29-03-2026, 11:31
Hakan Fidan Pakistana getdi
Türkiyənin xarici işlər naziri Hakan Fidan Pakistanın paytaxtı İslamabada səfər edib.
Bu barədə Pakistanın Xarici İşlər Nazirliyi məlumat yayıb.
Məlumata görə, Hakan Fidanı Pakistanın Baş nazirinin müavini və xarici işlər naziri Məhəmməd İshaq Dar qarşılayıb.
Səfər çərçivəsində tərəflər arasında ikitərəfli əməkdaşlıq, eləcə də qarşılıqlı maraq doğuran regional məsələlər və aktual inkişaf tendensiyaları ətrafında geniş fikir mübadiləsi aparılacaq.
29-03-2026, 10:59
Sabiq prezident vəfat etdi
Əlcəzairin sabiq prezidenti Əl-Yəmin Zərval 84 yaşında dünyasını dəyişib.
Zərvalın uzun müddətdir xəstəliklərlə mübarizə apardığı və hərbi xəstəxanada müalicə aldığı bildirilir.
Zərval müalicə aldığı xəstəxanada vəfat edib.
Qeyd edək ki, Zərval 1994-cü ildən 1999-cu ilə qədər prezident vəzifəsində çalışıb.
29-03-2026, 10:40
İran ABŞ-nin xüsusi kəşfiyyat təyyarəsini vurdu
Martın 27-də İranın Səudiyyə Ərəbistanında Şahzadə Sultan Hərbi Hava Bazasına raket və pilotsuz uçuş aparatları ilə endirdiyi zərbə nəticəsində ABŞ-yə məxsus xüsusi kəşfiyyat təyyarəsi də zədələnib.
Bu barədə “The Wall Street” Journal Amerika və ərəb rəsmilərinə istinadən məlumat yayıb.
Cümə günü Şahzadə Sultan Hərbi Hava Bazası hücuma məruz qalıb. Nəticədə 12 amerikalı hərbi qulluqçu yaralanıb, bir neçə təyyarə, o cümlədən iki ədəd “GKC-135” yanacaqdoldurma təyyarəsi zədələnib.
Zədələnən təyyarələr arasında real vaxt rejimində döyüşlərdə uzaq məsafədən raketləri, pilotsuz aparatları və təyyarələri izləmək üçün istifadə olunan erkən xəbərdarlıq və idarəetmə sisteminə malik “E-3 Sentry” də olub.
29-03-2026, 10:27
ABŞ universitetlərini vuracağıq - İran
İslam İnqilabı Keşikçiləri Korpusu (SEPAH) Vaşinqton İran universitetlərinə edilən hücumları pisləməsə, Yaxın Şərqdəki Amerika universitetlərinə hücum edəcəyi ilə hədələyib.
Bu barədə Tasnim xəbər agentliyi məlumat yayıb.
Korpusun bəyanatına görə, ABŞ administrasiyasının İran universitetlərinə edilən hücumları pisləmək üçün 30 mart Tehran vaxtı ilə saat 12:00-a qədər vaxtı var. Əks halda, regiondakı Amerika təhsil müəssisələri hdəfə çevrilə bilər, deyə iddia edilir.
Bəyanatda həmçinin qeyd olunur ki, Vaşinqtonun cavabından asılı olmayaraq - "bombalanan İran universitetlərinin qisası olaraq" Yaxın Şərqdəki iki Amerika universiteti məhv ediləcək. Bu müəssisələrin adları göstərilməyib.
29-03-2026, 09:55
Bəndər-Pol bombalandı - Ölənlər var
İranın cənubunda, Fars körfəzi sahilində yerləşən Bəndər-Pol liman şəhərinin bombardman edilməsi nəticəsində azı 5 nəfər həlak olub.
Məlumata görə, hücum zamanı Bəndər-Polda iki gəmidə yanğın başlayıb. Hadisə nəticəsində ən azı 5 nəfərin həyatını itirdiyi bildirilir.
29-03-2026, 09:33
İranda daha bir yüksəkvəzifəli şəxs öldürüldü
İran Müdafiə Nazirliyinin tədqiqat mərkəzinin rəhbəri Əli Fuladvənd İsrail-ABŞ birgə əməliyyatı nəticəsində ölkənin Borucerd şəhərində həlak olub.
Qeyd olunub ki, Əli Fuladvand İran Müdafiə Nazirliyinin Müdafiə Tədqiqatları və İnnovasiyaları Mərkəzinə rəhbərlik edib. Telekanalın məlumatına görə, o, 28 mart səhəri öldürülüb.
İran hakimiyyəti hələlik bu məlumatı təsdiqləməyib.
29-03-2026, 09:12
İsraildə etirazlar - Müharibəni dayandırın
Təl-Əvivdə İranla müharibəyə qarşı kütləvi etiraz aksiyaları başlayıb.
Şəhərin mərkəzində on minlərlə insan küçələrə çıxaraq davam edən hərbi əməliyyatlara etiraz edib.
