29-08-2022, 19:33
Azad olunan ərazilərdə daha 309 mina aşkarlandı
Azərbaycan Respublikasının Minatəmizləmə Agentliyi (ANAMA) işğaldan azad edilmiş ərazilərdə minatəmizləmə əməliyyatları barədə həftəlik məlumat açıqlayıb. ANAMA-dan verilən məlumata görə, avqustun 22-dən 27-nə qədər Tərtər, Ağdam, Füzuli, Şuşa, Qubadlı, Cəbrayıl və Zəngilanda 240 piyada əleyhinə mina, 69 tank əleyhinə mina və 81 Partlamamış Hərbi Sursat (PHS) aşkarlanıb. Bildirilib ki, 731 hektar ərazi mina və PHS-lərdən təmizlənib.
29-08-2022, 19:30
Qəzada ölən hərbçiyə şəhid statusu veriləcək
Azərbaycan Ordusunun Goranboy rayonunda yol qəzasında həlak olan hərbi qulluqçusu Ərəblinski Vahid Maarif oğluna şəhid statusu veriləcək. Butov.az xəbər verir ki, qanunvericiliyə əsasən, V.Ərəblinski şəhid statusu alacaq. Qeyd edək ki, avqustun 26-sı saat 14 radələrində Goranboy rayonunun Buzluq kəndi ərazisində Zaqatala rayon sakini Vahid Ərəblinski idarə etdiyi “Ural” markalı avtomobili dərəyə aşırıb. Nəticədə sürücü hadisə yerində ölüb. O, Zaqatala rayonu Aşağı Tala kəndində dəfn edilib. Faktla bağlı Gəncə Hərbi Prokurorluğunda araşdırma aparılır.
29-08-2022, 19:28
XİN-in mətbuat katibi vəzifəsi ona həvalə olundu
Azərbaycan Xarici İşlər Nazirliyinin (XİN) Mətbuat xidməti idarəsində yeni təyinat olub. Butov.az-ın əldə etdiyi məlumata görə, XİN-in mətbuat katibi vəzifəsi Ayxan Hacızadəyə həvalə edilib. XİN-in yeni sözçüsü bundan öncə Azərbaycan Respublikasının ABŞ-dakı Səfirliyinin müşaviri vəzifəsində çalışıb. Qeyd edək ki, 2018-ci ildən XİN-nin mətbuat katibi olan Leyla Abdullayeva diplomatik fəaliyyətini Fransada davam etdirəcək.
29-08-2022, 19:17
Laçından sonra hədəf bu şəhərdi – Ali Baş Komandanın əmri gözlənilir
“Laçın şəhər mərkəzinin, Zabux və Sus kəndlərinin tamamilə ermənilərdən təmizlənməsi və ordumuzun nəzarətinə keçməsi ilə işimiz hələ tam bitməyib. Bu böyük hadisədən sonra hədəf Xankəndi, Xocalı, Xocavənddir”. Bunu açıqlamasında Milli Məclisin Xocalıdan seçilən deputatı Elman Məmmədov bildirib. Onun sözlərinə görə, Laçının tam azad olunmasından sonra Azərbaycan yeni hədəflərinə doğru irəliləyəcək: "Məqsədə çatmaq üçün cənab Prezidentin, müzəffər Ali Baş Komandanın növbəti tapşırıq və göstərişləri xalqımız və ordumuz tərəfindən səbirsizliklə gözlənilir". E.Məmmədov hesab edir ki, Azərbaycan bayrağı Laçınla yanaşı, Rusiya sülhməramlılarının müvəqqəti nəzarətində olan digər ərazilərdə də dalğalanacaq. Sadəcə olaraq zamana ehtiyac var. “Azərbaycan ərazisində sonuncu separatçı, cinayatkar zərirsizləşdirilənə qədər biz əməliyyatları davam etdirəcəyik. Ərazimiz bu yaramaz, arzuolunmaz ünsürlərdən təmizlənəcək. Azərbaycan suveren, müstəqil dövlət kimi öz ərazilərini tamamilə separatçılardan təmizləyəcək. Hələlik müəyyən səbəblərdən 30 il ərzində öz ərazimizdə kök salmış separatçılar, cinayətkarlar mövcuddur. Adını çəkdiyimiz əraziləri erməni terrorçularından təmizləyəcəyik. Buna əmin ola bilərsiniz. Orada bir terrorçu da qalmayacaq. Həmin ərazilər yenidən Azərbaycanın tam nəzarətində olacaq. Sadəcə bu məqsədə çatmaq üçün müəyyən qədər zamana ehtiyacımız var. Cənab Prezident nəyi, nə zaman və necə edəcəyini yaxşı bilir. Biz 44 günlük Vətən müharibəsini qələbə ilə başa vurandan sonra bütün bu sözlər, deyilən fikirlər dəfələrlə öz təsdiqini tapıb. Bir sözlə, yaxın gələcəkdə Ali Baş Komandanımızın rəhbərliyi ilə digər hədəflərimizə də çatacağıq. Bizi qarşıda yeni qələbələr gözləyir”, - deyə parlament üzvü vurğulayıb. Xatırladaq ki, avqustun 26-da Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin tapşırığına əsasən Laçın şəhəri, eləcə də Zabux və Sus yaşayış məntəqələri Azərbaycan Ordusunun bölmələri tərəfindən tam nəzarətə götürülüb. Laçının tamamilə azad olunmasından sonra Qarabağ separatçıları təşvişə düşüblər. Onlar Azərbaycan Ordusunun tezliklə Xankəndi, Xocalı və digər ərazilərdə də nəzarəti ələ alacağı günü qorxu ilə gözləyirlər.
