3-12-2021, 10:50
Dünya bazarında neft qiymətlərində artım müşahidə olunur.
WTI markalı neftin yanvar fyuçersləri 1,94 % bahalaşaraq bir bareli 67,79 ABŞ dolları olub.
“Brent” markalı neftin fevral fyuçersləri 1,87 % bahalaşaraq bir bareli 70,97 ABŞ dolları təşkil edib.
Mənbə: Bloomberg
Bütöv.az
2-12-2021, 20:29
Bu günə qədər Azərbaycan Qida Təhlükəsizliyi Agentliyi (AQTA) Bakı şəhəri və regionlarda yerləşən 220 məktəbəqədər təhsil müəssisəsində monitorinq keçirib.
Agentlikdən “Report”un sorğusuna cavab olaraq bildirib ki, monitorinqlər zamanı 205 bağçada 1 236 nöqsan aşkar edilərək qanunvericiliklə müəyyən edilmiş qaydada tədbirlər görülüb.
Qeyd olunub ki, AQTA ölkə üzrə fəaliyyət göstərən məktəbəqədər təhsil müəssisələrində yoxlamaları davam etdirir: "Bu ilin oktyabrın 4-dən başlayan yoxlamalar çərçivəsində məktəbəqədər təhsil müəssisələrində qidalanmanın Nazirlər Kabinetinin 103 saylı qərarında göstərilən qida normalarına uyğun təşkil edilməsi, qida təhlükəsizliyi sahəsində texniki normativ hüquqi aktların tələblərinin yerinə yetirilməsi vəziyyətinin qiymətləndirilməsi, həmçinin yeyinti məhsullarının tədarük prosesi, onların saxlanması, daşınması, realizə olunması, markalanma və qablaşdırılmasına dair tələblərə əməl olunması yoxlanılır. Bununla yanaşı, mütəxəssislər tərəfindən bağçalarda yeyinti məhsullarının hazırlandığı və saxlandığı sahələrin sanitar-texniki və sanitar-gigiyenik normalara uyğunluğuna yerində baxış keçirilir.
Bütöv.az
2-12-2021, 20:03
Noyabrın 30-da DSX-nin Mi-17 tipli hərbi helikopterinin Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğraması ilə bağlı bəzi detallar ilk dəfə açıqlanıb.
“Real TV” xəbər verir ki, qəzaya uğramazdan əvvəl helikopter II helikopterə eniş komandası verə bilib.
Daha ətraflı aşağıdakı süjetdə:
[media=https://www.youtube.com/watch?v=hd75gJ1KeOU]
Bütöv.az
2-12-2021, 19:54
Dekabr ayında bütün dünyada hava nəqliyyatından istifadə edənlərin sayında artım müşahidə olunur. Çünki qış turizm mövsümünün başlaması və Yeni il bayramı məhz bu aya təsadüf edir. Pandemiyadan əvvəl, dekabr aylarında xarici ölkəyə üz tutan vətəndaşlarımızn sayı da həmişə çox olub. Lakin Azərbaycandan xarici ölkəyə səfər etmək elə də asan məsələ deyil.
“Azərbaycan Hava Yolları Dövlət Şirkəti” (AZAL)- nin bilet qiymətlərinin baha olması əksər vətəndaşın bu arzusunu ürəyində qoyub. Bu problem illərdir Milli Məclisdə, media və televiziyada gündəmə gətirlisə də, həllini tapmayıb. Azərbaycandan nəinki uzaq məsafələrə səyahət etmək, qonşu ölkələrə uçmaq belə xeyli vəsait tələb edir. Bilet qiymətlərinin yüksək olmasından ən çox əziyyət çəkənlər isə tələbələrdir.
Məlumat üçün qeyd edək ki, 1992-ci ildə yaradılmış AZAL-ın donanmasına “Boeing” və “Airbus” şirkətlərinin istehsalı olan 18 sərnişin təyyarəsi daxildir. AZAL ölkəxarici 50 şəhərə, ölkədaxili isə 2 şəhərə müntəzəm uçuşlar həyata keçirir. Hazırda hava yolu ilə sərnişin daşımalarının 97 faizi AZAL-ın tabeliyindədir. Ölkədə “Buta” və Türk Hava Yolları (THY) şirkətləri də fəaliyyət göstərir. Lakin AZAL monopolist siyasətlə bu şirkətləri də özünə tabe etməyi bacarıb.
