24-07-2025, 16:09
İlon Mask 20 min insanın beyninə çip yerləşdirməyi planlaşdırır
Amerikalı milyarder İlon Maskın beyin-kompüter interfeysi texnologiyası üzərində çalışan "Neuralink" şirkəti 2031-ci ilə qədər 20 min insana beyin çipi implantasiya etməyi hədəfləyir.
Bu barədə "Bloomberg" agentliyi şirkətin daxili təqdimat və sənədlərinə istinadən məlumat yayıb.
Məlumata görə, önümüzdəki 6 il ərzində "Neuralink" ABŞ ərazisində 5 böyük klinika açmağı planlaşdırır. Bu mərkəzlərdə insan beyninə mikroçiplərin yerləşdirilməsi həyata keçiriləcək.
Çiplər fərqli funksiyalara malik olacaq və müxtəlif xəstəliklərin müalicəsi və ya insan-kompüter əlaqələrinin inkişaf etdirilməsi üçün istifadə olunacaq.
Şirkətin üç əsas proqramı var. "Telepathy" insan beyninin kompüterlə birbaşa əlaqəsini təmin etməyi və bu sahəni öyrənməyi hədəfləyir. "Blindsight" isə görmə qabiliyyətini itirmiş insanlara kömək etməyə yönəlib. "Deep" isə Parkinson xəstəliyindən əziyyət çəkən insanlara yönəlmiş neyroterapiya proqramıdır.
"Neuralink" 2029-cu ilə qədər "Telepathy" proqramı üzrə ABŞ tənzimləyici qurumlarından rəsmi icazə almağı və ildə təxminən 2 min əməliyyat keçirməyi planlaşdırır. 2030-cu ildən isə şirkət "Blindsight" proqramını genişləndirərək ildə 10 min nəfər görmə qüsurlu şəxsə çip yerləşdirməyi qarşıya məqsəd qoyub.
24-07-2025, 14:30
Mişustin Paşinyanla görüşdü
Rusiya hökumətinin başçısı Mixail Mişustin Altay Respublikasında səfərdə olan Ermənistanın Baş naziri Nikol Paşinyanla görüşüb.
Bu barədə Rusiya KİV-i məlumat yayıb.
Beynəlxalq Ekologiya Konfransı çərçivəsində baş tutan görüşdə hər iki ölkənin nümayəndə heyətlərinin üzvləri də iştirak edirlər.
23-07-2025, 23:55
İstanbulda nələr müzakirə olundu.. - DETALLAR
Rusiya və Ukrayna hər iki tərəfdən 1 200-ə yaxın əsiri dəyişdirəcək.
Bunu Rusiya Prezidentinin köməkçisi Vladimir Medinski deyib.
Onun sözlərinə görə, Rusiya Ukrayna Silahlı Qüvvələrinin daha 3 min əsgərinin meyitini təhvil verməyi də təklif edib.
Ukrayna nümayəndə heyətinin rəhbəri Rustem Umerov isə deyib ki, Ukrayna atəşkəsə hazırdır və nümayəndə heyəti buna nail olmaq üçün istənilən, hətta ən kiçik fürsətdən istifadə edir.
"Bu gün Ukrayna Prezidentinin tapşırığına uyğun olaraq, nümayəndə heyəti İstanbuldadır. Danışıqlardan əvvəl komanda ilə son hazırlıq işlərini apardıq. Biz ədalətli və davamlı sülhün əldə olunması, bütün insanlarımızın, o cümlədən qanunsuz olaraq Rusiyaya deportasiya olunmamış uşaqların geri qaytarılması naminə danışıqlar prosesini davam etdiririk", - Umerov qeyd edib.
"Atəşkəs üçün bütün texniki mexanizmlər yaxşı məlumdur. Yeganə maneə Moskvanın qeyri-konstruktiv mövqeyidir", - Umerov əlavə edib.
O, həmçinin vurğulayıb ki, Ukrayna ardıcıl olaraq liderlərin görüşünün tərəfdarıdır.
"Biz dünən buna hazır idik, bu gün də hazırıq, sabah da hazır olacağıq. Rusiya öz hazırlığını nümayiş etdirməlidir", - Umerov yekunlaşdırıb.
