Dünya » Səhifə 31

19-10-2025, 12:44

Qəzzada yenidən toqquşmalar başladı

Qəzzada Rafah şəhərində HAMAS və İsrail Ordusu arasında toqquşmalar başlayıb.
Bu barədə "The Times of Israel" məlumat yayıb.
Qeyd edilib ki, Qəzzanın cənubunda Rafah şəhərində HAMAS silahlıları İsrail Ordusunun bölmələrinə qarşı hücuma başlayıb.
İsrail Ordusu aviazərbələr endirir.
Qeyd edək ki, İsrail Ordusu hələ rəsmi məlumat yaymayıb.

Qəzzada yenidən toqquşmalar başladı

19-10-2025, 12:00

Zelenskinin ABŞ-yə sonuncu səfəri idi - Dubinski

Ukrayna lideri Vladimir Zelenskinin Ağ Evə səfəri onun sonuncu səfəri kimi görünür.
Bunu Ukrayna Ali Radasının müxalifətyönlü deputatı Aleksandr Dubinski bildirib.
"Ümumiyyətlə, bütün bunlar Zelenskinin Ağ Evə son səfərinə bənzəyir. Onu heç kim salamlamadı, heç kim yola salmadı. Hansısa qadın onu maşınına qədər müşayiət etdi", - Dubinski vurğulayıb.
Qeyd edək ki, ABŞ və Ukrayna prezidentləri arasında oktyabrın 17-də Ağ Evdə keçirilən görüşdə Tramp həmkarına ABŞ-ni Ukraynadakı münaqişəyə cəlb etmək istəmədiyini bəyan edib.

Zelenskinin ABŞ-yə sonuncu səfəri idi - Dubinski

19-10-2025, 10:15

Almaniyada böyük litium yatağı

“Neptune Energy” şirkəti Almaniyanın Saksoniya-Anhalt federal əyalətində yerləşən Altmark regionunda böyük litium yatağının aşkarlandığını açıqlayıb.
Bu barədə “Bild” qəzeti məlumat yayıb.
Nəşrin qeyd etdiyinə görə, bu kəşf Almaniyanın avtomobil sənayesinin gələcəyi üçün əsl dönüş nöqtəsi ola bilər. Litium elektrik avtomobillərində, smartfonlarda və planşetlərdə istifadə olunan akkumulyator batareyalarının əsas komponentidir.
“Neptune Energy”nin məlumatına əsasən, Altmark regionundakı yataqda 43 milyon ton litium karbonat ekvivalenti ehtiyatı var.
Proqnozlar təsdiqlənərsə, bu yataq dünyanın ən böyük litium layihələrindən biri olacaq.

Almaniyada böyük litium yatağı

19-10-2025, 09:37

Tramp və Zelenski görüşü 2,5 saat davam etdi

Ukrayna Prezidenti Volodimir Zelenskinin ABŞ lideri Donald Trampla görüşü 2,5 saat davam edib.
Bu barədə "Axios" portalı mənbələrə istinadən məlumat yayıb.
“Düşünürəm, biz bitirdik. Gələn həftə nə baş verəcəyinə baxarıq”, - Tramp görüşün sonunda Zelenskiyə deyib.
Portalın qeyd etdiyinə görə, Tramp bu sözləri ilə Zelenskiyə Budapeştdə Rusiya Prezidenti Vladimir Putinlə planlaşdırılan görüşü xatırladıb.

Tramp və Zelenski görüşü 2,5 saat davam etdi

18-10-2025, 23:36

Məhkəmədən İmamoğlu barədə qərar

İstanbul Böyükşəhər Bələdiyyəsinin həbsdə olan sədri Əkrəm İmamoğlu barəsində "prokurorların təhqir edilməsi işi" nə məhkəmə başlamadan xitam verilib.
İmamoğlu vəkilləri vasitəsilə zərəri ödəyib.
İttihama əsasən, İmamoğlu 23 mart tarixində məhkəmədə verdiyi ifadə zamanı prokurorlara qarşı söylədiyi sözlərə görə “vəzifəli şəxsə vəzifəsindən dolayı ictimai şəkildə təhqir” maddəsi ilə 4 il 1 ayadək həbs və siyasi qadağa tələbi ilə mühakimə olunmalı idi. Onun 22 oktyabrda hakim qarşısına çıxması planlaşdırılırdı.
Lakin məhkəmə qərarında bildirilib ki, Türkiyə Cinayət Məcəlləsinin 75-ci maddəsinə görə İmamoğlu barəsindəki ittiham cəzanın məhkəməyə çıxmadan müəyyən məbləğin ödənilməsi ilə bağlanması proseduruna daxildir. İmamoğlu müəyyən olunan məbləği vaxtında ödədiyi üçün məhkəmə işə xitam verib.
Qərarda tərəflərin iki həftə ərzində İstanbul Apellyasiya Məhkəməsinə şikayət vermək hüququnun olduğu da qeyd olunub.

Məhkəmədən İmamoğlu barədə qərar

18-10-2025, 22:00

Zelenskinin istədiyi kimi olmadı...

