23-03-2026, 16:08
Pezeşkian Trampı təkzib etdi: ABŞ-la danışıq aparmırıq!
“İran və ABŞ hər hansı danışıqlar aparmır”.
Bunu İslam Respublikasının Prezidenti Məsud Pezeşkian özünün Telegram kanalında bildirib.
"ABŞ Prezidentinin açıqlamaları enerji qiymətlərini aşağı salmaq və hərbi planlarını həyata keçirmək üçün vaxt qazanmaq cəhdləri kontekstində verilir", - deyə o bildirib.
ABŞ Prezidenti Donald Tramp əvvəllər İranla iki günlük "çox yaxşı və məhsuldar" danışıqlardan sonra Pentaqona İran elektrik stansiyalarına və enerji infrastrukturuna hücumları 5 gün ərzində dayandırmağı tapşırdığını bildirmişdi. Trampın sözlərinə görə, Vaşinqton və Tehran Yaxın Şərqdəki hərbi münaqişənin həllini müzakirə ediblər.
Pezeşkian isə qeyd edib ki, son günlərdə İran Hörmüz boğazından gəmilərin koordinasiyasını və keçidini təmin etmək üçün yalnız Yaxın Şərq ölkələri, xüsusən də Omanla danışıqlar aparır.
"Bu əlaqələr açıqdır; Tehran və Vaşinqton arasında heç bir gizli danışıqlar aparılmır", - deyə o vurğulayıb.
23-03-2026, 15:20
Tramp İrana verdiyi 48 saatlıq müddəti ARTIRDI
ABŞ Prezidenti Donald Tramp İranın enerji infrastrukturuna hücumları 5 günlüyə təxirə saldığını açıqlayıb və tərəflər arasında danışıqların davam etdiyini bildirib.
ABŞ Prezidenti bu barədə "Truth social" platformasında qeyd edib.
Donald Tramp 22 martda İrana 48 saat vaxt vermişdi ki, Hörmüz boğazında gəmilərin maneəsiz keçidini bərpa etsin. Əks təqdirdə, İranın enerji infrastrukturuna dəhşətli zərbələr endiriləcəyini vəd etmişdi.
Tehran isə düşmənə eyni şəkildə cavab verəcəyini və bütün Yaxın Şərq bölgəsindəki bütün ABŞ və İsrail enerji infrastrukturunu, informasiya texnologiyaları qurğularını və duzsuzlaşdırma qurğularını qanuni hədəf hesab edəcəyini bildirmişdi. İran hakimiyyəti həmçinin ABŞ sahildə və ya İran adalarında quru əməliyyatı keçirmək qərarına gələrsə, bütün Fars körfəzini minalamaqla hədələmişdi.
Donald Tramp İranın enerji infrastrukturuna hücumu təxirə salmaq qərarın belə bəyan edib:
"Məmnuniyyətlə bildirirəm ki, ABŞ və İran İslam Respublikası son iki gündə Yaxın Şərqdə hərbi əməliyyatların tam və qəti şəkildə dayandırılması ilə bağlı çox yaxşı və məhsuldar müzakirələr aparıblar. Həftə ərzində davam edəcək bu dərin, ətraflı və konstruktiv müzakirələrin gedişatına və tonuna əsaslanaraq qərar verdim. Bu kontekstdə, davam edən görüşlərin və müzakirələrin uğurla başa çatması şərtilə, Müdafiə Nazirliyinə İrandakı elektrik stansiyalarına və enerji infrastrukturuna edilən hər hansı bir hərbi hücumu 5 gün təxirə salmağı tapşırdım".
23-03-2026, 14:54
Prezidentin müaşviri İslam ölkələrini tənqid etdi: Haradasınız?!
Birləşmiş Ərəb Əmirlikləri (BƏƏ) prezidentinin müşaviri ərəb və İslam ölkələrini çətinlik dövründə Körfəz ölkələrini dəstəkləmədiklərinə görə tənqid edib.
Bu barədə BƏƏ Prezidentinin müşaviri Ənvər Qarqaş X platforması üzərindən paylaşım edib.
"Xalqımız və millətlərimiz bu xain İran təcavüzü ilə üzləşərkən, Ərəb Liqası və İslam Korporasiyası Təşkilatı haradadır?"
BƏƏ prezidentinin müşaviri Ənvər Qarqaş X-də yazıb.
""Böyük" ərəb və regional ölkələr haradadır? Bu yoxluq və qabiliyyətsizlikdə sonradan ərəb və İslam rolunun azalmasından danışmaq və ya Amerika və Qərbin varlığını tənqid etmək qəbuledilməzdir. Ərəb Körfəz dövlətləri çiçəklənmə dövründə hamıya dəstək və tərəfdaş idilər... Bəs bu gün çətinlik dövründə haradasınız?",-deyə Ənvər Qarqaş yazıb.
23-03-2026, 14:33
Rza Pəhləvi Trampla Netanyahuya çağırış etdi: “Dayanmayın, vurun!”
İranın sonuncu şahının Amerikada yaşayan oğlu Rza Pəhləvi ABŞ və İsrail rəhbərliyinə müraciət edib.
