28-08-2022, 18:50
“Rusiya son alətindən də məhrum olacaq” - Saakaşvili
"Yaxın aylarda ABŞ və Almaniyanın hava hücumundan müdafiə sistemləri işə salınacaq ki, bu da Ukrayna səmasını demək olar ki, tamamilə qoruyacaq və bununla da Rusiyanı son alətindən məhrum edəcək". Bunu Gürcüstanın sabiq prezidenti Mixail Saakaşvili deyib. Onun sözlərinə görə, hər şey Ukraynanın xeyrinə çoxlarının düşündüyündən də yaxşı gedir: “Ən gözlənilməz hadisə cəbhədə baş verir - yaxın vaxtlara qədər Rusiyanın tam üstünlüyə malik olduğu Donbasda hər şey dəyişib. Artilleriya pariteti quruldu və son günlər ukraynalılar silah anbarlarını intensiv şəkildə məhv etməyə başladılar. Şoyqu etiraf edib ki, rus ordusu artıq irəliləyə bilməz". Saakaşvilinin fikrincə, əraziyə nəzarət planı uğursuz olduğu üçün referendum planları da ləğv edildi: "Söhbət praktiki olaraq rusların ala bilmədiyi Donetsk vilayətlərindən gedir. Donbasın digər hissələrini demirəm, Ukraynanın nəzarətində olan Donbas, Slavyansk və Kramatorsk kimi iri şəhərlərin ələ keçirilməsindən ümumiyyətlə danışmağa dəyməz. Deyə bilərəm ki, Zelenski həmişəkindən daha əmindir. Qələbəyə olan bu inam bir milyon Ukrayna əsgərinin fədakarlığına və peşəkarlığına əsaslanır. Pentaqon Ukrayna ordusunun effektivliyini "10 ballıq şkala üzrə 12" olaraq qiymətləndirib. Vaşinqtonun fikrincə, ukraynalılar Qərb silahlarından hər kəsin təsəvvür etdiyindən daha səmərəli istifadə edir. Bir sözlə, hər şey çoxlarının düşündüyündən də yaxşı gedir".
28-08-2022, 18:31
Paşinyana qarşı yenidən etiraz aksiyaları başlayır
Gələn aydan Ermənistanda müxalifət yenidən hakimiyyətə qarşı aksiyalara başlayacaq. Bu barədə Ermənistan mətbuatı məlumat yayıb. Bildirilir ki, aksiyalar Baş nazir Nikol Paşinyanın Qarabağla bağlı fikirlərinə görə keçiriləcək. Məlumata görə, etiraz aksiyaları “Müqavimət” hərəkatının təşkilatçılığı ilə sentyabın 2-də İrəvanın “Fransa” meydanından başlayacaq. Qeyd edək ki, Ermənistanda hakimiyyətə qarşı aksiyalar əvvəlcə aprelin 25-də başlayıb yüzlərlə müxalifətçinin tutulması ilə yekunlaşmışdı.
28-08-2022, 18:23
Yaponiya silkələndi
Yaponiyanın İzu adalarının sahillərində 5,3 bal gücündə zəlzələ qeydə alınıb. Bu barədə Yaponiya Meteorologiya Agentliyi məlumat yayıb. Yeraltı təkanların 22 mindən çox sakinin yaşadığı Katsuura şəhərindən 358 kilometr məsafədə, ocağının 10 kilometr dərinlikdə yerləşdiyi vurğulanır. Dağıntılar və zərərçəkənlər barədə məlumat verilməyib. Məlumata görə, bu dəfə də sunami xəbərdarlığı elan olunmayıb.
28-08-2022, 02:33
Çin ABŞ-a növbəti dəfə xəbərdarlıq edib
Çin amerikalı siyasətçilərin Tayvana səfərləri ilə bağlı ABŞ-a növbəti dəfə xəbərdarlıq edib. Bu barədə Çin hökumətinin rəsmi nümayəndəsi Ma Xiaoguang məlumat verib. O qeyd edib ki, Çin ABŞ senatoru Marş Blekbernin adaya səfərinə kəskin etiraz edir. "Tayvanın qondarma müstəqilliyi üçün təxribatlar və xarici siyasi qüvvələrin dəstəyini qazanmaq cəhdləri qaçılmaz olaraq iflasa məhkumdur”, - bəyanatda deyilir. Rəsmi nümayəndə bildirib ki, ABŞ hökumət nümayəndələrinin Taypeyə qeyri-rəsmi səfərləri iki ölkənin ikitərəfli razılaşmalarını ciddi şəkildə pozur.
28-08-2022, 02:29
“Pakistana hər cür dəstək verməyə hazırıq” - Ərdoğan
Türkiyə Prezidenti Rəcəb Tayyib Ərdoğan və Pakistanın Baş naziri Şahbaz Şərif arasında telefon danışığı olub. Bu barədə Türkiyə mətbuatı məlumat yayıb. Ərdoğan Pakistana güclü musson yağışlarının səbəb olduğu sel fəlakəti ilə bağlı başsağlığı verib. Türkiyə lideri Pakistan xalqına hər cür dəstək verməyə hazır olduğunu bildirib. Qeyd edək ki, Pakistanda iyunun 14-dən bəri davam edən musson yağışları nəticəsində ölənlərin sayı 1000-ə yaxınlaşıb.