ABŞ prezidenti Donald Tramp və ukraynalı həmkarı Volodimir Zelenski arasında keçirilən görüş Ukrayna prezidentinin gözlədiyi kimi olmayıb.
Bu barədə Almaniya kansleri Fridrix Merz bildirib.
"Bu səfər Zelenskinin istədiyi kimi deyil", - kansler vurğulayıb.
O qeyd edib ki, iki dövlət başçısı arasında Vaşinqtonda keçirilən görüş Ukraynanın Avropa İttifaqının köməyinə nə qədər ehtiyacı olduğunu nümayiş etdirdi.
Almaniya kanslerinin sözlərinə görə, Avropa Ukraynaya kömək etməlidir, çünki bu, döyüşləri dayandırmağın yeganə yoludur. Almaniya Ukrayna tərəfini “maliyyə, siyasi və təbii ki, hərbi cəhətdən” dəstəkləməyə çalışacaq”, - Fridrix Merz bildirib.
Donald Tramp və Zelenski oktyabrın 17-də Vaşinqtonda görüşüb. Görüş iki saatdan çox davam edib.

Zelenskinin istədiyi kimi olmadı...

18-10-2025, 14:53

Viktor Orban Tramp-Putin sammitinə nikbin baxır

Rusiya Prezidenti Vladimir Putin ilə ABŞ Prezidenti Donald Tramp arasında Budapeştdə keçiriləcək görüş Ukraynada sülhün bərqərar olması üçün yaxşı şansdır.
Bunu Macarıstanın Baş naziri Viktor Orban deyib.
“Bu gün Macarıstan ABŞ-Rusiya danışıqlarının sülhə gətirib çıxaracağına dair ciddi şansların olduğu Avropa ölkəsidir”, - deyə o bildirib.
Baş nazir ölkəsinin sülhməramlı səyləri davam etdirməyə hazır olduğunu təsdiqləyib.

Viktor Orban Tramp-Putin sammitinə nikbin baxır

18-10-2025, 14:04

Mirzoyan: Türkiyə ilə diplomatik münasibətlərin qurulmasında irəliləyişə ümid edirik

Ermənistan yaxın həftələr və aylarda Türkiyə ilə diplomatik münasibətlərin qurulmasında, eləcə də sərhədin açılmasında irəliləyişə ümid edir.
Bu barədə Ermənistan xarici işlər naziri Ararat Mirzoyan "Deutsche Welle"yə müsahibəsində bildirib.
"Bizim Türkiyə ilə bir çox səviyyələrdə çox yaxşı dialoqlarımız var: liderlər, xarici işlər nazirləri, xüsusi nümayəndələr və texniki qruplar... Hesab edirəm ki, yaxın həftələr və aylarda biz bu istiqamətdə olduqca hiss olunan irəliləyişə nail olacağıq", - deyə o bildirib.

Mirzoyan: Türkiyə ilə diplomatik münasibətlərin qurulmasında irəliləyişə ümid edirik

18-10-2025, 12:56

Ermənistan Avropa İttifaqına üzvlük üçün müraciət edəcək - Mirzoyan

Ermənistan bir ay sonra və ya gələn il Avropa İttifaqına (Aİ) üzvlük üçün müraciət edə bilər.
Bu barədə Ermənistanın xarici işlər naziri Ararat Mirzоyan "Deutsche Welle"yə müsahibəsində bildirib.
O, ölkədə hökuməti Aİ-yə üzv olmaq üçün səy göstərməyə məcbur edən qanunun qəbul edildiyini söyləyib.
"Nə vaxt müraciət edəcəyimizi dəqiq deyə bilmərəm. Bəlkə də gələn ay, bəlkə də gələn il. Bu, bir çox amillərdən asılıdır. Lakin dediyim kimi, bu, bizim rəsmi siyasətimizdir", - o qeyd edib.
Onun sözlərinə görə, Ermənistan bu istiqamətdə Aİ ilə işləyir, artıq hərtərəfli və genişləndirilmiş tərəfdaşlıq haqqında saziş mövcuddur. Tərəflər viza rejiminin sadələşdirilməsi prosesinə başlayıblar. Bundan başqa, İrəvan və Brüssel bir neçə yeni sənədlə bağlı danışıqlar aparır və yeni tərəfdaşlıq proqramı üzərində işi tamamlayıblar. Sənəd maksimum yaxın üç ay ərzində imzalanacaq.

Ermənistan Avropa İttifaqına üzvlük üçün müraciət edəcək - Mirzoyan

17-10-2025, 17:06

Pakistanda 5,5 bal gücündə zəlzələ

Pakistanın şimalında 5,5 maqnitudalı zəlzələ baş verib.
Bu barədə ABŞ-nin Geoloji Xidməti (USGS) məlumat yayıb.
Zəlzələ Əfqanıstanın Xandud yaşayış məntəqəsindən 43,6 kilometr cənub-şərqdə qeydə alınıb. Yeraltı təkanların ocağı 10 kilometr dərinlikdə yerləşib.
Xəsarət alanlar və dağıntılar barədə məlumat daxil olmayıb.

Pakistanda 5,5 bal gücündə zəlzələ