Rza Pəhləvi İrandakı rejimin yıxılmasına çağırış edib.
“Mən Prezident Trampı və Baş nazir Netanyahunu rejimi və onun repressiya aparatını hədəf almağa davam etməyə, eyni zamanda xalqımızın ölkəni yenidən qurmaq üçün ehtiyac duyduğu İranın həyati əhəmiyyətli mülki infrastrukturunu qorumağa çağırıram.
Amerika Birləşmiş Ştatları və İsrailin dəstəyi ilə və ən əsası, vətənpərvər iranlıların sayəsində İranın azadlıq anı yaxınlaşır”, - Rza Pəhləvi deyib.
O, İrandakı rejimi “repressiya və terror maşını” adlandırıb.
“İran qorunmalıdır; İslam Respublikası məhv edilməlidir”, - Rza Pəhləvi vurğulayıb.
23-03-2026, 14:00
Parisə yeni mer seçildi
Solçu Sosialist Partiyasının namizədi Emmanuel Qrequar bələdiyyə seçkilərinin ikinci turundan sonra Paris meri seçilib.
Bu barədə BFMTV məlumat yayıb.
48 yaşlı Qrequar səslərin 50,52%-ni toplayaraq Fransanın keçmiş mədəniyyət naziri Raşida Datini 9 faiz fərqlə üstələyib.
Paris meri vəzifəsinə üçüncü namizəd, solçu France Insoumise partiyasının nümayəndəsi Sofi Çikiru 7,96% səs toplayıb.
Qrequar hazırkı Paris meri Ann Hidalqonun müavini idi. Mərkəzçi Demokratik Hərəkat və prezident Emmanuel Makronun dəstəyindən yararlanan mərkəz-sağçı Respublikaçılar Partiyasının namizədi Dati seçkilərin ikinci turunun nəticələrinin elan edilməsindən sonra X sosial media səhifəsində səsvermənin nəticələrinin "gözləntiləri doğrultmadığını" yazıb.
23-03-2026, 13:49
Qalibaf öldürülüb? - Parlamentin spikeri haqda məlumat yayıldı
İran parlamentinin spikeri Məhəmməd Bağır Qalibafın öldürüldüyü barədə iddialar yayılıb.
Monitorinq kanallarının məlumatına görə, Qalibaf Tehranın cənubunda öldürülüb.
Lakin İran KİV-ləri bu məlumatı təsdiqləmirlər.
23-03-2026, 13:17
“Biz təslim olmağı rüsvayçılıq sayırıq” - SEPAH rəsmisi
"Düşmən üçün yeni sürprizlər var və o təslim olub məzara düşəcək".
Bunu İranın Ali Rəhbərinin SEPAH-dakı nümayəndəsi Höccətülislam Abdullah Hacı Sadeqi deyib.
“Biz təslim olmağı rüsvayçılıq hesab edən bir məktəbdə böyümüşük və İmam Hüseynin öldüyünü, lakin Yezidə beyət etmədiyini xatırlamalıyıq”, - Hacı Sadeqi vurğulayıb.
O, ABŞ-İsrail koalisiyasının məğlub duruma düşəcəyini qeyd edib.
23-03-2026, 13:06
Keçmiş baş nazir öldü
Fransanın keçmiş baş naziri Lionel Jospen vəfat edib.
Bu barədə AFP məlumat yayıb.
O, Jak Şirakın prezidentliyi dövründə hökumətə rəhbərlik etmişdi.
Lionel Jospen 88 yaşında idi.
Jospen 1997-ci ildən 2002-ci ilə qədər Fransa hökumətinə rəhbərlik edib. O, 1995 və 2002-ci illərdə Fransa prezident seçkilərində namizəd olub.
22-03-2026, 21:40
Futbol azarkeşlərini daşıyan avtobus yandı
"Mançester Siti" futbol klubunun azarkeşlərini daşıyan avtobus yanıb.
Bildirilib ki, onlar İngiltərə Liqa Kubokunun finalında "Arsenal"la keçiriləcək oyuna gedirdilər.
Hadisə Uorvikşir qraflığında yerləşən M6 avtomagistralında baş verib.
Məlumata görə, bütün sərnişinlər və sürücü vaxtında təxliyə olunub, xəsarət alan olmayıb. Yanğının səbəbi hələlik açıqlanmayıb.
22-03-2026, 21:10
ABŞ Mərkəzi Komandanlığ: F-15 qırıcısı vurulmayıb
ABŞ ordusu İranın F-15 qırıcı təyyarəsini vurmadığını iddia edir.
Bu barədə ABŞ Mərkəzi Komandanlığı məlumat yayıb.
"Yalan. İran rejiminin bu yaxınlarda F-15 qırıcı təyyarəmizi vurduğu barədə şayiələr yayılıb. Əməliyyatı zamanı ABŞ qüvvələri 8000-dən çox döyüş uçuşu həyata keçirib. İran bir dənə də olsun qırıcı təyyarəni vurmayıb", - deyə bildirilir.
Xatırladaq ki, İran ordusu martın 22-də Hörmüz adası yaxınlığında F-15 qırıcı təyyarəsinə hücum edildiyini və məhv edildiyini iddia edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!