Butov.az "Ölkə.Az"-a istinadən xəbər verir ki, NATO-ya üzv ölkələr müdafiə xərclərini artırmasa, ABŞ alyansa olan dəstəyini azaldacaq. Nazir bu barədə iştirak etdiyi ilk NATO müdafiə nazirlərinin iclasında çıxış edib. Mattis NATO-ya üzvlərinin ölkə iqtisadiyyatının 2%-ini müdafiəyə xərcləməsinə dair planı yerinə yetirmələrini tələb edib.

Nazir deyib: "Amerikalı vergi ödəyiciləri Qərbin dəyərlərini müdafiə etmək üçün pul ayırmağı boyunlarına götürə bilməzlər. Amerikalılar sizin uşaqlarınızın təhlükəsizliyinə sizdən çox önəm verə bilməz. Hərbi sahədə hazır olmağı ciddi qəbul etməmək bizə, ittifaqa, bizə miras qalan azadlığa hörmətsizlik kimi qəbul edilir".

Nazir davam edib: "ABŞ məsul olduğu məsələləri həll edəcək. Amma xalqlarınız ABŞ-ın alyansa olan öhdəliklərini azaltdığını görmək istəmirsə, hər bir paytaxt ortaq müdafiəmizə verdiyi dəstəyi göstərməlidir".

NATO üzvlərindən İngiltərə, Estoniya, Polşa, Yunanıstan və ABŞ müdafiəyə 2 % pul ayırır. İqtisadiyyatı güclü olan ölkələrdən Fransanın müdafiə xərcləri 1.78 %-dir. Almaniyada bu rəqəm 1.19 %, İtaliyada 1.11 %, Kanadada 0.99%, Türkiyədə isə 1.56% təşkil edir.