Xalqımızın sevimli şairi Səadət Butanın Gürcüstan Azətbaycanlıları Konqresinin təşkilatcılığı ilə hazırlanan 70-illik yubley tədbirləri bu gün şairin doğma-kəndi Qızılkilsədə yekunlaşıb.
Qızılkilsə kəndində düzənlənmiş yubiley tədbirində Kvemo- Kartli bölgə qubernatoru Şota Rexviaşvili,Gürcüstan parlamentinin sabiq deputatı Ruslan Hacıyev, Gürcüstan Azərbaycanlıları konqresinin sədri Hüseyn Yusubov, Dmanis rayon bələdiyyə merliynə namizəd Koba Muradişvili, GAK-ın kordinatoru Asif Vəliyev, GAK-ın bölgə təmsilçiləri Kamran Xıdırov, Azər Əliyev, Alıbəy Həsənov, Həmid Mustafayev, bölgə ziyalıları, Borçalının usdad aşıqlarından Həvəsgar Qurbanov, Aman Əliyev, mətbuat nümayəndələri və kənd sakinləri iştirak etdilər. Bütün iştirak edən qonaqlar Buta yaradıcılığı haqda maraqlı çıxışlar edərək yubulyarı təbrik etdilər. Bölgə qubernatoru Şota Rexviaşvili sevimli şairmizi Azərbaycan və Gürcüstan arasında mədəniyyət və təhsil əlaqələrinin inkişafına verdiyi böyük töhfəyə görə fəxri diplomla mükafatlandırdı. Parlament deputatı Qoqi Meşvelianinin köməkcisi yubilyara deputatın göndərdiyi hədiyyələri təqdim etdi. Dmanisi merliyinə namizəd Koba Muradişvili yubilyarı təbrik etdi və hədiyyələr təqdim elədi. Sonda Kənd ziyalısı və el ağsaqqalı Vəkil Namazov bütün qonaqlara, kəndə gəldiklərinə görə, təşəkkür etdi.Usdad aşıqlarmız şairin sözlərinə bəstələnmiş aşıq havalarını ifa etdilər.