21-12-2022, 16:37
Zelenski ABŞ-da səfərdədir
Ukrayna Prezidenti Volodimir Zelenski ABŞ-da səfərdədir. Onun amerikalı həmkarı Co Baydenlə görüşü və Konqresdə çıxışı planlaşdırılır. Bu barədə Zelenski tviter səhifəsində məlumat paylaşıb. "Ukraynanın sabitliyini və müdafiə qabiliyyətini gücləndirmək üçün ABŞ-a getdim. Xüsusilə, ABŞ Prezidenti Co Baydenlə Ukrayna və ABŞ arasında əməkdaşlığı müzakirə edəcəyik. Mən də Konqresdə çıxış edəcəyəm və bir sıra ikitərəfli görüşlər keçirəcəyəm”, - deyə prezident yazıb. Bundan əlavə, Ukrayna lideri ABŞ Konqresinin iki palatasının birgə iclasında çıxış edəcək və bir sıra ikitərəfli görüşlər keçirəcək.
21-12-2022, 16:34
Ermənistanın keçmiş prezidenti məhkəməyə cəlb olundu
Ermənistanın sabiq prezidenti Serj Sarkisyan və qızları - Anuşla Satenik Antikorrupsiya Məhkəməsinə çağırılıb. Bu barədə ölkənin Ədliyyə Nazirliyindən bildirilib. S.Sarkisyan və qızları qanunsuz əmlak əldə etmək iddiası ilə bağlı Korrupsiyaya Qarşı Mübarizə Məhkəməsinə dəvət olunublar. Onların məhkəməyə çağırılması tələbini Baş Prokurorluq irəli sürüb. Məhkəmə prosesi yanvarın 19-da baş tutacaq.
21-12-2022, 16:31
İran rejimə qarşı çıxan mollaların fəaliyyətinə icazə verilmir
İranda müxalif fikirli din xadimi Molla Vahid Heruabadi həbs edilib. Bu barədə onun həyat yoldaşı twitter səhifəsində məlumat yayıb. O bildirib ki, 3 il 6 ay həbs cəzasına məhkum edilən və Evin həbsxanasına göndərilən din xadiminə həmçinin molla qiyafəsi geyinmək qadağan edilib. Türkiyədə yaşayan, İran üzrə Güney Azərbaycan əsilli ekspert Arif Kəskin də twitter səhifəsində bu praktikanın İranda geniş yayıldığını qeyd edib. "İranda rejimə qarşı fəaliyyət göstərən mollaların, mollalıq etməsinə icazə verilmir. Onlardan bəzilərinə hətta molla qiyafəsi geyinmək də yasaqlanır", - deyə Kəskin yazıb.
21-12-2022, 16:26
BMT atəşkəs üzrə bəyanatın öhdəliklərini yerinə yetirməyə çağırdı
BMT baş katibinin köməkçisi Miroslav Yença Bakı və İrəvanı 10 noyabr 2020-ci il tarixli atəşkəs sazişi üzrə üçtərəfli bəyanatın öhdəliklərini yerinə yetirməyə çağırıb. Miroslav Yença bu barədə BMT Təhlükəsizlik Şurasının dünənki iclasında bildirib. “Tərəflər 10 noyabr 2020-ci il tarixli üçtərəfli atəşkəs bəyanatına və sonradan razılaşdırılmış bəyanatlara uyğun olaraq öz öhdəliklərini tam şəkildə yerinə yetirməlidirlər”, - deyə O, Bakı və İrəvanı “çox gec olmadan” davamlı sülh həllinə nail olmaq üçün diplomatik səylərini ikiqat artırmağa çağırıb. Miroslav Yença deyib ki, BMT Ermənistan tərəfinin Qarabağın dağlıq hissəsindəki mineral ehtiyatlardan qanunsuz istifadə etdiyinə dair iddiaları yoxlaya və təsdiq edə bilməz. BMT baş katibinin köməkçisi xatırladıb ki, Azərbaycan bundan əvvəl Laçın dəhlizində etirazların “mineral sərvətlərdən qeyri-qanuni istifadəyə və bunun ətraf mühit üçün fəsadlarına” qarşı yönəldiyini bildirib. "Nə Laçın dəhlizində, nə də Rusiya sülhməramlılarının məsuliyyət zonasında olmayan BMT bu iddiaları və ittihamları yoxlaya və təsdiq edə bilməz", - Yença deyib. O, həmçinin İrəvan və Bakını “çox gec olmadan” davamlı sülh həllinə nail olmaq üçün diplomatik səylərini ikiqat artırmağa çağırıb. Baş katibin köməkçisi beynəlxalq ictimaiyyəti Bakı ilə İrəvan arasında nəticələrinin bütün Cənubi Qafqaza təsir edə biləcəyi münaqişənin yenidən başlanmasının qarşısını almağa çağırıb. Xatırladaq ki, azərbaycanlı ekofəallar və QHT nümayəndələri dekabrın 12-dən Laçın yolunda Qarabağın dağlıq hissəsindəki qızıl və mis yataqlarının qanunsuz istismarına etiraz edirlər.
21-12-2022, 16:17
ABŞ Sakaaşviliyə yardım göstərilməsi üçün çağırış etdi
ABŞ administrasiyası Gürcüstan hakimiyyətini həbsdə olan keçmiş prezident Mixeil Saakaşviliyə bütün lazımi tibbi və psixoloji yardım göstərməyə çağırır. Bu barədə çərşənbə axşamı jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Ned Prays deyib. “Cənab Saakaşviliyə ədalətli davranmaq, o cümlədən dövlət müdafiəçisinə (keçmiş prezident) müstəqil tibbi ekspertlər tərəfindən tövsiyə olunan bütün zəruri tibbi və psixoloji yardımı göstərmək Gürcüstan hökumətinin məsuliyyətidir. Gürcüstan rəsmiləri onun hüquqlarının müdafiə olunmasını, ona lazım olan bütün yardımları almasını təmin etməlidirlər”, - ABŞ-ın xarici siyasət idarəsinin nümayəndəsi bildirib.
