21-03-2026, 13:03
Ərdoğan Türk dünyasına mesaj verdi: Bu il...
Türkiyə Prezidenti Rəcəb Tayyib Ərdoğan Novruz bayramı ilə bağlı Qaziantepdə keçirilən tədbirə videomüraciət ünvanlayıb.
Türkiyə Prezidenti Novruz bayramı münasibəti ilə Türk Dövlətləri Təşkilatına (TDT) daxil olan ölkələri təbrik edib:
"Türk dünyasının dörd bir ucunda eyni duyğu ilə Novruz tonqalının ətrafına toplanırıq. Bu duyğudaşlığı daha da gücləndirəcək addım kimi Novruzu hamımız üçün ortaq gün halına gətirdik. 2026-cı ildə mövcud implusu artıracaq TDT ölkələrinin 13-cü Zirvə Toplantısına Türkiyədə ev sahibliyi edəcəyik. Bu vəsilə ilə Azərbaycandan Qazaxıstana, Qırğızıstandan Özbəkistana, Türkmənistandan Şimali Kipr Türk Respublikasına və Macarıstana qədər bütün dost və qardaşlaırmızın Novruz bayramını ürəkdən təbrik edirəm".
21-03-2026, 12:23
ABŞ İran nefti ilə bağlı qadağanı ləğv etdi
Ağ Ev İran neftinin alışına qoyulan sanksiyaları 30 gün müddətinə ləğv edib.
Bu barədə "The Guardian" nəşri məlumat yayıb.
ABŞ maliyyə naziri Skott Bessentin sözlərinə görə, bu, təxminən 140 milyon barel neftin qlobal bazara daxil olmasına və qiymətlərin qismən aşağı düşməsinə imkan verəcək.
Qeyd edək ki, münaqişənin başlanğıcından bəri neftin qiyməti 50%-dən çox artaraq 1 barel üçün 100 dolları keçib - bu, 2022-ci ildən bəri ən yüksək səviyyədir. Bu fonda ABŞ administrasiyası qarşıdan gələn aralıq Konqres seçkilərini nəzərə alaraq, daxili bazar da daxil olmaqla, qiymətləri aşağı salmaqda maraqlıdır.
Son iki həftə ərzində bu, sanksiyaların üçüncü müvəqqəti yumşaldılmasıdır. Hazırkı tədbirlər 19 aprelə qədər qüvvədə qalacaq və yalnız artıq neftlə yüklənmiş tankerlərə şamil ediləcək.
Lakin yumşaldılma Kuba, Şimali Koreya, qondarma "Donetsk Xalq Respublikası" və "Luqansk Xalq Respublikası"na, Rusiya işğalı altındakı Krıma göndərilən neft daşınmalarına şamil edilmir.
21-03-2026, 12:13
Putin MDB ölkələrini təbrik etdi - Siyahıda Azərbaycan da var
Rusiya Prezidenti Vladimir Putin bir sıra ölkələrin liderlərini Novruz bayramı münasibi ilə təbrik edib.
Bu barədə rəsmi Kremlin saytında məlumat dərc olunub.
Rusiya Prezidenti Azərbaycan Respublikasının Prezidenti İlham Əliyevə, Qazaxıstan Respublikasının Prezidenti Qasım-Jomart Tokayevə, Qırğızıstan Respublikasının Prezidenti Sadır Japarova, Tacikistan Respublikasının Prezidenti Emoməli Rahmona, Türkmənistan Prezidenti Serdar Berdimuhammadova, Türkmənistan Xalq Məclisinin sədri Qurbanqulu Berdimuhammadova və Özbəkistan Respublikasının Prezidenti Şavkat Mirziyoyevə Novruz bayramı münasibətilə təbriklər göndərib.
Təbrik məktublarında MDB ölkələri ilə ikitərəfli münasibətlərin yüksək səviyyəsi qeyd olunub və onlarla qarşılıqlı faydalı, çoxşaxəli əlaqələrin bundan sonra da uğurla inkişaf edəcəyinə əminlik ifadə olunub.
21-03-2026, 12:09
Putin Pezeşkiana mesaj yolladı: İranın yanındayıq!
Rusiya Prezidenti Vladimir Putin Novruz bayramı münasibətilə İranın Ali Lideri Ayətullah Seyid Müctəba Xamenei və Prezident Məsud Pezeşkiana ayrı-ayrılıqda təbrik mesajları göndərib.
Məlumatı rəsmi Kreml açıqlayıb.
Bu mesajlarda Rusiya Prezidenti İran xalqına çətin təcrübələrin öhdəsindən gəlməkdə uğurlar arzulayıb və Moskvanın bu kritik şəraitdə etibarlı tərəfdaş kimi Tehranın yanında sadiq qalacağını vurğulayıb.
