“Crocus City Hall”da törədilən terrora görə daha bir nəfər saxlanıldı .....                        Boksçularımız beynəlxalq turniri 21 medalla başa vurdular .....                        Erməni spiker Sahibə Qafarova ilə görüşündən danışdı .....                        Bişkekdə fövqəladə vəziyyət elan olundu .....                        Lavrov: “Ermənistan uydurma bəhanələrlə son üç ilin tarixini təhrif edir” .....                        AZƏRTAC-ın sabiq sədri təltif olundu .....                        Moskvada baş verən terror aktında “Ukrayna izi” aşkarlandı .....                        Mingəçevirdə yataqxana binasında yanğın baş verdi - FHN cəlb olundu - VİDEO .....                        Əlillərə məxsus maşınlara taksi fəaliyyəti göstərmək qadağan edildi .....                       
Tarix : 7-06-2017, 10:17
“MEK MARKALAR KOLLEKSİYASININ TƏQDİMATINI KEÇİRDİ” - FOTOLAR
AMEA Mərkəzi Elmi Kitabxanası (MEK) markalar kolleksiyasının təqdimatını keçirdi.

Mərkəzi Elmi Kitabxananın direktoru Leyla İmanova markalar haqqında hər kəsin məlumatlı olduğunu söyləyib. L.İmanovanın dediyinə görə markalarda ölkənin tarixi, önəm verdiyi məqamlar, faktlar və yaxud başqa ölkənin digəri barədə vermək istədiyi məlumatlar əks olunur. Direktor Azərbaycan Filatelistlər İttifaqının üzvlərinin kolleksiyalarının unikal olduğunu, həmin kolleksiyaları rəqəmsal versiyada MEK-ə təqdim etməyi təklif etdi. Gələcək perspektivdə markaların rəqəmsal versiyasının mübadiləsinin mümkünlüyündən danışdı.

Təqdimatçı MEK-in Nadir kitab fondunun əməkdaşı Leyla Ələkbərli təqdimatla geniş çıxış etdi. Kolleksiyanın tematikasının müxtəlif çalarlı 648 ədəd markadan ibarət olduğunu və Nadir kitab fondunda mühafizə edildiyini bildirdi. Poçt markalarının yaranma tarixindən danışan L.Ələkbərli Azərbaycanda ilk dəfə markanın Azərbaycan Xalq Cumhuriyyətinin yaranması münasibətilə çap edildiyini, üzərində əlində üçrəngli bayraq olan əsgər təsvir olunduğunu tədbir iştirakçılarının diqqətinə çatdırdı. 1919-23-cü illərdə çap olunan 10 ədəd markanın fondda qorunub saxlanıldığını qeyd etdi. Təqdimatçı 2016-cı ildə Rabitə və İnformasiya Texnologiyaları Nazirliyi tərəfindən çap edilmiş, “Azərmarka” şirkətinin yaranmasının 20-ci ildönümünə həsr olunmuş Azərbaycan Respublikasının poçt markalarının kataloqu və DVD diskinin MEK-ə təqdim edildiyini xatırlatdı. Bu markalarda siyasi motivlərə, dövlət hakimiyyətinin atributlarına, görkəmli xadimlərə, idmana, flora və faunaya, memarlığa, vətənimizin tarixinə və beynəlxalq əməkdaşlığa dair zəngin təsvirlərə geniş yer verildiyini, dünya miqyasında istifadə edilən filateliya kataloqlarına, jurnallara göndərildiyini, beynəlxalq filateliya sərgilərində nümayiş olunduğunu, bir sıra diplom və medallarla təltif olunduğunu vurğuladı. Kolleksiyada ümummili lider Heydər Əliyevə həsr olunmuş poçt markalarının xüsusi yer tutduğunu bildirdi. Azərbaycan Respublikasının Los Anceles şəhərindəki Baş konsulluğun təşəbbüsü və dəstəyi ilə Azərbaycan klassik musiqisinin qurucusu, dahi bəstəkar Üzeyir Hacıbəylinin 130 illik, vokal sənətimizin əvəzsiz təmsilçisi Rəşid Behbudovun isə 100 illik yubileyi ilə əlaqədar ABŞ-da 2015-ci ilin 16 sentyabr tarixində xüsusi poçt markaları buraxıldığını, sözügedən markaların nüsxələrinin Azərbaycan Respublikası Xarici İşlər Nazirliyi tərəfindən kitabxanaya təqdim olunduğunu söylədi. L.Ələkbərli poçt markalarının elektron kataloqunun yaradıldığını, rəqəmsalaşdırılaraq Milli Rəqəmsal Yaddaş bazasına daxil edildiyini qeyd etdi.

Azərbaycan Filatelistlər İttifaqının üzvü Fuad Abdulrəhimzadə filateliyanın dünyada dərin məzmunlu bir elm sahəsi kimi tanındığını və peşəkar kolleksiyaçıların məlumatlılıq baxımından alimlərlə bərabər olduqlarını bildirdi. Kolleksioner kiçik yaşlarından markalara qarşı maraq oyandığını, lakin əvvəllər yalnız post-sovet məkanında buraxılan poçt markalarını topladığını qeyd etdi. Azərbaycan müstəqillik qazandıqdan və “Azərmarka” şirkəti yarandıqdan sonra müxtəlif tematikalı, Azərbaycanda və xaricdə dövriyyə buraxılan markaları asanlıqla əldə etdiklərini dedi. Kolleksiyaçı Cahangir Bağırov XX əsrin 50-ci illərindən bu günə qədər marka topladığını dedi.

MEK-in Kitabxana-xidmət şöbəsinin müdiri Aygün Səfərova Komplektləşdirmə bölməsinin rəhbəri Nazilə Hüseynovanın markalar kolleksiyanın toplanılmasında, elektron kataloqa salınmasında xüsusi əməyinin olduğunu vurğuladı.

MEK-də mühafizə olunan marka kolleksiyasının təqdimatı əməkdaşlıq perspektivlərinin müzakirəsi ilə başa çatdı.
“MEK MARKALAR KOLLEKSİYASININ TƏQDİMATINI KEÇİRDİ” - FOTOLAR
“MEK MARKALAR KOLLEKSİYASININ TƏQDİMATINI KEÇİRDİ” - FOTOLAR
“MEK MARKALAR KOLLEKSİYASININ TƏQDİMATINI KEÇİRDİ” - FOTOLAR
“MEK MARKALAR KOLLEKSİYASININ TƏQDİMATINI KEÇİRDİ” - FOTOLAR

“MEK MARKALAR KOLLEKSİYASININ TƏQDİMATINI KEÇİRDİ” - FOTOLAR


Paylaş



Bölmə: Sosial / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Reklam
Hava
Valyuta
Reklam

Sayğac
Ən çox baxılanlar
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!