20-03-2026, 23:49
İsrailin silah zavodu yandırıldı
Çexiyada İsrailin müdafiə konserni "Elbit Systems" ilə əlaqəli müəssisədə yanğın baş verib.
Bu barədə "Al Jazeera" portalı məlumat yayıb.
Yanğının törədilməsinə görə məsuliyyəti "The Earthquake Faction" adlı qrup öz üzərinə götürüb.
Yerli polis hadisə ilə bağlı araşdırmaya başlayıb və yanğının terror aktı ilə əlaqəli olub-olmadığını araşdırır.
20-03-2026, 15:50
Ermənistan bu halda Azərbaycanla yeni müharibəyə başlaya bilər - Nazir
Ermənistanın müdafiə naziri Suren Papikyan Baş nazir Nikol Paşinyanın iddiasını davam etdirərək, müxalifəti Azərbaycanla müharibəyə təhrik etməyə cəhddə günahlandırıb.
İrəvandakı brifinqdə nazirə müharibənin ilkin şərtləri və real təhdidləri barədə sual verilib. Jurnalistlər ondan “doğrudanml baş nazirin dediyi kimi, müxalifətin qalib gələcəyi təqdirdə, payızın əvvəlində yeni bir eskalasiya baş verə bilər?”,-deyə soruşublar.
Nazir Suren Papikyan jurnalistlərə bildirib ki, müxalifət qüvvələrinin təbliğ etdiyi “hekayələr” və onların davakar münasibəti yeni müharibənin birbaşa təhlükə deməkdir.
Xatırladaq ki, martın 19-da Ermənistanın Baş naziri Nikol Paşinyan da ölkəsindəki "müharibə tərəfdarları"ndan bəhs edib:
"Müharibə tərəfdarları hər keçən gün getdikcə daha çox aşkara çıxır. Onlar sülhə qarşı olmadıqlarını iddia edirlər, lakin hakimiyyətə gələcəkləri təqdirdə sülh müqavilələrini yenidən nəzərdən keçirəcəklərini deyirlə".
Paşinyan deyib ki, sülhə qarşı olanların hakimiyyətə gəlişi qaçılmaz müharibə deməkdir, bu da seçkilərdən qısa müddət sonra, payızdan gec olmayaraq baş verə bilər.
Ermənistanda seçkilər bu il iyunun 7-də keçiriləcək.
20-03-2026, 15:30
Küçədə namaz qadağan edildi
ABŞ və İsrail ilə İran arasında davam edən münaqişə səbəbindən körfəz ölkələri Ramazan bayramı namazları da daxil olmaqla, açıq havada böyük toplantıları qadağan edib.
Bu il ibadət edənlərə ənənəvi açıq havada namaz qılmaq üçün məkanlarda toplaşmamaq barədə xəbərdarlıq edilib. Qeyd edilib ki, namazlar yalnız məscidlərdə qılınmalıdır.
Dubaydan reportaj verən "Əl-Cəzirə" müxbiri Zeyn Bəsrəvi qeyd edib ki, açıq havada toplantıların qadağan edilməsi "müsəlman ölkələrində geniş qəbul edilmiş ənənəni" pozur. O bildirib ki, bu, döyüşlərin Yaxın Şərqdəki gündəlik həyata əhəmiyyətli təsirini göstərir.
20-03-2026, 15:24
“Bəsic”in kəşfiyyat rəisi öldürüldü
İslam İnqilabı Keşikçiləri Korpusuna (SEPAH) bağlı “Bəsic” qüvvələrinin kəşfiyyat rəhbəri general İsmayıl Əhmədi öldürülüb.
Bu barədə “Al Arabiya” məlumat yayıb.
Önun ötən gecə öldürüldüyü bildirilir.
20-03-2026, 15:19
ABŞ-İsrail kolasiyası İranda müharibə başlatdı - Qalib Rusiya oldu
“İsrail və Amerikanın İranda başlatdığı müharibənin ən böyük qalibi Rusiyadır”.
Bunu Qətərin “Əl-Cəzirə” telekanalının məhşur aparıcısı Ahmad Mansur X-də bildirib.
“Amerikanın əvvəllər Rusiya neftinə tətbiq etdiyi embarqo indi aradan qaldırılıb, neftin qiyməti qalxıb, Rusiyaya milyardlarla dollar axır və mənfəət dəfələrlə artdı. Üstəlik, Amerikanın müttəfiqləri Vaşinqtonun silahlarına olan inamı itirdilər. Gələcəkdə onların Rusiya və Çinin hədəfi olacağı şübhəsizdir”.
