21-03-2026, 20:47
81 illik sülhdən beziblər - Üçüncü Dünya müharibəsi başlaya bilər
Bəzi siyasətçilər İkinci Dünya müharibəsinin bitməsindən sonra yaranan bu 81 illik sülhdən beziblər.
Bu sözləri Slovakiya Respublikasının Baş naziri Robert Fitso deyib. O, bu davranışın çox ciddi səhvlərə - Üçüncü Dünya müharibəsinə yol aça biləcəyi barədə xəbərdar edib.
Fitsonun sözlərinə görə, Kuba İran, Livan və Ukraynadakı mövcud münaqişələrə əlavə olunarsa, bu, Üçüncü Dünya müharibəsinə yol aça bilər.
21-03-2026, 20:18
Zavodda yanğın: 14 nəfər həlak oldu
Cənubi Koreyanın Tedjon şəhərində avtomobil hissələri zavodunda baş verən yanğın nəticəsində azı 14 nəfər həlak olub.
Bundan əvvəl 10 nəfərin öldüyü bildirilirdi.
Məlumata görə, hadisə nəticəsində iki yanğınsöndürən də daxil olmaqla 58 nəfər xəsarət alıb. İlkin məlumatlara əsasən, yanğın baş verən zaman zavodun ərazisində 170 nəfər olub.
21-03-2026, 14:39
II Qareginin Tbilisiyə getməsinin qarşısı alındı
Bütün Ermənilərin Katolikosu II Qareginə Bütün Gürcüstanın Katolikos-Patriarxı II İlyanın dəfn mərasimində iştirak etmək üçün Tbilisiyə səfər etmək icazəsi verilməyib.
Bu barədə sosial mediada vəkil Ara Zöhrabyan bildirib.
Katolikosun ofisi Gürcüstan Patriarxlığından 22 mart tarixinə planlaşdırılan dəfn mərasimlərində və liturgiyada iştirak etmək üçün dəvət alıb. Vəkil qonşu ölkədəki yas mərasimini nəzərə alaraq katolikosun mərasimdə iştirak etmək üçün müvəqqəti olaraq səfər etməsi üçün vəsatət qaldırıb, lakin rədd cavabı alıb.
Qeyd edək ki, fevral ayında Masiatsotn yeparxiyasının keçmiş rəhbəri Gevork Saroyanın vəzifəsindən azad edilməsi ilə əlaqədar katolikosa qarşı cinayət işi açılıb. Bu işin bir hissəsi olaraq, onun ölkədən çıxışı qadağan edilib.
Xatırladaq ki, II İliya 17 martda Tbilisi klinikalarından birində 93 yaşında vəfat edib. O, sabah - 22 martda Tbilisidəki Sioni Katedralında dəfn olunacaq.
Bütün Gürcüstanın yeni Katolikos-Patriarxı 40 gündən tez və iki aydan gec olmayaraq seçiləcək.
21-03-2026, 14:18
ABŞ-İsrail koalisiyası İranın Natanz nüvə obyektini vurdu
Bu səhər Amerika-İsrail aviasiyası İranın Natanz şəhərindəki nüvə zənginləşdirmə qurğusuna zərbə endirib.
Bu barədə "Tasnim" məlumat yayıb.
İran kütləvi informasiya vasitələrinin məlumatına görə, bu kompleksdə radioaktiv materialların sızması barədə heç bir məlumat yoxdur və qurğuya bitişik ərazilərin sakinləri üçün təhlükə yaranmayıb.
21-03-2026, 14:15
İsrailli generalın elektron poçtu sındırıldı
İsrail generalı Eran Ortalın elektron poçt hesabı "Hanzala" haker qrupu tərəfindən sındırılıb.
İran mediasının məlumatına görə, qrup 100.000 məxfi elektron poçtu ələ keçirib.
İddia edilir ki, bu məlumatlar soyqırımı siyasəti və hərbi strategiyaların təfərrüatlarını açıqlayır.
21-03-2026, 14:12
“Bəsic”in öldürülən rəhbərliyindəki adlar açıqlanıb - SİYAHI
İslam İnqilabı Keşikçiləri Korpusuna (SEPAH) bağlı “Bəsic” yarımhərbi qüvvələrinin həlak olan üzvlərinin adları açıqlanıb.
Bu barədə “Mehr” agentliyi məlumat yayıb.
“Bəsic”in komandiri general-leytenant Qulamrza Süleymani və komandir müavini Əzim Esmeili də daxil olmaqla, ümumilikdə 15 nəfər həlak olub.
Siyahıda həmçinin İsmayıl Əhmədi, Əmirhüseyn Pakdamen, Mahmud Reşno, Yusuf Dörvişi, Məhəmməd Hüseyn Abedini, Məhəmmədrza Talebi, Səccad Qənbəri, Məsud Sadeqi, Mehdi Həmzəpur, Məhəmmədrza Əbuditzadə, İman Çitsazan Moqaddam, İbrahim Kaşi və Mehdi Çenqani də var.
Bildirilir ki, bu şəxslər “Bəsic”də əsas funksiyaları yerinə yetirib və münaqişə zamanı döyüş əməliyyatlarında iştirak ediblər.
21-03-2026, 14:00
Tramp İranla müharibəni dayandırmaq istəyir
ABŞ İrana qarşı hərbi əməliyyatlara son qoymaq imkanını nəzərdən keçirir.
