30-10-2024, 15:23
COP29-a görə tibb müəssisələri hazır vəziyyətə gətirilib
COP29 Əməliyyat şirkətinin tibb komandası ilə tədbir üçün ayrılan və TƏBİB-in tabeliyində fəaliyyət göstərən tibb müəssisələrinin hər birinə baxış keçirilib və müəssisələrimiz zəruri tibbi xidməti təmin edə bilmək üçün hazır vəziyyətə gətirilib.
Bunu COP29 çərçivəsində tibbi xidmətin təşkilinə dair brifinqdə TƏBİB-in İcraçı direktoru Vüqar Qurbanov deyib.
O, bildirib ki, bütün bu aylar ərzində mütəmadi görüşlər keçirilib, tibb və qeyri-tibb personalı üçün treninqlər təşkil olunub.
Yeni Klinikanın Təcili və təxirəsalınmaz tibbi yardım şöbəsində xüsusi monitor və oksigen panelləri ilə təmin olunmuş 10 çarpayı, Uşaq təcili tibbi yardım şöbəsində 3, Stasionar şöbədə 10, Reanimasiya şöbəsində 4, Uşaq reanimasiya və intensiv terapiya şöbəsində 3 çarpayı və 1 əməliyyatxana tibbi xidmətə zərurət ehtimalını nəzərə alaraq tədbir üçün ayrılıb.
COP29 tədbirinin keçirildiyi müddət ərzində fövqəladə hallar baş verərsə, Sabunçu Tibb Mərkəzinə təhkim edilən Məhəmmədi modul tipli xəstəxanada reanimasiya və stasionar tipli olmaqla fövqəladə hallar üçün 370 çarpayı təmin edilib.
COP29 tədbiri dönəmində hava-damcı yolu ilə yayılan infeksion xəstəliklərlə yoluxanlara keyfiyyətli xidmət üçün Kliniki Tibbi Mərkəzin nəzdində modul tipli xəstəxanada 10 çarpayı ayrılıb.
Yanıq xəsarətləri üzrə ehtimalları nəzərə alaraq keyfiyyətli tibbi xidmət göstərmək məqsədilə Mərkəzi Neftçilər Xəstəxanasında bütün zəruri tibbi avadanlıqlarla təchiz olunmuş Yanıq şöbəsi yaradılıb.
Zəhərlənmə ehtimalları üzrə Kliniki Tibbi Mərkəzin Toksikologiya şöbəsində müvafiq tibbi xidmətin göstərilməsi üçün çarpayılar ayrılıb.
Dövlət Turizm Agentliyi ilə əməkdaşlıq çərçivəsində COP29 ilə əlaqədar Atletlər kəndində gələcək qonaqların təhlükəsizliyinin təmin edilməsi, təcili tibbi yardım xidmətlərinin təşkil olunması və tibb məntəqəsinin qurulmasına dair işlər görülüb.
30-10-2024, 14:55
“Turizm haqqında” qanuna dəyişiklik edildi
Turizm və rekreasiya zonalarının ərazilərində qadağan olunacaq fəaliyyət növləri müəyyənləşir.
Bu, Prezident İlham Əliyevin təsdiqlədiyi “Turizm haqqında” qanuna dəyişiklikdə əksini tapıb.
Qanuna əsasən, turizm və rekreasiya zonalarının ərazilərində aşağıdakılar qadağan edilib:
- kimya sənayesi, metallurgiya, nüvə energetikası ilə bağlı fəaliyyət;
- iri sənaye müəssisələrinin, texnoloji avadanlıq və maşınqayırma sənayesi müəssisələrinin fəaliyyəti;
- tullantıların zərərsizləşdirilməsi, emalı müəssisələrinin fəaliyyəti, habelə bu məqsədlə qurğuların, poliqonların quraşdırılması ilə bağlı fəaliyyət;
- "Ətraf mühitə təsirin qiymətləndirilməsi haqqında" qanunun əlavəsində nəzərdə tutulmuş fəaliyyət növləri üzrə ətraf mühitə təsirin qiymətləndirilməsi sənədi (ƏMTQ) tərtib edilmədən və həmin sənədin dövlət ekoloji ekspertizası keçirilmədən həyata keçirilən fəaliyyət, habelə ətraf mühitə təsirin qiymətləndirilməsinin aparılması tələb olunmayan, lakin dövlət ekoloji ekspertizasının obyekti olan və dövlət ekoloji ekspertizasının müsbət rəyi olmadan həyata keçirilən digər fəaliyyət.
30-10-2024, 14:50
Elnur Əliyevə yeni vəzifə verildi
Prezident İlham Əliyev Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin Müşahidə Şurasının tərkibinin təsdiq edilməsi haqqında” 22 iyul 2022-ci il tarixli sərəncamında dəyişiklik edib.
