Butov.az xəbər verir ki, Human Deaf Community komandasının təşkilatçılığı ilə oktyabrın 29 - da Nizami Kino Mərkəzində 2 - ci surdotərcümə filmləri olan "Xənnas" nümayiş olunub. Nümayiş eşitmə və danışma məhdudiyyətli insanların cəmiyyətə adaptasiyası üçün keçirilib.

Təqdimatı layihə rəhbəri, Azərbaycan jestikasıyla (işarət dili) məşğul olan Nuranə Abıyeva aparıb. Nuranə xanım çıxışı zamanı təqdimatda iştirak edənlərə təşəkkürünü bildirib. Təqdimatboyu bütün danışıqları işarət dili vasitəsiylə Şamil Sabirzadə tərcümə edib.

Filmin nümayişində filmin rejissoru (Elvin Abdulla), aktyor və aktrisa heyəti (Zemfira Abdülsəmədova, Pərvin Abıyeva, Türkay Cəfərli, Zarina Qurbanova, Nərgiz Əliyeva, Hikmət Rəhimov, Qorqud Cəfər, Ramil Nabran, Zaur Balıyev (Xənnas), Azər Aydəmir, Rafiq Həşimov (diktor), Samira Rəhimova, Nərmin Əlisoy (aparıcı), Rəna Ağamuradova (rəqqasə), ifaçılardan Çinarə Məlikzadə, Sami Oruc, Ruslan Alışan, Tofiq Hacıyev, eyni zamanda "Əsa" teatrının üzvləri, "ASAN xidmət" və "Bank of Baku"nun nümayəndələri və məşhur fotoqraf Taleh V.V iştirak edib. Qeyd edək ki, Taleh V.V həm də filmin surdotərcüməsindəki çəkilişləri edib.

Təqdimatda filmin aktyor və aktrisa heyəti çıxış edib. Onlar filmlərdə surdotərcümədən istifadənin cəmiyyət üçün önəmini vurğulayaraq təşkilatçılara təşəkkür edib. Ümumilikdə 500 nəfərlik zalı əhatələyən təqdimat böyük izdihamla qarşılanıb.


Layihədə Şamil Sabirzadə, Aygül Hüseynova, Ülkər Qəhrəmanova, Əsmər Babayeva, Gülnara Mehdiyeva, Fatimə Süleymanova, Jalə Məmmədova, Arzu Babayeva, Nazilə Ələkbərova, Ayxan Allahverdiyev, Turan Məmmədli, Aysel Həsənovanın da əməyi olub.

Qeyd edək ki, Human Deaf Community komandası 1 ilə yaxındır ki, eşitmə və danışma məhdudiyyətli insanların cəmiyyətə adaptasiyası üçün könüllü fəaliyyət göstərir.