28-03-2026, 16:59
İran Dubayda Ukraynanın dron anbarını məhv etdi
İran Silahlı Qüvvələrinin Xatəm əl-Ənbiya qərargahının sözçüsü İbrahim Zülfəqari bildirib ki, İran qüvvələri Dubayda Ukrayna istehsalı olan anti-dron sistemlərinin saxlandığı anbarı məhv edib.
Bu barədə İran İslam Respublikası Televiziya Şirkəti (IRIB) məlumat yayıb.
Onun sözlərinə görə, İslam İnqilabı Keşikçiləri Korpusunun (İİKK) aerokosmik və dəniz qüvvələri Dubaydakı Amerika hərbi sığınacaqlarına zərbələr endirib. Nəticədə ABŞ ordusu ağır itkilər verib.
Zülfüqari vurğulayıb ki, "Eyni zamanda, Ukraynanın dron əleyhinə sistemlərinin anbarı məhv edilib və orada 21 ukraynalı da olub".
İran Mərkəzi Komandanlığının sözçüsü əlavə edib ki, Ukrayna vətəndaşlarının taleyi hələ də məlum deyil. O, ukraynalıların ABŞ qüvvələrinə kömək etmək üçün Birləşmiş Ərəb Əmirliklərinə (BƏƏ) gəldiyini bildirib.
28-03-2026, 16:33
Rusiya XİN-dən sərt açıqlama: “Dayanın! Siz artıq həddi keçmisiniz"
İranda, o cümlədən “Buşehr” Atom Elektrik Stansiyasına qarşı həyata keçirilən hücumlar bütün beynəlxalq ictimaiyyət tərəfindən qətiyyətlə pislənməlidir.
Bu barədə Rusiya Xarici İşlər Nazirliyinin sözçüsü Mariya Zaxarova bildirib.
Onun sözlərinə görə, İrana qarşı hücum edən tərəflər Yaxın Şərqdə apardıqları müharibədə riskləri nəzərə almadan gərginliyi daha da artırırlar:
“Təcavüzkarlar Yaxın Şərqdəki müharibədə risklərə, o cümlədən genişmiqyaslı radioaktiv çirklənmə təhlükəsinə məhəl qoymadan vəziyyəti daha da gərginləşdirirlər”.
Zaxarova qeyd edib ki, martın 27-də İrana hücum edən dövlətlər Xondabdakı ağırsulu kompleksə və Ərdəkandakı uran filizi konsentratı istehsal edən zavoda məqsədli zərbələr endiriblər. Bundan dərhal sonra isə “Buşehr” AES ətrafının yenidən atəşə tutulması ilə bağlı məlumatlar yayılıb.
Diplomat vurğulayıb ki, bu hücumlar dünya ictimaiyyəti tərəfindən birmənalı və sərt şəkildə pislənməlidir.
O, həmçinin Beynəlxalq Atom Enerjisi Agentliyinin rəhbərliyinin də yaranmış təhlükə ilə bağlı daha aydın mövqe ortaya qoymalı olduğunu bildirib:
“Ümid edirik ki, MAQATE-nin baş direktoru Rafael Qrossi İran hakimiyyətindən birbaşa aldığı obyektiv məlumatlar əsasında aqressorlara təcili və açıq şəkildə sadə bir mesajı çatdıracaq:
“Dayanın! Siz artıq həddi keçmisiniz. Amma hələ də daha böyük cinayətlər törətməmək, günahsız qurbanların sayını artırmamaq və faciəni qlobal fəlakət miqyasına çatdırmamaq şansınız var”.
Zaxarova əlavə edib ki, İrandakı dinc nüvə obyektlərinə hücumlar geosiyasi maraqlar naminə Nüvə Silahlarının Yayılmaması Müqaviləsinin mexanizmlərini də faktiki olaraq iflic edir.
Rusiya XİN sözçüsü bildirib ki, Moskva İranın rəqiblərinin bu destruktiv xəttini qətiyyətlə pisləyir və onları dərhal dayanmağa çağırır.
28-03-2026, 15:56
BƏƏ-də yaralananların sayı 178 çatıb
İranın Birləşmiş Ərəb Əmirlikləri (BƏƏ) ərazisinə həyata keçirdiyi hücumlar nəticəsində yaralananların sayı 178 nəfərə çatıb.
Bu barədə BƏƏ Müdafiə Nazirliyi “X” platformasında yaydığı gündəlik məlumatda bildirib.
“178 nəfər müxtəlif dərəcəli xəsarətlər alıb - yüngüldən orta və ağır vəziyyətədək. Yaralananlar arasında təxminən 30-a yaxın ölkənin vətəndaşları var".
Nazirliyin açıqlamasına görə, onların arasında Rusiya vətəndaşları yoxdur:
"Hücumlar nəticəsində BƏƏ Silahlı Qüvvələrinin iki hərbçisi, silahlı qüvvələr tərəfindən işə cəlb edilmiş Mərakeş vətəndaşı olan bir mülki şəxs, eləcə də Pakistan, Nepal, Banqladeş və Hindistan vətəndaşı olan səkkiz mülki şəxs həlak olub", - deyə məlumatda qeyd olunub.
28-03-2026, 15:48
Qalibafdan sərt mesaj: ABŞ və İsrail...
İran parlamentinin spikeri Məhəmməd Baqir Qalibaf ABŞ və İsrailin İrana qarşı hərbi əməliyyatlarını “insan sivilizasiyası üçün birbaşa təhlükə” kimi qiymətləndirib.
O, şənbə günü "X" hesabında paylaşım edərək ABŞ və İsrailin hərbi addımlarını tənqid edib və bunu sübut etmək üçün üç BMT hesabatına istinad edib.
