16-10-2023, 21:40
Putin Azərbaycan sərhədinədək uzanan yolun açılışında iştirak etdi
Rusiya Prezidenti Vladimir Putin oktyabrın 16-da Azərbaycan sərhədinədək uzanan yolun açılışında iştirak edib.
Videogörüntü vasitəsilə mərasimə qoşulan V.Putin ölkənin 5 regionunda yolların, o cümlədən Dağıstandan keçən və Azərbaycan sərhədinə kimi gələn “Qafqaz” yolunun açılışını edib.
Rusiya Prezidenti bu yolun “Şimal-Cənub” dəhlizinin inkişafında mühüm rol oynadığını və Azərbaycan Prezidenti İlham Əliyev ilə dəhlizin tikintisi məsələlərini müzakirə etdiyini bildirib.
V.Putin vurğulayıb ki, tərəfdaşlar da “Şimal-Cənub” dəhlizinin reallaşması üçün böyük işlər görürlər.
16-10-2023, 20:52
Putin İsrailin Baş naziriylə telefon danışığı apardı
Rusiya prezidenti Vladimir Putin İsrailin Baş naziri Benyamin Netanyahu ilə telefon danışığı aparıb.
Bu barədə "Haaretz" qəzeti yazıb.
Dialoqun təfərrüatları açıqlanmayıb.
Rusiya prezidenti bu gün səhər saatlarında Suriya prezidenti Bəşər Əsəd, İran prezidenti İbrahim Rəisi və Misir prezidenti Əbdülfəttah əs-Sisi ilə telefon danışığı aparıb. Danışıqlar nəticəsində liderlərin hamısı Qəzza zolağında humanitar böhrana son qoyulmasının vacibliyini bəyan ediblər.
16-10-2023, 20:21
İsrail parlamentinin qış sessiyası yarımçıq qaldı
Knessetin (İsrail parlamenti) qış sessiyasının açılışı atəş təhlükəsi səbəbindən yarımçıq qalıb.
Bu barədə İsrailin “The Times of Israel” qəzeti yazıb.
Bildirilir ki, Parlamentarilər bomba sığınacağında 40 dəqiqə vaxt keçiriblər, daha sonra görüş davam etdirilib. Bundan əvvəl HƏMAS Tel-Əviv və Qüdsə raket zərbələri endirdiyini bildirmişdi.
İsrailin baş naziri Benyamin Netanyahu Qüdsdə qış sessiyasının açılışında çıxış edib. O, HƏMAS-ı “nasizmin yeni forması” adlandırıb və ona qarşı mübarizəyə çağırıb. “Dünya nasistləri məğlub etmək üçün birləşdiyi kimi, HƏMAS-ı məğlub etmək üçün birləşməlidir”, - israilli siyasətçi bildirib.
16-10-2023, 17:51
Avropa Şurasının insan hüquqları üzrə komissarı Ermənistandadır
Avropa Şurasının insan hüquqları üzrə komissarı Dünya Miyatoviç Ermənistandadır.
Bu barədə "Sputnik Armenia" məlumat yayıb.
O, Ermənistanın ombudsmanı Anahit Manasyanla görüşüb. Tərəflər Qarabağdan Ermənistana köçənlərin vəziyyətindən danışıblar.
Qeyd edək ki, Miyatoviçin Azərbaycana da səfəri nəzərdə tutulub.
16-10-2023, 17:43
Balasanyana qarşı başlanmış cinayət işi dayandırıldı
Özünü buraxmış qondarma «Artsaxın təhlükəsizlik şurasının keçmiş katibi», Xocalı qatili Vitali Balasanyana qarşı Ermənistanda başlanmış cinayət işi cinayət ittihamının olmaması əsasında dayandırılıb.
Bu barədə «Pastinfo”ya onun vəkili Rafael Martirosyan bildirib.
«Bizim üçün işin icraatının davam etdirilməsi və məhkəmə istintaqının aparılması arzuolunan olardı, çünki hesab edirik ki, başlanmış cinayət işi və ittiham əsaslı deyildi. Vitali Balasanyan şübhəsiz ki, respublika məhkəmələri tərəfindən bəraət alacaq. İcraatı həyata keçirən orqan cinayət təqibinə və icraata xitam verilməsi barədə qərar qəbul edib», — deyə vəkil bildirib.