23-07-2025, 22:30
İstanbulda sülh danışıqları başa çatdı - YENiLƏNİB
İstanbulun Çırağan sarayında tam tərkibdə birbaşa Rusiya-Ukrayna danışıqlarının üçüncü raundu başa çatıb.
Danışıqlar 40 dəqiqə davam edib.
***
20:30
İstanbulda Rusiya və Ukrayna arasında sülh danışıqlarının üçüncü raundu başlayıb.
Bu barədə “Türkiyə” qəzeti məlumat yayıb.
Bildirilib ki, Türkiyə xarici işlər naziri Hakan Fidan, Milli Kəşfiyyat Təşkilatının (MİT) rəhbəri İbrahim Kalın, Baş Qərargah rəisi, ordu generalı Metin Gürak, Rusiya və Ukrayna nümayəndə heyətləri Ukrayna ilə Rusiya arasında sülh danışıqları üçün İstanbuldakı Çırağan Sarayına gəlib.
23-07-2025, 22:25
Türkiyədə faciə - Meşə yanğınlarında 10 nəfər öldü
Türkiyənin Eskişehir vilayətinin Seyitqazi rayonunda, Büyükyayla məhəlləsi yaxınlığındakı meşədə yanğını söndürərkən ərazidə çalışan 10 nəfər həlak olub.
Məlumata görə, yanğını küləyin təsiri ilə güclənərək ətraf rayonlara da yayılıb.
23-07-2025, 15:54
Türkiyə ilə Britaniya razılığa gəldi - Saziş İMZALANDI
İstanbulda davam edən “IDEF 2025” Beynəlxalq Müdafiə Sənayesi Sərgisi çərçivəsində Türkiyənin milli müdafiə naziri Yaşar Gülər ilə Böyük Britaniyanın müdafiə naziri Con Hili arasında Türkiyənin “Eurofighter” döyüş təyyarəsinin istifadəçisi kimi qəbul olunmasına dair hərtərəfli razılaşmaya yönəlik Anlaşma Memorandumu imzalanıb.
Bu gün imzalanan bu ortaq sənədlə ölkələr arasındakı münasibətlər rəsmi müstəviyə daşınaraq “Typhoon” mövzusunda hərtərəfli razılaşmaya bir addım daha atılıb.
Türkiyənin Milli Müdafiə Nazirliyindən mövzu ilə bağlı verilən açıqlamada bildirilib ki, sənəd Türkiyə-İngiltərə tərəfdaşlığının gücünü bir daha təsdiqləyir və NATO çərçivəsində həyata keçirilən, əməkdaşlıq da daxil olmaqla, uzun müddətdir davam edən müdafiə əməkdaşlığı, müdafiə sənayesi və təhlükəsizlik sahələrində inkişaf edən əlaqələrin əhəmiyyəti vurğulanıb. Atılan imzalarla hər iki nazir alyansın birgə çəkindirici gücünü dəstəkləmək məqsədilə bu strateji tərəfdaşlığı daha da dərinləşdirmək öhdəliyini ifadə ediblər.
Qeyd olunub ki, iki ölkə “Eurofighter Typhoon” təchizatı mövzusunda əhəmiyyətli irəliləyişlər əldə etməyə davam edir. Türkiyənin Typhoon istifadəçisi kimi qəbul olunması, NATO-nun əsas müttəfiqləri arasında illərlə inkişaf etmiş dostluq əlaqələrini daha da gücləndirəcək və Türkiyənin qabaqcıl hava döyüş qabiliyyətlərini artırmaq istiqamətində mühüm bir addım olacaq. Bu sənəd ölkələr arasındakı əlaqəni rəsmi hala gətirməkdə və “Typhoon” mövzusunda hərtərəfli razılaşmaya doğru atılmış mühüm bir addımı təmsil etməkdədir.
22-07-2025, 23:47
Məşhur rok musiqiçisi vəfat etdi
Məşhur britaniyalı rok musiqiçisi Ozzi Osborn vəfat edib.
"Black Sabbath" rok qrupunun təsisçilərindən və olan britaniyalı musiqiçi 76 yaşında dünyasını dəyişib.
Qeyd edək ki, qrup klassik tərkibdə iyulun 5-də Birmingemdəki "Villa Park" stadionunda vida konserti keçirmişdi.
