19-12-2023, 20:44
Paşinyanın rəhbərliyi ilə Təhlükəsizlik Şurasının iclası keçirildi
Ermənistan Baş naziri Nikol Paşinyanın rəhbərliyi ilə Təhlükəsizlik Şurasının iclası keçirilib.
Bu barədə Ermənistan hökuməti məlumat yayıb.
İclasın gündəliyinə Ermənistan-Azərbaycan münasibətlərinin normallaşdırılması, ölkənin ərzaq təhlükəsizliyinin təmin edilməsi və digər məsələlər daxil edilib.
Görüşdə Ermənistan Prezidenti, hökumət və ordu rəsmiləri iştirak edib.
19-12-2023, 17:18
Ərdoğan: “Vəzifədən getməsi Netanyahunu xilas etməyəcək”
Türkiyə prezidenti Rəcəb Tayyib Ərdoğan İsrailin baş naziri Binyamin Netanyahunun vəzifəsini tərk etməsindən və İsrail Nazirlər Kabinetində dəyişikliklərdən sonra Qəzza zolağında müharibənin bitəcəyinə əminliyini ifadə edib.
Ərdoğan Macarıstandan qayıdarkən jurnalistlərə deyib:
"Bizi dinləməyən və ya Netanyahunun vəzifədən gedəcəyini deyəndə haqlı olduğumuza inanmayanlar onun getdiyini görəcəklər. Amma vəzifədən getməsi onu xilas etməyəcək. Biz onu qanuni şəkildə mühakimə edəcəyik ki, etdiyi zülmə görə cavab versin. Ümid edirəm ki, İsr ail Nazirlər Kabinetində baş verən dəyişikliklərdən sonra bu qırğın başa çatacaq”.
Ərdoğanın sözlərinə görə, Qəzza zolağındakı qətllərdə əli olan hər kəs məhkəmə qarşısında cavab verəcək.
19-12-2023, 17:03
Türkiyə və İraq XİN Başçıları görüşdü
Türkiyənin xarici işlər naziri Hakan Fidan İraqdan olan həmkarı, bu ölkənin baş nazirinin müavini postunu da tutan Fuad Hüseynlə görüşüb.
Bu barədə Türkiyə XİN məlumat yayıb.
Görüş Hüseynin Ankaraya səfəri çərçivəsində baş tutub.
Türkiyə Xarici İşlər Nazirliyində keçirilən görüşdə iki ölkənin müdafiə nazirləri Yaşar Güler və Sabit Abbasi də qatılıblar.
19-12-2023, 16:06
Türkiyə F-16 qırıcılarının satışı ilə bağlı ABŞ-dan qarşılıq gözləyir - Ərdoğan
Türkiyə İsveçin NATO-ya üzvlük protokolunun parlament tərəfindən təsdiqlənməsi müqabilində Ankaraya F-16 qırıcılarının satışı ilə bağlı ABŞ-dan qarşılıq gözləyir.
Türkiyə Prezidenti Rəcəb Tayyib Ərdoğan bu barədə dekabrın 18-də rəsmi səfərdə olduğu Macarıstandan qayıdarkən jurnalistlərə deyib.
Onun sözlərinə görə, Ankara, həmçinin İsveçin terrorla mübarizəyə dair verdiyi vədləri yerinə yetirməsini istəyir.
“Hesab edirəm ki, həm F-16 qırıcı təyyarələrinin Türkiyəyə tədarükü, həm də Kanadanın öz vədlərini yerinə yetirmək məsələsində gözlədiyimiz pozitiv dəyişikliklər parlamentin bu istiqamətdə müsbət münasibətini sürətləndirəcək. Digər tərəfdən, biz İsveçin Vilnüsdə verdiyi vədlərin həyata keçiriləcəyini gözləyirik və hadisələri diqqətlə izləyirik”, - deyə Türkiyə lideri vurğulayıb.
18-12-2023, 21:20
G7 ölkələri Kiyevi dətsəkləməyə davam edəcək - Blinken
İtaliyanın sədrlik etdiyi “Yeddilik qrupu” (G7) Yaxın Şərqdəki vəziyyətin nizamlanması istiqamətində fəaliyyətini davam etdirəcək.
Bu sözləri Romada açılacaq İtaliya səfirlərinin konfransına videomüraciət göndərən ABŞ-ın Dövlət katibi Antoni Blinken deyib.
