25-09-2025, 20:18
Ərdoğan Putini mənim qədər yaxşı tanıyır - TRAMP
ABŞ Prezidenti Donald Tramp və Türkiyə Prezidenti Rəcəb Tayyib Ərdoğan sentyabrın 25-də Ağ Evdə görüşüb.
Liderlərin mətbuata açıqlamaları zamanı həm ikitərəfli münasibətlər, həm də beynəlxalq məsələlərlə bağlı mesajlar verilib.
Tramp Türkiyəyə qarşı 2020-ci ildə S-400 hava hücumundan müdafiə sistemlərinə görə tətbiq edilən sanksiyaların qaldırıla biləcəyini istisna etməyib:
“Sanksiyalar? Ola bilər, çox tezliklə. Əgər yaxşı görüş olsa, demək olar dərhal qaldırılacaq,” - deyə o bildirib.
ABŞ lideri bunun Ankara üçün F-35 qırıcı təyyarələrinin yenidən alınmasına və digər hərbi texnika üzrə əməkdaşlığa yol aça biləcəyini qeyd edib.
Tramp, həmçinin Türkiyənin Rusiya nefti almasını dayandırmasını istədiyini vurğulayıb:
“Ən yaxşısı odur ki, o, Rusiyadan neft və qaz almasın. Ərdoğan Putini mənim qədər yaxşı tanıyır,” - deyə ABŞ Prezidenti əlavə edib.
Ticarət məsələsinə toxunan Tramp bildirib ki, Ankara ilə iqtisadi əməkdaşlıq genişlənəcək:
“Bizim böyük ticarətimiz var və onu artıracağıq. Türkiyə F-16, F-35 və başqa şeylər almaq istəyir. Bu barədə danışacağıq,” - deyə o vurğulayıb.
Görüşdə Yaxın Şərqdəki vəziyyət də gündəmə gəlib. Tramp Qəzzada atəşkəs razılaşmasının “çox yaxın” olduğunu, lakin bunun üçün İsraillə görüşməli olduğunu qeyd edib. “Çox insan ölür, amma biz əsirlərin qaytarılmasını istəyirik,” – deyə o bildirib.
İsrailin Baş naziri Benyamin Netanyahu yaxın günlərdə BMT Baş Assambleyası çərçivəsində Tramp ilə görüşəcək.
25-09-2025, 19:28
Lukaşenko Paşinyanla əl sıxdı
Sentyabrın 25-də Moskvada keçirilən Qlobal Atom Forumu çərçivəsində Belarus Prezidenti Aleksandr Lukaşenko və Ermənistanın Baş naziri Nikol Paşinyan arasında diqqətçəkən an yaşanıb. İki lider görüş zamanı bir-biriləri ilə əl sıxıblar.
Görüntüləri Lukaşenkonun mətbuat xidmətinə yaxın olan “Pul Pervogo” teleqram kanalı yayımlayıb.
Fotolarda həmçinin Ermənistan Baş naziri ilə Rusiya Prezidenti Vladimir Putin arasında söhbət əks olunub. Lukaşenko həmin görüşdə Paşinyanın yanında əyləşib.
Qeyd edək ki, son dövrlərdə rəsmi Minsk və İrəvan arasında münasibətlər gərgin idi. Bu ilin yanvarında Nikol Paşinyan açıq şəkildə bəyan etmişdi ki, onun Lukaşenko ilə dialoqu “bitmiş hesab olunur”.
25-09-2025, 19:03
Ebru Gündeş boşanır
Türkiyəli məşhur müğənni Ebru Gündeşlə həyat yoldaşı Murat Özdemir ayrılıq qərarı alıb.
O, bu barədə instaqram hesabında yazıb.
“Böyük sevgi və qısa müddətdə başlayan evliliyimizdən zamanla yaşadığımız fikir ayrılıqlarına görə təəssüf ki, ayrılmaq qərarına gəldik. Evliliyimizi bitirsək də, hörmətimiz və dostluğumuz dəyişməz qalacaq. Bu proses boyu bizə dəstək olan və həssaslıqla yanaşan hər kəsə sonsuz təşəkkürümü bildirirəm”.
25-09-2025, 18:56
İlham Əliyev Quterreşlə görüşdü - FOTO
Sentyabrın 25-də BMT-nin mənzil-qərargahında Azərbaycan Respublikasının Prezidenti İlham Əliyev Birləşmiş Millətlər Təşkilatının Baş katibi Antonio Quterreş ilə görüşüb.
