Ərdoğanın “nurçu”lara qarşı ikinci savaşı

Əlaqə Haqqımızda

Azərbaycan və Türkiyənin XİN Başçıları görüşdü

And Yerimiz

Xocalı şəhərinə növbəti köç oldu

Günel Natiqin yeni kitabının təqdimatı

Azərbaycanın hərb tarixinə dair kitab çapdan çıxıb

Aprelin 26-da Günel Natiqin yeni kitabı təqdim ediləcək

Nağıldan gerçəkliyə uşaq sevgisi: Dürrə Rzayeva ilə Müsahibə

ADF MK-NIN BƏYANATI

Növbəti hədəfimiz Qərbi Azərbaycana qayıdışdır

Xaçmazda Azərbaycan Teatr Xadimləri İttifaqı İdarə heyətinin səyyar iclası keçirilib.

Növbəti köç karvanı Həsənriz kəndinə çatdı

İspaniyada fövqəladə vəziyyət elan olundu ..... Millimizin üzvü Dünya kubokunun qalibi oldu ..... Pezeşkianın Azərbaycana səfəri başa çatdı ..... Məşhur yazıçı qətlə yetirildi ..... Xalq artisti yıxıldı, qolu sındı ..... "Neftçi" Sumqayıtda xal itirdi ..... Pekin Trampı təkzib etdi - Liderlər danışmayıb... ..... Rusiya ilə münasibətləri pozmaq niyyətimiz yoxdur - Paşinyan ..... İrandakı partlayışda ölənlərin sayı artdı .....

Tarix : 22-09-2015, 10:31

Ərdoğanın “nurçu”lara qarşı ikinci savaşı - Azərbaycanda

Sentyabrın 20-də Yasamal rayon 29-cu polis bölməsi və MTN rayon şöbəsi əməkdaşlarının keçirdikləri birgə əməliyyat zamanı X.Mustafayev küçəsində yaşayan Mübariz Əsədovun evində 85 nəfər saxlanıb. Onlar “nurçu” dini cərəyanının tərəfdarı olmaqda günahlandırılır. Daxili İşlər Nazirliyinin məlumatına görə, axtarış vaxtı evdən 3000 nüsxə qadağan olunmuş dini kitab götürülüb.

Az sonra saxlananlar buraxılıb, 2 nəfərin barəsində dini etiqad haqqında qanunvericiliyin pozulması, 5 nəfərin barəsində dini qurumların yaradılması və fəaliyyəti qaydalarının pozulması maddəsi ilə protokol tərtib edilib.

Qeyd edək ki, Türkiyə hakimiyyəti onların lideri, Fətullah Güləni dövlət əleyhinə fəaliyyətdə ittiham etdikdən sonra Azərbaycanda da “nurçu”lara qarşı təqiblər başlanıb. Bundan sonra Azərbaycanda Fətullah Gülənlə bağlı təhsil müəssisələri ləğv edilib.

Butov.az xəbər verir ki, “Azadlıq” qəzetinin yazdığına görə, “nurçu”lara qarşı reyd Türkiyənin xarici işlər nazirinin Bakı səfərindən sonra baş verməsi maraqlıdır. Bu addımı rəsmi Bakının Ankaraya qarşı jesti saymaq olarmı? Proseslərin növbəti mərhələsi necə ola bilər?

Təhlükəsizlik məsələləri üzrə ekspert Sülhəddin Əkbər bildirib ki, Türkiyə bir tərəfdən PKK, digər tərəfdən isə Suriya cəbhəsində müharibə aparır. Azərbaycanın illərdir Türkiyəyə PKK ilə mübarizədə dəstək vermədiyini xatırladan S.Əkbər bildirdi ki, ona görə Azərbaycan tərəfi “nurçulara” qarşı tədbir görməklə Türkiyəyə jest edir: “Amma bu gün Azərbaycan üçün ən böyük təhlükə məhz PKK-dır. Terror təşkilatı iki dəfə Bakı-Ərzurum kəmərini partladıb. Bundan başqa, Türkiyədən Naxçıvana gedən yolda da intensiv hadisələr baş verir. Bu baxımdan PKK birbaşa Azərbaycanın maraqlarını təhdid edir. Ona görə hakimiyyət ”nurçulara” qarşı necə mübarizə aparırsa, ondan bir qədər artığını da PKK-ya qarşı aparmalıdır”.

“Atlas” Araşdırmalar Mərkəzinin rəhbəri Elxan Şahinoğlu bildirib ki, bir ara belə təəssürat yaranmışdı ki, Ərdoğanın “nurçulara” qarşı mübarizəsi zəifləyib. Çünki PKK mövzusu daha aktual idi: “Sanki Ərdoğanın ”paralel dövlət” adlandırdığı qurum ilə mübarizəsi zəifləyib və arxa plana keçib. Amma Ərdoğan son çıxışlarında bəyan etdi ki, “paralel dövlət” PKK ilə əlbirdir. Əgər əvvəl Ərdoğan “nurçuları” dövlət çevrilişində ittiham edirdisə, hazırda ittiham terror təşkilatına dəstəklə bağlıdır. Bu daha sərt ittihamdır. Bu, Türkiyə cəmiyyətini “nurçularla” üz-üzə qoymaq istiqamətidir. Əgər hakimiyyət “nurçulara” qarşı belə bir sərt mövqe ortaya qoyubsa, deməli, xaricdə də bu təşkilatın üzvlərinə qarşı mübarizə sərtləşə bilər”.

Türkiyənin xarici işlər nazirinin Bakı səfəri zamanı əsasən Qarabağ məsələsini və PKK terrorunu müzakirə etdiyini deyən E.Şahinoğlu vurğuladı ki, amma belə görünür, Ankara yenidən Bakı qarşısında “nurçulara” qarşı mübarizə məsələsini aktuallaşdırıb: “Düzdür, Azərbaycan rəhbərliyi ”nurçularla” bağlı bir sıra addımlar atılıb. Dövlət vəzifəsi tutan şəxslər postlarından uzaqlaşdırılıb. Amma “nurçular” medialarını qorumağı bacardılar. Amma bir gün ərzində 85 nəfərin həbsi sübut edir ki, bu, düşünülmüş və əvvəlcədən planlaşdırılan əməliyyat idi. Bunun ardınca nələr baş verə bilər? Noyabrın 1-də Ərdoğan seçkilərdə qalib gələrsə, o, “nurçulara” qarşı addımlarını gücləndirə bilər. Bu isə o deməkdir ki, Türkiyə Azərbaycan hakimiyyətindən də oxşar addımların atılmasını istəyə bilər”.

Butov.az

Paylaş

Bölmə: Siyasət / Karusel / Slayd / Xəbər lenti