29-08-2022, 19:14
Laçın minalardan təmizlənir
Azərbaycan Ordusunun mühəndis-istehkam bölmələri tərəfindən Laçın şəhəri, Zabux və Sus kəndlərində mühəndis təminatı üzrə tapşırıqlar icra edilir. Müdafiə Nazirliyindən verilən məlumata görə, həmin ərazilərin mina və partlamamış döyüş sursatlarından təmizlənməsi işləri yüksək peşəkarlıqla yerinə yetirilir. Yaşayış məntəqələrində əsas səylər təhlükəsizlik qaydalarına ciddi riayət etməklə, kombinə edilərək kustar üsulla hazırlanan partlayıcıların və tələ minaların aşkar olunaraq zərərsizləşdirilməsinə yönəldilir.
29-08-2022, 19:12
İranla sərhəddə növbəti insident
Avqust ayının 27-də saat 00:05-də Azərbaycan Respublikası Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin Füzuli rayonunun Böyük Bəhmənli kəndi yaxınlığında yerləşən sərhəd zastavasının xidməti ərazisində dövlət sərhədində İran İslam Respublikasından Azərbaycan Respublikası istiqamətində hərəkət edən 2 (iki) nəfər naməlum şəxs müşahidə edilib. Dövlət Sərhəd Xidmətinin Mətbuat Mərkəzindən verilən məlumata görə, sərhəd naryadı tərəfindən “Dayan” komandasının verilməsinə və havaya xəbərdarlıq atəşinin açılmasına baxmayaraq, sərhəd pozucuları sərhəd naryadının qanuni tələblərinə tabe olmayaraq hava şəraitinin qaranlıq olması və relyefin mürəkkəbliyindən istifadə edərək geriyə İran ərazisinə qaçıblar. Ərazidə aparılmış axtarış tədbirləri nəticəsində 1 ədəd bağlamanın içərisində ümumi çəkisi 10 kq 635 qram narkotik vasitəyə (marixuana) bənzər maddə aşkar olunaraq götürülüb. Fakt üzrə əməliyyat-istintaq tədbirləri davam etdirilir.
28-08-2022, 23:26
"TutorLab" ilə övladların təhsil keyfiyyətinə nəzarət
Region gəncləri övladımızın təhsil keyfiyyətinə nəzarət edən “TutorLab” mobil tətbiqi hazırlayıblar. Buna səbəb isə məktəb və hazırlıq kurslarında məlumatların kağız daşıyıcıda olmasıdır ki, bu da nə valideyn, nə də müəllim üçün əlçatandır. Region startapı olaraq təqdim edilən yeni tətbiq qısa zamanda bir çox uğurlara imza atıb.
Layihənin həmtəsisçisi Azad Manaflının dediklərinə görə TutorLab mobil tətbiqi müəllim və valideynlər arasında elektron körpü rolunu oynayır. Yeni kurikulum sisteminə uyğun olaraq müəllim dərs dediyi şagird barədə mütəmadi olaraq valideynə övladının günlük davamiyyəti, dərs qiymətləndirilməsi və şagirdin günlük dərs performansına uyğun olaraq şərhlər qeyd edir. Bütün bunlar anlıq olaraq valideynə proqram vasitəsi ilə bildiriş (notification) şəklində göndərilir. Valideynd, həmçinin günün istənilən saatında övladının tədris prosesini izləyə, analiz edə və həftəlik, aylıq, illik olaraq övladının dərs performansını data olaraq əldə edə bilər. Davamiyyət və qiymətləndirilmənin sayəsində isə şagirdin 100 % üzərindən performans göstəricisi yaranır və faiz göstəricisinə görə ardıcıllıq formalaşır ki, bu da qrupda olan uşaqlar arasında sağlam rəqabətin formalaşmasına səbəb olur.
