29-02-2024, 19:58
Ermənistanın xüsusi tapşırıqlar üzrə səfiri istefa verdi
Ermənistanın xüsusi tapşırıqlar üzrə səfiri Edmon Marukyan istefa verib.
Bu barədə o, özünün sosial media hesabında yazıb.
O, istefasının səbəblərini açıqlamayıb.
Marukyan “dövlətə və xalqa xidmət etməkdə davam edəcəyini" bildirib.
29-02-2024, 19:51
Pakistanda yeni baş nazir seçiləcək - Tarixi açıqlandı
Pakistan parlamenti bazar günü ölkənin yeni baş nazirini seçəcək.
Bu barədə parlament katibliyi məlumat yayıb.
Hökumət başçısının müəyyənləşməsi üçün seçkilər martın 3-də keçiriləcək.
Bu vəzifə uğrunda Milli Assambleyaya seçkilərdə müstəqil namizəd kimi qalib gələn Pakistan Müsəlman Liqasının sədri Şahbaz Şərif və Ədalət Hərəkatının yüksək vəzifəli funksioneri Ömər Əyyub Xan mübarizə aparır.
29-02-2024, 17:59
Dövlət borcu sahəsində şəffaflığın təmin edilməlidir - Nazirlik
Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyi “Dövlət Borcu üzrə Statistik Bülleten” hazırlayaraq dərc etməyə başlayıb.
Məlumata görə, sənəd dövlət borcu sahəsində şəffaflığın təmin edilməsi, dövlət borcu ilə bağlı ictimaiyyətə açıqlanan informasiya dairəsinin genişləndirilməsi və bu sahə üzrə məlumatlara əlçatanlığın təmin edilməsi məqsədilə ildə iki dəfə dərc olunacaq. Bülleten hazırlanarkən bu sahədə digər ölkələrin qabaqcıl təcrübələri öyrənilib və beynəlxalq ekspertlərin tövsiyələri nəzərə alınıb.
2023-cü ilin yekunlarına dair hazırlanmış ilk “Dövlət Borcu üzrə Statistik Bülleten” nazirliyinin internet səhifəsində yerləşdirilib.
29-02-2024, 17:53
Əlilliyi olanlar üçün metropaliteni əlçatan etmək üçün çalışmalıyıq
Hazırda əlilliyi olan şəxslər öncədən xəbər verməklə metrodan istifadə edə bilirlər.
Bunu əmək və əhalinin sosial müdafiəsi nazirliyinin Əlillik siyasəti şöbəsinin müdiri Sabir Qocayev deyib.
O deyib ki, bu gün əlilliyi olan bəzi insanlar kimdənsə kömək almadan özləri metrodan istifadə etmək istəyirlər:
"Reallıq odur ki, bunun üçün ya eskalatorlar dəyişdirilməlidir, ya da lift quraşdırılmalıdır. Bu isə praktiki olaraq resurs tələb edir və ya qeyri-mümkündür. Buna görə alternativ variantlarla əlilliyi olan insanlar üçün metropaliteni əlçatan etmək üçün çalışmalıyıq".
Sabir Qocayev əlavə edib ki, gələcəkdə tikinti şirkətləri qarşısında məcburi tələb qoymaq olar ki, iş aparılarkən müyəssərlik təmin edilsin:
"Lakin biz nə qədər qanunvericiliyi təkmilləşdirsək də, insanlar özləri bu məsələyə həssas yanaşmasa, əlilliyi olan şəxslərin üzləşə biləcəkləri problemləri nəzərə almasalar, bu məsələnin tam həlli çətin olacaq. Ona görə insanlar bilməlidirlər ki, cəmiyyətdə onlarla bərabər hüquqlara sahib əlilliyi olan şəxslər var və onlar bizim əldə etdiyimiz xidmətləri rahatlıqla ala bilmirlər, onların qarşısında sərhədlər var. Bunun da həlli yolu müyəssərliyin təmin edilməsidir. Biz bununla bağlı aidiyyəti qurumlarla iş aparırıq. Plan var ki, növbəti mərhələdə müyəssərliyə sistematik baxış olması üçün dövlət proqramı hazırlansın".
29-02-2024, 17:46
Ceyhun Bayramov Türkiyəyə səfərə çıxdı
Azərbaycan xarici işlər naziri Ceyhun Bayramov Türkiyəyə işgüzar səfərə yola düşüb.
Bu barədə Azərbaycan Xarici İşlər Nazirliyi məlumat yayıb.
Bildirilib ki, səfər çərçivəsində Ceyhun Bayramovun Antalya Diplomatiya Forumunda iştirakı, “Türk dünyasında institusionallaşma: 21-ci əsrdə Türk Dövlətləri Təşkilatı” panelində çıxışı, eləcə də çoxsaylı ikitərəfli görüşlərinin keçirilməsi nəzərdə tutulur.
