6-09-2022, 21:14
Ərdoğan Bosniya və Herseqovinada səfərdədir
Türkiyə Prezidenti Rəcəb Tayyib Ərdoğan Balkan regionu ölkələrinə səfəri çərçivəsində Bosniya və Herseqovinaya gedib. Butov.az xəbər verir ki, Türkiyə Prezidenti Bosniya və Herseqovinanın Rəyasət Heyətinin Sədri Şefik Caferoviç tərəfindən Prezident Sarayında rəsmi mərasimlə qarşılanıb. Rəsmi qarşılanma mərasimindən sonra Rəcəb Tayyib Ərdoğan və Şefik Caferoviçin təkbətək görüşü olub. Görüşdə Bosniya və Herseqovinanın Rəyasət Heyətinin üzvləri Jelko Komşiç və Milorad Dodik də iştirak ediblər. Qeyd edək ki, Türkiyə Prezidenti region ölkələrindən Serbiya və Xorvatiyaya da səfər edəcək.
6-09-2022, 20:47
Ərdoğandan Yunanıstana sərt xəbərdarlıq
Türkiyə prezidenti Rəcəb Tayyib Ərdoğan Yunanıstana hər an zərbə endirilə biləcəyinin mümkünlüyü barədə xəbərdarlıq edib. Butov.az xəbər verir ki, Ərdoğan bununla bağlı deyib: “Afina Türkiyənin qətiyyətindən xəbərdardır və buna görə də artıq regionda vəziyyəti gərginləşdirməyə yönəlmiş addımlar atmır". Onun sözlərinə görə, Türkiyə “Yunanıstan təxribatları” mövzusunu NATO səviyyəsində də qaldırıb. "Düşünürəm ki, Afina indi Türkiyə ilə münasibətlərdə gələcək addımları təhlil edəcək. Əks halda, dediyim kimi, hər an zərbə endirilə bilər", - Ərdoğan bildirib. NATO müttəfiqləri Yunanıstan və Türkiyə ərazi mübahisələrinə görə dəfələrlə silahlı münaqişə ərəfəsində olublar. Türkiyə Müdafiə Nazirliyinin məlumatına görə, gərginliyin yeni mərhələsi avqustun 23-də Yunanıstanın NATO missiyası zamanı Türkiyənin “F-16”larını hədəfə almaq üçün Rusiya istehsalı olan S-300 hava hücumundan müdafiə sistemlərini yerləşdirməsi ilə başlayıb. Son günlər iki ölkə arasında ritorika kəskin şəkildə artıb. Türkiyə prezidenti Rəcəb Tayyib Ərdoğan şənbə günü deyib ki, Yunanıstan Türkiyəni S-300 hava hücumundan müdafiə sistemləri ilə təhdid edir və “Afina daha irəli gedərsə, bunun bədəli ağır olacaq”. Türkiyənin milli müdafiə naziri Hulusi Akar bildirib ki, Ankara Yunanıstanın türk təyyarələrinin təqibində S-300-dən istifadə etməsi ilə bağlı NATO-dan obyektivlik gözləyir. Onun sözlərinə görə, Yunanıstan beynəlxalq hüquqa, mehriban qonşuluq münasibətlərinə və dostluğa məhəl qoymur.
6-09-2022, 20:42
II Yelizaveta Liz Trassa yeni hökumət qurmağı tapşırdı
Britaniya kraliçası II Yelizaveta keçmiş xarici işlər naziri Liz Trassa yeni baş nazir kimi hökuməti formalaşdırmağı tapşırıb. Butov.az xəbər verir ki, II Yelizaveta bu gün Liz Trassı yeni baş nazir kimi qəbul edib. Liz Trass dünən Böyük Britaniyanın Mühafizəkarlar Partiyasının rəhbəri seçilib və çərşənbə axşamı baş nazir olacaq. Trass ənənənin tələb etdiyi kimi Bukingem sarayında deyil, Şotlandiyada kraliça tərəfindən təyin edilən ilk baş nazir olub. Kraliça ilə görüşdükdən sonra yeni baş nazir Londona qayıdacaq və Dovning Street ofisinin qarşısında çıxış edəcək.
