16-08-2024, 00:55
"Qapıçımız bu gün böyük hünər göstərdi"
Son ana kimi mübarizə apardıqlarına görə futbolçularımla fəxr edirəm. Azarkeşlərimizə də verdikləri dəstəyə görə minnətdaram.
Bu sözləri “Zirə”nin baş məşqçisi Rəşad Sadıqov UEFA Konfrans Liqasının III təsnifat mərhələsində Xorvatiyanın “Osiyek” klubuna penaltilər seriyasında qalib gəldikləri oyundan sonra təşkil olunan mətbuat konfransında deyib.
Mütəxəssis penaltilər seriyasında 5 topdan 4-nü dəf edən qapıçı Tiaqo Silva barədə danışıb: "Şerif" (Moldova) ilə oyunun penaltilər seriyasında Tiaqonun çıxışından razı qalmamışdım. Amma o, bu gün böyük hünər göstərdi. Bunu bacarmaq elə də asan iş deyil".
O, pley-off mərhələsində qarşılaşacaqları Kiprin "Omoniya" klubu haqqında da fikirlərini bölüşüb: "Düzü, komanda haqqında məlumatım yoxdur. “Fehervar"la (Macarıstan) keçirdikləri matçı izləmişəm. Üstünlük əldə ediblər. Bu da onların güclü rəqib olduğunu göstərir. Müəyyən qədər avrokubok təcrübələri var. Görünür ki, bizim kimi onlar da qrupa düşmək istəyirlər. Biz də qələbə üçün əlimizdən gələni edəcəyik".
15-08-2024, 23:47
"Zirə" pley-off mərhələsində - Tarixində ilk dəfə
UEFA Konfrans Liqasının III təsnifat mərhələsinin cavab oyunu çərçivəsində üz-üzə gələn “Zirə” və Xorvatiyanın “Osiyek” komandaları arasında oyun başa çatıb.
Qarşılaşmanın əsas və əlavə vaxtı 2:2 hesablı heç-heçə ilə yekunlaşdığı üçün penaltilər seriyası oynanılıb. Burada daha dəqiq oynayan təmsilçimiz adını tarixində ilk dəfə pley-off mərhələsinə yazdırıb - 2:1.
İlk görüş 1:1 hesablı bərabərliklə bitmişdi.
Qeyd edək ki, pley-off mərhələsindəki rəqibimiz Kiprin "Omoniya" komandası olacaq.
15-08-2024, 22:29
10 yaşlı uşağı traktor vurub öldürdü
Şəmkirdə bədbəxt hadisə baş verib.
Hadisə rayonun Keçili kəndində qeydə alınıb.
Kənd sakini, 2014-cü il təvəllüdlü Rəvan Əsgərovu traktor vurub.
O, aldığı xəsarətdən vəfat edib.
Faktla bağlı araşdırma aparılır.
15-08-2024, 22:16
“Real Madrid” onunla yollarını ayırdı
İspaniyanın “Real Madrid” komandası futbolçusu Yuanmi Latasa ilə yollarını ayırıb.
Madrid təmsilçisi 23 yaşlı hücumçunu "Real Valyadolid" klubuna satıb.
İspaniyalı oyunçu ilə 5 illik müqavilə imzalanıb.
Qeyd edək ki, Yuanmi Latasa ötən iki mövsümü “Xetafe”də icarə əsasında keçirib. Forvard bu müddət ərzində 57 oyunda iştirak edib və 7 qol vurub.
15-08-2024, 21:56
"Sabah" İrlandiya klubuna məğlub oldu
UEFA Konfrans Liqasının III təsnifat mərhələsinin cavab oyunu çərçivəsində üz-üzə gələn “Sabah” və İrlandiyanın “Sent Patriks” komandaları arasında oyun başa çatıb.
“Əlincə” stadionunda keçirilən qarşılaşma rəqibin 1:0 hesablı qələbəsi ilə yekunlaşıb.
İlk görüşdə də minimal üstünlüklə qalib gələn “Sent Patriks” adını pley-off mərhələsinə yazdırıb. “Sabah” isə avrokuboklarla vidalaşıb.
