AVRO 2024: Avstriya yığması inamlı qələbə qazanıb .....                        “İçəridə dayana bilmirəm, məni buraxın, Qarabağa gedim” - Məhkəmə .....                        Balakəndə ağır qəza - Türkiyə vətəndaşı öldü .....                        Ukrayna əzmkar qələbə qazandı .....                        "Bir işçiyə düşən orta aylıq əməkhaqqı 5,2 faiz artıb" .....                        Azyaşlı suda boğuldu .....                        Leysan yağışlarda 38 nəfər öldü .....                        Bu gün sertifikasiyada neçə müəllim iştirak edib? .....                        Türkiyənin iki vilayətində meşə yanır .....                       
Tarix : 21-09-2017, 21:25
Bakı Slavyan Universitetinin rektoru I kurslarla görüşdü


Professor Nurlana Əliyeva: "Mən istəyirəm hər bir tələbə öz universiteti ilə fəxr etsin, onu sevsin, bu sevgi onun qəlbinə, ruhuna hopsun!"

Bu gün Bakı Slavyan Universitetinin rektoru, professor Nurlana Əliyeva I kurs tələbələri ilə görüş keçirdi. Əsasən, tanışlıq xarakteri daşıyan görüşdə, rektor ali təhsil almaq üçün məhz BSU-nu seçmiş tələbələri salamladı və onlara əvvəlcə Universitetin yaranma tarixi barədə ətraflı məlumat verdi.

O, M.F.Axundov adına Rus Dili və Ədəbiyyatı adlanan institutun 17 il öncə dünyaca məşhur siyasətçi Heydər Əliyevin təşəbbüsü ilə Bakı Slavyan Universitetinə çevrildiyini və fəaliyyətə başladığını bildirdi.

Bakı Slavyan Universitetinin rektoru I kurslarla görüşdü


Nurlana Əliyeva hazırda BSU-nun bir çox slavyan ölkələri ilə sıx əlaqələrə malik olduğunu, universitetdə 11 tədris-mədəniyyət mərkəzinin fəaliyyət göstərdiyini diqqətə çatdıraraq, burada daha çox Rusiya ali məktəbləri ilə əməkdaşlıq etdiyini, bu ölkənin 27 universiteti ilə tələbə-müəllim mübadiləsi aparıldığını qeyd etdi. O, BSU-ya çoxlu sayda qonaqların - slavyan ölkələri prezidentlərinin, politoloqların, səfirlərin gəldiyini, eləcə də BSU-da Beynəlxalq konfransların keçirildiyini I kursların diqqətinə çatdırdı.
Azərbaycanın dünyada artan nüfuzuna diqqət çəkən rektor bildirdi ki, bu gün ölkə Prezidenti İlham Əliyevin apardığı siyasət nəticəsində Azərbaycan bütün sahələr üzrə yüksək templə inkişaf edir və bu, təhsildə də özünü göstərir.

Azərbaycan xalqının tarixən multikultural dəyərlərə malik olduğunu vurğulayan N.Əliyeva qeyd etdi ki, "Sovet dönəmində bizim mədəniyyətimizi, adət- ənənələrimizi sıxışdırmağa çalışsalar da, amma xalqımız öz dəyərlərini qorumağı bacardı və təbiətən multikultural, eləcə də tolerant xalq olduğunu bütün dünyaya sübut edə bildi. Yeri gəlmişkən qeyd edim ki, slavyan xalqları ilə qarşılıqlı əlaqələr fonunda, elə Bakı Slavyan Universitetini multikulturalizm beşiyi adlandırmaq olar."
Azərbaycanda Evrovision mahnı müsabiqəsi, Birinci Avropa idman oyunları, İslamiada və digər irimiqyaslı tədbirlərin keçirilməsi, ölkədə siyasi sabitliyin nəticəsidir - deyən, professor N.Əliyeva bu işdə xarici dövlətlərdə Azərbaycanı hərtərəfli təbliğ edən, ölkənin I vitse-prezidenti Mehriban Əliyevanın da rolunu xüsusi qeyd etdi.
Professor N.Əliyeva tələbə həyatına yenicə qədəm basmış gənclərə müraciət edərək, onların həyatında yeni bir mərhələnin başlandığını vurğuladı və BSU tələbələrinin universitetə öz doğma ocaqları kimi baxmalarını tövsiyə etdi: "Mən istəyirəm, hər bir tələbə öz universiteti ilə fəxr etsin, onu sevsin, bu sevgi onun qəlbinə, ruhuna hopsun! Mənim universitetim, mənim Azərbaycanım duyğusu ilə yaşaya bilməyən insan, yaxşı vətəndaş ola bilməz! Çünki öz ocağını sevməyən, öz anasını, öz vətənini və öz torpağını sevə bilməz!".

