Moskvada ADM-DJEK kinostudiyasında Yeltsin Mərkəzinin dəstəyi ilə “Çingiz Aytmatov – Doğan günəş” adlı film çəkilib. Filmdə ulu öndər Heydər Əliyev haqqında danışılıb.
Butov.az AZƏRTAC-a istinadən xəbər verir ki, ekran işinin ssenari müəllifləri Aleksey Şipulin və Qriqoriy Naxapetovdur. Q.Naxapetovun rejissorluğu ilə çəkilən filmin mətnini isə Aleksandr Drozdov oxuyub. Qeyd edək ki, 2008-ci il Qırğızıstanda “Çingiz Aytmatov İli” elan olunmuşdu. Elə həmin il dünyaşöhrətli qırğız yazıçısı Çingiz Aytmatovun yubiley tədbirlərinə Bakıda start verilmişdi. Həmin vaxt birinci və axırıncı yubiley tədbiri Bakıda keçirilib. O zaman Prezidenti İlham Əliyev Çingiz Aytmatovla birlikdə səfərin təşkilatçısı və Türkdilli dövlətlərin siyasətinə dəstək Fondunun prezidenti Nüsrət Məmmədovu qəbul edərək, dünyaşöhrətli qırğız yazıçısı Çingiz Aytmatovu “Dostluq” ordeni ilə təltif etmişdi.
Həmin ilin may ayında Toktoqul Satılqanov adına Qırğızıstan Milli Filarmoniyasında ulu öndrər Heydər Əliyevin möhtəşəm 85 illiyi keçirilib. Tədbirdə çıxış edən Çingiz Aytmatov ümummilli lider Heydər Əliyevin Azərbaycan üçün nə qədər önəmli şəxsiyyət olduğunu demişdi. Tədbir Türkdilli dövlətlərin siyasətinə dəstək Fondunun təşkilatçılığı ilə baş tutmuşdu.
Qürurverici haldır ki, Moskvada ADM-DJEK kinostudiyasında Yeltsin Mərkəzinin dəstəyi ilə çəkilən "Çingiz Aytmatov – Doğan günəş" adlı filmdə türkdilli dövlətlərin siyasətinə dəstək fondunun keçirdiyi hər iki tədbirdən fraqmentlər yer alıb.