq intensiv yağıntılara səbəb olur:
“Bu cür proseslər əsasən yazın gəlişi dövründə, mart ayının sonlarından başlayaraq aprel ayının ortalarına qədər daha aktiv olur və tez-tez güclü yağışlarla müşayiət edilir. Mart ayının sonlarında yağan yağışlardan sonra isə Aralıq dənizi hövzəsindən daxil olan isti hava kütlələri bölgədə havanın temperaturunu 18–20 dərəcəyə qədər yüksəltdi. Bu istiləşmə buxarlanmanı artırdı ki, bu da yağıntıların intensivliyinə əlavə təsir göstərən amillərdən biri oldu. Hazırkı vəziyyətə əsasən demək olar ki, aprel ayı ərzində də bu cür dəyişkən və yağışlı hava şəraiti davam edə bilər. Aralıq dənizindən daxil olan isti siklonlar qısa müddətli mülayimləşmə yaratsa da, ümumi proseslər yağıntılı havanın üstünlük təşkil edəcəyini göstərir”.
Qeyd edək ki, mart ayının sonunda yağan yağışların miqdarı normadan xeyli artıq olub. Belə ki, Bakı və Abşeron yarımadasında illik yağıntı norması təxminən 200–250 mm olduğu halda, artıq bunun 60–70 faizinə yaxın hissəsi qısa müddətdə qeydə alınıb. Bu isə region üçün kifayət qədər yüksək yağıntı göstəricisi hesab olunur.
8-04-2026, 01:30
Şərif Trampdan İranla bağlı xahiş edib


Şərif Trampdan İranla bağlı xahiş edib

Pakistanın Baş naziri Şahbaz Şərif ABŞ prezidenti Donald Trampdan İranla razılaşma əldə etmək üçün son tarixin iki həftə müddətinə uzadılmasını istəyib.
Baş nazir bu barədə öz X hesabında məlumat verib.
"Yaxın Şərqdə davam edən müharibənin sülh yolu ilə həlli üçün diplomatik səylər davamlı və güclü şəkildə irəliləyir və yaxın gələcəkdə əsaslı nəticələrə gətirib çıxarmaq potensialına malikdir. Diplomatiyanın öz axarında getməsi üçün Prezident Trampdan son tarixi iki həftə uzatmasını səmimi qəlbdən xahiş edirəm. Pakistan, bütün səmimiyyəti ilə İran qardaşlarından xoşməramlı jest olaraq Hörmüz boğazını müvafiq iki həftə müddətinə açmalarını xahiş edir. Həmçinin, bütün müharibə edən tərəfləri regionda uzunmüddətli sülh və sabitlik naminə diplomatiyanın müharibəyə qəti şəkildə son qoymasına imkan vermək üçün iki həftə ərzində hər yerdə atəşkəsə riayət etməyə çağırırıq", - Şərif yazıb.
8-04-2026, 00:58
"Real" evdə uduzdu, "Arsenal" səfərdə qalib gəldi


"Real" evdə uduzdu, "Arsenal" səfərdə qalib gəldi

UEFA Çempionlar Liqasında 1/4 final mərhələsinin iki oyunu keçirilib.
İlk oyun günündə iki qarşılaşma baş tutub.
"Real" evdə "Bavariya" ilə üz-üzə gəlib, "Arsenal" isə səfərdə "Sportinq"in qonağı olub.
1/4 final mərhələsinin ilk oyunları bu hesablarla yekunlaşıb:

"Real" (İspaniya) 1 – 2 "Bavariya" (Almaniya)
"Sportinq" (Portuqaliya) 0 - 1 "Arsenal" (İngiltərə)

Qeyd edək ki, 1/4 final mərhələsinin cavab oyunları aprelin 14-15-də keçiriləcək.
8-04-2026, 00:16
Ağdaban qətliamından 34 il ötür


