Rəsmi Bakı Qərbi yox, Rusiyanı seçir (FOTO)

Əlaqə Haqqımızda

Azərbaycan və Türkiyənin XİN Başçıları görüşdü

Dr. Müqəddəs Sancar və Səlcuq Bayraktar.

“Qarabağın xalça xəritəsi” - FOTO

Andımız

Məryəm GƏNCƏLİYEVA yazır:

Yandırılmış Kitablar üçün Mərsiyə

“Estetik Təzyiq: Gözəllik Standartlarının Səhnəarxası”

“Yağış Suları və Şəhərlər: Kollektor Problemi”

Zamanımızın “MOLLA NƏSRƏDDİN”i

Müəllimimizi təbrik edirik!

Qulu Məhərrəmlinin 70 illik yubileyinə həsr olunmuş elmi sessiya keçirilib

Nigar harda olsa Azərbaycan üçün yaşayacaq

“İslam Respublikasının Sovet İttifaqından öyrəndiyi davranış”

Seyfəddin RZASOY yazır: ..... Məryəm GƏNCƏLİYEVA yazır: ..... "Neftçi" heç-heçə etdi ..... Seçkilərdə namizədliyi qeydə alınan şəxs öldü ..... Vilayət Eyvazov bu rayona polis rəisi təyin etdi ..... Ötən gün 11 kiloqramdan artıq narkotik vasitə aşkarlandı ..... TIR sürücüsü olan Türkiyə vətəndaşı ölüb ..... Suriyanın yeni xarici işlər naziri təyin edilib ..... Köç karvanı Şuşa şəhərinə çatıb - FOTO .....

Tarix : 21-09-2015, 10:20

Rəsmi Bakı Qərbi yox, Rusiyanı seçir (FOTO)

Bakı dərk etməyə başlayıb ki, "Moskva Vilayət Komitəsi" ona daha yaxındır, çünki oradakı xalçalardan hələ bolşevizmin qoxusu yox olmayıb. Bakıda Rusiyanı daha yaxşı anlayırlar, hiss edirlər, amma Azərbaycanda Qərblə bağlı heç nə alınmır."

Butov.az ANS PRESS-in məlumatına əsasən xəbər verir ki, bunu "Yaxın Şərq – Qafqaz" Tədqiqat Mərkəzinin direktoru Stanislav Tarasov bildirib.

Onun sözlərinə görə, Azərbaycanın Avropa Şurası Parlament Assambleyasındakı (AŞPA) nümayəndə heyətinin başçısı Səməd Seyidovun Avropa Parlamentinin deputatlarını birləşdirən "Avronest" təşkilatında və Avropa İttifaqının "Şərq Tərəfdaşlığı" proqramında Bakının fəaliyyətini dondurmağı təklif etdi. Daha əvvəl Azərbaycan Prezidenti İlham Əliyev Avropa İttifaqını kəskin tənqidə məruz qoydu. Beləliklə, Bakı mövqeyini şimala - Moskvaya doğru kəskin çevirə bilər.

Azərbaycan parlamentinin sədri Oqtay Əsədov da Avropa Parlamentinin başçısı Martin Şultsu kəskin tənqidə məruz qoyub, onu "korlanmış lobbistlərlə" əməkdaşlıqda ittiham edib: "Biz beynəlxalq təşkilatlarda Azərbaycanın iştirakı haqqında qəti qərarı qəbul etməliyik. Hesab edirəm ki, biz Avropa İttifaqının "Şərq Tərəfdaşlığı" proqramında bizim iştirakımıza yenidən baxılması üçün Nazirlər Kabinetinə müraciət etməliyik. Avropa Parlamenti "Azərbaycan barəsində qərəzli qətnamələri" qəbul edərək, "davranış qaydalarını pozur" və "Bakını Dağlıq Qarabağ məsələsində müəyyən şərtləri qəbul etməyə məcbur etmək" hədəfinə nail olmağa çalışır. Azərbaycan əmindir ki, bu, "erməni dəyirmanına su tökmək" xarakteri daşıyır."

