İran Türkiyəyə yardım göndərdi

İranın xarici işlər naziri Hüseyn Əmir Abdullahian İran Qızıl Aypara Cəmiyyətinin Türkiyə ilə tam əməkdaşlığa hazır olduğunu bəyan edib. Abdullahian bu sözləri bazar ertəsi gecə türkiyəli həmkarı Mövlud Çavuşoğlu ilə telefon danışığında deyib. İranın xarici işlər naziri minlərlə insanın ölümü və yaralanması ilə nəticələnən ölümcül zəlzələ ilə bağlı Türkiyə hökumətinə və xalqına başsağlığı verib. Abdollahianın sözlərinə görə, İran Qızıl Aypara Cəmiyyətinin xilasetmə və tibbi qrupları zəlzələdən zərər çəkmiş bölgələrdəki insanlara yardım göstərmək üçün bazar ertəsi axşam saatlarında Türkiyəyə göndərilib. İranın xarici işlər naziri deyib: “Biz bu çətin vəziyyətdə türk millətinin və hökumətinin yanındayıq”. Çavuşoğlu da öz növbəsində İranın türk xalqına rəğbət və dəstəyinə görə təşəkkür edib və İranın zəlzələdən zərər çəkmiş bölgələrdəki insanlara yardım etməyə hazır olduğunu yüksək qiymətləndirib. Bazar ertəsi Türkiyənin mərkəzi Kahramanmaraş vilayətində 7,4 bal gücündə güclü zəlzələ baş verib. Zəlzələdən sonra onlarla afterşok baş verib, ən güclüsü 6,6 bal gücündə olub. Yüzlərlə bina dağlıb, 3 minə yaxın insan həlak olub, 15 mindən çox yaralı qeydə alınıb.