Əvvəlcə dövlətimizin başçısı BMT-nin fəxri qonaqlar kitabını imzaladı.
Sonra Azərbaycan Prezidenti İlham Əliyev və BMT-nin Baş katibi Antonio Quterreş birgə foto çəkdirdilər.
25-09-2025, 17:58
Bakıda avtobuslar gücləndirilmiş rejimdə çalışacaqlar
28 sentyabr – 8 oktyabr tarixlərində Azərbaycanın yeddi şəhərində keçiriləcək III MDB Oyunları ilə əlaqədar Azərbaycan Yerüstü Nəqliyyat Agentliyi (AYNA) gücləndirilmiş iş rejimində çalışır.
Bu barədə AYNA-dan bildirilib.
Agentliyin əməkdaşları Oyunların Təşkilat Komitəsi ilə birgə tədbirlərin keçiriləcəyi şəhərlərə tam heyətlə cəlb olunublar.
Oyunlarda çıxış edəcək idmançıların və nümayəndə heyətlərinin rahat və təhlükəsiz şəkildə nəqliyyat xidmətləri ilə təmin edilməsi həyata keçirilir.
III MDB Oyunları ilə əlaqədar Azərbaycana gələn qonaqlar həm Heydər Əliyev Beynəlxalq Aeroportu, həm də Gəncə Beynəlxalq Hava Limanlarına üz tutur. Nümayəndə heyətlərinin hava limanlarından daşınması təşkil edilmiş şatllarla həyata keçirilir. Hava limanı daşımaları üçün 40 “Neoplan” markalı avtobus ayrılıb.
Sentyabrın 24 və 25-də oyunlarla əlaqədar AYNA tərəfindən 6 reys həyata keçirilib və 9 avtobusla 180 sərnişin hava limanlarından tədbirlərin keçiriləcəyi şəhərlərə rahat və təhlükəsiz şəkildə aparılıb.
Həmçinin tədbirlərin keçiriləcəyi şəhərlər üzrə iştirakçıların yarış və digər məkanlar arasında daşınması üçün 93 “Yutong” və “Neoplan” markalı avtobus ayrılıb. Bu avtobuslardan 10-u bu gündən Qəbələdə başlayan oyunlar üçün iştirakçıların yarış məkanlarına çatdırılmasını təmin edir.
25-09-2025, 17:37
Güclü külək əsəcək - XƏBƏRDARLIQ
Sentyabrın 26-da Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı və narıncı xəbərdarlıq verib.
Bu barədə Milli Hidrometeorologiya Xidmətindən məlumat verilib.
Bakıda və Abşeron yarımadasında, Naxçıvan MR-da, Kəlbəcər, Laçın, Füzuli, Cəbrayıl, Zəngilan, Qazax, Ağstafa, Tovuz, Şəmkir, Gədəbəy, Göygöl, Samux, Tərtər, Ağdam, Ağdərə, Xankəndi, Şuşa, Xocavənd, Qubadlı, Ağcabədi, Salyan, Sabirabad, Saatlı, Yevlax, Bərdə, Ağdaş, Ucar, Zərdab, Kürdəmir, Beyləqan, İmişli, Şabran, Xızı, Siyəzən, Qax, Zaqatala, Balakən, Şəki, Şamaxı, Oğuz, Qəbələ, Quba, Xaçmaz, İsmayıllı, Ağsu, Göyçay, Şirvan, Biləsuvar, Cəlilabad, Masallı, Yardımlı, Lerik, Lənkəran, Astarada şimal-qərb küləyi əsəcək, küləyin sürəti 13.9-20.7 m/san təşkil edəcək.
Qusar, Neftçala, Hacıqabul, Mingəçevir, Daşkəsən, Qobustan, Gəncə, Naftalan və Goranboyda da şimal-qərb küləyi əsəcək, küləyin sürəti isə 20.8-28.4 m/san-dək güclənəcək.
25-09-2025, 11:30
"Qarabağ" 5 min manat cərimələndi
AFFA İntizam Komitəsi "Sabah", "Qarabağ" və "Araz-Naxçıvan" klublarını cərimələyib.
Bu barədə milli assosiasiyanın rəsmi saytı məlumat yayıb.