15-08-2024, 21:37
Türkiyə ilə İraq arasında mühüm saziş
Son zamanlar Türkiyə ilə İraq arasında həm siyasi, həm də texniki səviyyədə qarşılıqlı əlaqələr intensivləşib. Bu müsbət inkişaf Türkiyə Prezidenti Rəcəb Tayyib Ərdoğanın aprel ayında İraqa tarixi səfəri ilə taclandırıldı. Bu səfər zamanı ticarətdən enerjiyə, sudan nəqliyyata, səhiyyədən təhsilə qədər əlaqələrimizi daha da möhkəmləndirən 27 saziş və anlaşma memorandumunun imzalanması ümumi iradəmizin ən bariz təzahürüdür. Bugünkü görüşlərimizin nəticəsində isə tarixi bir hadisəyə şahid olduq. Türkiyə ilə İraq arasında hərbi və təhlükəsizlik sahəsində əməkdaşlıq və terrorla mübarizə mövzusunda anlaşma memorandumu imzalandı. Bu müqavilədə nəzərdə tutulan birgə koordinasiya və təlim mərkəzləri ilə əməkdaşlığımızı növbəti səviyyəyə çıxaracağıq.
Bu barədə xarici işlər naziri Hakan Fidan Türkiyədə səfərdə olan İraqın Baş nazirinin müavini və XİN rəhbəri Fuad Hüseyin ilə birgə mətbuat konfransında bildirib.
Nazir deyib: “İraqda PKK ilə bağlı məlumatlılığın artdığını görməkdən məmnunuq. Bu kontekstdə İraqın əvvəlcə PKK-nı ortaq təhlükə, sonra isə qadağan olunmuş təşkilat elan etməsi çox önəmlidir. Bugünkü görüşdə əlaqələrimizin təhlükəsizlik, hərbi və kəşfiyyat aspektlərini, xüsusilə PKK ilə mübarizəni ətraflı müzakirə etdik, əlavə əməkdaşlıq imkanlarını dəyərləndirdik. İraq tərəfinin qadağan olunmuş təşkilat qərarına uyğun olaraq PKK-ya bağlı üç siyasi partiyanın bağlanmasına qərar verməsindən məmnunluğumuzu ifadə etdik”.
Hakan Fidan, eyni zamanda bildirib ki, Türkiyə Prezidentinin Bağdada səfəri zamanı iki ölkə arasında razılaşdırılmış 15 yaşdan kiçik və 50 yaşdan yuxarı İraq vətəndaşları üçün nəzərdə tutulan vizasız rejim tətbiqinə sentyabrın 1-dən etibarən başlanılmasına qərar verilib.
15-08-2024, 21:13
Göygöldə kanaldan
meyit tapıldı
Göygöldə kanaldan meyit tapılıb.
Hadisə rayonun Gəncə qəsəbəsində qeydə alınıb.
2001-ci il təvəllüdlü Kəmalə adlı qadının cəsədi qəsəbə ərazisində yerləşən kanaldan aşkarlanıb.
Hadisə yerinə polis əməkdaşları cəlb olunub.
15-08-2024, 20:49
Ermənistan Naxçıvanı atəşə tutdu
Azərbaycan ordusunun Naxçıvan istiqamətindəki mövqeləri atəşə tutulub.
Bu barədə Müdafiə Nazirliyindən məlumat verilib.
Bildirilib ki, avqustun 15-i saat 18:10 radələrində Azərbaycan Ordusunun Naxçıvan Muxtar Respublikasının Ordubad rayonunun Gənzə yaşayış məntəqəsi istiqamətində yerləşən mövqeləri Ermənistan silahlı qüvvələrinin bölmələri tərəfindən atıcı silahlardan atəşə tutulub.
"Bölmələrimiz tərəfindən qeyd olunan istiqamətdə adekvat cavab tədbirləri görülüb", - açıqlamada deyilir.
15-08-2024, 19:17
COP29-la əlaqədar yeni portal
Bakıda keçiriləcək COP29 (BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası) konfransı üçün COP29 Radiospektrin idarə edilməsi portalı fəaliyyətə başlayıb.
Bu barədə COP29-un sosial şəbəkə hesablarında məlumat verilib.
"Dünyanın hər yerindən akkreditə olunmuş iştirakçılar indi bu portal vasitəsilə öz radioelektron avadanlıqlarını qeydiyyatdan keçirə və müvəqqəti radiospektrin ayrılması üçün müraciətlərini təqdim edə bilərlər", - paylaşımda vurğulanıb.
Xatırladaq ki, COP29 noyabrın 11-dən 22-dək Bakı şəhərində keçiriləcək.
