20-06-2022, 09:58
20-06-2022, 04:17
Yaxın günlərin hava proqnozu
Yaxın günlər ərzində ölkə ərazisində hava şəraiti sabit, əsasən yağmursuz olacaq, lakin gündüz saatlarında bəzi dağlıq ərazilərdə yağış yağacağı ehtimalı var. Ekologiya və Təbii Sərvətlər Nazirliyinin Milli Hidrometeorologiya Xidmətindən Butov.az-a verilən məlumata görə, mülayim cənub-şərq küləyi əsəcək, iyunun 22-si axşam, həmçinin iyunun 23-də arabir güclənən şimal-qərb küləyi ilə əvəzlənəcək.
Havanın temperaturu Bakıda və Abşeron yarımadasında 30-34°, Aran rayonlarında 33-38°, dağlıq rayonlarda 20-24° isti olacaq.
20-06-2022, 04:11
Ermənistanda silahlı insident - Ölən var
Ermənistanın Araqatsotn bölgəsində silahlı insident törədilib. Bu barədə Ermənistanın "Shamshyan.com" kriminal xronika saytı məlumat yayıb.
Silahlı insident zamanı 7 nəfər yaralanıb. Onlardan biri xəstəxanada ölüb.
Polis əməkdaşları silahlı insidentin Niqavan kənd inzibati ərazisində yerləşən zibilxananın yaxınlığında baş verdiyini bildiriblər. Hazırda hüquq-mühafizə orqanlarının əməkdaşları hadisənin dəqiq yerini müəyyənləşdirmək üzərində işləyirlər.
Akif İsmayılov
19-06-2022, 21:09
ANAMA-nın əməkdaşı Cəbrayılda minaya düşüb
İyunun 19- saat 11 radələrində Minatəmizləmə Agentliyinin (ANAMA) əməkdaşı, 1992-ci il təvəllüdlü Əli Şükürov Cəbrayıl rayonunun Xudafərin kəndi ərazisində piyada əleyhinə minaya düşməsi nəticəsində müxtəlif dərəcəli bədən xəsarətləri alıb.
Bu barədə Ordum.az-a Baş Prokurorluğun Mətbuat xidmətindən bildirilib.
Prokurorluq əməkdaşları tərəfindən hadisə yerinə baxış keçirilib, məhkəmə-tibb ekspertizası təyin edilib, digər prosessual hərəkətlər yerinə yetirilib.
Faktla bağlı Cəbrayıl rayon prokurorluğunda araşdırma aparılır
19-06-2022, 21:06
Avropa İttifaqının XİN başçıları toplaşır
Avropa İttifaqının xarici işlər nazirləri sabahkı görüşdə Ukrayna müharibəsinin ərzaq və enerji təhlükəsizliyinə təsirlərini müzakirə edəcəklər. Nazirlər Brüsseldə iyunun 23-24-də keçiriləcək Avropa İttifaqı (Aİ) Liderlər Zirvəsindən əvvəl bir araya gələcək.
Xarici KİV xəbər verir ki, bu barədə Aİ-nin adı açıqlanmayan rəsmisi məlumat verib.
Böhrandan təsirlənəcək milyonlarla ton buğdanın ixracı üçün Belarus da daxil olmaqla müxtəlif variantların qiymətləndirildiyini bildirən mənbə ən ideal variantın Qara dəniz olduğunu bildirib.
Aİ rəsmisi toplantıda Körfəz ölkələri ilə enerji təhlükəsizliyi baxımından mövcud müsbət münasibətlərin müzakirə ediləcəyini söyləyib.
19-06-2022, 18:30
ABŞ-dan etiraf: İnflyasiya ilə bacara bilmirik!
ABŞ hakimiyyəti yaxın gələcəkdə yüksək inflyasiyanı azalda bilməyəcək. Bunu ABŞ maliyyə naziri Canet Yellen ABC telekanalına müsahibəsində deyib:
"İnflyasiya qəbuledilməz dərəcədə yüksəkdir. Etiraf etmək lazımdır ki, ABŞ yüksək inflyasiyadan əziyyət çəkən yeganə inkişaf etmiş iqtisadiyyat deyil. Biz bunu Böyük Britaniyada, Fransada, Almaniyada, İtaliyada görürük və bunun səbəbləri qlobaldır " - deyə nazir bildirib.
19-06-2022, 18:26
Rusların komanda-kəşfiyyat məntəqəsi məhv edildi
Rusiya 20-ci ordusunun komanda-kəşfiyyat məntəqəsi məhv edilib. Bunu Ukrayna daxili işlər nazirinin müşaviri Viktor Andrusiv deyib.
“İtkilərlə bağlı dəqiq məlumat yoxdur. Qaydalara görə, belə məntəqələrdə 200-300 adam fəaliyyət göstərir. Onlara polkovnikdən aşağı rütbəli şəxs rəhbərlik etmir”, - Andrusiv bildirib.
