Bu il iyun ayının 29-dan iyul ayının 1-dəkBorçalı İctimaiCəmiyyətinin sədri Zəlimxan Məmmədli Cəmiyyətin Türkiyə təmsilçisi Məhərrəm Yıldızın dəvəti ilə Türkiyə Cumhuriyyətinin Kars şəhərində səfərdə olmuşdur. Səfər müddətində Zəlimxan Məmmədli Kars Bələdiyyə başkanı Murtaza Qaraçanta ilə görüşmüşdür. Görüşdə Türkiyədə durum, Türkiyə, Azərbaycan və Gürcüstan arasında ilişkilər, Karsın daha da inkişafının zəruriliyi, Borçalı Türklərinin dövlətlərimiz arasında mənəvi körpü olaraqmöhkəmləndirilməsi, Elat Bayramı ilə bağlı fikir mübadiləsi aparılmışdır. Murtaza bəy sonda bu il də Gürcüstana, Borçalıtürklərinin Elat Mədəniyyəti - Elat bayramına gələcəyinibildirmişdir. Zəlimxan bəy həmin gün Kars bələdiyyəsində yenicə başkan yardışçısı görəvini almış Tahsin bəyi ziyarət etmiş, yeni görəvində uğurlar arzulamışdır. Ertəsi gün Zəlimxan aməmmədli MHP Kars İl Başkanlığında olmuş, Başkan Yaver Özcan ilesemimi söhbətlər etmişdir. Yavər bəy hər zaman soydaşlarımızın yanında olacağını, Elat bayramına gələcəyini və Borçalı Cəmiyyətinin haqq mübarizəsini dəstəkləyəcəyini bildirmişdir. Daha sonra Kars qalasının ətəyində Məhərrəm Yıldızın dəstəyi və rejissor Hakan Kılıcın rəhbərliyi, Atilla Bayramoğlunun qatılımı və çox profesional çəkiliş qrupuilə may ayından başlanmış, Borçalı türklərinə həsr olunmuşbelgesel filmin son kadrları lentə köçürülmüşdür. Zəlimxan Məmmədli Kars qalasının zirvəsində Borçalı Türklərini, Borçalı Cəmiyyətini, Qafqazda problemlərin fəlsəfəsini aydınladan müsahibə vermişdir. Bu proqram iyul ayının ortalarındanTürkiyənin TRT, Ölkə TV, Kanal 24 və digər 10-a yaxın telekanalında yayımlanacaqdır.

Səfər ərəfəsində Karsda Borçalı türklərinə-tərəkəmə qarapapaq mədəniyyətinə həsr olunan çəkilişin də son kadrları çəkilmişdir. Səfər əsnasında Zəlimxan bəy, Məhərrəm bəy və digər qrup üzvləri ilə Karsın Qalağala, Bozqala və digər yaşayışməntəqələrində 100 il bundan əvvəl məcburən oralara mühacirət etmiş soydaşlarımızla görüşmüş, səmimi söhbətlər etmişdir. Hər yanda soydaşlarımız Elat bayramından, ata yurdları Borçalıdan, onun Borçalıdan kənarda tək təşkilatı olan Borçalı Cəmiyyətindən danışır, hər kəs Elat bayramına tədarük görməkdədirlər. "Borçalı" İctimai Cəmiyyəti səfərin təşkilində Məhərrəm Yıldız başda olmaqla əməyi keçən hər kəsə, o cümlədən Hakan Kılıç və Atilla Bayramoğluna, xüsusi diqqət göstərən"Yerli Düşüncə Dərnəyi" təmsilçisi Alper Tenqo Kılıca vəfədakar çəkiliş qrupuna təşəkkür edir.