Dünya » Səhifə 841

12-09-2022, 18:31

Almaniyada türklərə hücum edildi

PKK terror təşkilatının tərəfdarları Almaniyanın Essen şəhərində yürüş keçirib. Butov.az xəbər verir ki, küçələrə axışan PKK tərəfdarları türklərin avtomobillərinə daşla hücum ediblər. Hücum nəticəsində avtomobillərə ciddi ziyan dəyib. Xəsarət alan olmayıb. Hadisədən sonra yerli polis yürüşdə iştirak edən PKK tərəfdarlarından bəzilərini saxlayıb.

Almaniyada türklərə hücum edildi

12-09-2022, 18:29

Ukrayna daha 20 yaşayış məntəqəsini azad etdi

Ukrayna Silahlı Qüvvələri son sutkada 20-dən çox yaşayış məntəqəsini azad edib. Bu barədə Ukrayna Silahlı Qüvvələrinin Baş Qərargahının mətbuat xidməti məlumat yayıb. "Aviasiyanın tətbiqi sayəsində Rusiya ordusunun 1 dayaq məntəqəsi, texnika və canlı qüvvənin 6 cəmləşmə yeri, 1 zenit-raket kompleksi və 1 PUA məhv edilib. Həmçinin 11 raket vurulub", - deyə məlumatda qeyd olunub.

Ukrayna daha 20 yaşayış məntəqəsini azad etdi

12-09-2022, 18:24

Rumıniyada təyyarə qəzası - Ölənlər var

Rumıniyanın Suçava bölgəsində yüngül mühərrikli təyyarə qəzaya uğrayıb. Bu barədə Suçava Fövqəladə Hallar Müfəttişliyi məlumat yayıb. Hadisə Xurcueni yaşayış məntəqəsinin yaxınlığında baş verib. Məlumata görə, qəza nəticəsində iki nəfər dünyasını dəyişib.

Rumıniyada təyyarə qəzası - Ölənlər var

12-09-2022, 18:14

Vaşinqton bu ölkəyə 60 milyon dollar verəcək

ABŞ Beynəlxalq İnkişaf Agentliyi (USAİD) vasitəsilə Şri-Lankaya 60 milyon dollar yardım göndərəcək. Bu barədə təşkilatın rəhbəri Samanta Pauer məlumat verib. Pauer ölkədəki dərin maliyyə böhranından çıxmaq üçün gübrələrin idxalına 40 milyon dollar, humanitar ehtiyaclara isə 20 milyon dollar veriləcəyini bildirib. Bu ölkəyə səfər edən Pover deyib ki, ABŞ hər zaman Şri-Lankanın yanındadır. Aprelin ortalarında ölkə 51 milyard dollarlıq xarici borcunu defolt elan edib və mümkün maliyyə yardımı barədə Beynəlxalq Valyuta Fondu ilə danışıqlar aparır. Rəsmi məlumatlara görə, Şri-Lanka hazırda 60,8 faiz hiperinflyasiya ilə üzləşib, ərzaq inflyasiyası isə keçən ay 90,9 olub.

Vaşinqton bu ölkəyə 60 milyon dollar verəcək

12-09-2022, 00:49

Zelenskidən Lavrova cavab: "Ultimatum verənlərlə danışmıram"

Ukrayna Prezidenti Volodimir Zelenski hazırkı şərtlərlə Rusiya ilə danışıqların aparılması imkanının olmadığını bildirib. Bu barədə o, CNN-ə müsahibəsində danışıb. Zelenski Rusiyanın konstruktiv olmadığını vurğulayıb. Rusiya Ukrayna ilə ultimatum dili ilə danışmağa çalışıb və Zelenski bunu qəbuledilməz hesab edir. "Mən onların konstruktiv olmaq istəyini görmürəm. Bu mənim prinsipimdir, ultimatum verənlərlə danışmıram", - Ukrayna prezidenti CNN-ə deyib. Dövlət başçısı əlavə edib ki, Ukrayna tərəfi sona qədər mübarizə aparacaq və Rusiya ilə Ukrayna arasında saziş yalnız rus qoşunlarının Ukrayna ərazilərindən çıxarılmasından sonra bağlana bilər. Bu gün səhər saatlarında Rusiyanın xarici işlər naziri Sergey Lavrov bildirib ki, Rusiya Ukrayna ilə sülh danışıqlarından imtina etmir.