Bununla bağlı dövlət başçısı yeni sərəmcam imzalayıb.
Azərbaycan Respublikası iqtisadiyyat nazirinin birinci müavini Elnur Əliyev Müşahidə Şurasının tərkibinə daxil edilib.
İqtisadiyyat nazirinin keçmiş müavini, Azərbaycan Həmkarlar İttifaqları Konfederasiyasının sədri Sahib Məmmədov Şuranın tərkibindən çıxarılıb.
30-10-2024, 14:38
SEPAH-ın helikopteri qəzaya uğrayıb
İran İslam İnqilabı Keşikçiləri Korpusunun (SEPAH) Hərbi Hava Qüvvələrinə məxsus təlim helikopteri qəzaya uğrayıb.
Helikopter sərt eniş edərkən qızaya uğrayıb və göyərtəsində olan bir nəfər yaralanıb.
Hadisə bu gün səhər saatlarında İranın cənub-qərbindəki Fars əyalətinin Zarindəşt şəhəri yaxınlığında baş verib.
Medianın məlumatına görə, hadisə zamanı yaralanan şəxs xəstəxanaya aparılıb.
30-10-2024, 14:33
Ərdoğandan Baxçalının təklifinə dəstək: "Tarixi fürsətdir"
Türkiyə Prezidenti Rəcəb Tayyib Ərdoğan Milliyətçi Hərəkat Partiyasının (MHP) sədri Dövlət Bağçalının PKK terroruna son verilməsi ilə bağlı təklifini dəstəkləyib.
Bu barədə o, hakim Ədalət və İnkişaf Partiyasının (AKP) Türkiyə parlamentindəki fraksiya iclasında danışıb.
Qeyd edək ki, Baxçalı PKK-nın hazırda İmralı adasında həbsdə olan lideri Abdullah Öcalanın parlamentə gələrək terror təşkilatının buraxıldığını elan etməsini təklif edib. "Onun təcrid olunması aradan qaldırılarsa, Türkiyə Böyük Millət Məclisindəki qrup toplantısında çıxış etməli və terrora son qoyduğunu açıq şəkildə bəyan etməlidir", - Baxçalı deyib.
D.Baxçalı onu da qeyd edib ki, Abdulla Öcalan PKK-nın siyasi qanadı sayılan DEM Partiyasının sıralarına qatılsın və silahı yerə qoyduğunu bəyan edib, terrorun tamamən bitdiyini, PKK-nın ləğv edildiyini hayqırsın: “Əgər o, bu fərasət və qətiyyəti nümayiş etdirərsə, “Ümid hüququ”ndan istifadə ilə bağlı hüquqi tənzimləmə aparılmalı və ondan bəhrələnməsinin yolu açılmalıdır.
Ərdoğan Baxçalının təklifini tarixi fürsət kimi qiymətləndirib: "Dövlət bəy mövqeyi, cəsarətli çıxışları, siyasəti ilə daima tarixə istiqamət verən bir liderdir".
O qeyd edib ki, Türkiyə həm türklərin, həm də kürdlərin cümhuriyyətidir: "Bu respublika "Türkiyə Cümhuriyyətinin şərəfli vətəndaşıyam" deyən laz, çərkəz, ərəb, yunan, roman, yəni bu vətəndə yaşayan hər kəsin, hər bir fərdin cümhuriyyətdir".
"Milliyyətçi Hərəkat Partiyası sədrinin son çağırışlarını bu konteksdə oxuyanlar qarşımızda açılan tarixi fürsət pəncərəsini görür və həyəcanlanır. Digər tərəfdən, ölkənin və millətin ortaq maraqları əvəzinə öz şəxsi və qrup gündəmlərini güdənlər həmişəki kimi tutarsızlıq və boş söz bataqlığında qalmağa davam etdirirlər", - Ərdoğan bildirib.
Türkiyə lideri terrorçulara qarşı mübarizənin davam edəcəyini bəyan edib:
"Türkiyə terrora qarşı qətiyyətlə mübarizəni davam etdirəcək və ölkəmizə qarşı olan təhlükəni haradan gəlirsə, mütləq yox edəcəyik. İnşallah qarşıdakı dövrdə millətimiz üçün bütün cənub sərhədlərimizin təhlükəsizliyini, xalqımızın can və malının təhlükəsizliyini təmin edəcək yeni xoş xəbərlərimiz olacaq".
30-10-2024, 14:30
Emin Əmrullayev onlara yüksək vəzifə verdi - FOTO
İki regional təhsil idarəsinin müdiri yeni vəzifəyə təyin edilib.
