Əkbərov Arif Əkbər oğlu

1953-cü ildə Kəlbəcər şəhərində anadan olub (Vidadi küçəsi, ev 12-də yaşayıb).

Orta təhsilini Kəlbəcər şəhər 1 nömrəli orta məktəbində təhsil almış məktəbi bitirdikdən sonra hərbi xidmətə yola düşüb. Hərbi xidməti bitirdikdən sonra  təhsilini davam etdirmək üçün polis məktəbinə daxil olub. Həmin məktəbi bitirdikdən sonra ilk xidmətini Yevlax şəhərində Leytinant rütbəsi ilə davam etdirib. Sonra xidmətdə fərqləndiyinə görə rütbəsi artırılmış və yerini dəyişərək öz doğma rayonuna  göndərilib. Fəaliyyətini Baş Leytinant olaraq orada davam etdirib. 1989-cu ci ildə kapitan rütbəsinə yüksəlib.



  1991-ci ildə Kəlbəcər rayonunda gedən qızğın döyüşlərdə iştirak edib. Ağdavan kəndində ermənilər basqın edəndə 8 erməni əsgərini tutaraq müvafiq qurumlara təhvil verib. Bir müddət keçdikdən sonra  Tərtər rayonuna xidməti ilə bağlı  gedib. Qayıdarkən Ağdərə istiqamətində düşmənə məlumat çatdırılıb ki, əsgərlərinizi əsir götürən zabit kapitan Əkbərov Arif filan nömrəli maşınla Ağdərə istiqamətindən keçəcək. Bu məlumatı öyrənən düşmən  dərhal pusqu quraraq zabitimizi əsir götürür  və Ağdərə rayonunun Dronbon kəndində dağıdılmış məktəbdə əsir saxlanılaraq ən ağır işgənclər verilib. O, huşunu itirdikdən sonra  mənşəyi məlum olmayan  iynə vurularaq fiziki qüvvəsini itirib. 10 gündən sonra  Daxili Orqanlar tərəfindən komendantlığa xəbər verilərək erməni əsiri ilə dəyişdirilib.



  Fiziki qüvvəsini itirməsinə baxmayaraq  yenidən  döyüşə qatılmış və Kəlbəcər tam işğal olunanadək döyüş bölgələrində layiqincə işdirak edib.
aprelin 3-ü 1993-cü ildə Kəlbəcər tam işğal olunduqdan sonra döyüş bölgəsində qalaraq mübarizə aparıb. Ailə üzvləri onun şəhid olduğunu  düşündüyü halda
aprelin 10-u 1993-cü ildə düşmənə ağır itgilər verərək yaralı halda geri qayıdıb.

Əlavə olaraq Murov Əməliyyatında da işdirak edib (Göstərdiyi şücayətlərə görə orden və  fəxri fərmanlarla təltif olunub).
 

2002-ci ildə fiziki  problemləri artdığı üçün ərizə yazaraq  təqaüdə çıxıb. Edilən müalicələrə baxmayaraq 2019-cu il martın biri vəfat edib.
Üç qız və bir öğul övladı var.

Allah Rəhmət eləsin!