15-08-2024, 19:08
Azərbaycan Cümhuriyyətinin görkəmli şəxsiyyətlərindən Abbas bəy Vəkilov
Azərbaycan Xalq Cümhiriyyətinin qurulması tariximizin ən ziddiyətli və gərgin dönəmlərinə təsadüf edir. Cümhuriyyətin işğalından sonra isə bir müddət Sovetlər İttifaqı xalqlar arasında özünə inam yaratmaq üçün öz əsl simasını gizlədirdi. Lakin Sovetlər Birliyi özünün möhkəmləndirdikdən sonra artıq 37-ci illərdə vaxtıilə AXC-də təmsil olunmuş şəxslərin ağır repressiyası başaldı.
Cümhuriyyət dönəmində ingilislərin diqqət mərkəzində olan Şərur-Dərləyəz qəzasında fəaliyyət göstərən yerli müsavatçıların liderlərindən olan Abbas bəy Vəkilovun da taleyi digərlərindən fərqlənmədi.
Abbas bəy Vəkilov kimdir?
Abbas bəy Baxşəli bəy oğlu Vəkilov 2 yanvar 1873-cü il tarixində Şərur-Dərələyəz qəzasının Çivə kəndində anadan olub. Onun mənsub olduğu Vəkilovlar nəsli Dərbənd-Qazax (Tiflis)-İrəvan-Şərur-Dərləyəz ərazilərində məskunlaşmış əsilzadə solyardandır.
Professor Fərrux Rustəmovun araşdırmalarına görə Abbas bəy Vəkilov 1884-1887-ci illərdə İrəvan kişi gimnaziyasında Hüseyin Ələkbərov, Məmməd Əlibəyov, Əli Ağabababəyov, Həsən Ağayev, Məmməd Bağırbəyov, İsmayıl bəy Vəkilov, Teymur bəy Vəkilov, İrza Hacıbəyli (hərbi xadimi, polkovnik. İrəvan şəhər zadəganlarının nəslinə mənsubdur) Abbasəli Hacırzayev və Qadir Hacıbəylinski ilə birlikdə III sinifini bitirib. Onu da qeyd edək ki, Abbas bəy Vəkilovun təhsil aldığı bu illər Azərbaycanın xalqının milli iftixarı Firudin bəy Köçərlinin dərs deyi illəri əhatə edir.
Abbas bəy Vəkilov ali təhsilini Kiyev Dövlət Universitetinin hüquq fakultəsində tamamladıqdan sonra öz doğma kəndlərinə Şərur-Dərələyz qəzasının Çivə kəndinə qayıdıb. Musavatın yerli özəyini yaradıb və ona rəhbərlik edib. Qafqaz İslam Ordusu gələnə kimi Xalq Qəhrəmanı Balo bəy Vəkilovun rəhbərlik etdiyi Çivə taborunda ermənilərə qarşı vuruşub. Qafqaz İslam Ordusu Azərbaycana daxil olduqdan sonra isə ordunun tərkibində zabit kimi xidmət edib. Qərbi Azərbaycan və Naxçıvan əhalisi ilə birlikdə Çivə kəndinin bütün əhalisi ilə birlikdə Cənubi Azərbaycan ərazisinə keçib sonra isə kənd əhalisi ilə birlikdə geri qayıdıblar.
Azərbaycan Cümhuriyyəti rus imperalizmi tərəfindən işğal edildikdən sonra Abbas bəy Vəkilov ağır məhrumiyyətlərlə qarşılaşıb. Vəkilovlar nəslinin bütün üzvləri kimi onlarında şəxsi mülkləri alınaraq yerli bolşeviklərin vasitəsi ilə kolxozun mülkiyyətinə verilib.
Abbas bəy Vəkilov Dərləyəz mahalının Ardaraz kəndindən olan Qəndab İsmayıl qızı ilə ailə qurub. Bu nigahdan onların Bülbül, Ziba, Rüşdü, Sabir, Ziyadxan adında övladları olub Bülbül xanım kiçik yaşalrında vəfat etdiyi üçün sonradan onun xatirəsini yaşatmaq üçün sonra doğulan qızına Bülbül adını veriblər. Ziyadxan bəy Vəkilov gənc yaşlarında dünyasını dəyişib.
