Burcəli Yağub oğlu iyunun 16 - sı, 1947-ci ildə Masallı rayonunun Ərkivan qəsəbəsində ziyalı ailəsində anadan olub. O, 1954-cü ildə Ərkivan qəsbəsində fəaliyyət göstərən Vəkil Bayramov adına natamam orta məktəbin 1-ci sinifinə gedib və həmin məktəbin 8-ci sinifini 1962-ci ildə bitirib.

1962 - 1963-cü tədris ilində C. Cabbarlı adına orta məktəbin 9-cu sinfinə gedib və həmin orta məktəbin 11-ci sinifini 1966-cı ildə qurtarıb. 1966-cı ildə orta məktəbi qurtaran Burcəli Yağub oğlu öz xahişi ilə keçmiş SSRİ-nin Silahlı Qüvvələrinin tərkibində hərbi xidmət keçib. 1968-1969-cu ilin may ayına kimi keçmiş Çexoslovakiya Respublikasında baş qaldıran qiyamçılara qarşı vuruşaraq xidməti borcunu yerinə yetirib. 1969-cu ilin mayında Çexoslovakiyada hərbi xidməti başa vurduqdan sonra hərbidən təxris olunub. 1970-1972-ci illərdə Masallı Rayon İcraiyyə Komitəsi yanında təbiətin mühafizə şöbəsində sədr müavini vəzifəsində çalışıb. O,

1972-ci ildən 1980-cı ilə kimi Qızılavar kənd orta məktəbində direktorun hərbi işlər üzrə müavini, 1981-ci ildən 2000-ci ilə kimi Ələt Refrijerator deposunda qatar rəisi vəzifəsində işləyib. 2000-ci ildən Azərbaycan nəşriyyatında “Arı” və "Ədalət və həqiqət" qəzetlərində xüsusi müxbir, “Həqiqət Naminə” qəzetində şöbə müdiri işləyib.

Onun “Cəmiyyət və Cəza” jurnalında və “Başlamaq olarmı ömrü yenidən” kitabında şeirləri çap olunub. 2009-cu ildən Azərbaycan mətbuatında bir çox qəzetlərdə yazılarını mütəmadi çap etdirdiyinə görə, KİV-nin Həmkarlar ittifaqı tərəfindən "Qızıl qələm", 2011-ci ildə isə “Xalqın Nüfuzlu ziyalısı” media mükafatına layiq görülüb. Burcəli Yağuboğlu hazırda “Hüquq və Azadlıq” qəzetində baş redaktorun müavini vəzifəsində çalışır. Ailəlidir, 3 oğul və 3 qız atasıdır. Burcəli müəllimin 13 nəvəsi, 2 nəticəsi var. Fürsətdən istifadə edib Bürcəli müəllimin iki çeirin “Bütöv Azərbaycan”ın oxucularına təqdim edirik.

Zəminə Ağababa qızı,

Masallı