21-03-2026, 11:36
Putinə Avropa liderlərindən daha çox etibar edirəm - Tramp
ABŞ prezidenti Donald Tramp Rusiya prezidenti Vladimir Putinə bütün avropalı müttəfiqlərindən daha çox etibar etdiyini etiraf edib.
Bu barədə ABŞ lideri ilə müsahibədən sonra “MS Now” telekanalının jurnalisti bildirib.
Onun sözlərinə görə, Tramp bir daha bildirib ki, Ukrayna lideri Vladimir Zelenski ilə münasibət qurmaq Vladimir Putinlə münasibət qurmaqdan daha çətindir.
Jurnalistin sözlərinə görə, "Tramp həmçinin qeyd edib ki, Putin Avropadan qorxmur və o, Putinə Vaşinqtonun bütün avropalı müttəfiqlərindən daha çox etibar edir".
21-03-2026, 11:25
"İraqda İslam Müqaviməti" ABŞ-a qarşı 27 hücum təşkil edib
İranın dəstəklədiyi şiə milisləri şəbəkəsi-"İraqda İslam Müqaviməti" şənbə günü son 24 saat ərzində İraqda və bütün bölgədə ABŞ hərbi bazalarını hədəf alan 27 əməliyyata görə məsuliyyəti öz üzərinə götürüb.
Bu barədə "Shafaq News" məlumat yayıb.
Bəyanatda qruplaşma döyüşçülərinin yerlərini göstərmədən, itki və ya zərər barədə ətraflı məlumat vermədən düşmən bazalarına zərbə endirmək üçün dron və raketlərdən istifadə etdiyini bildirib.
ABŞ və İsrailin İrana hücumlar başlatdığı 28 fevraldan bəri "İraqda İslam Müqaviməti"nin himayəsi altında fəaliyyət göstərən qruplar İraqdakı ABŞ hərbi obyektlərinə təxminən 300 hücum təşkil etdiyini bildiriblər.
21-03-2026, 10:40
İrandakı müharibə uzansa, Putin 250 milyard qazanacaq
Yaxın Şərqdəki müharibə sentyabr ayına qədər uzanarsa, Rusiya büdcəsinə 250 milyard dollar əlavə edəcək.
Bu barədə "Der Spiegel" jurnalının məlumatında bildirilib.
Kiyev İqtisadiyyat Məktəbindəki analitik mərkəz Rusiyanın enerji qiymətlərinin artmasından nə qədər qazana biləcəyini hesablayıb.
Birinci ssenariyə görə, İrandakı müharibə aprelin ortalarında başa çatır. Qlobal bazarlarda neftin qiyməti bir barel üçün təxminən 100 dollara yüksəlir və qazın qiyməti də artır. 2026-cı ilə qədər gözlənilən təxminən 99 milyard dollar əvəzinə, Rusiya indi yalnız neft ixracından 169 milyard dollar qazanır; qaz satışı daha 50 milyard dollar gətirir. Beləliklə, Kremlin xammaldan əldə etdiyi gəlir ümumilikdə 84 milyard dollar artır.
İkinci ssenariyə görə, müharibə may ayının sonuna qədər uzanacaq.
"Neft qiymətləri müvəqqəti olaraq barrel üçün 140 dollara qədər yüksəlir, lakin sonra Hörmüz boğazında regional hasilat və gəmiçilik nisbətən tez bərpa olunduqca tez bir zamanda aşağı düşür. İlin sonuna qədər Kreml bu ssenaridə İranla müharibə olmadan gözlədiyindən təxminən 161,3 milyard dollar daha çox qazanacaq. Hökumət gəlirləri 97 milyard dollar artacaq", - deyə məqalədə bildirilir.
Başqa bir ssenariyə görə, müharibə sentyabr ayının sonuna qədər davam edəcək. Bu halda, neftin qiyməti barrel üçün 150-200 dollara qədər yüksələ bilər. İlin sonuna qədər neft və qaz satışı Rusiyaya təxminən 386,6 milyard dollar gətirəcək. Kremlin əmtəə ticarətindən əldə etdiyi vergi gəlirləri 212,5 milyard dollara çatacaq.
“The Economist” yazıb ki, İranla müharibə ABŞ prezidenti Donald Tramp üçün çətin bir sınaq halına gəlir və onun ölkə daxilində və xaricdəki təsirini təhdid edir.
Uzunmüddətli hərbi əməliyyatlar Trampın Respublikaçılar Partiyasındakı mövqeyini sarsıda və xarici siyasət üzərində nəzarətini zəiflədə bilər.
