25-03-2026, 14:33
Rusiyanın ən böyük neft limanı vuruldu
Ukraynaya məxsus pilotsuz uçuş aparatları Rusiyanın Leninqrad vilayətində yerləşən Ust-Luqa limanına hücum edib.
Zərbə nəticəsində ölkənin ən böyük neft ötürmə terminallarından birində yanğın baş verib.
Qeyd olunur ki, Ust-Luqa limanı Baltik dənizi sahilində yerləşir və Rusiyanın ən böyük limanı olmaqla yanaşı, yük dövriyyəsinə görə ölkədə ikinci yerdədir.
Məlumata görə, liman vasitəsilə xam neft, neft məhsulları, maye kimyəvi maddələr, ammonyak və karbamidlə yanaşı, kömür, mineral gübrələr, dəmir filizi, taxıl və digər yüklər daşınır.
Bildirilib ki, 2025-ci ildə limanın ümumi yük dövriyyəsi 130,5 milyon ton təşkil edib.
Hadisə ilə bağlı əlavə məlumatlar hələlik açıqlanmayıb.
25-03-2026, 13:56
Bu ölkə Ukraynaya qaz ixracını dayandırır
Macarıstan Ukraynaya qaz tədarükünü dayandırmaq qərarı verib.
Bu barədə ölkənin baş naziri Viktor Orban açıqlama verib.
Onun sözlərinə görə, Kiyev neft tranzitini bərpa etməyənə qədər Ukrayna Macarıstandan qaz ala bilməyəcək.
“Ukrayna neft tədarükünü bərpa etməyənədək, Macarıstandan qaz almayacaq. Biz ölkəmizin enerji təhlükəsizliyini qoruyacağıq, benzinin qorunan qiymətini və qazın aşağı tariflərini saxlayacağıq”, – deyə Orban bildirib.
Qeyd edək ki, bu qərar iki ölkə arasında enerji sahəsində münasibətlərdə gərginliyin artmasına səbəb ola bilər.
25-03-2026, 13:50
NATO baş katibi Avropada narazılıq yaratdı
NATO-nun baş katibi Mark Rütte Avropa paytaxtlarında narazılıqla qarşılanan açıqlamalar verib.
Bu barədə “Financial Times” nəşri məlumat yayıb.
Bildirilib ki, Rütte ABŞ prezidenti Donald Trampın İranla bağlı siyasətinə açıq dəstək nümayiş etdirib və Avropa müttəfiqlərinin də sonda ABŞ-ın Hörmüz boğazında yaratdığı hərbi-dəniz koalisiyasına qoşulacağını deyib.
Qeyd olunur ki, bu açıqlamalar alyans daxilində gərginliyi artırıb və Avropa ölkələrini çətin vəziyyətdə qoyub.
Avropa İttifaqının xarici siyasət rəhbəri Kaya Kallas isə bildirib ki, bu münaqişə Avropanın müharibəsi deyil. Onun mövqeyi Almaniya, İtaliya və İspaniya tərəfindən də dəstəklənib.
Məlumata görə, NATO-ya üzv bəzi Avropa ölkələrinin diplomatları da Rüttenin açıqlamaları ilə Avropa paytaxtlarının mövqeyi arasında ciddi fərqlərin olduğunu vurğulayıb və bundan narahatlıq ifadə ediblər.
25-03-2026, 13:45
Araqçıdan Rusiya ilə Çinə MESAJ
İran BMT Təhlükəsizlik Şurasının üzvlərindən, xüsusilə Rusiya və Çindən ABŞ və İsrailin hərəkətlərinə qarşı qəti mövqe sərgiləməsini gözləyir.
Bunu İranın xarici işlər naziri Abbas Araqçı çinli həmkarı Van İ ilə telefon danışığı zamanı bildirib.
Onun sözlərinə görə, Tehran beynəlxalq ictimaiyyətdən, xüsusilə də BMT Təhlükəsizlik Şurasının daimi üzvlərindən İranla bağlı baş verən hadisələrə münasibətdə açıq və prinsipial mövqe gözləyir.
Çinin xarici işlər naziri Van İ isə cavabında qeyd edib ki, qarşıdurma əvəzinə dialoq yolu seçilməlidir. O bildirib ki, bu yanaşma həm İranın, həm də beynəlxalq ictimaiyyətin maraqlarına uyğundur.