Zelenskidən Lavrova cavab: "Ultimatum verənlərlə danışmıram"

12-09-2022, 00:46

İzyumun mərkəzində Ukrayna bayrağı dalğalanır

Ukrayna ordusu Xarkov vilayətində yerləşən strateji İzyum şəhərinin mərkəzinə nəzarəti bərpa edib. Butov.az xəbər verir ki, artıq hərbçilər şəhər şurasının binası üzərində Ukrayna bayrağını qaldırıblar. Qeyd edək ki, bir neçə gündür Ukrayna Xarkovda əks-hücum əməliyyatına başlayıb. Uğurlu əməliyyat nəticəsində İzyum şəhəri ruslardan təmizlənib. Rusiya Müdafiə Nazirliyi şəhərdən geri çəkildiyini təsdiqləyib.

İzyumun mərkəzində Ukrayna bayrağı dalğalanır

12-09-2022, 00:37

Xarkov qaranlığa qərq oldu

Ukraynanın ikinci ən böyük şəhəri olan Xarkovda elektrik enerjisi kəsilib. Bu barədə "Reuters" agentliyi məlumat yayıb. Agentliyin bölgədəki müxbiri şəhərin qaranlığa qərq olduğunu bildirib. Elektrik enerjisinin niyə dayandırıldığı barədə məlumat verilməyib. Teleqram kanallarında Ukraynanın digər bölgələrində də elektrik enerjisinin kəsildiyi barədə xəbər yayılıb. Qeyd edək ki, son bir neçə gündə Ukrayna ordusu Xarkovda rusların işğalı altında olan ərazilərə uğurlu əks-hücum əməliyyatları həyata keçirib. Rusiya buna cavab olaraq Xarkovda bəzi ərazilərə raket zərbələri endirib.

Xarkov qaranlığa qərq oldu

12-09-2022, 00:29

Türkiyə ordusu 2 şəhid verdi

İraqın şimalında PKK terror təşkilatına qarşı keçirilən əməliyyat zamanı Türkiyə ordusunun iki hərbçisi şəhid olub. Bu barədə Türkiyə Milli Müdafiə Nazirliyi məlumat yayıb. Bildirilir ki, “Pençe-Kilit” əməliyyat bölgəsində atışma zamanı Harun Yıldırım və Savaş Borlu həlak olub. Daha 4 hərbçinin yaralandığı qeyd olunur.

Türkiyə ordusu 2 şəhid verdi

12-09-2022, 00:27

Putin və Makron telefonla danışdılar

Rusiya və Fransa prezidentləri arasında telefon danışığı olub. Bu barədə Kremlin mətbuat xidməti məlumat yayıb. Telefon danışığı zamanı Vladimir Putin və Emmanuel Makron Ukrayna ətrafındakı vəziyyəti, Zaporojye AES-i və Qara dəniz limanları vasitəsilə taxıl tədarükü ilə bağlı məsələləri müzakirə ediblər. Rusiya tərəfi Ukraynanın AES obyektlərinə, o cümlədən fəlakətli nəticələrlə dolu olan radioaktiv tullantıların anbarına müntəzəm "hücumlarına" diqqət çəkib. Rusiya Prezidenti stansiyanın fiziki mühafizəsini təmin etmək üçün rusiyalı mütəxəssislər tərəfindən görülən tədbirlər barədə məlumat verib və stansiyanın atəşə tutulmasının dərhal dayandırılması üçün Kiyev hakimiyyətinə təsir göstərməyin zəruriliyini vurğulayıb. Atom Enerjisi üzrə Beynəlxalq Agentliyin (AEBA) iştirakı ilə Zaporojye AES ətrafındakı vəziyyətlə bağlı siyasiləşdirilməmiş əməkdaşlığa qarşılıqlı hazırlıq ifadə olunub.

Putin və Makron telefonla danışdılar

12-09-2022, 00:14

Ukraynaya lazım olan qədər silah verəcəyik - Rəsmi Berlin

Rəsmi Berlin Ukraynaya hərbi yardım edəcəyini bildirib. Bu barədə Almaniyanın xarici işlər naziri Annalena Berbok açıqlama verib. “Biz Ukraynanın və Ukrayna xalqının yanındayıq. Bu, hər zaman belə olub. Nə qədər ki, Ukrayna və Ukrayna xalqının bizə ehtiyacı var, biz onların yanında olmağa davam edəcəyik. Biz Ukraynaya lazım olan qədər silah verəcəyik", - deyə nazir bildirib.

Ukraynaya lazım olan qədər silah verəcəyik - Rəsmi Berlin