29-02-2024, 17:38
İranın əsas siyasəti qonşuları ilə əlaqələri gücləndirməkdir - SEPAH komandanı
“İranın xarici siyasətinin əsasını qonşuları ilə əlaqələrin gücləndirilməsi, uyğun kommunikasiya magistrallarının yaradılması və faydalı mədəni, iqtisadi, siyasi əlaqələr təşkil edir”.
Bunu İran İslam İnqilabı Keşikçiləri Korpusunun (SEPAH) komandanı, general-mayor Hüseyn Salami deyib.
Hüseyn Səlaminin sözlərinə görə, İran Şimalla Cənub, Şərqlə Qərb arasında əlaqənin qızıl nöqtəsidir və böyük üstünlüyə malikdir.
“Qonşularımızla ortaq cəhətlərimiz çoxdur. İranın əsas siyasəti qonşuları ilə əlaqələri gücləndirməkdir.
Biz güclü və inkişaf etmiş İranı, müasir və İslami İranı, iqtisadi, siyasi, mədəni və ticarət sahələrində inkişaf edən İranı qurmağa çalışırıq”, - deyə o vurğulayıb.
29-02-2024, 17:30
ABŞ-da davam edən meşə yanğını qonşu ştata keçdi
ABŞ-ın Texasda ştatında bölgənin tarixində ikinci ən böyük meşə yanğını qonşu Oklahoma ştatına da keçib.
Bu barədə ABŞ Meşə Xidməti məlumat yayıb.
Məlumata görə, yanğın sahəsi Texasda 343 min hektar, Oklahomada isə 12 min hektar olub. CNN xəbər verir ki, meşə yanğınlarının vurduğu zərərin qiymətləndirilməsi davam edir. Telekanalın məlumatına görə, yanğın nəticəsində Texas və Oklahoma ştatlarının ən azı iki şəhərində yaşayış binalarına ziyan dəyib.
Bir gün əvvəl Texas hakimiyyəti ştatın 60 regionunda fövqəladə vəziyyət elan edib, bəzilərində isə yerli sakinləri təxliyə etməyə başlayıblar. Ən azı 2 min insan elektrik enerjisiz qalıb.
Meşə yanğını fevralın 26-da başlayıb. Meşə xidməti yanğının sürətlə yayılmasını sürəti 65-80 km/saat olan güclü küləklə izah edib.
29-02-2024, 17:25
Fransa terrorun əsas dəstəkçisidir - Ərdoğan
Fransa terrorun əsas dəstəkçisidir.
Bunu Türkiyə Prezidenti Rəcəb Tayyib Ərdoğan Aydın vilayətində xalqa müraciəti zamanı deyib.
Ərdoğan Fransanın “Lafarge” sement brendinin Suriyanın şimalında terrorçular üçün sığınacaqlar inşa etdiyini diqqətə çatdırıb.
Türkiyə Prezidenti Fransanın terrorun əsas dəstəkçisi olduğunu təəssüflə ifadə edib: "Fransa bacarmadı. Amma biz nə etdik? Biz Suriyanın şimalında "Lafarge"nin bütün sığınacaqlarını məhv etdik və dayanmacağıq, vəssalam!"
29-02-2024, 17:03
Məktəblərdə imtahan sayı azaldıla bilər - Emin Əmrullayev
Hesab edirəm ki, ümumi təhsil müəssisələrində imtahanların sayı çoxdur.
Bunu elm və təhsil naziri Emin Əmrullayev fevralın 29-da keçirdiyi brifinqdə deyib.
Nazirin sözlərinə görə, hazırda imtahanların sayının azaldılması müzakirə mərhələsindədir.
"Mən bunu təhsil eksperti olaraq deyirəm. Orta məktəblərdə olan imtahan sayını bir dəfə azaltmışıq, növbəti azaldılma da müzakirə olunur"- deyə o bildirib.
29-02-2024, 16:52
Azərbaycan və Ermənistan XİN Başçılarının görüşü başa çatdı
28-29 fevral 2024-cü il tarixində Azərbaycan Respublikasının xarici işlər naziri Ceyhun Bayramov və Ermənistan Respublikasının xarici işlər naziri Ararat Mirzoyan arasında Almaniyanın paytaxtı Berlin şəhərində Villa Borsig-də danışıqlar aparılıb.
XİN-dən verilən xəbərə görə, nazirlər və onların heyətləri arasında “Sülhün və dövlətlərarası münasibətlərin təsis edilməsi haqqında ikitərəfli Saziş” layihəsinin müddəaları üzrə mövqelər müzakirə edilib.
Bəzi əsas məsələlər üzrə əlavə işin davam etdirilməsinə ehtiyac olduğu qeyd edilib.
Səfər çərçivəsində, nazirlər Almaniyanın xarici işlər naziri Annalena Berbok ilə görüşüblər.
Nazir Ceyhun Bayramov Azərbaycan və Ermənistan arasında danışıqlara ev sahibliyi etdiyinə görə Almaniya tərəfinə minnətdarlıq ifadə edib.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!