2020-ci ildə pandemiyanın vurduğu zərəri aradan qaldırmaq üçün dövlət büdcəsindən AZAL-a 87 milyon manat dotasiya verilib. Buna baxmayaraq şirkət həmin ili 160 milyon manat zərərlə başa vurduğunu açıqlayıb.
Vətəndaşlar da AZAL-ın satdığı biletlərin qiymətlərindən narazıdırlar. Onlar qonşu ölkələrdəki bilet qiymətlərinin Azərbaycandan dəfələrlə ucuz olduğunu vurğulayırlar.
Paytaxat sakini Taleh Muradov “AzPolitika.info”ya bildirib ki, təhsili ilə bağlı tez-tez Türkiyəyə səfər etməli olur: “Təyyarə qiyməti çox baha olduğundan avtobusdan istifadə edirdim. Lakin hazırda pandemiya ilə əlaqədar bu mümkün deyil. Bakıya təyyarə ilə gedib-gəlmək üçün 600 manatdan çox xərcim çıxır”.
Pərviz Əsgərov qeyd edir ki, ən sərfəli üsul Gürcüstan Hava Yolları ilə səyahət etməkdir: “Bir çox vətəndaşımız bu cür dolayı yollarla xaricə üz tutur. Çünki Gürcüstanda onlarla şirkət 40-50 avro qarşılığında istənilən Avropa ölkəsinə uçuşlar edir”.
Azər Əliyev isə bildirib ki, qiymətər aşağı olmalıdır ki, bütün vətəndaşlar rahat səyahət edə bilsinlər: “Düşünürəm ki, AZAL-ın özəlləşdirilməsi həm vətəndaşlara sərf edər, həm də ölkədəki turizm inkişaf etmiş olar”.
Dövlət Statistika Komitəsinin (DSK) məlumatına əsasən,cari ilin 9 ayında ölkədaxili biletlərin qiyməti sabit qalıb. Bir gedişin qiyməti 53.67 manat təşkil edib. Xarici səfərlərlə bağlı hər gedişin qiyməti isə 1.3 faiz bahalaşaraq 724.27 manata yüksəlib. Təyyarələrin dövlət tərəfindən alındığını, hava limanlarının dövlət büdcəsinin vəsaiti ilə tikildiyini nəzərə alsaq, AZAL-ın bilet qiymətlərini vətəndaşlara bu qədər baha satması anlaşılan deyil.
Məsələn, 31 dekabr tarixindəki Tbilis-İstanbul reysi “Pegasus” Hava Yolları vasitəsilə 82 manat təşkil edirsə, eyni tarixdəki Bakı-İstanbul reysini AZAL 359 manata təklif edir. Yəni Gürcüstandan 4 dəfə baha qiymətə.
İqtisadçı ekspert Xalid Kərimli “AzPolitika.info”ya bildirib ki, pandemiyanın yaratdığı yeni reallıqlar, hava şirkətlərinin uçuş xərcini artırıb: “Bunun bir çox səbəbi var. İlk növbədə dünyada “ağ benzin”in qiyməti bahalaşıb. Bundan başqa yeni təyyarələrin qiyməti yüksəlib, epidemioloji vəziyyət şirkətlərin uçuş qrafikinin tez-tez dəyişməsinə, planlarının yenilənməsinə səbəb olub. Tez-tez qapanmalar olduğundan, insanlar biletlərini qaytarırlar. Nəticədə reyslər təxirə salınır, ya da təyyarədə çox az adam olur. Bu nüansların hər biri aviaşirkətlərin xərcinin artmasına səbəb olur. Pandemiyadan əvvəl şirkətlər növbəti illərin planlamasını aparıla bilirdisə, hazırda bu qeyri-müəyyən formada həyata keçirilir”.