Osborn iki dəfə Böyük Britaniya Musiqi Şöhrət Zalına və ABŞ-nin Rok-n-Roll Şöhrət Zalına daxil edilib.
Onun Hollivud Şöhrət Xiyabanında ulduzu var və beş "Grammy" mükafatı qazanıb.
22-07-2025, 23:26
BMT Ukraynaya görə təcili toplanır
BMT Təhlükəsizlik Şurası iyulun 25-də Ukraynadakı vəziyyətlə bağlı iclas keçirəcək.
Bu barədə Təhlükəsizlik Şurasından bildirilib.
Təşkilatdakı diplomatik mənbə qeyd edib ki, Sloveniya, Danimarka, Fransa, Yunanıstan, Koreya Respublikası və Böyük Britaniya Ukrayna məsələsi ilə bağlı Təhlükəsizlik Şurasının iclasının keçirilməsini xahiş ediblər.
22-07-2025, 17:53
Türkiyə-Naxçıvan dəmir yoluna 2,4 milyard avro dəstək
Türkiyə ilə Naxçıvan arasında birbaşa dəmir yolu əlaqəsinin yaradılmasını nəzərdə tutan Qars-İğdır-Aralık-Dilucu dəmir yolu layihəsi üçün 2,4 milyard avro məbləğində xarici maliyyələşmə təmin olunub.
Bu barədə Türkiyənin nəqliyyat və infrastruktur naziri Abdulkadir Uraloğlu məlumat verib.
O bildirib ki, strateji əhəmiyyətə malik bu layihə Türkiyənin şərqini Asiya ilə birləşdirəcək, həmçinin regionun nəqliyyat-logistika imkanlarını əhəmiyyətli dərəcədə artıracaq.
“Xəzinə və Maliyyə Nazirliyimizin apardığı uğurlu danışıqlar nəticəsində bu vacib layihə üçün 2,4 milyard avroluq xarici maliyyələşmə təmin olunub. Bu, eyni zamanda Türkiyənin həyata keçirdiyi iqtisadi proqramlara beynəlxalq səviyyədə olan etimadın göstəricisidir”, - deyə Uraloğlu vurğulayıb.
Nazir əlavə edib ki, layihə Türkiyənin logistika gücünü artıracaq, ölkəni beynəlxalq rəqabətdə daha da irəli çıxaracaq və qlobal nəqliyyat dəhlizlərində mühüm rol oynayacaq.
Xatırladaq ki, bu dəmir yolu layihəsi Naxçıvan Muxtar Respublikası ilə Türkiyə arasında birbaşa dəmir yolu əlaqəsini təmin etməklə, həm də Zəngəzur dəhlizi və regionun digər nəqliyyat təşəbbüsləri ilə strateji şəkildə uzlaşır.
22-07-2025, 17:37
Peskovdan Azərbaycan-Rusiya əlaqələri barədə daha bir AÇIQLAMA
Ukraynadakı münaqişə ilə bağlı fikir ayrılıqları Rusiya ilə Azərbaycan arasında münasibətlərin pozulmasına səbəb olmamalıdır.
Bunu Rusiya Prezidentinin mətbuat katibi Dmitri Peskov bu gün keçirdiyi brifinqdə bildirib.
O, bu fikir ayrılıqlarının ikitərəfli münasibətlərdə soyuqluq yaratmayacağına ümid etdiyini bildirib: “Biz Azərbaycan rəhbərliyinin Ukrayna ilə bağlı mövqeyindən xəbərdarıq. Bu məsələdə bizim fikirlərimiz fərqlidir. Əvvəldən Azərbaycan Prezidenti İlham Əliyev bu mövqedən çıxış edirdi. Biz əvvəldən onunla razılaşmırdıq.
Eyni zamanda, ümid edirik ki, bu fikir ayrılıqları ikitərəfli münasibətlərdə soyuqluq yaratmayacaq. Mövcud vəziyyət naminə qarşılıqlı, faydalı maraqları qurban verməyəcəyik”.
Qeyd edək ki, Azərbaycan Prezidenti İlham Əliyev 3-cü Qlobal Şuşa Forumunda ukraynalı jurnalist Dmitri Qordonun sualını cavablayarkən onlara işğalla barışmamağı tövsiyə etmişdi.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!