21-03-2026, 10:13
Zelenski nümayəndələrini danışıq üçün ABŞ-a göndərdi
Ukrayna nümayəndə heyəti bu gün ABŞ nümayəndələri ilə danışıqlar aparmaq üçün Mayamiyə gedib.
Bu barədə “Ukrinform” məlumat yayıb. Ukrayna nümayəndə heyətinə Milli Təhlükəsizlik və Müdafiə Şurasının katibi Rüstəm Umerov, Prezident Aparatının rəhbəri Kiril Budanov, Prezident Aparatının rəhbərinin birinci müavini Sergey Kıslıtsya və “Xalqın xidmətçisi” parlament fraksiyasının sədri David Araxamiya daxildir.
Amerika tərəfini Ağ Evin xüsusi nümayəndəsi Stiv Uitkov və ABŞ prezidenti Donald Trampın kürəkəni Cared Kuşner təmsil edəcək.
Xatırladaq ki, Rusiya tərəfi bu danışıqlarda iştirak etmir.
Bir gün əvvəl Ukrayna prezidenti Vladimir Zelenski Ukrayna və Amerika nümayəndə heyətlərinin ABŞ-da dörd məsələni müzakirə edəcəyini açıqlamışdı.
Ukrayna nümayəndələri həmçinin ABŞ ilə dronlarla bağlı təklif olunan razılaşmanı da müzakirə edəcəklər.
Ukrayna, ABŞ və Rusiya arasında danışıqların sonuncu mərhələsi fevralın ortalarında İsveçrədə baş tutub. O vaxtdan bəri ABŞ-ın İrana qarşı müharibəsi səbəbindən görüşlər dayandırılıb.
21-03-2026, 09:55
Xameneini o əvəz etdi
Bu gün Tehranda Ramazan (Fitr) bayramı namazı Hüccətül-İslam Məhəmməd Cavad Hacı Əliəkbərinin imamətində qılınıb.
Bu barədə İran KİV-i məlumat yayıb.
Bayram namazı yerli vaxtla səhər saat 08:00-da Tehranın İmam Xomeyni Müsəlləsində əhalinin müxtəlif təbəqələrinin iştirakı ilə qılınıb.
Hər il Fitr bayramı namazı ABŞ və İsrailin hücumları nəticəsində həlak olan mərhum Ali Lider Ayətullah Seyid Əli Xameneinin rəhbərliyi ilə qılınırdı.
21-03-2026, 09:33
Nüvə silahları yaratmaq dinimizdə qadağandır! - Pezeşkian
İran Prezidenti Məsud Pezeşkian ölkəsində yeni ilin (Novruz) başlanğıcı münasibətilə çıxış edib.
Pezeşkian “bu il bizim üçün iki mübarək hadisə üst-üstə düşdü: Novruz və Ramazan bayramı”, - deyə qeyd edib.
"Bizim inancımız bəşəriyyətə xidmət etmək, ehtiyacı olanlara kömək etmək və xəstə olan hər kəsi dəstəkləməkdir. Lakin düşmənlərimiz sözləri, hərəkətləri və təbliğatları ilə bizi dünyada günahkar kimi göstərirlər", - deyə Prezident Pezeşkian dünyaya mesajında vurğulayıb.
“Biz heç vaxt nüvə silahı əldə etmək ardınca getməmişik. Ali Rəhbərin qarşısına çıxdığımız zaman o, açıq və birmənalı şəkildə nüvə silahlarının dini cəhətdən qadağan olduğunu bildirib.
İran İslam Respublikasında heç bir məmur kütləvi qırğın nüvə silahlarının inkişafına tərəfdar çıxa və ya onu təşviq edə bilməz. Lakin ABŞ prezidenti dünyada nüvə silahı əldə etmək ardınca getdiyimiz və kütləvi qırğın törətmək istədiyimiz barədə bir təsəvvür yaradır.
Təəssüf ki, dünya mediası bu yalanları qəbul edir”, - Prezident qeyd edib.
Məsud Pezeşkyan deyib ki, Tehran Yaxın Şərq ölkələrinə onların iştirakı ilə regional təhlükəsizliyin təmin edilməsi üçün öz formatlarını yaratmağı təklif edib.
“Biz bütün problemləri sizinlə birlikdə həll etməyə hazırıq. Sülh, sabitlik və təhlükəsizliyi təmin etmək üçün İslam ölkələrinin də cəlb olunacağı Yaxın Şərq təhlükəsizlik formatı yaratmağı təklif edirik”, - Pezeşkyan deyib.
O əlavə edib ki, Yaxın Şərq ölkələrinin öz bölgələrində əcnəbilərin olmasına ehtiyacı yoxdur.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!