Ziyadxan bəy Vəkilov
Bülbül xanım Vəkilova hazırda Şərur rayonu Dizə kəndində yaşayır. Qeyd etmək yerinə düşər ki, farnsız əsilli rus səyyahı İ.İvanoviç Şopenin hazırladığı Kameral siyahıya əsasən Dizə kəndi Abbas bəy Vəkilovun babası Həsənalı Sultan Vəkilovun şəxsi mülkləri siyahısna daxil olmuşdur. 1931-ci ildə Şərur-Dərləyəz qəzasının Çivə kəndində görkəmli dövlət xadimi Abbas bəy Vəkilovun ailəsində doğulan Bülbül xanım Vəkilova 1949-cu ildə Dizə kəndinin saylı-seçilən kişilərindən olan İmanov Müzəffər Həmid oğlu ilə ailə qurub. Müzəffər İmanov bir müddət Naxçıvan Muxtar Respublikası Ali Məclisinin deputatı olmuşdur.
Abbas bəy Vəkilovun represiya olunması ilə bağlı tarixi həqiqətlərə Bülbül xanım Vəkilova işıq salır. B.Vəkilova: “Atam Qarakilsədə müəllim işləyirdi. 1937-ci ildə onu bir neçə milis nəfəri gəlib evdə həbs etdilər. Sonra isə Dərləyəzin Çivə kəndindəki evimizdə axtarış apardılar. Atamı İrəvan türməsində saxlayırdılar. Anamla qardaşım Ziyadxan üç dəfə İrəvanda türmədə atamla görüşdülər. Əlbəttdə biz atamın qayıdacağına inanırdıq. Ancaq dördüncü dəfə atamın dalınca gedəndə anama məlumat vermişdilər ki, onu müharibəyə göndəriblər. Lakin sonra biz heç bir məlumat ala bilmədik”.
Onu da qeyd edək ki, Abbas bəy Vəkilovla bərabər Çivə müsavatçılarının əksəriyyəti repressiya olunudu.
Şübhəsiz ki, ömrünü Azərbaycan xalqının istiqlalına həsr etmiş Abbas bəy Vəkilovun nisgilli həyat hekayəsinin kiçik bir parçasını əhatə edən bu yazı gələcək tədqiqatlar üçün ilkin mənbə rolu oynamaqla yeni araşdırmalara yol açacaqdır. Bu yazı Abbas bəy Vəkilovun parlaq ruhuna kiçik bir töhədir.
Tədqiqatçı-hüquqşünas, Səməd Vəkilov
ADPU-nun Qərbi Azərbaycan Araşdırmalar
Mərkəzinin rəhbəri, tarix üzrə f.d. Leyla Calalova
Sorğu
Saytımızda hansı mövzulara daha çox yer verilməsini istəyirsiniz?
Son buraxılışımız
Facebook səhifəmiz
Reklam
Hava
Valyuta
Reklam
Sayğac
Ən çox baxılanlar
Köşə
Xəbər lenti
Foto
Tanınmış telejurnalist vəfat edib
Tanınmış telejurnalist Nailə Əkbərova vəfat edib.
Bu barədə onun dostları məlumat yayıblar.
O, ağır xəstəlikdən əziyyət çəkirmiş.
Əkbərova Nailə Ənvər qızı 27 avqust 1963-cü ildə Şamaxı şəhərində anadan olub. Azərbaycan Dövlət Mədəniyyət və İncəsənət Universitetinin məzunudur. 1981-ci ildən Azərbaycan Dövlət Televiziyasında çalışmağa başlayıb. 1997-2006-cı illərdə musiqi verlişləri baş redaksiyasında baş rejissor vəzifəsində çalışıb.
2006-ci ildə “Space” telekanalında bir neçə verlişin rejissoru işləyib. 2009-cu ildən TRT telekanalının əməkdaşıdır. TRT Avaz-da yayımlanan “Qafqazlara əsən yellər” proqramının müəllifi, rejissoru və aparıcısı olub. Azərbaycanda ilk klip yaradıcılarındandır.
Allah rəhmət etsin!
Video
"Vətən Qəhrəmanları" Şəhid İlyas Nəsirov
All rights reserved ©2012 Butov.az
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!
Created by: Daraaz.net Wep Developer By DaDaSHoV
MATERİLLARDAN İSTİFADƏ EDİLƏRKĦƏN PORTALIMIZA İSTİNAD ZƏRURİDİR!!!