Ölkəmizdə və bütün dünyada yayılan koronavirus (COViD-19) bildiyimiz kimi hərkəsin qorxu obyektinə çevrilib. Ama bəzilərimizdə bu qorxu daha da kəskindir. Çünki biz sözügedən virusa yoluxmaqdan daha çox ölümdən qorxuruq.

Müxtəlif internet portalları və eləcə də xəbərlər, koronavirus haqqında yetəri qədər məlumat yayıblar. Buna görə də mən psixoloq olaraq sırf insanları ən narahat edən sual haqqında sizə məlumat verəcəm.

-NƏ ETMƏLİYİK Kİ,KORONOVİRUS (COVİD-19) YOLUXMAQDAN QORXMAYAQ?YAXINLARIMIZA NECƏ KÖMƏK OLAQ?

1.Əsasən qorxan insana narahat olma deməyin,ona heç bir köməyi olmayacaq.Bunu durmadan təkrarladığımız halda,qarşımızdaki insanın şuuraltısına neqativ düşüncə və qorxu yükləmiş oluruq.

2.Müxtəlif sosial şəbəkələrdə,xəbərlərdə hər bir saatdan bir virusla bağlı xəbər oxumayın.Yəni bunu,gün ərzində 15 dəqiqəyə qədər endirin (xəbərsiz qalmamaq üçün).

3.Çalışın oxuduğunuz xəbərlər düzgün mənbələrdən olsun.

4.Evdə gününüzü daha produktiv etməyə çalışın.Ailənizlə vaxt keçirib,övladlarınıza vaxt ayırın.Onlarla oyunlar oynamaq,dərsləri ilə maraqlanıb sevindirin.Ən çoxda mən bunu ataların etməsini məsləhət görərdim.Çünki çox vaxt müraciyyət edənləri arasında,daha çox ataları tərəfindən diqqətsiz qalan uşaqlara rast gəlirik.İndi bunun tam zamanıdır deyə bilərik.

5.Gələcək planlarınızı nə etmək istədiyinizi dəftərə yazın və bu vəziyyət bitdikdən sonra onları reallaşdırmağa doğru addımlar atın.

6.Ən əsası,əllərinizi 15-20 dəqiqədən bir heçolmasa 20 saniyəyə dək yuyun,dezinfeksiya məhsullarından istifadə edin.

SAĞLAM OLUN!

Psixoloq İlhamə Musa qızı