Xatırladaq ki, bu ilin iyulunda Balasanyanın özü, oğlu, qardaşı və dayısı oğlu separatçı rejim tərəfindən Əsgəranda saxlanılmış, daha sonra hamısı azad edilmişdi. O zaman Balasanyan əvvəlcə «hakimiyyət nümayəndəsinə qarşı zorakılıqda» ittiham olunurdu. Sonra onun əmlak oğurluğu, qanunsuz silah və sursat saxlama, «hökumət nümayəndəsi"nə qarşı həyat və sağlamlıq üçün təhlükəli olmayan zorakılıq, narkotik vasitələrin saxlanması ittihamlarına gğrə saxlanıldığı üzə çıxmışdı.
Vitali Balasanyan Qarabağdan Ermənistana qaçdırdan sonra — ötən həftəsonu Milli Təhlükəsizlik Xidmətində də şahid qismində dindirilib.
16-10-2023, 16:58
Putin Təhlükəsizlik Şurasının daimi üzvləriylə iclas keçirir
Rusiya prezidenti Vladimir Putin Təhlükəsizlik Şurasının daimi üzvlərinin iştirak etdiyi iclas keçirir. Bu barədə TASS məlumat yayıb.
Tədbirin iştirakçıları arasında Rusiya müdafiə naziri Sergey Şoyqu, FTX-nin rəhbəri Aleksandr Bortnikov, XKX-nin rəhbəri Sergey Narışkin və Rusiya Qvardiyasının rəisi Viktor Zolotov da var.
Detallar hələlik bəlli deyil.
16-10-2023, 16:22
190 nəfər erməni İsraildən çıxarıldı
Təl-Əviv-İrəvan xüsusi təyyarə reysi Ermənistan paytaxtı istiqamətində havaya qalxıb. Təyyarənin göyərtəsində 70-dən çoxu uşaq olmaqla 190 Ermənistan vətəndaşı var.
Bu barədə Ermənistan Xarici İşlər Nazirliyi məlumat yayıb.
Əvvəllər bildirilmişdi ki, oktyabrın 16-da Ermənistan hökuməti öz vətəndaşları və onların ailə üzvlərinin təhlükəsizlik məqsədilə İsraildən könüllü köçürülməsinə dəstək vermək məqsədilə Təl-Əvivdən İrəvana xüsusi aviareys təşkil edəcək. Uçuşa daxil olan şəxslərin siyahısı Ermənistan Respublikasının İsraildəki səfirliyinə və Ermənistan Respublikasının Xarici İşlər Nazirliyinə təqdim edilmiş ərizələr əsasında, müraciətlərin xronologiyası, uşaqların olması nəzərə alınmaqla tərtib edilib.
16-10-2023, 16:09
Paşinyan işgüzar səfər məqsədilə Strasburqa getdi
Ermənistanın Baş naziri Nikol Paşinyan işgüzar səfərlə Strasburqa gedib.
Bu barədə erməni KİV-i məlumat yayıb.
O, oktyabrın 17-də Avropa Parlamentində çıxış edəcək.
Paşinyan ilə Avropa Parlamentinin sədri Roberta Metzola arasında görüş baş tutacaq, sonda isə mətbuat nümayəndələri üçün açıqlamalar veriləcək.
16-10-2023, 15:46
Türkiyə və İran Prezidentləri telefon danışığı apardı
Türkiyə və İran prezidentləri Rəcəb Tayyib Ərdoğan ilə İbrahim Rəisi arasında telefon danışığı olub.
Bu barədə TRT məlumat yayıb.
Söhbət zamanı İsrail-Fələstin toqquşması, bölgədə artan gərginlik və həll üçün atılmalı olan addımlar müzakirə olunub.
16-10-2023, 14:53
Gürcüstanın Konstitusiya Məhkəməsi prezidentlə bağlı qərarını açıqladı
Gürcüstanın Konstitusiya Məhkəməsi prezident Salome Zurabişvili ilə əlaqədar qərarını açıqlayıb.
Qərara görə, prezident qanunu pozub.
Belə ki, bu, Zurabişvilinin xaricə getməsi ilə əlaqədardır.
Qeyd edək ki, Gürcüstanın hakim partiyası prezidentə qarşı impiçment prosedurunu işə salıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!