Van İ əlavə edib ki, Çin obyektiv və qərəzsiz mövqeyini davam etdirəcək, digər ölkələrin suverenliyinin pozulmasına qarşı çıxacaq və regionda sülhün, atəşkəsin təmin olunmasına dəstək verəcək.
Qeyd edək ki, daha əvvəl Rusiya prezidenti Vladimir Putin ölkəsinin İran üçün etibarlı tərəfdaş olaraq qalacağını bəyan etmişdi.
25-03-2026, 13:19
İran vətəndaşlarına ölkəyə girişi qadağan etdilər
İran vətəndaşlarının Avstraliyaya girişini müvəqqəti olaraq dayandırıb
Bu barədə Avstraliya Daxili İşlər Nazirliyi məlumat yayıb.
Qərar vizalarının müddəti bitən İran vətəndaşlarının sonradan Avstraliyanı tərk edə bilməyəcəkləri ilə bağlı narahatlıqlar səbəbindən verilib.
25-03-2026, 12:50
İranın qonşusu bombalandı: ölənlər və yaralananlar var
İraqın Anbar əyalətindəki hərbi obyektlərə endirilən zərbələr nəticəsində ən azı 7 hərbçi həlak olub, 13 nəfər yaralanıb.
İraq Müdafiə Nazirliyi axtarış-xilasetmə qruplarının hadisə yerində işlərini davam etdirdiyini bildirib.
Xatırladaq ki, ötən gün İraqdakı şiə qüvvələrinə endirilən zərbələr zamanı 15 nəfər öldürülmüşdü.
25-03-2026, 11:46
Tarixi paytaxtımız bombalandı - 7 nəfər həlak oldu
ABŞ-İsrail aviasiyasının İrana hava zərbələri nəticəsində Təbrizdə 7 nəfər ölüb.
Qeyd olunub ki, onlar dəmir yolu binasına endirilən zərbə nəticəsində həlak olublar.
Martın 23-də analoji hava hücumu zamanı Təbrizdə 6 nəfər həlak olmuş, 6 nəfər isə yaralanmışdı.
Xatırladaq ki, Təbriz şəhəri tarixən Azərbaycanın bir çox güclü dövlətlərinin paytaxtı olmuşdur. Bu dövlətlərə Atabəylər dövləti (Eldenizlər) (XII-XIII əsrlər), Qaraqoyunlular dövləti (1375-1468), Ağqoyunlular dövləti və Səfəvilər dövləti (1501-ci ildən) daxildir.
25-03-2026, 11:30
Rusiya NATO ölkəsini dronla vurdu
Latviya hava məkanına daxil olan pilotsuz uçuş aparatı boş ərazilərdən birinə düşüb.
Bu barədə Latviya Silahlı Qüvvələri açıqlama verib.
Latviya Hərbi Hava Qüvvələrinin məlumatına görə, pilotsuz təyyarə Rusiya ərazisindən daxil olub.
25-03-2026, 11:06
İran ABŞ ilə danışıqlar aparmır – XİN-dən açıqlama
İran ABŞ ilə heç bir danışıqlar aparmır.
Bu barədə İran Xarici İşlər Nazirliyinin rəsmi nümayəndəsi İsmayıl Bəqayi açıqlama verib.
O bildirib ki, İranla ABŞ arasında hər hansı danışıqlar mövcud deyil: “İrana qarşı qanunsuz müharibənin başladığı gündən bu yana 25 gün ərzində də heç bir təmas olmayıb”.
Rəsmi nümayəndə əlavə edib ki, İran üçün ABŞ danışıqlar təcrübəsi “fəlakətli” olub.
Qeyd edək ki, ABŞ İrana Yaxın Şərqdə müharibəyə son qoymaq və regionda gərginliyi azaltmaq məqsədi daşıyan 15 maddəlik tələblər toplusu təqdim etdiyi qeyd olunub.
25-03-2026, 09:39
İran daha bir ölkənin hava limanını vurdu
İran dronlarlarla Küveyt Beynəlxalq Hava Limanına zərbələr endirib.
Dronlardan biri ərazidəki yanacaq çəninə dəyib.
Küveyt Mülki Aviasiya İdarəsinin məlumatına görə, hücum nəticəsində yanğın baş verib.
İlkin məlumatlara görə, itki olmayıb, yalnız maddi ziyan dəyib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!