Ekspert qeyd edir ki, AZAL-ın dövlət şirkəti olması onun xərclərini xeyli artırır: “AZAL dövlət mülkiyyəti olduğundan xərcləri minimallaşdırmaq və optimallaşdırmaq şirkət rəhbərlərinin marağında deyil. Həmçinin AZAL-ın monopolist şirkət olması da hamıya məlumdur. Aydındır ki, rəqabət olmayan yerdə hər zaman xərclər qeyri-müəyyən olur və bu da biletlərin qiymətinə təsirsiz ötüşmür. Hava limanlarının AZAL-ın idarəetməsində olması da beynəxalq şirkətlərlə maraqların toqquşmasına səbəb olur. AZAL hava limanlarının sahibi olduğundan istədiyi aviaşirkətləri ora buraxır və ya buraxmır. Bundan əziyyət çəkənlər isə vətəndaşlar olur”.
Ekspert xatırladır ki, əksər dövlət şirkətlərində olduğu kimi AZAL da eyni üsuldan istifadə edir: ”Yeni satınalmaları, müxtəlif xərcləri dövlət şirkətləri qarşılayır. İşin gəlirli sahələri isə, məsələn daşımalar, bilet satışı hansısa məmurun sahibi olduğu şirkət tərəfindən yerinə yetirilir. Yəni işin xərc hissəsini dövlət şirkətləri, rahat və gəlirli hissəsini isə fərdi şəxslərin sahibləndiyi şirkətlər reallaşdırır. Nəticədə bu gəlirlər dövlət büdcəsindən yayınaraq, həmin sahibkarın cibinə daxil olur. Qeyd etdiyimiz bütün bu amillər AZAL-ın qiymətləri optimallaşdırmasına mane olur”.
Qiymətlərin bu qədər baha olması turizm sektoruna da mənfi təsir göstərir. Hər il Azərbaycanda turizmin inkişafı üçün büdcədən milyonlarla manat pul ayrılır. Bakıda və bölgələrdə yeni turizm sahələri yaradılır. Lakin nədənsə bilet qiymətlərində turizm adına müsbət addım atılmır. Nəzərə almaq lazımdır ki, turist təkcə gedəcəyi yerlə yox, bilet qiymətləri ilə də maraqlanır. Bu zaman sual olunur, “təyyarə xidmətinin bu qədər baha təklif olunması, ölkədəki digər qiymətlərlə bağlı turistlərdə hansı təəssüratı yaradır?”.
Dövlət Turizm Agentliyinin mətbuat xidmətinin nümayəndəsi Fikrət Təhməzov “AzPolitika.info”ya bildirdi ki, təbii olaraq bilet qiymətlərinin baha olması ölkədə turizmin inkşafını ləngidən amillərdəndir: “İqtisadi nəzəriyyə bunu göstərir ki, aşağı qiymətlər adətən satışların həcmini çoxaldır və bu, turizmə müsbət təsir göstərir: ”Bilet qiymətlərinin müəyyən olunması isə “Azərbaycan Hava Yolları” QSC-nin səlahiyyətindədir”.
AZAL-ın məlumat mərkəzindən isə “AzPolitika.info” ya bildirildi ki, mütəmadi olaraq yeniliklər və kampaniyalar haqqında sosial şəbəkədə və rəsmi saytda sərnişinlərə məlumat verilir: “Həmçinin qeyd olunub ki, pandemiya dövründə yaranan zərərlərin, yanacağın və daşıma xərclərinin artmasıyla əlaqədar yaxın tarixdə bilet qiymətlərinin ucuzlaşması gözlənilmir”.
(“AzPolitika.info”)
Bütöv.az
2-12-2021, 19:50
Azərbaycan Dövlət Neft Şirkətinin (SOCAR) ölkədə neft və neft məhsullarının topdan və pərakəndə satışı ilə məşğul olan “SOCAR Petroleum” QSC-yə yeni baş direktoru təyin edilib.
“Report”un məlumatına görə, bu vəzifə Rövşən İmran oğlu Həsənova həvalə edilib. O, bu vəzifədə Toğrul Cavad oğlu Seyidovu əvəzləyib.
Faktı “SOCAR Petroleum” QSC-dən təsdiqləyiblər.
Qeyd edək ki, Rövşən Həsənov “Azərneftyağ” Neft Emalı Zavodunun direktoru vəzifəsində çalışıb.
Xatırladaq ki, “SOCAR Petroleum” QSC Azərbaycan ərazisində neft məhsullarının alqı-satqısının təşkil edilməsi və çoxsahəli nəqliyyat infrastrukturuna, beynəlxalq standartlara uyğun, keyfiyyətli təchizat xidmətinin həyata keçirilməsi məqsədilə 2008-ci ildə təsis edilib.