Elm və təhsil naziri Emin Əmrullayevin müvafiq əmri ilə Kərimov Elçin Vaqif oğlu Gəncə-Daşkəsən Regional Təhsil İdarəsinə müdir təyin edilib.
Elçin Kərimov 2022-ci ildən Mərkəzi Aran Regional Təhsil İdarəsinin müdiri vəzifəsində çalışıb.
Mərkəzi Aran Regional Təhsil İdarəsinin müdiri vəzifəsinin icrası idarənin müdir müavini Cavadov Cavad Alı oğluna həvalə edilib.
Gəncə-Daşkəsən Regional Təhsil İdarəsinin müdiri Anar Qədiməliyev isə Bakı şəhəri üzrə Təhsil İdarəsinə müdir müavini təyin edilib.
Qeyd edək ki, Anar Qədiməliyev 2022-ci ildən Gəncə-Daşkəsən Regional Təhsil İdarəsinin müdiri vəzifəsində çalışıb.
30-10-2024, 14:14
Ərdoğandan Akşenerə böyük jest
Türkiyə Prezidenti Rəcəb Tayyib Ərdoğan İYİ partiyasının keçmiş lideri Meral Akşenerlə bağlı məhkəmədə qaldırdığı iddia və şikayətlərindən imtina edib.
Bu barədə Ərdoğanın vəkili Hüseyn Aydın özünün "X" hesabında yazıb.
O qeyd edib ki, bu çərçivədə prezidenti təhqir etdiyi üçün Akşenerə açılan üç istintaq işindən, dörd mülki iddiadan və maddi təzminatlardan imtina edilib.
Qeyd edək ki, iyun ayında Akşener Ərdoğanla görüşüb. Görüşdən sonra ictimaiyyətə açıqlama verilməyib. Türkiyənin siyasi kuluarlarında görüş ciddi rezonans doğurub. İYİ partiya rəsmiləri müxtəlif KİV-lərə açıqlamasında görüşün partiya adından deyil, fərdi qaydada baş tutduğunu bildiriblər.
29-10-2024, 17:16
İsrail İrana yeni hücuma hazırlaşır
İsrailin İrana yeni zərbəsi yaxın vaxtlara planlaşdırılır.
Bu barədə İsrailin 13-cü kanalı məlumat yayıb.
Məlumata görə, oktyabrın 27-də axşam Nazirlər Kabineti “Hizbullah”ın baş nazir Benyamin Netanyahunun iqamətgahına hücumuna İsrailin reaksiyasını müzakirə etmək üçün çoxlu saatlar sərf edib.
“İsrail nazirləri və təhlükəsizlik rəhbərləri bir neçə cavab planı hazırlayıblar. Yaxın vaxtlarda qərar veriləcək”, - məlumatda vurğulanıb.
Xatırladaq ki, İsrail oktyabrın 26-da İran ərazisinə hücum edib. “Byu-York Tayms” yazıb ki, bu hücum zamanı İranın dörd ədəd S-300 hava hücumundan müdafiə batareyasını məhv edilib.
İsrail Müdafiə Qüvvələri İranın yaxın iki-üç il ərzində strateji hava hücumundan müdafiə imkanlarını itirdiyini iddia edir.
Tehranda isə qeyd olunub ki, İsrail tərəfi hücum nəticəsində 4 hərbçinin həlak olduğunu etiraf edərkən, hücumun vurduğu zərərin həcmini şişirdir.
29-10-2024, 17:02
Bakı Kənar Dairavi yolda uçqun təhlükəsi aradan qaldırılır
Azərbaycan Avtomobil Yolları Agentliyi və Fövqaladə Hallar Nazirliyinin xüsusi texnikası və canlı qüvvəsi Bakı Kənar Dairəvi avtomobil yolunun 6-cı km-lik hissəsinin sol tərəfindəki yamacın yuxarı hissəsində qırılan süxurların idarə olunmasını gücləndirmək üçün tədbirlər görür.
İlk gün axşam saatlarında Bakının Səbail rayonunun Badamdar qəsəbəsində qaya parçalarının yola doğru uçqun təhlükəsi yaranıb.
"Yaranmış problemlə bağlı məlumat daxil olan kimi, sözügedən texnikadan əraziyə xüsusi və canlı qüvvəsi səfərbəraraq Fövqaladə Hallar və Daxili İşlər nazilrikləri ilə birlikdə təhlükəsizlik tədbirlərinin görülməsi təmin edilib.
Avtonəqliyyat vasitələrinin təhlükəsiz hərəkətinin təmin edilməsi qeyd olunan işlər bitənə kimi Bakı Kənar Dairəvi yolunda avtomobillərin hərəkəti dayandırıla bilər.