TutorLab proqramı sayəsində övladınızın təhsilinə daha rahat şəraitdə nəzarət edə biləcəksiniz. Bu nəzarətin sayəsində övladınızın qəbul imtahanında hansı balı toplayacağını öncədən təxmin edəcəksiniz. Həmçinin valideyn övladının təhsili üçün xərclədiyi müəyyən məbləğin boşuna sərf olunmadığına əmin olacaq.
Müəllimlər isə kağız daşıyıcılara, valideyn ilə əlavə telefon danışıqlarına və digər proseslərə sərf etdikləri zamana qənaət edəcəklər. Belə ki, bir qrup üçün davamiyyət və qiymətləndirilmənin aparılması cəmi iki dəqiqə vaxt aparır ki, bu da valideynə həmin anda bildiriş olaraq göndərilir. Lazım olduqda isə uşaqla bağlı hər hansı rəylər də yazıla bilər.
Gələcəkdə isə müəllim və valideynlər ilə bağlı xüsusi layihələrin icra edilməsi nəzərdə tutulmuşdur. İlkin mərhələdə innovativ müəllimlər arasında kiçik viktorinaların, intellektual oyunların, pedaqoji inkişafla bağlı bir neçə günlük müəllim düşərgələrinin təşkili və gələcəkdə təhsilə innovativ yanaşma ilə bağlı layihələrin dəstəklənməsi proqramlarının keçirilməsi planlaşdırılmışdır.
Qeyd edək ki, 24 avqust tarixində Elm və Təhsil naziri Emin Əmrullayev Şamaxı şəhərində vətəndaşların qəbulu zamanı TutorLab mobil proqramının yaradıcılarını qəbul edib. Bu mobil proqramın təhsilimizdə yeni innovativ yanaşma olduğunu qeyd edən nazir proqramın yeni tədris ilindən pilot layihə olaraq tətbiq edilməsinə dair tövsiyə və tapşırıqlarını verib. Sonda isə bu tip layihələrin təhsilimizin inkişafında mühüm layihə olacağını bildirərək yaradıcılara uğurlar arzu edib.
Proqram barədə ətraflı məlumatı TutorLab-ın rəsmi saytından(www.tutorlab.az) və sosial şəbəkələrindən (www.facebook.com/tutorlab.az, www.instagram.com/tutorlab.az)əldə edə biləsiniz.
TutorLab proqramını yükləmək üçün link: https://qrco.de/bcrCUJ
28-08-2022, 21:11
Şahmatçımız Avropada liderliyə yüksəldi
Praqada qadın şahmatçılar arasında Avropa çempionatında şahmatçımız Günay Məmmədzadə liderliyə yüksəlib. Butov.az xəbər verir ki, 7 turda 6 xal toplayan təmsilçimiz turnir cədvəlində liderdir. Ülviyyə Fətəliyeva, Gülnar Məmmədova isə 5 xalla ilk onluqda qərarlaşıblar. Komandamızın digər üzvləri Gövhər Beydullayeva, Xanım Balacayeva 4,5, Ləman Hacıyeva 4 xal toplayıblar. İsveçrə sistemi üzrə keçirilən turnir 9 turdan ibarətdir.
28-08-2022, 21:04
FHN-in təyyarəsi Lənkəranda qəza enişi etdi
Fövqəladə Hallar Nazirliyinin (FHN) təyyarəsi Lənkəranda qəza enişi edib. Bu barədə FHN-dən məlumat verilib. Bildrilib ki, Masallı rayonunun Məmmədoba kəndi yaxınlığında mürəkkəb relyefli dağlıq ərazidə baş vermiş yanğının söndürülməsi əməliyyatına cəlb olunmuş FHN-ə məxsus “BE-200ÇS” amfibiya tipli təyyarədə texniki problem yaranıb. Bununla bağlı təyyarənin ekipajı tərəfindən Lənkəran Beynəlxalq Hava Limanına təcili enmə qərarı verilib. Ekipaj üzvlərinin peşəkarlığı sayəsində təyyarə saat 16:38-də Lənkəran Beynəlxalq Hava Limanına qəza enişi edib. Hadisə nəticəsində xəsarət alan olmayıb.
28-08-2022, 21:00
Ronaldo bu kluba keçir
"Mançester Yunayted” klubunun hücumçusu Kriştiano Ronaldo İtaliyanın ”Napoli” komandasına keçməyə razılıq verib. Butov.az xəbər verir ki, transfer yaxın vaxtlarda reallaşacaq. Məlumata görə, “Napoli”nin icarəyə götürəcəyi portuqaliyalı ulduz futbolçunun maaşını tam olaraq "Mançester Yunayted” ödəyəcək. Bununla bərabər, “Napoli”nin hücumçusu Viktor Osimxenin 100 milyon avro müqabilində "Mançester Yunayted”ə keçməsi planlaşdırılır.
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!