Ağdaban qətliamından 34 il ötür

Bu gün Ağdaban faciəsindən 34 il ötür.
1992-ci il aprelin 7-dən 8-nə keçən gecə erməni silahlıları tərəfindən Kəlbəcər rayonunun 130 evdən ibarət Ağdaban kəndi tamamilə yandırılıb və yer üzündən silinib. Kəndin 779 nəfər dinc sakininə qeyri-insani işgəncələr verilib, 32 nəfər qətlə yetirilib, 8 nəfər 90 -100 yaşlı qoca, 2 azyaşlı uşaq, 7 qadın diri-diri yandırılıb.
Ermənilərin mədəni irsimizə qarşı törətdikləri vandalizm siyasətinin davamının daha bir təzahürü kimi şair Ağdabanlı Qurbanın və klassik aşıq şeirinin ustadlarından olan Dədə Şəmşirin əlyazmaları məhv edilib.
Ağdaban kəndində törədilən faciə, əslində, bir günün hadisəsi deyil, iki yüz ilə yaxın müddətdə erməni millətçiləri tərəfindən azərbaycanlılara qarşı davamlı olaraq həyata keçirilən etnik təmizləmə və soyqırımı siyasətinin davamı idi.
Ağdaban faciəsi Ermənistan silahlı qüvvələrinin bundan əvvəl Xocavəndin Qaradağlı kəndində, Xocalıda, Goranboy rayonunun Ballıqaya kəndində və digər yerlərdə azərbaycanlı əhalini kompakt şəkildə məhv etmək niyyəti ilə törədilmiş silsilə kütləvi qırğın aktlarından biridir. Bu qətliam zamanı beynəlxalq humanitar hüquq normaları kobud şəkildə pozulub.
Bu faciəyə ilk hüquqi-siyasi qiymət verən Azərbaycan xalqının Ümummilli Lideri Heydər Əliyev Ağdabanda baş verənləri bəşəriyyətə qarşı törədilən ən böyük cinayət adlandırıb, bunu bütün insanlıq adına utanc kimi səciyyələndirib.
2020-ci ilin Vətən müharibəsində Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusunun işğal altındakı torpaqlarımızı azad etməsi ilə ermənilərin xalqımıza qarşı törətdiyi bütün qətliamların qurbanları kimi, Ağdaban şəhidlərinin də qisası alınıb və bu gün onların ruhları şaddır.
7-04-2026, 23:41
Küveyt hakimiyyəti: "Evlərinizdə qalın"


Küveyt hakimiyyəti: "Evlərinizdə qalın"

Küveyt hakimiyyəti gecə saatlarında əhalini evdə qalmalarına və zəruri hallar istisna olmaqla çölə çıxmamaları barədə çağırış edib.
Bu barədə Küveyt Daxili İşlər Nazirliyinin yaydığı xüsusi bəyanatda vurğulanıb.
"Sakinləri 7 aprel gecə yarısından 8 aprel səhər saat 06:00-dək zəruri hallar istisna olmaqla evdə qalmağı və küçəyə çıxmamağı məsləhət görürük".
Nazirlik vurğulayıb ki, bu müraciət insanların təhlükəsizliyini təmin etmək və hüquq-mühafizə orqanlarının öz vəzifələrini daha effektiv yerinə yetirməsinə şərait yaratmaq məqsədi daşıyır.
7-04-2026, 23:00
ABŞ Bəhreyndəki vətəndaşlarına xəbərdarlıq etdi


ABŞ Bəhreyndəki vətəndaşlarına xəbərdarlıq etdi

ABŞ Dövlət Departamenti Bəhreyndə olan vətəndaşlarını növbəti bildiriş alanadək qaldıqları yerləri tərk etməməyə çağırıb.
Təhlükəsizlik səbəbindən ölkədə yaşayan və ya səfərdə olan amerikalılara ehtiyatlı olmaları və rəsmi göstərişlərə əməl etmələri tövsiyə olunub.
7-04-2026, 22:53
Rusiya və Çin BMT-nin Hörmüz boğazı ilə bağlı qətnaməsini blokladı