19-06-2022, 18:18
Zəfər Kubokunun qalibi bəlli oldu
İdman Araşdırmalar Mərkəzi (İAM) və ETOPAZ-ın 10 illik yubileyi münasibətilə jurnalistlər arasında minifutbol üzrə Zəfər Kubokunda bu gün final oyunu keçirilib. Mayın 4-də - İAM-ın yaradılmasının ildönümündə start götürən turnirin həlledici qarşılaşması iyunun 19-na - mərhum jurnalist və idman xadimi Elnur Əşrəfoğlunun anadan olmasının 48-ci ildönümünə təsadüf edib. Bu münasibətlə təşkilatçılar və iştirakçı komandaların nümayəndələri saat 10:00-da mərhumun ailə üzvləri ilə birlikdə E.Əşrəfoğlunun Saray qəbiristanlığındakı məzarını ziyarət ediblər.
Ardınca isə "Xocavənd" və "Ağdam" komandaları arasında final oyunu təşkil olunub. Milli Məclisin deputatları bu qarşılaşmada da fəxri qonaq qismində iştirak ediblər.
Bundan başqa Elnur Əşrəfoğlunun, eləcə də şəhid jurnalistlər Məhərrəm İbrahimov və Sirac Abışovun ailə üzvləri də final oyununa dəvət olunublar. Onlara təşkilatçılar və "TT Fight Club"un direktoru Şəhriyar Abbasov tərəfindən xatirə hədiyyələri təqdim olunub.
Həlledici oyunda "Xocavəndə" 3:1 hesabı ilə qalib gələn "Ağdam" Zəfər Kubokunun qalibi olub. Matçda hesabı "Xocavənd" futbolçuları açıblar. Fərid Məmmədov fərqlənib. Lakin onların qol sevinci cəmi 1 dəqiqə çəkib. Elvin Rüstəmov tarazlığı bərpa edib. Az sonra isə Mirbağırağa Cəfəri dəqiq zərbə ilə hesabı "Ağdam"ın xeyrinə dəyişib. İkinci hissənin ortalarında növbəti dəfə fərqlənən Cəfəri həm dublunu, həm də yekun nəticəni müəyyənləşdirib.
19-06-2022, 17:47
İranın qırıcısı qəzaya uğrayıb
İsfahanda İranın qırıcı təyyərəsi qəzaya uğrayıb. Bu barədə İran ordusunun İsfahan əyalətindəki bölməsinin ictimai əlaqələr şöbəsinin müdiri Rəsul Mötəmidi məlumat verib. Onun sözlərinə görə, hadisə iyunun 18-də, yerli vaxtla səhər saat 10:30-da baş verib. Qəzaya uğrayan F-14 tipli qırıcı təyyarədir.
Rəsul Mötəmidi missiya zamanı döyüş təyyarəsinin mühərrikində texniki nasazlıq yarandığını, pilot və ikinci pilotun paraşütlə yerə endiyini deyib.
Mötəmidi paraşütlə yerə enən pilotların yaralandığını və müalicə üçün xəstəxanaya yerləşdirildiyini bildirib.
Qeyd edək ki, bundan öncə mayın 24-də İsfahanın Ənarək bölgəsində İran Hava Qüvvələrinə məxsus daha bir F-7 tipli qırıcı qəzaya uğrayıb və onun pilotları mayor Qasım Zamani və leytenant Məhəmmədcavad Bayin ölüb.
Cavidan
19-06-2022, 17:23
Onlarla ölkədə etirazlar, qeyri-sabitlik və aclıq başlaya bilər. Bu sözləri BMT-nin Ümumdünya Ərzaq Proqramının direktoru Devid Besli deyib. O bildirib ki, buna səbəb bütün dünyada ərzağın sürətlə bahalaşmasıdır. Ədis-Əbəbədə çıxışında Besli qeyd edib ki, dünya qorxuducu qıtlıqla üzləşib. O, xüsusilə Rusiya və Ukrayna taxılından asılı olan ölkələrdə vəziyyətin pisləşəcəyindən narahatlığını ifadə edib:
“Hələ Ukrayna krizisindən öncə biz COVİD-19 pandemiyası və yanacağın qiymətinin qalxması ilə üz-üzə qaldıq. O zaman düşünürdük ki, bundan pis ola bilməz. Ancaq Ukraynada başlayan müharibə daha pisi olduğunu üzə çıxardı “.
Quardian”ın məlumatına görə, Ukrayna hər il 400 milyon insanı təmin edən ərzaq məhsulları ixrac edir. Ukrayna dünyadakı günəbaxan yağı istehlakının 42%-ni, qarğıdalının 16%-ni, buğdanın 9%-ni verir.
Beslinin sözlərinə görə, koronavirus, iqlim dəyişikliyi və Ukrayna müharibəsi səbəbindən dünyada aclıq çəkən insanların sayı 650 milyondan 810 milyona qalxıb.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Bütöv.az
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!