Şirkətin ilk yanacaqdoldurma məntəqəsi 2010-cu ilin mayın 7-də açılıb. Şirkətin 39 yanacaqdoldurma məntəqəsi və 11 neft məhsullarının saxlama terminalı, 1 sıxlaşdırılmış təbii qaz terminalı və 9 CNG stansiyası fəaliyyət göstərir. “SOCAR Petroleum”da 2 000 nəfərdən çox işçi çalışır.
Bütöv.az
2-12-2021, 13:42
"Korrupsiya, oğurluq, saxtakarlıq və çirkli pulların yuyulması bu məsələnin izahı ola bilər"
Böyük Britaniyanın Milli Cinayət Agentliyi (National Crime Agency – NCA) azərbaycanlı siyasətçi Cavanşir Feyziyevin həyat yoldaşı, oğlu və qardaşı oğlunun bank hesablarında olan 15 milyon funt-sterlinqə (20,5 milyon dollar) əl qoymağa hazırlaşır. Agentlik inanır ki, həmin vəsait 2017-ci ildə OCCRP tərəfindən üzə çıxarılan geniş pulköçürmə sistemindən istifadə edərək yuyulan çirkli puldur.
Feyziyevə və onun ailə üzvlərinə qarşı heç bir cinayət işi açılmayıb. Lakin bazar ertəsi günü keçirilən məhkəmə işində Milli Cinayət Agentliyinin hüquqşünası pulların Azərbaycanın pulyuyan maşını vasitəsilə axıdılması ilə bağlı agentliyin iddialarını ortaya qoyaraq bu barədəki təhlilləri ətraflı şərh edib.
Agentlik iddia edirdi ki, pulun mənbəyi “qanunsuzdur”, çünki pulun mənbəyini gizlətmək üçün saxta sənədlərdən istifadə edərək bir neçə ofşor şirkətlər vasitəsilə Azərbaycandan çıxarılıb.
“Korrupsiya, oğurluq, saxtakarlıq və çirkli pulların yuyulması bu məsələnin izahı ola bilər” – deyə agentlik qeyd edir.
Feyziyev parlamentin üzvüdür və Azərbaycanın avtoritar prezidenti İlham Əliyevin əməkdaşı hesab olunur. O, Azərbaycanın Avropa Birliyində lobbiçilik üçün göstərdiyi səylərdə mühüm vasitəçilik edib.
15 milyon funt-sterlinqdən 7,86 milyonu Feyziyevin həyat yoldaşı Pərvanə Feyziyevaya, 6,4 milyonu isə oğlu Orxan Cavanşirə aiddir. Hər ikisi bu pulun bir miqdarımı İngiltərədə yaşamağa imkan yaratması üçün investisiya vizası proqramına yatırıb.
Həmin məbləğin bir hissəsi, bir milyon funt-sterlinqdən çox vəsait Feyziyevin qardaşı oğlu Elman Cavanşirə məxsusdur.
Lakin Britanya Cinayət Agentliyindən qeyd olunub ki, əsas məsələ Feyziyevin özü ilə bağlıdır, çünki “müsadirə üçün vəsait əsasən onun nəzarəti altında olan bank hesablarından daxil olub”.
Feyziyevlər ailəsinin sözçüsü tərəfindən mediaya deylib ki, onlar Britanya Cinayət Agentliyi tərəfindən açılan cinayət işini qəti şəkildə rədd edirlər və onu “kökdən xətalı” kimi qiymətləndiriblər.
Sözçü, agentliyin “sözügedən vəsaitlərin cinayətlə əlaqəli hər hansı mənbədən gəldiyinə dair əsaslı sübut təqdim etmədiyini” əlavə edərək, “ailənin Britaniya ədliyyə sisteminə tam etibar etdiyini və agentliyin müraciətinin əsassız olduğunun açıqlanmasını səbirsizliklə gözlədiklərini” əlavə edib.
Bu halda BCA dəfələrlə Feyziyevlə bağlı OCCRP-nin əvvəlki hesabatlarına istinad edib. 2017-ci ildə aparılmış araşdırma nəticəsində məlum olub ki, Feyziyevin təsis etdiyi Azərbaycana məxsus böyük əczaçılıq şirkətilə eyni adı daşıyan iki şirkət Azərbaycanın pulyuyan maşınından 138 milyon dollar alıb.