Rusiya və Çin BMT-nin Hörmüz boğazı ilə bağlı qətnaməsini blokladı

7 apreldə Rusiya və Çin Hörmüz boğazının açılması üçün İrana qarşı güc tətbiq edilməsini tələb edən qətnamənin qəbul edilməsinə mane olublar. Onlar BMT Təhlükəsizlik Şurasına çıxarılan qətnaməyə veto qoyublar.
Bu barədə "Associated Press" аgentliyi məlumat verib.
Nəticədə Təhlükəsizlik Şurasının 15 üzvündən 11-i qətnamənin qəbulunun lehinə səs verib. Daha 2 ölkə — Pakistan və Kolumbiya səsvermədə bitərəf qalıb.
Agentliyin qeyd etdiyinə görə, sənədin mətni dəfələrlə dəyişdirilib ki, Moskva və Pekini də bitərəf qalmağa məcbur etsinlər.
Qətnamə layihəsi Təhlükəsizlik Şurasına sədrlik edən Bəhreyn tərəfindən, Körfəz ölkələrinin dəstəyi ilə hazırlanıb. Sənədin ilkin variantı ölkələrə Hörmüz boğazından tranziti təmin etmək və onun bağlanmasının qarşısını almaq üçün “bütün zəruri vasitələrdən” istifadə etməyə icazə verirdi. Bu ifadə hərbi əməliyyatları da nəzərdə tutur.
Əvəzində Rusiya və Çin BMT Təhlükəsizlik Şurasına Yaxın Şərqlə bağlı öz qətnamə layihələrini təklif ediblər.
Bu barədə Rusiyanın BMT-dəki daimi nümayəndəsi Vasili Nebenzya məlumat verib. O, Hörmüz boğazında təhlükəsizliyin yalnız hərbi əməliyyatların dayandırılması ilə əldə edilə biləcəyini vurğulayıb.
İranın BMT-dəki daimi nümayəndəsi Əmir Səid İrəvani iclasda "Çinə və Rusiya Federasiyasına məsuliyyətli davranışlarına, konstruktiv yanaşmalarına və veto hüququndan BMT Nizamnaməsinin prinsiplərinə tam uyğun istifadə etdiklərinə görə minnətdarlığımızı bildiririk" söyləyib.
7-04-2026, 22:04
Taksi sürücüləri nə qədər sığorta haqqı ödəyəcəklər? - YENİ QAYDA - VİDEO


Taksi sürücüləri nə qədər sığorta haqqı ödəyəcəklər? - YENİ QAYDA - VİDEO

Azərbaycanda taksi fəaliyyətində istifadə olunan nəqliyyat vasitələrinə görə icbari sığorta haqlarına xüsusi əmsalların tətbiqinə başlanılıb.
Mərkəzi Bankın bununla bağlı yaydığı məlumatda deyilir ki, aparılan təhlillər şəxsi maşınlarla müqayisədə taksi avtonəqliyyat vasitələrinin üçüncü şəxslərin əmlakına və səhhətinə zərər vurma ehtimallarının yüksək olmasını göstərib. Bu da taksi fəaliyyətində istifadə olunan avtomobillərə xüsusi əmsalın tətbiqini zəruri edib.
Sığorta məsələləri üzrə ekspert Şahin İsmayılov deyir ki, taksidə istifadə olunan avtomobillərin mühərrikinin həcmi kiçik olduğundan onlar üzrə sığorta haqlarının məbləği aşağı idi:
"Sığorta hadisələrinin baş verməsində taksi xidməti göstərən avtomobillərin payı çox olduğuna görə sığorta şirkətləri böyük məbləğdə ödənişlər etmək məcburiyyətində qalırdılar. Bundan sonra taksi xidməti göstərən avtomobillər hadisə törətdikdə onların icbari sığorta haqqı bonus-malus sistemi üzrə 300 manat və daha çox ola bilər".

7-04-2026, 21:21
İranın məhv edilməsinə qarşıdırlar


İranın məhv edilməsinə qarşıdırlar

Türkiyə və İspaniya İranın məhv edilməsinə qarşıdır.
Bunu Türkiyə Prezidenti Rəcəb Tayyib Ərdoğan İspaniyanın Baş naziri Pedro Sançes ilə telefon danışığı zamanı deyib.
Liderlər ikitərəfli əlaqələri və regionda baş verənləri müzakirə ediblər.
Türkiyə və İspaniyanın müdafiə başda olmaqla, hər sahədə nümayiş etdirdiyi həmrəylik qabardılıb.
İsrailin Qəzzadakı addımıları, Rusiya-Ukrayna müharibəsinin sona çatdırılması kimi məsələlər ətrafında fikir mübadiləsi aparılıb.
����������� ��������� ������ � �����-����������.
��� dle ������� ��������� ������� � �����.
���������� ���� ������ ��������� � ��� �����������.
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Aprel 2026    »
BeÇaÇCaCŞB
 12345
6789101112
13141516171819
20212223242526
27282930 
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Zəngilanın dirçəliş   və qayıdış dövrü


Zəngilanın dirçəliş

və qayıdış dövrü


Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.

Qərbi zəngəzurlular Zəngilan şəhidliyində

Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.

Azad Zəngilanın qonaqları

Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.

Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!