21-12-2022, 16:12
Türkiyədə yanğın - Ölən və yaralananlar var
Qara dənizdə üzən yük gəmisində yanğın baş verib. Türkiyənin Sinop bölgəsində baş verən hadisə nəticəsində 1 nəfər ölüb, 16 nəfər yaralanıb. Yaralılar xəstəxanalara aparılıb, onlardan 3-nün vəziyyəti ağırdır. Bildirilir ki, gəminin kapitanı itkin düşüb. Onun öldürüldüyü güman edilir. Hadisənin təfərrüatları araşdırılır. Gəmidə baş verən yanğının söndürülməsi davam edir.
21-12-2022, 00:33
Putinin Ukraynaya səfəri təsdiqləndi
Rusiya prezidentinin mətbuat katibi Dmitri Peskov dövlət başçısı Vladimir Putinin Ukraynadakı müharibə zonasına (NVO) səfəri ilə bağlı məlumatı təsdiqləyib. Bu barədə o, “Rossiyskaya qazeta”ya bildirib. Bundan əvvəl Dövlət Dumasının deputatı, general-leytenant Andrey Qurulev Putinin Telegram kanalında “xüsusi əməliyyat zonası”na səfər etdiyini açıqlamışdı. Demişdi ki, Putin “xüsusi hərbi əməliyyat”da iştirak edən qoşunların Birləşmiş Qərargahına baş çəkib. Orada Rusiya Federasiyasının Prezidenti qərargahın işi ilə tanış olub, komandirlərlə ayrı-ayrılıqda görüşlər keçirib, onların məruzələrini dinləyib. “Əgər o, cümə günü olduğu qərargahı nəzərdə tutursa, bəli”, - Kreml sözçüsü bildirib. Noyabrda Peskov demişdi ki, Rusiya prezidenti Vladimir Putin “vaxtında” Donbasa səfər edəcək, lakin onun hələlik konkret planları yoxdur.
21-12-2022, 00:26
Zelenski Sakaaşvilini müalicə üçün Ukraynaya çağırdı
Ukrayna tərəfi həbsdə olan Gürcüstanın keçmiş prezidenti Mixail Saakaşvilini ölkəyə qəbul etməyə hazırdır. Bu barədə Ukrayna Prezident Aparatının rəhbəri Mixaylo Podolyak bildirib. Onun sözlərinə görə, Ukrayna Saakaşvilinin təhlükəsizliyini təmin etməyə və onun müalicəsini təmin etməyə hazırdır. Qeyd edək ki, bir gün əvvəl Ukrayna prezidenti Volodimir Zelenski Gürcüstan hakimiyyətini Mixail Saakaşvilini azad etməyə və müalicə üçün Ukraynaya köçürməyə çağırıb.
21-12-2022, 00:23
Çin lideri Ukrayna münaqişəsiylə bağlı danışdı
Çin lideri Si Cinpin Almaniya prezidenti Frank-Valter Ştaynmayerlə telefon danışığı aparıb. Bu barədə Almaniya Prezidentinin mətbuat xidməti məlumat yayıb. Çin lideri bildirib ki, Ukrayna böhranının uzadılması və mürəkkəbləşməsi heç kimin marağında deyil. Ştaynmayer isə Pekini Ukraynadakı silahlı münaqişəyə son qoymaq üçün Moskvaya təsir göstərməyə çağırıb. “Tərəflər Ukrayna böhranı ilə bağlı fikir mübadiləsi aparıblar. Si Cinpin vurğulayıb ki, Çin barışıq və danışıqları irəlilətməkdə israrlıdır və hesab edir ki, böhranı uzatmaq və mürəkkəbləşdirmək tərəflərin hər birinin maraqlarına uyğun deyil”, - deyə Çin Xarici İşlər Nazirliyinin mətbuat xidməti bildirib. ÇXR lideri qeyd edib ki, Çin tərəfi öz strateji müstəqilliyini nümayiş etdirməkdə Avropanı dəstəkləyir və balanslaşdırılmış, effektiv, davamlı Avropa təhlükəsizlik arxitekturasını yaratmağa ümid edir. Ştaynmayerin mətbuat xidmətinin məlumatına görə , Si Cinpin Çin və Avropa ölkələrinin hərbi əməliyyatların dayandırılmasında və Ukraynanın suverenliyinə hörmətdə ümumi marağı olduğunu vurğulayıb.
21-12-2022, 00:11
Rusiyadan neft almaqdan imtina etdi, Qazaxıstanı seçdi
Almaniya 2023-cü ildə Qazaxıstandan xam neft idxal edəcək. Bu barədə Blomberg nəşri məlumat yayıb. Almaniya İqtisadiyyat Nazirliyi xəbəri təsdiqləyib. Bildirilib ki, Berlin Rusiyadan xam neft almaqdan imtina edib. "Almaniyanın Rusiyadan xam neft sifariş etməsi ilə bağlı xəbərlər yalandır. Leuna və Şvedtdəki neft emalı zavodları 2023-cü ildə Rusiyadan xam neft sifariş etməyəcək. Almaniya gələn il Qazaxıstandan neft idxal edəcək",- rəsmi açıqlamada deyilir.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!