28-08-2022, 02:25
Pakistanda yağışdan ölənlərin sayı minə çatır
Pakistanda iyunun 14-dən bəri davam edən musson yağışları nəticəsində ölənlərin sayı 1000-ə yaxınlaşıb. Bu barədə Pakistan mətbuatı məlumat yayıb. Güclü yağışlar nəticəsində həyatını itirənlərin sayı 982-yə çatıb, 1456 nəfər isə yaralanıb. Bundan əlavə, 802 min 582 heyvan tələf olub, 682 min 139 evə ziyan dəyib. Çadır düşərgələrinə sığınanların sayı 498 min 833 nəfərə yüksəlib.
28-08-2022, 02:15
Yaponiyadan Afrikaya 30 milyard dollar yardım
Yaponiya Afrikanın inkişafı üçün 30 milyard dollar yardım göstərəcəyini bəyan edib. Bu barədə Yaponiyanın Baş naziri Fumio Kişida Tunisdə keçirilən Yaponiya-Afrika sammitində məlumat verib. O videokonfrans vasitəsilə iştirak etdiyi iclasda bildirib ki, Yaponiya qlobal qıtlıq şəraitində Afrikaya taxıl daşınmasını təmin etməyə çalışacaq. "Qaydalara əsaslanan cəmiyyətdən imtina etsək və status-kvonun zorla birtərəfli dəyişməsinə icazə versək, bunun təsiri təkcə Afrikaya deyil, bunun təsiri bütün dünyaya yayılacaq", - deyə Kişida qeyd edib. Baş nazir deyib ki, 30 milyard dollar üç il ərzində çatdırılacaq. Tunisin dövlət xəbər agentliyi bildirib ki, Yaponiya pandemiyanın təsirini azaltmaq üçün Tunisə 100 milyon dollar yardım edib.
28-08-2022, 02:14
Liviyada şiddətli döyüşlər gedir
Liviyanın paytaxtı Tripolida şiddətli döyüşlər başlayıb. Butov.az xəbər verir ki, döyüşlər gün ərzində davam edib. Məlumata görə, qiyamçı general Xəlifə Haftara sadiq qüvvələr paytaxt ətrafındakı silah anbarına hücum edib və şəhərə daxil olmağa çalışıb. Əbdülhəmid əl-Dbeybəhin başçılıq etdiyi Tripolidəki Milli Birlik Hökuməti ilə şərqdə yerləşən və parlamentin dəstəklədiyi Fəthi Başağanın rəqib hökuməti arasında gərginlik kulminasiya nöqtəsinə çatıb. BMT və Qərb ölkələri tərəfləri dialoqa çağırıb.
28-08-2022, 02:12
Qazaxıstan hərbi məhsulların ixracını dayandırır
Qazaxıstan 2023-cü ilin sentyabr ayına qədər hərbi məhsulların ixracını dayandırır. Bu barədə Qazaxıstan hökumətinin "Telegram" kanalında məlumat yayılıb. Bildirilir ki, qərar müdafiə sənayesi məsələləri üzrə komissiyanın iclasında qəbul edilib. Qazaxıstanın Baş naziri Əlixan Smailovun sədrliyi ilə keçirilən iclasda komissiyanın üzvləri silah, hərbi texnika və hərbi təyinatlı məhsulların ixracının 2023-cü ilin avqust ayının sonunadək dayandırılması təklifini müzakirə ediblər. "Təklif komissiya üzvləri tərəfindən dəstəklənib" , - Qazaxıstan hökuməti bildirib. Avqustun 22-də Qazaxıstan Prezidenti Kasım-Jomart Tokayevin rəhbərliyi ilə Təhlükəsizlik Şurasının iclası keçirilib. İclasda silahların istehsalı və tədarükü, o cümlədən bu sahədə ixraca nəzarət məsələlərinə baxılıb.
28-08-2022, 02:05
Britaniya Ukraynaya sualtı dronlar verəcək
Böyük Britaniya dəniz sahillərində minaların aşkar edilməsinə kömək etmək üçün Ukraynaya 6 ədəd sualtı dron göndərəcək. Bu barədə Böyük Britaniya Müdafiə Nazirliyinin mətbuat xidməti məlumat yayıb. London Ukrayna hərbçilərinə dronlardan istifadə üzrə təlim keçəcək. Hərbçilərin birinci qrupu artıq təlimlərə başlayıb. Məlumata görə, dronlardan üçü Britaniya ordusunun arsenalından veriləcək, qalan üçü isə xüsusi olaraq Ukrayna üçün alınacaq. Nazirlik dronun modelini açıqlamayıb, lakin yüngül cihazın dayaz sahillərdə istifadə üçün nəzərdə tutulduğunu və minaların aşkar edilməsi üçün 100 m-ə qədər səmərəli işlədiyini bildirib. "Bu həyati vacib avadanlıq və təlim Ukraynaya öz sularının təhlükəsizliyinə kömək edəcək, dünyaya taxıl tədarükünü təmin edəcək, Ukrayna Silahlı Qüvvələrinə sahil xəttini və limanlarını qorumağa dəstək verəcək”, - deyə müdafiə naziri Ben Uolles bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!