“İranın niyə insanlıq uğrunda mübarizə apardığını və İsrailin niyə insan sivilizasiyası üçün ciddi təhdid olduğunu anlamaq istəyirsinizsə, bu üç BMT hesabatını oxuyun”, - deyə o qeyd edib.
28-03-2026, 14:17
Pezeşkiandan region ölkələrinə XƏBƏRDARLIQ
İran Prezidenti Məsud Pezeşkian region ölkələrinə sərt xəbərdarlıq edib.
O, bu barədə “X” hesabında paylaşım edib.
“Biz dəfələrlə demişik ki, İran qabaqlayıcı hücumlar həyata keçirmir. Ancaq infrastrukturumuza və ya iqtisadi mərkəzlərimizə zərbə endirilərsə, çox sərt cavab verəcəyik. Region ölkələrinə müraciət edirik - əgər inkişaf və təhlükəsizlik istəyirsinizsə, düşmənlərimizin sizin ərazilərinizdən müharibə aparmasına imkan verməyin", - deyə Pezeşkian qeyd edib.
28-03-2026, 14:00
Güclü yağışlar Dağıstanda həyatı iflic etdi
Dağıstanda leysan yağışlar ölkəni Venesiyaya çevirib.
Bu barədə "News.ru" "Telegram" kanalı məlumat verib.
Məlumata görə, yağıntıların miqdarı yüzillik rekordu qırıb. Belə ki, bir gündə bölgəyə 50 millimetrdən çox yağıb ki, bu da 1919-cu ilin martında qeydə alınan tarixi maksimumdan yüksəkdir.
Yollar demək olar ki, iflic vəziyyətinə düşüb, piyadalar isə alternativ yollar axtarmağa məcbur olurlar.
28-03-2026, 13:45
Şahbaz Şərif Pezeşkianla hərbi əməliyyatları müzakirə etdi
Pakistanın Baş naziri Şahbaz Şərif bu gün İran İslam Respublikasının Prezidenti Məsud Pezeşkian ilə telefon danışığı aparıb.
Bu barədə Pakistan Baş nazirinin ofisi məlumat yayıb.
Tərəflər bölgədə davam edən hərbi əməliyyatlar və sülh səyləri ilə bağlı geniş müzakirələr aparıblar.
“Baş nazir Pakistanın İsrailin İrana qarşı davam edən hücumlarını, o cümlədən dünən mülki infrastruktura edilən son hücumları qətiyyətlə pislədiyini bir daha bildirib. O, Pakistanın bu çətin dövrdə İran xalqına həmrəyliyini və dəstəyini bir daha təsdiqləyib”, - məlumatda qeyd edilib.
Şahbaz Şərif İran Prezidentinə ABŞ, Körfəz və İslam ölkələri ilə əməkdaşlıq etmək, sülh danışıqları üçün əlverişli mühit yaratmaq məqsədilə hazırda Pakistanın həyata keçirdiyi diplomatik yardım səyləri barədə məlumat verib.
“O, İran Prezidentinə Pakistanın sülh təşəbbüsünün qəti şəkildə dəstəklənməsi barədə məlumat verib və düşmənçiliyə son qoymaq üçün birgə yol tapılacağına ümid etdiyini bildirib”, - vurğulanıb.
28-03-2026, 12:51
İsrail İranda silah istehsalı müəssisəsini vurdu
Dünən İsrail Hərbi Hava Qüvvələri İranda silah istehsalı müəssisələrinə zərbələr endirib.
Məlumata görə, təxminən 50 qırıcı təyyarə İranın üç bölgəsində olan hərbi təsisatlara hücum edib.
Bu müəssisələrə ballistik raket və qırıcı əleyhinə raketlər, həm də partlayıcı qurğular istehsal edən obyektlər də daxildir.
28-03-2026, 11:22
Tailand İranla razılığa gəldi
Tailand İran İslam Respublikası ilə neft tankerlərinin Hörmüz boğazından təhlükəsiz şəkildə keçməsinə icazə vermək barədə razılığa gəlib.
Bu barədə Tailandın Baş naziri Anutin Çaarnvirakul məlumat verib.
O bildirib ki, əldə olunan bu razılaşma ölkənin yanacaq idxalı ilə bağlı narahatlıqları azaldacaq.
27-03-2026, 17:45
Putin İlham Əliyevə təşəkkür etdi
Rusiya Federasiyasının Prezidenti Vladimir Putin Bakıda fəaliyyət göstərən Rus Dram Teatrına göstərilən dəstəyə görə Azərbaycan Respublikasının Prezidenti İlham Əliyevə təşəkkür edib.
O, bu barədə Dərbənddə Azərbaycan Dövlət Musiqili Dram Teatrının binasının açılışında videobağlantı vasitəsilə çıxışı zamanı bildirib.
“Rusiya ilə Azərbaycan arasında münasibətlər ümumi tarixi keçmişin, o cümlədən mədəni irsin möhkəm təməli üzərində inkişaf edir. Qeyd etmək lazımdır ki, Bakıda 100 ildən artıq əvvəl açılmış məşhur Rus Dram Teatrı çox uğurla fəaliyyət göstərir. Bu baxımdan, teatrın fəaliyyətinə göstərilən dəstəyə görə Prezident İlham Əliyevə təşəkkürümü bildirmək istəyirəm. Qeyd etmək istəyirəm ki, bu iki səhnə — Bakıda Rus Dram Teatrı və Dərbənddə Azərbaycan Dram Teatrı — mədəniyyətlərimiz arasında körpü rolunu oynayır”, - deyə Rusiya Prezidenti vurğulayıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!