Zelenski görüşmək istəyirsə, Moskvaya gəlsin! - PUTİN .....                        Ali məktəblərə qəbulun nəticələri AÇIQLANDI .....                        Azərbaycanlı şəhid ailələri Yaşar Gülərin dəvəti ilə Ankarada .....                        Gədəbəydə dağlıq ərazidə yanğın .....                        Beyinin qocalmasını dayandıracaq maddə aşkarlandı .....                        Dövlətə xəyanət edən Bəhruz Səmədov 15 il həbs edildi .....                        Tramp Rusiya və Çinlə bağlı Pentaqona tapşırıq verib .....                        Əfqanıstanda ölənlərin sayı 1500-ə çatır .....                        Müharibə və sülh arasında seçim - Çin liderindən mesaj .....                       
Tarix : 29-01-2019, 09:00
ABŞ 32 illik strateji müqavilədə iştirakını dayandırır

ABŞ “Orta və yaxın mənzilli ballistik raketlərin ləğvi haqqında” müqavilədə iştirakını bu həftə sonu dayandırmağı planlaşdırır.
Adının çəkilməsini istəməyən amerikalı rəsmi bildirib ki, əgər 2 fevraladək Rusiya özünün “9M729” yer tipli qanadlı raketlərini və müvafiq avadanlıq və raket-buraxılış qurğularını məhv etməsə, onda Vaşinqton “Orta və yaxın mənzilli ballistik raketlərin ləğvi haqqında” müqavilədəki öhdəliklərinin icrasını dayandıracaq.
Lakin mənbə, həftəsonu ABŞ-ın eyni zamanda “Orta və yaxın mənzilli ballistik raketlərin ləğvi haqqında” müqavilədən birdəfəlik çıxdığını elan edib-etməyəcəyinə aydınlıq gətirməyib.
Xatırladaq ki, ötən ilin 20 oktyabrında ABŞ prezidenti Donald Tramp Rusiyanın “Orta və yaxın mənzilli ballistik raketlərin ləğvi haqqında” müqavilənin şərtlərini pozduğuna görə Vaşinqtonun sazişdən çıxacağını bəyan edib. Onun sözlərinə görə, “başqalarının ağlı başına gələnədək ABŞ öz nüvə potensialını artıracaq”. Ötən ilin 4 dekabrında isə Vaşinqton müqavilənin şərtlərinə əməl etməsi üçün Rusiyaya 60 gün vaxt verib. Əks təqdirdə, ABŞ müqavilənin icrasını dayandıracaq. Vaşinqtonun bu qərarı NATO tərəfindən də dəstəklənib.
ABŞ ilə Rusiyanın Avropa və Uzaq Şərqdəki müttəfiqlərini qorumağı hədəfləyən “Orta və yaxın mənzilli ballistik raketlərin ləğvi haqqında” müddətsiz müqavilə 1987-ci ildə Qorbaçovla o zamankı ABŞ prezidenti Ronald Reyqan arasında Vaşinqtonda imzalanıb. Müqavilə Rusiya və ABŞ-ın 500-5500 kilometr məsafə radiusunda hədəfləri vura biləcək yer tipli bütün qanadlı raketlərin ləğvini nəzərdə tutur, həmçinin onların istehsalını və sınağını qadağan edir. Ekspertlərin fikrincə, müqavilənin ləğvi dünyada, xüsusən də iki ən böyük nüvə dövləti - ABŞ-la Rusiya arasında silahlanma yarışına səbəb olacaq ki, nəticədə qlobal, xüsusən də Avropa ölkələrinin təhlükəsizliyinə ciddi zərbə dəyə bilər. Çünki Rusiyanın qarşısının alınması üçün Vaşinqtonun nüvə başlığa daşıya bilən yer tipli orta mənzilli ballistik raketlərini yerləşdirəcəyi ilk region Avropa olacaq.


Paylaş



Bölmə: Xəbər / Dünya / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Sentyabr 2025    »
BeÇaÇCaCŞB
1234567
891011121314
15161718192021
22232425262728
2930 
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!