Bu haqda ABŞ prezidenti Donald Tramp özünün Truth Social platformasında bildirib. Onun sözlərinə görə, ABŞ məqsədlərinə çatmağa çox yaxındır.
“İranın raket potensialının, buraxılış qurğularının və onlarla bağlı hər şeyin tam məhv edilməsi, İranın müdafiə-sənaye bazasının sıradan çıxarılması, dəniz və hava qüvvələrinin, o cümlədən hava hücumundan müdafiə sistemlərinin ləğv edilməsi, İranın nüvə potensialına yaxınlaşmasının belə qarşısının alınması və bu cür hallar yaranarsa, sürətli və effektiv reaksiya verməyə hazır olmaq, Yaxın Şərqdəki müttəfiqlərimizin – o cümlədən İsrail, Səudiyyə Ərəbistanı, Qətər, Birləşmiş Ərəb Əmirlikləri, Bəhreyn, Küveyt və digərlərinin – ən yüksək səviyyədə müdafiəsini təmin etmək lazımdır”, - Tramp yazıb.
O, həmçinin bildirib ki, Hörmüz boğazından istifadə edən ölkələr onu ABŞ-ın köməyi olmadan da müdafiə etməli olacaqlar.
“Əgər xahiş etsələr, biz onlara kömək edərik, lakin İran tərəfindən olan təhlükə aradan qaldırıldıqdan sonra buna ehtiyac qalmayacaq”, – deyə ABŞ prezidenti bildirib.
ABŞ-İsrail kolasiyasının İrana qarşı hücumu fevralın 28-də başlayıb.
21-03-2026, 13:52
İsrail İran kəşfiyyatının axtarılan məmurunu öldürüb
İsrail ordusu İran kəşfiyyat nazirliyinin yüksək vəzifəli məmuru Mehdi Rostami Şamestaninin də Tehrana hava hücumunda öldürüldüyünü açıqlayıb.
Əməliyyat İsrail Hərbi Hava Qüvvələri tərəfindən “Mossad” və “Şin Bet” kəşfiyyat xidmətləri ilə sıx əməkdaşlıq şəraitində həyata keçirilib.
İsrail ordusu Mehdi Rostami Şamestanini kəşfiyyat nazirliyində "İsraildə və xaricdə İsrail vətəndaşlarına və yəhudilərinə qarşı əməliyyatların aparılmasında əsas rol oynayan fiqur" adlandırıb.
Bun görə də İsrail tərəfi çoxdan idi ki, Mehdi Rostami Şamestanini axtarırdı.
İran hakimiyyəti hələlik məlumatı təsdiqləməyib.
21-03-2026, 13:03
Ərdoğan Türk dünyasına mesaj verdi: Bu il...
Türkiyə Prezidenti Rəcəb Tayyib Ərdoğan Novruz bayramı ilə bağlı Qaziantepdə keçirilən tədbirə videomüraciət ünvanlayıb.
Türkiyə Prezidenti Novruz bayramı münasibəti ilə Türk Dövlətləri Təşkilatına (TDT) daxil olan ölkələri təbrik edib:
"Türk dünyasının dörd bir ucunda eyni duyğu ilə Novruz tonqalının ətrafına toplanırıq. Bu duyğudaşlığı daha da gücləndirəcək addım kimi Novruzu hamımız üçün ortaq gün halına gətirdik. 2026-cı ildə mövcud implusu artıracaq TDT ölkələrinin 13-cü Zirvə Toplantısına Türkiyədə ev sahibliyi edəcəyik. Bu vəsilə ilə Azərbaycandan Qazaxıstana, Qırğızıstandan Özbəkistana, Türkmənistandan Şimali Kipr Türk Respublikasına və Macarıstana qədər bütün dost və qardaşlaırmızın Novruz bayramını ürəkdən təbrik edirəm".
21-03-2026, 12:23
ABŞ İran nefti ilə bağlı qadağanı ləğv etdi
Ağ Ev İran neftinin alışına qoyulan sanksiyaları 30 gün müddətinə ləğv edib.
Bu barədə "The Guardian" nəşri məlumat yayıb.
ABŞ maliyyə naziri Skott Bessentin sözlərinə görə, bu, təxminən 140 milyon barel neftin qlobal bazara daxil olmasına və qiymətlərin qismən aşağı düşməsinə imkan verəcək.
Qeyd edək ki, münaqişənin başlanğıcından bəri neftin qiyməti 50%-dən çox artaraq 1 barel üçün 100 dolları keçib - bu, 2022-ci ildən bəri ən yüksək səviyyədir. Bu fonda ABŞ administrasiyası qarşıdan gələn aralıq Konqres seçkilərini nəzərə alaraq, daxili bazar da daxil olmaqla, qiymətləri aşağı salmaqda maraqlıdır.
Son iki həftə ərzində bu, sanksiyaların üçüncü müvəqqəti yumşaldılmasıdır. Hazırkı tədbirlər 19 aprelə qədər qüvvədə qalacaq və yalnız artıq neftlə yüklənmiş tankerlərə şamil ediləcək.
Lakin yumşaldılma Kuba, Şimali Koreya, qondarma "Donetsk Xalq Respublikası" və "Luqansk Xalq Respublikası"na, Rusiya işğalı altındakı Krıma göndərilən neft daşınmalarına şamil edilmir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!