Xəbər lenti » Səhifə 276

31-08-2025, 17:57

Britaniyanın Azərbaycandakı səfiri Laçında

Böyük Britaniyanın Azərbaycandakı səfiri Ferqus Auld Laçına səfər edib.
Səfir bu barədə "X"də paylaşım edib.
"Gəlib Laçını da gördüm. Yerli sahibkar bazarında Laçının dadlı nemətləri ilə tanış oldum. Qonaqpərvərliyiniz üçün minnətdaram", - o bildirib.

Britaniyanın Azərbaycandakı səfiri Laçında

31-08-2025, 17:45

Sammitdə maraqlı an - İlham Əliyev, Ərdoğan və Paşinyan bir arada

Prezident İlham Əliyev və Ermənistanın Baş naziri Nikol Paşinyan ayaqüstü söhbət ediblər.
Bir qədər sonra Türkiyə Prezidenti Rəcəb Tayyib Ərdoğan da söhbətə qoşulub.
Görüş sammitin ən diqqətçəkən məqamlarından biri olub.

Sammitdə maraqlı an - İlham Əliyev, Ərdoğan və Paşinyan bir arada

31-08-2025, 17:37

İlham Əliyev Çində Lukaşenko və Şahbaz Şəriflə görüşdü - FOTO

Prezident İlham Əliyev Şanxay Əməkdaşlıq Təşkilatının sammiti çərçivəsində Belarus Prezidenti Aleksandr Lukaşenko və Pakistanın Baş naziri Şahbaz Şəriflə görüşüb.
Sammit çərçivəsində baş tutan söhbət səmimi şəraitdə keçib.

İlham Əliyev Çində Lukaşenko və Şahbaz Şəriflə görüşdü - FOTO

31-08-2025, 17:26

Prezident və xanımı üçün ayrılan masa, ziyafətin menyusu - FOTO

Çində Şanxay Əməkdaşlıq Təşkilatına (ŞƏT) üzv ölkə başçıları üçün ziyafət təşkil olunub.
Ziyafətə hazırlıq zamanı Prezident İlham Əliyev və birinci xanım Mehriban Əliyeva üçün ayrılan masanın, ziyafətin menyusunun və rəsmi mərasimə dəvət məktubunun görüntüləri yayılıb.

Prezident və xanımı üçün ayrılan masa, ziyafətin menyusu - FOTO

31-08-2025, 17:07

Prezident və xanımını qarşılanma anı

Xəbər verdiyimiz kimi, Çində Şanxay Əməkdaşlıq Təşkilatına (ŞƏT) üzv ölkə başçıları üçün ziyafət təşkil olunub.
Ziyafət zalına daxil olan Prezident İlham Əliyev və birinci xanım Mehriban Əliyevanı Çin Sədri Si Cinpin və həyat yoldaşı qarşılayıb.

Prezident və xanımını qarşılanma anı

31-08-2025, 10:58

Gülgəz NUR

Dönüşlü, dönüşsüz döngələr...

Bilməz idim döngəlik var, dönüm var
İtginlik var, ayrılıq var, ölüm var...

(M.Şəhriyar)

Həyat var olan gündən qaydalı, qaydasız olumları da, ölümləri də özü ilə bir yerdə gətirib, yetirib, qoyub düz(ü) dünyanın mərkəzinə. Gah bunu doğru bilib, gah da onu. Hətta 2-sinin qarışığından alınan sərgərdan tərkibi belə bəzən leqallaşdırmağı bacarıb gah səmum yeli kimi azadə tinətli, gah da dəli-dolu pəhləvan xislətli bu ərköyün dünya. "Doğrusu, yanlışı ilə zamana, meridianlara, hətta niyyətə; sevgisi, nifrəti iləsə Yerə, Göyə bağlı Dünya... Səndən kimlər keçdi, Sənin uğuruna kimlərsə tarixə, əbədiyyətə, kimlərsə sadəcə öz dünyasız dünyalarına köçdü. Axı N Ə D Ə N ürəklərə, oradan da kainata üz tutacaq bunca soyuqqanlılıq hopdurduğun toxumlarını Ana dediyin o sonsuzadək susqun, qara torpağa səpdin?"
Həyat da, demək əsl həqiqət də bu. Görünən döngələrindən, əslində isə şıltaq, tapmacalı labirintlərdən ibarət, dönümlü həyat. İlk gedişlərində sanki səninlə yolçuluq edir, səni ürkütmür, xoş-beşlə gələcəyin mübarəkbazlığını edirmiş kimi sənə yol da göstərir. Ancaq bu, yola çıxdığın ilk dalan yadında qalana qədər belə davam edir. Yolun ağına düşməyə qərar vermiş yolçunun qulaqlarına, oradan da şüuruna hakim kəsilməkdə olan o dolandırıcı uğultu getdikcə naməlum bir tarixin dabanlarının ayaq açıb çıxardığı azman taqqıltı səsinə çevrilmiş kimi olur. Toz-dumana büründüyündən yaxınlaşmağımı, uzaqlaşmağımı dəqiq bilinməyən bu səs yolçuya sanki arada yol göstərmiş kimi də olur. "Qoç döyüşünə qoç dayanar" misalı bu tədrici tanışlıq yolçuya astaca ya gözlərini 4 açıb qarşısına diqqət yetirməyi mənimsədir, ya da "küləklə sovrulanlar" dəstiri, onu öz toz-dumanına bürüyüb, bürmələyib bilinməz səmtlərə çırparaq hərəkətsiz hərəkət moduluna keçirir.
Dalanlar da labirintvari yollar sayağı dönüşlü kimi görünür... amma... ancaq... lakin... Burada üfüqün 4 istiqamətini göstərən yerin cəhət anlayışı itdiyindən küləyin istiqaməti də yolçunun qəlb səsinə bağlı qalır. İrəli, ancaq irəli təpəri, nidası ilə çaba göstərən bu qəlb mücahidinin addımlarının əslində geri və ya irəli getdiyini belə üzü dönük döngələrdən başqa bilən yox, təbii. Külək isə əsir...əsir.... yolçunun rahatlıq bilməyən qəlbi isə hey bur(x)ulur, inadının perik saldığı ümmansız eşqi ovularaq içinə tökülür, Haqdan gələn arzuları az qala səndirləyir, sonra isə hansı qüvvənin təsiri iləsə özünə söykənib azacıq qalxır, müvazinətini düzəldir... və yenə... Əcaba, kiminə havada süzən uşaq oyuncağı çərpələngi xatırladan, kiminə isə sakit olduğu qədər də qorxunc göllərdə gizli-gizli üzən timsahları canlandıran o həyati bumeranqın doğurduğu məkan bumu???