Bir daha sürücüdən təhlükəsizlik məsələyə anlayışla yanaşılması və tətbiq edilən üsullardan istifadə edilən alternativ yollardan istifadə xahiş olunur", - deyə agentlik edilib.
29-10-2024, 16:59
Hacı Şahinin məzarı ziyarətgaha çevrilir? - Ailəsindən REAKSİYA
Sosial mediada Bakıdakı Məşədi Dadaş məscidinin mərhum imam-camaatı Hacı Şahin Həsənlinin qəbirüstü abidəsinin şəkilləri paylaşılıb. Şəkillərdən qəbirüstü abidədə bəzi yeniliklərin edildiyi görünür. Hacı Şahinin məzarının yeni görünüşü ictimai müzakirələrə səbəb olub. Belə ki, onun türbəni xatırlatdığı, gələcəkdə ziyarətgaha çevirilə biləcəyini düşünürlər var.
Hacı Şahinin qardaşı Hacı Elçin Həsənli isə deyilənlərlə razılaşmayıb:
“Qəbirüstü abidə düzəldilməmişdi. Sinə daşını sifariş verib gözləyirdik. Sifariş gecikdiyinə görə, məzarın üstü boş qalmasın deyə müvəqqəti iş görülmüşdü. Qəbirüstü elə qalmalı deyildi ki...”.
Mərhumun qardaşı məzarı ziyarətgaha çevirməyəcəklərini deyib:
“Qəbirüstü abidə indi necə var, elə də qalacaq. Yəni bundan sonra hansısa dəyişiklik edilməyəcək. Kim istəyirsə, ziyarətə gəlir. Məzarı ziyarətgah halına gətirmək barədə isə düşünmürük. Ola bilər ki, orada xırda əlavələr edək - lampa qoyaq və s. Hacının adını yaşatmaq üçün ailə olaraq biz xüsusi nəsə etmirik”.
İlahiyyatçı Elşad Miri isə məzarların ehtişamlı edilməsinin, dəbdəbəli sinə daşı qoyulmasının İslam dini ilə bir araya sığmadığını deyib:
“Peyğəmbərin sağlığında oğlanları, qızları, yaxud həyat yoldaşları, əmiləri, digər yaxınları ölüb. Hansı birinin qəbri üzərində sinə daşı, yaxud ehtişamlı abidə düzəltdirib? Onların qəbirlərinin üzərində sinə daşı olubmu, xeyr. Bu gün təəssüflər olsun ki, bəzi insanlar sağlığında dəyər vermədikləri şəxslərin ölümündən sonra onların qəbirlərinin üzərində nələrsə etməklə hansısa mesaj vermək istəyirlər. Adam var ki, sağlığında ata-anasına elə də hörmət etməyib, lakin onlar dünyasını dəyişəndə qəbirlərinin üzərində möhtəşəm deyə biləcəyimiz elə abidələr qoydururlar ki, hamı bunlara "halal olsun, ata-anasına necə məzar daşı düzəltirib” desin. İslamda isə belə şeylər yoxdur”.
E.Miri onu da vurğulayıb ki, mərhum Hacı Şahinin məzarı üzərində də xüsusi nəsə edilməsi İslama uyğun deyil:
“Mərhum Hacı Şahinin məzarı üzərində belə nələrsə etmək məsələsinə gəldikdə, Allah ona rəhmət eləsin, o, artıq dünyasını dəyişib. Allah onun günahlarını bağışlasın. Etdikləri, danışdıqları ilə Allaha cavab verəcək. Onun qəbri üzərində belə nələrinsə edilməsi dinə görə doğru deyil. Amma kimsə nəsə etmək istəyirsə, buna Azərbaycan reallığında heç kim nəsə deyə bilmir. Təsəvvür edin ki, ömründə bircə dəfə namaz qılmayan, Quran oxumayan Mir Möhsün ağanın məzarını da ziyarətgaha çeviriblər. Həzrəti imam Əli heç vaxt Azərbaycanda olmadığı halda onun guya ayaq izi düşdüyü iddia edilən yeri ziyarətgaha çeviriblər. Azərbaycanda xiristianlığı yaymağa gələn şəxsin adına "Cərciz peyğəmbər" ziyarətgahı yaradıblar, insanlar ora axın edirlər. Ona görə deyirəm ki, bu məsələlərin İslama aidiyyəti yoxdur. İslamda qəbirüstünü ehtişamlı etmək, oranı ziyarətə çevirmək anlayışı yoxdur. Qəbiristanlıqlara gedib nəzir qoymaq İslamın istədiyi yanaşma deyil”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!