“Biz İtaliyanın G7-yə sədrliyi ilə beynəlxalq səviyyədə fayda gətirəcək konkret öhdəlikləri ehtiva edən bir gündəm üzərində işləyəcəyik... Yaxın Şərqdəki münaqişənin həlli üçün işləməyə davam edəcəyik”, - deyə o bildirib.
Blinken əlavə edib ki, G7 ölkələri “Ukraynanın hərbi, iqtisadi və demokratik baxımdan ayağa qalxması üçün lazım olan hər şeyə malik olması üçün” Kiyevi dəstəkləməyə davam edəcək.
18-12-2023, 19:22
Macarıstanın Baş naziri Ərdoğana at hədiyyə etdi
Budapeştdə səfərdən olan Türkiyə Prezidenti Rəcəb Tayyib Ərdoğan Macarıstan Baş naziri Viktor Orbanla görüşüb.
Görüş zamanı liderlər bir-birinə hədiyyə veriblər.
Ərdoğan Orbana Türkiyənin yerli istehsalı olan “Togg” elektromobil hədiyyə edib.
Orban isə Ərdoğana Macar atı hədiyyəsini təqdim edib.
Qeyd edək ki, Ərdoğan Türkiyə-Macarıstan Yüksək Səviyyəli Strateji Əməkdaşlıq Şurasının altıncı toplantısına qatılacaq.
18-12-2023, 17:50
Türkiyə və Macarıstan prezidentləri görüşdü
Türkiyə Prezidenti Rəcəb Tayyib Ərdoğan Budapeştdə Macarıstan Prezidenti Katalin Novak ilə görüşüb.
Bu barədə ölkənin Prezident Administrasiyası məlumat yayıb.
Qeyd olunub ki, görüş zamanı Türkiyə-Macarıstan ikitərəfli əlaqələri, qlobal və regional problemlər, İsrailin Qəzzaya hücumları ilə bağlı inkişaflar müzakirə edilib.
Prezident Ərdoğan Türkiyənin bütün münaqişə bölgələrində sülhü təmin etmək və qlobal sülhə xidmət etmək səylərinin davam etdiyini vurğulayıb. O əlavə edib ki, regional və qlobal sülh, insan haqları və beynəlxalq hüququn qorunması üçün İsrailin Fələstin torpaqlarına hücumlarına son qoyulmalıdır.
Prezident Ərdoğan, həmçinin Budapeştə səfərindən sonra Türkiyə ilə Macarıstan arasında əlaqələrin daha da dərinləşəcəyinə əminliyini bildirib.
18-12-2023, 17:41
Putin Mərkəzi Seçki Komissiyasına baş çəkdi
Rusiya prezidenti Vladimir Putin Mərkəzi Seçki Komissiyasına baş çəkib.
Bu barədə TASS məlumat yayıb.
O, 2024-cü ildə Rusiyada keçiriləcək prezident seçkilərində iştirak etmək üçün sənədləri təqdim etmək məqsədilə MSK-ya gedib.
Qeyd edək ki, seçkilər martın 17-nə təyin olunub.
18-12-2023, 16:53
Misirdə prezident seçkilərinin rəsmi nəticələri bəlli oldu
Misirin Milli Seçki Komissiyası prezident seçkilərinin rəsmi nəticələrini təqdim edib. Hazırkı dövlət başçısı Əbdül Fəttah əs-Sisi dekabrın 10-12-də keçirilən seçkilərdə qalib gələrək növbəti altı il müddətinə ölkəyə rəhbərlik edəcək.
Bu barədə Misir Milli Seçki Komissiyasının rəhbəri Hazem Bədəvi seçkilərin nəticələrinə həsr olunan mətbuat konfransında bildirib.
Tədbir Əl-Qahirə əl-İhbariyyə telekanalı tərəfindən canlı yayımlanıb.
Plebisitin nəticələrinə görə, Misirdə və ölkədən kənarda keçirilən səsvermədə iştirak edən seçicilərin 89,6 faizi Əbdül Fəttah əs-Sisiyə səs verib.
18-12-2023, 14:51
Ərdoğan Macarıstanda səfərdədir
Türkiyə prezidenti Rəcəb Tayyib Ərdoğan Macarıstana səfər edib.
Bu barədə TRT məlumat yayıb.
Ərdoğan artıq paytaxt Budapeştdədir. Səfər Macarıstan baş naziri Viktor Orbanın dəvəti ilə reallaşıb.
Türkiyə prezidentini bir sıra nazirlər və dövlət rəsmiləri müşayiət edirlər. Səfər çərçivəsində ikitərəfli görüşlərin keçirilməsi nəzərdə tutulub.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!