Bakı Slavyan Universitetinin rektoru I kurslarla görüşdü


Bundan başqa, rektor gənclərin milli-mənəvi dəyərlərə ehtiramla yanaşmasının da önəmli olduğunu vurğuladı və qeyd etdi ki, "Bizim gənclər, həm də öz vətənpərvərlik duyğuları ilə fərqlənir. Hər bir gənc öz dövlətinin yanında olmalıdır. Siz gənclər bizim gələcəyimizsiniz, əgər siz olmasanız bizim gələcəyimiz olmaz!" O, buna misal olaraq, ötən il aprel döyüşlərində Azərbaycan əsgər və zabitlərinin göstərdiyi qəhrəmanlığı xüsusi olaraq qeyd etdi və tələbələrə müraciətlə, Heydər Əliyevin azərbaycançılıq ideologiyası ilə irəli getməyin ən doğru yol olduğunu I kursların diqqətinə çatdırdı.

Çıxışının sonunda BSU-nun prorektor və dekanlarını tələbələrə təqdim edən professor M.Əliyeva, onların hər birinin şəxsi keyfiyyətlərini qeyd etməklə öz müsbət fikirlərini bildirdi. Yeri gəlmişkən, BSU-nun prorektorlarından söz açan rektor, hazırda universitetin elmi işlər üzrə prorektoru, professor Rafiq Novruzovun Ukraynanın Çerniqov Milli Texnologiya Universitetinin rəhbərliyinin dəvəti ilə bu şəhərdə işgüzar səfərdə olduğunu, ÇMTU-da Azərbaycan Mədəni-Tədris Mərkəzinin və ÇMTU nəzdində Bazar Günü Azərbaycan Məktəbinin açılışında iştirak etdiyini bildirdi.

BSU-nun mətbuat xidmətinin əməkdaşlarının fəaliyyətini xüsusi dəyərləndirən N.Əliyeva, onları universitetin bir saylı təəssübkeşləri, dayaqları adlandırdı.
Görüşün ardından BSU-nun təlim-tərbiyə işləri üzrə prorektoru, dosent Xanım Sultanovanın rəhbərliyi ilə, Mədəni-kütləvi tədbirlərin təşkili şöbəsinin əməkdaşları musiqi, rəqs, bədii qiraət və digər fitri istedada malik olan istedadlı I kurs tələbələrini adıçəkilən şöbəyə müraciət etmələrini və universitetin çoxsaylı tədbirlərində iştirak etməyə dəvət etdilər.

BSU-nun Jurnalistika kafedrasının dosenti Mübariz Əhmədov


Paylaş



Bölmə: Təhsil / Karusel / Slayd / Xəbər lenti
Fikirlər
Sorğu
Saytımızda hansı mövzulara daha çox yer verilməsini istəyirsiniz?


Son buraxılışımız
Facebook səhifəmiz
Təqvim
«    İyun 2024    »
BeÇaÇCaCŞB
 12
3456789
10111213141516
17181920212223
24252627282930
Reklam
Hava
Valyuta
Reklam

Sayğac
Xəbər lenti
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 
Foto
Erməni tərəfdən Azərbaycan mövqeləri belə görünür... - VİDEO






Bütöv.az
Video
"Vətən Qəhrəmanları" Şəhid İlyas Nəsirov


All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!