21.09.2025-ci il tarixində Misli Premyer Liqasında V turun "Araz-Naxçıvan" – "Qarabağ" oyununun 28-ci dəqiqəsində "Araz-Naxçıvan" komandasının 5 nömrəli futbolçusu Slavik Alxasov ikinci sarıdan qırmızı vərəqə aldığı üçün 1 oyun cəzalansın, "Araz-Naxçıvan" komandası 500 manat cərimə edilsin (maddə 17.7);
21.09.2025-ci il tarixində Misli Premyer Liqasında V turun "Araz-Naxçıvan" – "Qarabağ" oyununun 60-cı dəqiqəsində "Qarabağ" komandasının azarkeşləri tərəfindən rəqib futbolçunun ünvanına kütləvi şəkildə təhqiramiz ifadələr səsləndirildiyinə görə "Qarabağ" klubu 5000 manat cərimə edilsin (maddə 52.5);
20.09.2025-ci il tarixində Misli Premyer Liqasında V turun "Sabah" – "Turan Tovuz" oyununa Təcili Tibbi Yardım avtomobili təyin edilmiş vaxtdan gec gəldiyinə görə "Sabah" klubu 2000 manat cərimə edilsin (maddə 99, 94, 57.2);
25-09-2025, 11:22
Bakıda daha 5 stansiya tikiləcək - ÜNVANLAR
Bakıda bundan sonra daha 5 metro stansiya tikiləcək.
Bunu jurnalistlərə açıqlamasında "Bakı Metropoliteni" QSC-nin mətbuat katibi Bəxtiyar Məmmədov bildirib.
O qeyd edib ki, stansiyalardan biri "Nizami" metrostansiyasının yaxınlığında olacaq. Həmin stansiyadan birbaşa "Nizami"yə keçid olacaq. “Avtovağzal” stansiyasından hərəkətə başlayan sərnişin həmin stansiyasından yaşıl xəttə daxil ola biləcək.
Bəxtiyar Məmmədov qeyd edib ki, dövlət layihəsində 10 stansiya nəzərdə tutulub.
"Digər 4-ü "Xətai" stansiyasınsan sonra "Yaşıl xətt" üzrə olacaq. "Nizami" parkı yaxınlığında, NZS-ə dönən ərazidə 1 stansiya olacaq. "Nargilə" adlanan ərazidə mütləq 1 stansiyanın olması ərazinin inkişafı baxımdan önəmlidir”.
25-09-2025, 11:16
Evlərdən 12 min manatlıq qızıl oğurlandı
Binəqədi və Sabunçu rayonlarında qızıl oğurlayan şəxslər saxlanılıblar.
Bu barədə Daxili İşlər Nazirliyindən məlumat verilib.
Bildirilib ki, Binəqədi rayonunda evlərin birindən qızıl-zinət əşyaları oğurlanıb. Zərərçəkmiş şəxs polisə müraciət edərək evindən 8500 manat dəyərində qızıl-zinət əşyalarının oğurlandığını bildirib.
Binəqədi RPİ 4-cü Polis Şöbəsinin əməkdaşları tərəfindən keçirilən tədbirlərlə əməli törətməkdə şübhəli bilinən 36 yaşlı E.Rzayev müəyyən olunaraq saxlanılıb.
Analoji hadisə Sabunçu rayonunda da baş verib. Evlərin birindən 4000 manat dəyərində qızıl-zinət əşyaları oğurlamaqda şübhəli bilinən 26 yaşlı qadın da polis əməkdaşları tərəfindən şübhəli şəxs qismində saxlanılıb.
Hər iki faktla bağlı araşdırma aparılır.
25-09-2025, 11:10
“28 May”la “Nizami” arasında hərəkət yanvardan DAYANDIRILIR
“28 May”la “Nizami” stansiyaları arasında hərəkət müvəqqəti olaraq dayandırılacaq.
Bunu "Bakı Metropoliteni" QSC-nin Tikinti Layihələrinin İdarəolunması Departamentinin rəis müavini Məmməd Rzayev deyib.
O qeyd edib ki, xətlərin ayrılmasında əsas komponenti tunellərin inşa edilməsidir.
"Uzunluğu 200 metrə qədər olan tunellər inşa olunacaq. "Yaşıl xət"lə "Qırmızı xətt" sərbəst hərəkəti təmin olunacaq. Hər iki tunelin inşası zamanı “28 May”la “Nizami” arasında müvəqqəti olaraq hərəkat dayandırılacaq. Dayanma müddətinin uzun olmaması üçün “28 May”da iki ədəd yanaşma tunelinin tikintisini önə saldıq. Gələn ilin yanvar ayından başlayaeaq tunellərin inşası zamanı hərəkət dayanacaq”.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!