Avropa Parlamenti

Xatırladaq ki, bu il sentyabrın 10-da Avropa Parlamentinin qəbul etdiyi qətnamədə Azərbaycanda insan hüquqları ilə bağlı vəziyyət sərt tənqid olunur. Bundan başqa, ilk dəfə Azərbaycan məmurlarına - siyasi motivlər üzrə vətəndaşları təqib edən hakimlərə və siyasətçilərə qarşı sanksiyaların tətbiqi haqqında məsələ qaldırılır.

Təbii ki, bu qərara Bakının reaksiyası daha sərt olmalı idi. Xarici işlər nazirinin müavini Mahmud Məmmədquliyev qətnaməni "qərəzli və dağıdıcı" adlandıraraq vurğuladı ki, bu, Azərbaycan və Avropa İttifaqı arasında münasibətlərə zərbə vurur. Həmçinin əməkdaşlığın sonrakı perspektivlərinə ciddi maneələr yaradır.

Avropa İttifaqının Azərbaycandakı nümayəndəliyinin rəhbəri xanım Malena Mard respublikanın Xarici İşlər Nazirliyinə çağırıldı. Avropa Komissiyası nümayəndə heyətinin Bakıya səfəri ləğv olundu. Bakıda Azərbaycan və Avropa İttifaqı arasında strateji əməkdaşlıq haqqında yeni razılaşmanın hazırlanması ilə bağlı müzakirə aparmaq planlaşdırılsa da, bu, baş tutmadı.

Azərbaycan Prezidenti İlham Əliyev hələ bu ilin iyulunda ölkəsinin Avropa strukturlarına inteqrasiya məsələsinə toxundu: "Mənəvi və iqtisadi böhran artıq Avropada reallığa çevrilib. Bu, bizi fikirləşməyə məcbur edir və biz fikirləşməliyik, Azərbaycan Avropa strukturlarına nə qədər inteqrasiya etməlidir."

S.Tarasov deyir ki, bununla da Azərbaycan ətrafında baş verən son hadisələrin zəncirində qırılmalar oldu. Belə ki, daha əvvəl Avropa İttifaqı enerji resurslarlarının alternativ mənbəyi kimi Bakını göstərirdi. Amma qalmaqallı qətnamənin qəbulu Azərbaycan istiqamətində qərb diplomatiyasının müvəffəqiyyətsizliyi oldu.

"Tamamilə anlaşılmayan səbəbdən Azərbaycan birdən ABŞ tərəfindən hücuma məruz qalmağa başladı, Azərbaycan guya insan hüquqlarının pozulması bəhanəsi ilə kəskin tənqidlə üzləşdi. Sonra Avropa Parlamentində kəskin qətnamə meydana çıxdı. Üstəlik, Bakı Qarabağ probleminin həllində Avropa İttifaqının öz baxışına malik olmasından çoxdan şübhələnirdi. Ona görə də Azərbaycanın cavab reaksiyası çox sərt oldu və bunun erməni lobbisinin işi kimi qiymətləndirdi, Avropa Parlamentində korrupsiyanın mövcudluğunu bildirdi. Bu qətnamənin qəbulunda alman və erməni elementləri ola bilər. Yəni hər şey ciddi siyasi səbəblərlə əsaslanır", – ekspert vurğulayır.

Stanislav Tarasov - politoloq

Tədqiqat mərkəzinin direktoru bildirir ki, Azərbaycanın bütün bu proseslərdən çıxış yolu kimi xarici siyasət prinsiplərinə yenidən baxması ola bilər. Bu halda istisna deyil ki, Bakı qərb yönümlü oriyentasiyasını Rusiya istiqamətinə dəyişdirəcək: "Ehtimal ki, burada Türkiyənin mümkün iştirakı ilə hansısa bir lokal layihə doğulur. İki türk ölkəsi indi sözün geosiyasi mənasında depressiya vəziyyətindədir. İranın beynəlxalq səhnəyə çıxışı Türkiyə və Azərbaycan üçün sürpriz oldu. Bu ölkələr anladılar ki, onları dondurulmuş vəziyyətdə saxlayırlar, geosiyasi üstünlüklərinə mane olurlar, təbii ehtiyatlarını konversiya etmək imkanından və xüsusilə Dağlıq Qarabağ münaqişəsinin həllindən uzaqlaşdırırlar. Bu isə Avropa ilə bağlı qıcıqlanmanın elementlərinin görünməsinə əsas yaratdı."

