Qulu Məhərrəmlinin “Ekran və ədəbi dil” kitabı Tehranda çap olunub. Bu barədə professor öz Facebook səhifəsində yazıb:

Təbrizdən Bakıya Novruz tətilinə gəlmiş dostlarımız mənim ötən ilin dekabrında Tehranda çap olunmuş “Ekran və ədəbi dil” kitabımın da nüsxələrini gətiriblər. “Nağm-eyi zendegi” nəşriyyatında buraxılmış bu kitabı əslində İranda Azərbaycan dilində qəzet-kitab buraxan, televiziya-radio verilişi hazırlayan jurnalist həmkarlarım üçün yazmışam. Onların dillə bağlı çətinliklərindən xəbərdaram, ona görə bu vəsaitdə Azərbaycan ədəbi dilinin düzgün tətbiqi qaydalarını izah etməyə çalışmışam.

Yəqin dostlarımızın məlumatı var ki, hazırda İranın müxtəlif şəhərlərində Azərbaycan dilində müəyyən saatlarda televiziya və radio yayımları aprılır. Bəzən bu verilişlərin dili, aparıcıların nitqi fars dilinin ifadə xüsusiyyətlərinə uyğunlaşdırılır. Bu meyl daha çox Azərbaycan dilinin ifadə-tələffüz qaydaları ilə bağlı bələdçi vəsaitlərin olmaması ilə bağlıdır. Ona görə də mən iranlı həmkarlarımıza kömək məqsədi ilə neçə il əvvəl eyni adda belə bir vəsait yazmışdım. Həmin vəsaititn işə yaradığını görüb üzərində yenidən işləyib təkmilləşdirdim. Hazırda nəşr olunan “Ekran və ədəbi dil” həmin kitabın yenidən işlənmiş 2-ci nəşridir.

Butov.az