Bu araşdırma Feyziyevin böhtan iddiasının predmetinə çevrilib və məsələ razılaşdırılmış şərtlərlə həll edilib. Feyziyev çirkli pulların yuyulması və ya hər hansı digər qanunsuz fəaliyyətdə iştirak etməsi ilə bağlı iddiaları qəti şəkildə inkar edib. (meydan tv)
Bütöv.az
2-12-2021, 11:01
Şəmkir rayon Polis Şöbəsinin iki yüksək rütbəli əməkdaşı vəzifəsindən azad edilib.
Bütöv.az "Qafqazinfo"ya istinadən xəbər verir ki, bu barədə daxili işlər naziri Vilayət Eyvazov əmrlər imzalayıb.
Nazirin əmrləri ilə şöbənin xidmət üzrə rəis müavini, polis polkovniki İlqar Əliyev və İctimai Təhlükəsizlik Bölməsinin rəisi, polis mayoru Vüqar Məmmədov vəzifədən azad edilərək sərəncama götürülüb.
Məlumata görə, hər iki şəxs xidmətdə yol verdikləri nöqsanlara görə vəzifədən çıxarılıb.
2-12-2021, 10:59
Azərbaycan Avtomobil Yolları Dövlət Agentliyi (AAYDA) məhkəməyə verilib.
Qaynarinfo xəbər verir ki, iddiaçı "Araz-Tikinti Servis” MMC-dir. İddia artıq icraata götürülüb. Dekabırın 12-nə hazırlıq iclası təyin olunub. İşə Bakı Kommersiya Məhkəməsinin hakimi Ülkər Həsənovanın sədrliyi ilə baxılacaq.
Məhkəmə çəkişməsinin dəqiq səbəbi barədə açıq mənbələrdə bilgi yoxdur. Bəzi iddialara görə, AAYDA-nın şirkətə borcu var.
"Araz-Tikinti Servis” MMC 2010-cu ildə 14 manat nizamnamə kapitalı ilə yaradılıb. Şirkətin qanuni təmsilçisi Allahverdiyev Şaiq Allahverdi oğludur.
AAYDA-nın rəhbəri isə Saleh Məmmədovdur. O, 2015-ci ildən bu vəzifədədir. Saleh Məmmədov bu vəzifəyə gələndən qurumun adı 2 dəfə dəyişdirilib. 2015-ci ildə "Azəryolservis” ASC adlandırılan qurum 2016-cı ildə "Azəravtoyol” ASC, 2017-ci ildə AAYDA adlandırılıb.
Bütöv.az
2-12-2021, 10:53
Dünya bazarında neft qiymətlərində artım müşahidə olunur.
WTI markalı neftin yanvar fyuçersləri 1,11 % bahalaşaraq bir bareli 66,30 ABŞ dolları olub.
“Brent” markalı neftin fevral fyuçersləri 1,05 % bahalaşaraq bir bareli 69,59 ABŞ dolları təşkil edib.
Mənbə: Bloomberg
Bütöv.az
26-11-2021, 12:36
Qaz sızmaları ilə bağlı “Azəriqaz”da vaxtaşırı yoxlama işləri aparılır. 80 saylı qərara əsasən, qaz yığılan mənbələrə il ərzində ən azı 6 aydan bir baxış keçirilməlidir.
Axar.az xəbər verir ki, bunu Azəriqaz İstehsalat Birliyinin Baş direktoru Ruslan Əliyev deyib.
Onun sözlərinə görə, bu il ərzində qaz sızması ilə bağlı ciddi hadisə qeydə alınmayıb:
“Ümid edirik ki, bu qış vətəndaşlarımız qaz təchizatı ilə bağlı problem yaşamayacaq. Lakin dəm qazı artıq can almaqdadır. Burada vətəndaşın özünün məsuliyyəti olmalıdır. Azəriqaz olaraq bununla bağlı daimi təbliğat, maarifləndirmə işləri aparırıq. Əgər abonentlər hər hansı problem yaşayırlarsa, bizə müraciət etsinlər. Bunun üçün “Azəriqaz”ın 104, 185 nömrələrinə, sosil şəbəkə səhifələrimizə müraciət edə bilərlər".