6-09-2022, 20:37
Putin Kadırovu təbrik etdi
Rusiya prezidenti Vladimir Putin Çeçenistan rəhbəri Ramzan Kadırovu və bütün bölgə sakinlərini respublikanın yaranmasının 100 illiyi münasibətilə təbrik edib. Bu haqda dövlət başçısının mətbuat katibi Dmitri Peskov jurnalistlərə bildirib. “Rusiya prezidenti Vladimir Putin Ramzan Kadırova zəng edərək onu, eləcə də onun simasında bütün Çeçenistan sakinlərini Çeçenistan Respublikasının yaranmasının 100 illiyi münasibətilə təbrik edib”, - Peskov bildirib.
6-09-2022, 20:13
Rusiya Ukraynanın itkilərini açıqladı
“Xüsusi hərbi əməliyyat başlayandan bəri Rusiya qoşunları Ukraynaya məxsus təxminən 1889 pilotsuz uçuş aparatını məhv edib”. Bu barədə Rusiya Müdafiə Nazirliyi çərşənbə axşamı bildirib. “Ümumilikdə, xüsusi hərbi əməliyyat başlayandan bu günə kimi aşağıdakılar məhv edilib:
290 təyyarə, 152 helikopter, 1889 pilotsuz uçuş aparatı, 373 zenit-raket kompleksi, 4845 tank və digər zirehli döyüş texnikası, 825 raket sistemləri, 3369 səhra artilleriya qurğusu və minaatan, həmçinin 5343 ədəd xüsusi təyinatlı hərbi texnika”, - nazirliyin açıqlamasında qeyd olunub. Rusiya Müdafiə Nazirliyi nin məlumatına görə, son sutkada Ukrayna ordusunun üç qərargahı, 52 artilleriya qurğusu və 1 “Buk-M1” buraxılış qurğusu məhv edilib. Bildirilib ki, Rusiya Aerokosmik Qüvvələri son sutkada Zaporojye vilayətində Ukraynanın 65-ci mexanikləşdirilmiş briqadasının 100-ə qədər hərbçisini zərərsizləşdirib. “Rusiya Aerokosmik Qüvvələrinin Veselyanka kəndi yaxınlığında Ukrayna Silahlı Qüvvələrinin 65-ci mexanikləşdirilmiş briqadasının 1-ci batalyonunun müvəqqəti dislokasiya məntəqələrinə endirdiyi yüksək dəqiqlikli zərbələr nəticəsində 100-dək yaraqlı və 15 hərbi texnika məhv edilib”, - məlumatda deyilir.
6-09-2022, 20:07
Boris Conson iqamətgahını belə tərk etdi
İstefa verən Böyük Britaniyanın Baş naziri Boris Conson həyat yoldaşı Kerri Conson ilə Dauninq-stritdə yerləşən iqamətgahını rəsmi olaraq tərk edib. Bu barədə məlumatı “Sky News” yayıb. Sabiq Baş nazir iqamətgahdan alqışlarla yola salınıb. İqamətgahın qarşısında çıxış edən Boris Conson yeni hökumətə yolun hər mərhələsində dəstək verəcəyini bildirib. Məlumata görə, Boris Conson iqamətgahı tərk edərək Şotlandiyada yerləşən Balmoral qəsrinə yollanıb. O, burada rəsmi olaraq istefasını təqdim etmək üçün kraliça II Yelizaveta ilə görüşəcək. Bununla yanaşı, ölkənin yeni Baş naziri Liz Trass da kraliça tərəfindən qəbul ediləcək. Xatırladaq ki, Böyük Britaniyanın xarici işlər naziri Liz Trass Mühafizəkarlar Partiyasının yeni lideri və ölkənin Baş naziri seçilib. Bununla da, Liz Trass bu gün Boris Consonu Baş nazir postunda əvəzləyəcək və hökumətin yeni tərkibini təyin edəcək.