Dönüşlü, dönüşsüz döngələr...

30-08-2025, 23:54

İranın Bakıdakı yeni səfirinə hansı tapşırıq verilib?

İranın Azərbaycandakı yeni səfiri Müctəba Dəmirçilu onun qarşısında qoyulan vəzifələri açıqlayıb.
Bu barədə səfir AzTV-yə müsahibəsində deyib.
"Yeni səfir təyin olunanda ona göstəriş verilir ki, iki ölkə arasında əlaqələri dərinləşdirmək lazımdır. Bu hədəfə nail olmaq üçün biz yeni layihələr ortaya qoymalı və keçmiş layihələrin icrası ilə məşğul olmalıyıq. Bu baxımdan mənə göstəriş verilib ki, müxtəlif sahələrdə bütün səy və bacarığımı ortaya qoymalıyam. Odur ki, çox nikbinəm. Ümid edirəm ki, iki ölkə və xalqın getdikcə yaxınlaşmasının şahidi olacağıq", - səfir qeyd edib.

İranın Bakıdakı yeni səfirinə hansı tapşırıq verilib?

30-08-2025, 23:13

Ərdoğan da Çinə getdi

Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatına (ŞƏT) üzv ölkələrin liderlərinin sammitində iştirak etmək məqsədilə Çinə gedib.
Ərdoğan sentyabrın 1-də sammitdə çıxış edəcək.
Onun zirvə görüşü çərçivəsində dövlət və hökumər başçıları ilə görüşü gözlənilir.

Ərdoğan da Çinə getdi

30-08-2025, 22:50

Avropa Azərbaycana yeni səfir təyin etdi

Avropa İttifaqı (Aİ) Azərbaycana yeni səfir təyin edib.
Bu vəzifəyə Mariyana Kuyundziç gətirilib.
Məlumatı Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas açıqlayıb.
Qeyd edək ki, yeni səfir hazırda Xorvatiyanın Aİ-nin Siyasi və Təhlükəsizlik Komitəsində çalışır.

Avropa Azərbaycana yeni səfir təyin etdi

30-08-2025, 22:36

Zakir Həsənov Türkiyədə səfərdədir

Avqustun 30-da Azərbaycan Respublikasının müdafiə naziri general-polkovnik Zakir Həsənov Türkiyə Respublikasının milli müdafiə naziri cənab Yaşar Gülerin dəvəti ilə qardaş ölkədə işgüzar səfərdədir.
Müdafiə Nazirliyinin mətbuat xidmətindən bildirilib ki, səfər çərçivəsində müdafiə naziri Türkiyə Respublikasının Milli Müdafiə Universitetinin Quru Qoşunları, Hərbi Dənizçilik və Hərbi Təyyarəçilik məktəblərinin buraxılış mərasimlərinə qatılıb.
Türkiyə Respublikasının Prezidenti Rəcəb Tayyib Ərdoğan mərasimlərdə çıxış edərək məzunları təbrik edib.
Ali hərbi məktəbləri müvəffəqiyyətlə bitirən azərbaycanlı məzunlara diplomlar Azərbaycan Respublikasının müdafiə naziri tərəfindən təqdim olunub.
Sonda məzunlar hərbi marşın sədaları altında tribuna önündən keçiblər.

Zakir Həsənov Türkiyədə səfərdədir