Aksiya iştirakçıları “Bu müharibəni dayandırın!”, “Atəşkəs dərhal elan edilsin!” kimi şüarlar səsləndirərək hökumətdən İranla qarşıdurmaya son qoyulmasını tələb ediblər. Etirazlar qısa zamanda genişlənərək şəhərin müxtəlif ərazilərini əhatə edib.
Məlumata görə, vəziyyət daha da gərginləşib və polis qüvvələri aksiyanı dağıtmaq üçün müdaxilə edib. Nəticədə etirazçılarla hüquq-mühafizə orqanları arasında ciddi toqquşmalar baş verib. Bəzi küçələrdə qarşıdurmaların kəskin xarakter aldığı bildirilir.
Şahidlərin sözlərinə görə, minlərlə insan artıq müharibədən cana yığıldığını açıq şəkildə ifadə edir və dərhal sülh çağırışı edir. Polis müdaxiləsi isə aksiyaların daha da alovlanmasına səbəb olub.
Hazırda Təl-Əvivdə vəziyyət gərgin olaraq qalır və etirazların davam edəcəyi gözlənilir.
28-03-2026, 17:55
SEPAH ABŞ-ə məxsus hərbi texnikaları vurduğunu AÇIQLADI
İran İnqilabı Keşikçiləri Korpusu (SEPAH) ABŞ-ə məxsus hərbi vasitələrin vurulduğunu açıqlayıb.
Bu barədə SEPAH-ın Mətbuat xidmətinin yaydığı bəyanatda bildirilib.
Məlumata görə, qurumun hava hücumundan müdafiə qüvvələri ABŞ-ə məxsus MQ-9 tipli strateji pilotsuz uçuş aparatını Şiraz səmasında zenit atəşi ilə vurub.
Bəyanatda qeyd olunub ki, həmçinin ABŞ-ə məxsus F-16 qırıcı təyyarəsi Fars vilayətinin cənubunda vurulub və zədələnmiş vəziyyətdə Səudiyyə Ərəbistanındakı hava limanlarından birinə eniş etməyə məcbur olub.
28-03-2026, 17:26
İsrail iki livanlı jurnalisti öldürdü
Cənubi Livanda jurnalistlərə qarşı növbəti ölümcül hücum qeydə alınıb.
Ölkənin cənubunda yerləşən Cəzzin şəhəri yaxınlığında avtomobilə endirilən hava zərbəsi nəticəsində iki jurnalist və bir operator həlak olub.
Məlumata görə, hücum zamanı “Al-Manar” telekanalının müxbiri Əli Şueyb, “Al-Məyadeen” telekanalının müxbiri Fatimə Futuni və onları müşayiət edən operator həyatını itirib. Hər iki kanal əməkdaşlarının ölümünü təsdiqləyib. “Al-Məyadeen” hadisəni “İsrailin qəfil hücumu” kimi qiymətləndirib.
Hərbi mənbələr bildirir ki, zərbə jurnalistlərin olduğu avtomobilə birbaşa endirilib. Yerli KİV-lərin məlumatına əsasən, həlak olan operator Fatimə Futuninin qardaşı olub və çəkiliş zamanı onların yanında olub.
Hadisə səhər saatlarından etibarən Livanın cənubunda həyata keçirilən genişmiqyaslı hücumların tərkib hissəsi kimi qiymətləndirilir. İsrail ordusu isə insidentlə bağlı hələlik rəsmi açıqlama verməyib.
Belə ki, son saatlarda ölkənin bir sıra bölgələrində hərbi gərginlik daha da artıb, hava zərbələri və artilleriya atəşləri davam edir.
İsrail Müdafiə Qüvvələrinin (IDF) məlumatına görə, Şueyb “Radvan” qüvvəsinin kəşfiyyat bölməsində fəaliyyət göstərib, eyni zamanda “Hizbullah”a bağlı “Al-Manar” telekanalında jurnalist kimi çalışıb.
Livan Səhiyyə Nazirliyinin son məlumatına görə, martın 2-dən bəri davam edən hücumlar nəticəsində 1142 nəfər ölüb, 3 mindən çox insan yaralanıb.
Davam edən hücumlar və toqquşmalar fonunda ölkədə humanitar vəziyyətin daha da pisləşəcəyi ilə bağlı xəbərdarlıqlar artır. Xüsusilə cənub bölgələri və paytaxt Beyrutun cənub ətraflarında köç dalğasının genişləndiyi və itkilərin artdığı bildirilir.
28-03-2026, 17:08
Yaşar Gülər iranlı həmkarına zəng etdi
Türkiyənin milli müdafiə naziri Yaşar Gülər İran müdafiə nazirinin müavini Seyyid Məcid İbnül Rıza ilə telefon danışığı aparıb.
Bu barədə "TRT Haber" məlumat yayıb.
Qeyd olunub ki, telefon danışığı zamanı son hadisələr başda olmaqla, ikitərəfli və regional müdafiə və təhlükəsizlik məsələləri üzrə fikir mübadiləsi aparılıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!