6-09-2022, 19:40
Putin Ermənistana dövlət səfərinə hazırlaşır
Ermənistan və Rusiyanın xarici işlər nazirləri Ararat Mirzoyanla Sergey Lavrovun dünənki görüşündə Rusiya prezidenti Vladimir Putinin İrəvana dövlət səfərinə hazırlığı da müzakirə edilib. Bu barədə Ermənistan Xarici İşlər Nazirliyinin mətbuat xidmətinin məlumatında deyilir. Qeyd olunur ki, Moskvada keçirilən görüşdə nazirlər İrəvanda keçiriləcək KTMT-nin Kollektiv Təhlükəsizlik Şurasının iclasının təşkilinə də toxunublar. Bundan əlavə, XİN rəhbərləri Ermənistan-Rusiya strateji tərəfdaşlıq və müttəfiqliyin, o cümlədən ticarət-iqtisadi, elmi və mədəni sahələrdə gələcək inkişafını ətraflı müzakirə ediblər. Tərəflər həm ikitərəfli gündəm çərçivəsində, həm də KTMT, Avrasiya İttifaqı və MDB sahələrində sıx əməkdaşlıqdan, o cümlədən ən yüksək səviyyədən məmnunluq ifadə ediblər.
5-09-2022, 22:00
Avropa Ukraynaya 500 milyon yardım ayırır
Avropa Komissiyası və Ukrayna Kiyevə 500 milyon avro yardım göstərilməsi haqqında saziş imzalayıb. Bu barədə Avropa Komissiyasının rəsmi nümayəndəsi Erik Samer Brüsseldə mətbuat konfransı zamanı bildirib. “Avropa Komissiyası və Ukrayna bu gün Avropa Komissiyasının sədri Ursula fon der Leyenin elan etdiyi öhdəliklər çərçivəsində 500 milyon avro məbləğində yeni büdcə dəstəyi proqramı imzalayıb. Bu yardım apreldə “Ukraynaya dəstək” kampaniyası çərçivəsində, mayda isə Varşavada keçirilən yüksək səviyyəli beynəlxalq donor konfransının bir hissəsi kimi elan edilib”, - deyə Samer bildirib.
5-09-2022, 21:54
Podolyak Krım sakinlərinə müraciət etdi: Sığınacaq hazırlayın
Ukrayna Prezident Ofisinin rəhbərinin müşaviri Krım yarımadasının yaşayan insanlara müraciət edib. Bunu Mixaylo Podolyak "Twitter" səhifəsində yazıb. O bildirib ki, Krım sakinləri yarımadanın işğaldan azad olunmasına hazır olmalıdır. “İşğal olunmuş ərazilərin, o cümlədən Krım yarımadasının əhalisinin işğaldan azad olunma zamanı rəsmi orqanların tövsiyələrinə əməl etmələrini xahiş edirik. İndidən sığınacaq, yetərincə su ehtiyatını təmin etmək lazımdır”.
5-09-2022, 21:52
Ukraynada qadınların hərbi qeydiyyatı başlayır
Oktyabrın 1-dən Ukraynada qadınlar könüllülük əsasında hərbi qeydiyyata alınacaqlar. Bu barədə ölkənin müdafiə nazirinin müavini Anna Malyar bildirib. O vurğulayıb ki, hakimiyyət ukraynalı qadınlar üçün səyahət məhdudiyyəti qoymağı planlaşdırmır. “İndi Ukraynanın silahlı qüvvələrində hələ də qadınlara ehtiyac var - tibb, radiotexnika və qida texnologiyaları üzrə mütəxəssislər lazımdır. Ancaq digər peşələrə gəlincə, söhbət könüllü qeydiyyatdan gedir. Arzusu olan, həvəsli olan qadınların qeydiyyatdan keçmək hüququ olmalıdır, biz onları bu hüquqdan məhrum etməməliyik”, - deyə xanım Malyar bildirib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!