Bütöv.az
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Təqvim
| « Noyabr 2026 » | ||||||
|---|---|---|---|---|---|---|
| Be | Ça | Ç | Ca | C | Ş | B |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | ||||||
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Zəngilanın dirçəliş
və qayıdış dövrü
Azərbaycan tarixinin ən şanlı səhifəsi olan Vətən müharibəsi bizə təkcə torpaqlarımızı deyil, ləyaqətimizi, qürurumuzu qaytardı. Həmin qürurun ən parlaq ünvanlarından biri də Zəngilandır. 2020-ci il sentyabrın 27-də başlanan Zəfər yürüşü zamanı şərqdən, Cəbrayıl istiqamətindən düşmənə vurulan sarsıdıcı zərbələr nəticəsində Azərbaycan Ordusu 30-dan çox yaşayış məntəqəsini azad edərək Zəngilanın inzibati hüdudlarına çatdı. Oktyabrın 18-də rayonun tam azad edilməsi uğrunda genişmiqyaslı əməliyyata start verildi və cəmi iki gün sonra, oktyabrın 20-də Müzəffər Ali Baş Komandan, Prezident İlham Əliyev xalqa müraciətində Havalı, Zərnəli, Məmmədbəyli, Həkəri, Şərifan, Birinci Muğanlı kəndlərinin və Zəngilan şəhərinin işğaldan azad edildiyini elan etdi. Beləliklə, Zəngilan döyüşləri nəticəsində 1 şəhər, 4 qəsəbə və 49 kənd düşmən tapdağından xilas edildi və bununla da 132 kilometrlik Azərbaycan-İran dövlət sərhədi tam bərpa olundu. İşğalın bitməsindən dərhal sonra sərhəd boyunca zəruri istehkam və mühafizə işlərinə başlanıldı.
Qərbi zəngəzurlular Zəngilan şəhidliyində
Bu tarixi qələbənin əbədiləşdirilməsi üçün 2020-ci il noyabrın 26-da “Zəngilanın azad olunmasına görə” medalı təsis edildi və 6974 hərbi qulluqçumuz bu medalla təltif olundu. Prezidentin 31 iyul 2023-cü il tarixli Sərəncamı ilə isə 20 oktyabr tarixi Zəngilan şəhəri günü kimi rəsmiləşdirildi. Zəngilanın azad olunması Böyük Qayıdışın başlanğıcı oldu. Bu gün dövlətin ən böyük hədəfi həmin torpaqları yenidən həyatla doldurmaqdır. 2026-cı il 1 oktyabr tarixinə olan məlumata görə, Zəngilan şəhərində 84 ailə, yəni 339 nəfər, Ağalı kəndində 234 ailə, yəni 1017 nəfər, Məmmədbəyli kəndində isə 179 ailə, yəni 903 nəfər öz doğma ocağına qayıdıb. Köçürülən ailələr peşə və bacarıqlarına uyğun olaraq müxtəlif dövlət qurumlarında, tikinti şirkətlərində, tikiş fabrikində və digər sahələrdə işlə təmin edilirlər.Bu qayıdışın dünyaya nümunə olan simvolu isə Ağalı kəndidir. Ağalı təkcə Azərbaycanda deyil, dünyanın ən müasir kəndlərindən biri hesab olunur. Burada “ağıllı kənd” konsepsiyası tam şəkildə tətbiq edilib. Dayanıqlı inkişafın təmin olunması üçün sosial-iqtisadi xidmətlər ən yüksək texnologiyalarla qurulub. Kəndin enerji təminatı ekoloji cəhətdən tam təmizdir, Həkəri çayı üzərində 3 turbindən ibarət Arximed tipli su elektrik stansiyası və gücü 325 kilovat olan günəş panelləri quraşdırılıb. Evlərdə istilik xərclərini azaltmaq üçün kombinə edilmiş sistemlər, mətbəx sobası və yüksək səmərəli elektrod boilerlər var. Suyun isidilməsi üçün günəş kollektorlarından, çirkab suların təmizlənməsi üçün bioloji təmizləmə qurğularından istifadə olunur.