19-03-2026, 18:55
İsrail ilk dəfə Xəzərdəki İran gəmilərinə hücum edib - TƏSDİQLƏNDİ
İsrail Müdafiə Qüvvələri Xəzər dənizindəki İran hərbi gəmilərinə zərbələr endirdiyini açıqlayıb.
İsrail Müdafiə Qüvvələri Xəzər dənizində İran hərbi gəmilərinə ilk dəfə hücum etdiyini təsdiqləyib.
Bu barədə İsrail Müdafiə Qüvvələrinin mətbuat xidməti bildirib.
"İsrail Hərbi Hava Qüvvələri 28 fevralda hərbi əməliyyatın başlanğıcından bəri ilk dəfə olaraq Xəzər dənizində bir sıra əsas İran hərbi dəniz infrastruktur obyektlərinə hücum etdi", - deyə Müdafiə Qüvvələrinin mətbuat xidməti bəyan edib.
19-03-2026, 17:52
ABŞ İran neftinə sanksiyaları ləğv edə bilər
Vaşinqton tankerlərdə saxlanılan İran neftinə qarşı sanksiyaların ləğvi imkanlarını araşdırır.
Bu barədə "Bloomberg" məlumat yayıb.
Bildirilib ki, ABŞ-nin maliyyə naziri Skott Bessent bu barədə məlumat verib.
Bessentin sözlərinə görə, bu qərar İran neftini Çindən kənar bazarlara, o cümlədən Avropaya yönəldə bilər. O, həmçinin qeyd edib ki, Vaşinqton strateji ehtiyatlarından əlavə neft buraxmağı nəzərdən keçirə bilər.
Nazir vurğulayıb ki, ABŞ neft bazarlarına müdaxilə etmir və bunu etmək planı da yoxdur.
19-03-2026, 17:42
Hüseyn Dehqanın Laricanini əvəz etdiyi təkzib olundu
Hüseyn Dehqanın İran Ali Milli Təhlükəsizlik Şurasının yeni katibi təyin edilməsi xəbəri təkzib edilib.
Bu barədə yarımrəsmi “Tasnim” Agentliyinin İslam İnqilabı Fondunun Media Mərkəzinə istinadən yaydığı məlumatda bildirilib.
Qeyd edilib ki, son bir neçə saat ərzində bəzi media orqanları Hüseyn Dehqanın Ali Milli Təhlükəsizlik Şurasının yeni katibi təyin olunduğunu iddia edən təhrif olunmuş xəbərlər dərc ediblər, lakin bu informasiya həqiqətə uyğun deyil və təkzib olunur.
Xatırladaq ki, Ali Milli Təhlükəsizlik Şurasının əvvəlki katibi Əli Laricani martın 17-də İsrailin hava hücumu nəticisndə öldürülüb.
Martın 19-da yayılan xəbərdə mühafizəkar Səid Cəlilinin onun yerinə təyin olunduğu bildirilib.
19-03-2026, 17:01
ABŞ İranla müharibənin nə zaman bitəcəyini AÇIQLADI
ABŞ-nin müharibə naziri Pol Heqset İranla hərbi qarşıdurmanın bitmə tarixi barədə danışıb.
O, bunun prezident Donald Trampın verəcəyi qərar olacağını vurğulayıb.
"Nəticədə, "Amerika xalqı adından təhlükəsizliyimizi təmin etmək üçün lazım olanı əldə etdik" dedikdə, bu, prezidentin qərarı olacaq. Beləliklə, müəyyən bir cədvəl yoxdur. Amma biz çox yaxşı irəliləyiş əldə edirik", - o deyib.
19-03-2026, 16:37
İsraildə xəstəxanaya yerləşdirilənlərin sayı
İsraildə müharibə başlayandan bəri yaralananların sayı ilə bağlı yeni statistika açıqlanıb.
İsrail KİV-lərinin məlumatına görə, hərbi əməliyyatın başlanğıcından martın 19-dək ölkənin müxtəlif xəstəxanalarına ümumilikdə 3924 nəfər yaralı təxliyə olunub.
Onlardan hazırda 79 nəfərinin müalicəsi stasionar şəraitdə davam etdirilir.
Məlumata əsasən, hospitalizasiya olunan şəxslərdən 1-nin vəziyyəti kritikdir. 6 nəfər ağır, 12 nəfər orta ağır, 60 nəfər isə yüngül xəsarətlər alıb.
O da qeyd edilib ki, son 24 saat ərzində xəstəxanalara 177 yeni yaralı daxil olub. Yaralılardan 1-i kritik, 2-si ora ağır yaralıdır. 7 nəfər isə güclü sinir şoku vəziyyətindədir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!