Prezident Albert Mustafayevi təltif etdi .....                        Azərbaycanda istehsal edilən siqaretlərə aksiz dərəcələrinin artırılmasının səbəbi məlum olub .....                        Ev heyvanları da peyvənd oluna bilər .....                        Xəzərdə zəlzələ olub .....                        Ramin Quluzadə Prezidentin İşlər müdiri təyin olunub .....                        Xırdalanda dəhşətli partlayışda ölən uşağın cəsədi aşkarlandı .....                        AQTA-dan ictimai iaşə müəssisələrinin sahiblərinə müraciət .....                        Rusiya Baş nazirinin keçmiş müavini vəfat etdi .....                        Pakistan səfirliyi viza verilməsində dəyişiklik edildi .....                       
Tarix : 20-12-2020, 22:00
"Vətən həm də mənim fəxrim - Şəhidim Heybətov Ağa Əmidir!" - Fatimə Əzizli Şəhidi yad edir



Hər kəs üçün həyatda ən gözəl, ən doğma şəxs onu dünyaya gətirən qəhrəman anadır. Dahilərdən biri deyir ki, mənə, oxuduğum kitabların ən gözəlinin hansı olduğunu soruşsanız deyəcəm: Anamdır. Bu kitabın içindəki romanlar isə dünyaya gətirdikləri qəhrəman oğullar. O oğullar ki, ölümləri ilə cənnəti qazandılar. Anadan ər doğulan 2.783 igidimizin qazandığı cənnət belə, analarımızın ayaqları altındadır.

Ana həm də Vətəndir! Vətən də Ana! Bu mənada doğma yurda Ana Vətən deyirik. Anadan doğulan ər oğlu ərlərimizin döyüşdə axıtdığı qan da vətən torpağına tökülür. Qanla qarışan torpaq isə Vətən olur!

44 günlük Vətən müharibəsi xalqı yenidən oyatdı, mənəvi və fiziki böyütdü. Mən anladım ki, Vətən həm də oğuldur - 2.783 oğul! Vətən daşı olaraq, Bütöv Vətən yaradıb düşmən başına daş kimi yağan oğullar !

Vətən generalının intiqamını əlləri ilə düşmən zabiti boğaraq öldürən - Dövlətzadə Cəbrayıl və onun timsalında minlərlə oğuldur!

Vətən həm də mənim fəxrim özümə böyük qardaş bildiyim - Heybətov Ağa Əmi Elçin oğludur!

Əbədiyaşar şəhidim haqqında yazmağı özümə mənəvi borc bildim. O, doğmalarının qürur, iftixar yeri olmaqla yanaşı, həm də bütün xalqın qüruruna çevrildi.

Yazının ölməz qəhrəmanı Heybətov Ağa Əmi Elçin oğlunun taleyinə Buzovnada doğulmaq, Qarabağda isə şəhidlik zirvəsinə ucalmaq yazılmışdır.

Heybətov Ağa Əmi Elçin oğlu-06.06.1993-cü ildə Bakı şəhəri, Xəzər rayonu Buzovna qəsəbəsində Heybətovlar ailəsində anadan olub. O, 2000-ci ildə Xəzər rayonu Buzovna qəsəbəsində yerləşən Əfqan Əliyev adına 125 nömrəli tam orta məktəbin I sinfinə qəbul olmuş və oxuduğu müddət ərzində məktəbin ən fəal şagirdləri sırasında yer almışdır. Ağa Əmi məktəb tədbirlərində, bilik yarışlarında iştirak etmiş, müəllimlərinin sevimlisi olmağı bacarmış və sertifikatlara layiq görülmüşdür. Ağa Əmi azyaşlarında Buzovna qəsəbəsinin Dini İcmasının nəzdində yerləşən İmam Hüseyn məscidinin mədrəsəsində "Qurani-Kərim" in tədris kursunu bitirmiş və şəhadətnamə ilə təltif olunmuşdur. Heybətov Ağa Əmi 2002-ci ildə Buzovna qəsəbəsində yerləşən 4 nömrəli Uşaq İncəsənət Məktəbinə qəbul olmuş, 2007-ci ildə qarmon kursunu bitirərək diplom almışdır. Heybətov idmanın müxtəlif növləri ilə də məşğul olmuşdur. O, 2011- ci ildə 125 nömrəli tam orta məktəbin XI sinfini fəallıqla bitirmiş və həmin ildə də Azərbaycan Dövlət İqtisad Universitetinin "Turizm və otelçilik " (Türk Dünyası Araştırmaları Vakfı) ixtisasına qəbul olmuşdur. Tələbəlik illərində də fəallıqlar göstərmiş, göstərdiyi diqqət və məsuliyyətə görə Qafqaz Resort Hotel tərəfindən sertifikatla təltif olunmuşdur. 2015-ci ildə universiteti bitirərək bakalavr dərəcəsi almışdır. Universiteti bitirdikdən sonra o, 2015-ci ildə hərbi xidmətdə olmuş, 2016-ci ildə isə hərbi xidmətini başa vurmuşdur. Hərbi xidmətdə olduğu müddətdə Aprel döyüşlərində könüllü iştirak etmişdir. Hərbi xidmətdən qayıtdıqdan bir müddət sonra Ağa Əmi müsabiqədən keçərək “Veysəloğlu” MMC-də işləməyə başlamışdır.O, həmçinin Müdafiə Sənayesi Nazirliyi "Şərq" İstehsalat Birliyi "İqlim Elmi-İstehslat Müəssisəsi" MMC-də də fəaliyyət göstərmişdir. Ağa Əmi 2020-ci il 2-ci Vətən müharibəsinin başlanması xəbərini eşidən kimi könüllü şəkildə cəbhəyə getmiş, 16 oktyabr 2020-ci il tarixində Goranboy istiqamətində gedən döyüşlərdə könüllü iştirak edərək "Şəhid"lik zirvəsinə ucalmış və 25.10.2020-ci il tarixində yaşadığı Buzovna kəndində yerləşən Şəhidlər Xiyabanında dəfn olunmuşdur. Ölümündən sonra Azərbaycan Respublikasının Prezidentinin 15 dekabr 2020-ci il tarixli Sərəncamı ilə göstərdiyi şücaətə görə" Vətən uğrunda medalı" ilə təltif olunub.

Mən özümə borc bilirəm ki, hər zaman sənin cəsarətindən, vətənsevərliyindən qürurla danışım. Bu yazımı da sənə həsr etdim. İndi səninlə təkcə biz deyil, bütün Azərbaycan qürur duyur.

Ağa Əmi artıq tək deyil. 2.782 qardaşı ilə birlikdə Tanrı qatındadır.

Əzizli Fatimə
Bakı Dövlət Universitetinin Jurnalistika fakültəsinin II kurs tələbəsi


Paylaş



Bölmə: Ana seife / Tələbə sözü / Şəhidlər / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Yanvar 2021    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Hər ötən il növbəti il üçün xatirəyə çevrilir; bəzən xatırlanır, bəzən də yenidən yaşanılır. Ancaq elə illər var ki, onları yenidən yaşamaq mümkün olmur. Bu illərə Türkiyənin unudulmaz 90 - cı illərini aid etmək olar. Axı həmin illəri yaddaqalan edən nəydi?
Butov.az Türkiyə mətbuatına istinadən həmin unudulmazlığı təqdim edir:
Türkiyənin unudulmaz 90 - cı illəri...
Video
Şəhid Baş leytenant Azad Hümbətova həsr olunmuş qısa metrajlı film çəkildi

All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!