Kənddə GPON texnologiyası ilə yüksək sürətli internet, İP TV, video müşahidə kameraları, ağıllı işıq dirəkləri və avtomatik hava müşahidə stansiyaları var. Əhalinin rahatlığı üçün Tele-səhiyyə, E-təhsil və digər elektron xidmətlər, ASAN, DOST, məktəb, bağça, tibb məntəqəsi, kiçik və orta biznesə dəstək mərkəzləri fəaliyyət göstərir. Ümumi sahəsi 2 hektardan çox olan park salınıb. Bütün bunlar onu göstərir ki, Ağalı kəndi sadəcə yaşayış məntəqəsi deyil, gələcəyin kənd modelidir. Nazirlər Kabinetinin 30 oktyabr 2023-cü ildə təsdiq etdiyi Baş Plana əsasən şəhərin 2040-cı ilədək inkişafı üçün böyük vəsait ayrılıb. 2022-ci ildə təməli qoyulan 104 mənzilli ilk yaşayış kompleksinin açılışı 2026-cı ildə olub. Kompleksin ərazisi 2 hektardan artıqdır və burada 12 bina, o cümlədən 4 ədəd üçmərtəbəli 60 mənzilli və 8 ədəd ikimərtəbəli 44 mənzilli evlər tikilib.
Azad Zəngilanın qonaqları
Zəngilan Beynəlxalq Hava Limanı bu bölgənin inkişafı üçün mühüm faktora çevrilib. Zəngəzur dəhlizinin hava infrastrukturu ilə gücləndirilməsi baxımından hava limanı strateji əhəmiyyət daşıyır. Eyni zamanda Horadiz-Zəngilan-Ağbənd dəmir yolunun inşası da böyük strateji əhəmiyyətə malikdir. Bu yol azad edilmiş torpaqlara həm vətəndaşların qayıdışı, həm də yüklərin daşınması üçün tarixi imkan yaradır. Artıq yolun birinci mərhələsi üzrə böyük hissə tamamlanıb və Araz İqtisadi Zonası Sənaye Parkına yüklər daşınır. Horadiz-Cəbrayıl-Zəngilan-Ağbənd avtomobil yolunun uzunluğu 126,3 kilometrdir, illik buraxılış qabiliyyəti 15 milyon tondur və layihənin 2026-cı ilin ikinci yarısında yekunlaşdırılması nəzərdə tutulur. İşğal dövründə tövlə kimi istifadə olunan XIX əsrə aid Zəngilan şəhər məscidi Heydər Əliyev Fondu tərəfindən bərpa olunub. Bərpa-tikinti işləri çərçivəsində tarixi məscid konservasiya edilib və onun yanında düzbucaqlı planlı, iki minarəli yeni məscid inşa edilib. Yeni məsciddə 220 və 100 nəfərlik ibadət zalları yaradılıb. Rayonun gələcəyi üçün turizm və kənd təsərrüfatı da unudulmayıb. 2024-cü il mayın 18-də Ağalı kəndində, Həkəri çayı vasitəsilə yaradılmış süni gölün sahilində “Ağalı” hoteli açılıb. Zəngilan İstirahət Kompleksində 111 nömrəli hotelin təməli 2023-cü il mayın 4-də qoyulub. 2026-cı il mayın 10-da isə “Zəngilan City Park Hotel”in təməli qoyulub. Kənd təsərrüfatı sahəsində isə “Dost Aqropark” layihəsi həyata keçirilir. Azərbaycan və Türkiyə şirkətlərinin birgə layihəsi olan bu kompleks tam başa çatdıqda 500 nəfəri işlə təmin edəcək və 100 milyon dollar sərmayə qoyulacaq. Layihənin birinci mərhələsində 5200 kvadratmetr qapalı, 113 min kvadratmetr açıq tipli heyvandarlıq kompleksləri, sosial obyektlər, kafe, kinoteatr tikilib.
Beləliklə, Zəngilan bu gün sadəcə işğaldan azad edilmiş bir rayon deyil, Azərbaycan dövlətinin qüdrətinin, iradəsinin və gələcəyə olan inamının canlı rəmzidir. Burada hər daş, hər tikilən ev, hər qayıdan ailə 30 illik həsrətin sonu və Böyük Qayıdışın əbədi başlanğıcıdır.
Mahnur Hüseynova
Xırdalan şəhər 8 nömrəli tam orta ümumtəhsil məktəbinin direktoru
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!