Avropa İttifaqı

Ekspert proqnozlaşdırır ki, əgər Azərbaycan həqiqətən bir sıra Avropa institutlarından çıxmağa üstünlük verəcəksə, onda "Şərq Tərəfdaşlığı"ndan imtina ilk addım olacaq. Bu proqrama Ermənistan, Belarus, Gürcüstan, Moldova və Ukrayna daxildir. Həmçinin ATƏT-in Minsk qrupunun işindən imtina da ola bilər: "Bakı bu qrupdan çıxan kimi, onlar əks vəziyyətə keçəcəklər və Ermənistanla birgə başlanğıc üçün hansısa hərbi münaqişə şəraiti yaranacaq.

Əgər Azərbaycanı bu təxribata çəkərlərsə, o, beynəlxalq dəstəkdən məhrum olacaq. Bu halda istisna edilməməlidir ki, ABŞ ilə birlikdə Avropa İttifaqı Qarabağ münaqişəsi barəsində doğrudan da hansısa yeni layihəni həyata keçirməyə başlasın. Onlar Azərbaycanı yenilənmiş Madrid prinsiplərini həyata keçirməyə məcbur edirlər, hansı ki, bir neçə rayonun işğaldan azad olmasından və Qarabağa xüsusi aralıq statusunun verilməsindən ibarətdir.

Bu isə onu göstərir ki, Dağlıq Qarabağ tərəf kimi danışıqlar prosesinin iştirakçısı olur. Əgər belə status qərarı alınacaqsa, onda Dağlıq Qarabağda beynəlxalq təşkilatlar nümayəndəlik ofislərini açacaq. ATƏT və Avropa Məsləhət Şurası səfir göndərməyə bilər, amma müvəqqəti işlər vəkilləri, məsləhətçilər və xarici ölkələrin nümayəndələri kimi təmsil olunacaq. Bu isə o deməkdir ki, Qarabağa dövlət statusu verilməyə başlanılır. Azərbaycan isə heç vaxt buna razılıq vermək istəmir və buna daim etirazlarını bildirir."

Rusiyanın paytaxtı-Moskva

Ekspert fikrini belə yekunlaşdırır: "Buna görə Azərbaycan uzunmüddətli strategiyanı reallaşdırmağa başlaya bilər. Onun üçün ən perspektivli seçim – şimala döngədir və yeni formatda öz problemlərini həll etmək cəhdi üçün Avrasiya İqtisadi İttifaqına girişdir. Amma Bakının hansı seçimi edəcəyini demək çətindir. Azərbaycan Moskva Vilayət Komitəsindən" gedib, "Vaşinqton Vilayət Komitəsinə" düşdü. İndi o anlamağa başlayır ki, "Moskva Vilayət Komitəsi" ona daha yaxın, çünki orada hələ xalçalardan bolşevizmin qoxusu gəlir. Onlar Rusiyanı daha yaxşı anlayırlar, hiss edirlər. Onlarda Qərblə bağlı heç nə alınmır."

Bu arada “Rossiya 1” telekanalında efirə gedən həftəlik “Vesti nedeli” (Həftənin xəbərləri) verilişində Avropa Parlamentinin Azərbaycana qarşı qərəzli münasibətinə dair reportaj yayımlanıb. Reportajda Azərbaycanın ali qanunverici orqanı Milli Məclisin Avropa Parlamenti ilə münasibətlərin kəsilməsi ilə bağlı qərarından danışılır: “Bu, Avropa Parlamentinin Azərbaycanın “ölkədə daima insan haqlarının pozulması” və “vətəndaş cəmiyyətinə qarşı daimi represiyyalar”da ittiham edildiyi qətnaməsinə cavabdır.”