Xəbərlərin siyahısı: Mart 2023 illər » Səhifə 38

14-03-2023, 22:58

Razılaşma əldə etmək üçün yaxşı şans var - İlham Əliyev

Azərbaycan və Ermənistan arasında münasibətlərin sülh yolu ilə həllinə töhfə vermək üçün əlimizdən gələni edəcəyik. Bunu Azərbaycan Prezidenti İlham Əliyev Almaniya Prezidenti Frank-Valter Ştaynmayer ilə geniş tərkibdə görüşündə deyib. "Hesab edirəm ki, razılaşma əldə etmək üçün yaxşı şans var, xüsusən də ötən ilin oktyabrında Soçidəki görüşlərdən sonra Ermənistanın və Azərbaycanın bir-birinin ərazi bütövlüyünü və suverenliyini tanıdığı bir zamanda. Bu sazişi gec-tez imzalamaq yaxşı fikirdir. Biz beynəlxalq hüquqa əsaslanan və bizim mövqeyimizə görə sülh sazişinin əsasını təşkil etməli olan beş prinsip işləyib hazırlamışıq", - dövlət başçısı bildirib. Prezident vurğulayıb ki, beş prinsipi özündə əhatə edən sülh müqaviləsinin imzalanması ilə bağlı təşəbbüs məhz Azərbaycan tərəfindən irəli sürülüb və iki ölkə arasında sülh müqaviləsi bu prinsiplər əsasında imzalana bilər. Dövlət başçısının sözlərinə görə, Azərbaycan Ermənistanla sülh müqaviləsinin imzalanma prosesini, Avropa İttifaqı Şurasının Prezidenti Şarl Mişelin missiyanı, Brüssel sülh gündəliyini dəstəkləyir. Prezident onu da əlavə edib ki, Azərbaycanın mövqeyi iki yanaşmadan ibarətdir: "Birinci yanaşma Azərbaycan ilə Ermənistan arasında sülh müqaviləsinin imzalanması, ikinci yanaşma isə Azərbaycanın Qarabağın erməni sakinləri ilə dialoqun həyata keçirilməsidir".

Razılaşma əldə etmək üçün yaxşı şans var - İlham Əliyev

14-03-2023, 16:53

İlham Əliyev Almaniya kansleri ilə təkbətək görüşdü

Martın 14-də Azərbaycan Respublikasının Prezidenti İlham Əliyevin Berlində Almaniya Federativ Respublikasının Kansleri Olaf Şolts ilə təkbətək görüşü başlayıb. Almaniya Federativ Respublikasının Kansleri Olaf Şolts Azərbaycan Respublikasının Prezidenti İlham Əliyevi qarşılayıb.

İlham Əliyev Almaniya kansleri ilə təkbətək görüşdü

14-03-2023, 16:49

Bağçalı deputatlığa namizəd olmaq üçün ərizə təqdim etdi

Türkiyənin Milliyətçi Hərəkat Partiyası (MHP) mayın 14-də keçiriləcək parlament seçkiləri üçün namizədlik müraciətlərini qəbul etməyə başlayıb. Partiya sədri Dövlət Bağçalı MHP qərargahında deputatlığa namizəd olmaq üçün ərizə təqdim edib. Partiya namizədlik ərizələrini martın 21-dək qəbul etməyə davam edəcək. Qeyd edək ki, namizədlik üçün müraciət edənlərdən 3 min liderə ödəniş tələb olunur.

Bağçalı deputatlığa namizəd olmaq üçün ərizə təqdim etdi

14-03-2023, 16:47

Paşinyan XİN başçılarının üçtərəfli görüşünə hazır olduqlarını bildirdi

Biz Ermənistan-Rusiya-Azərbaycan XİN başçılarının üçtərəfli görüşünə hazırıq. Bunu bu gün keçirdiyi mətbuat konfransında Ermənistan baş naziri Nikol Paşinyan deyib. Qeyd edək ki, bundan əvvəl o, Ermənistan XİN başçısı Ararat Mirzoyanın Rusiyaya tezliklə səfər edəcəyini bildirmişdi.

Paşinyan XİN başçılarının üçtərəfli görüşünə hazır olduqlarını bildirdi

14-03-2023, 16:43

Qarabağ ermənilərinin təhlükəsizliyinin qarantı Rusiyadır - Paşinyan

"Qarabağ ermənilərinin təhlükəsizliyinin qarantı Rusiyadır, lakin İrəvan da onlarla daim əlaqə saxlayır". Bunu bu gün keçirdiyi mətbuat konfransında Ermənistan baş naziri Nikol Paşinyan deyib. Paşinyanın sözlərinə görə, üçtərəfli bəyanata əsasən, Rusiya qarant olub, çünki 44 günlük müharibədən sonra Ermənistan bu rolu oynaya bilməzdi. Baş nazir bildirib ki, lakin özü şəxsən Arayik Arutyunyanla (separatçıların rəhbəri-red) gündəlik əlaqə saxlayır, bütün məsələlər açıq şəkildə müzakirə olunur.

Qarabağ ermənilərinin təhlükəsizliyinin qarantı Rusiyadır - Paşinyan

14-03-2023, 16:40

Formatı genişləndirək və Almaniyanı, ABŞ-ı dəvət edək - Paşinyan

"Fransanın mövqeyi Azərbaycanı qane etmirsə, o zaman formatı genişləndirək və Almaniyanı, ABŞ-ı dəvət edək". Bunu bu gün keçirdiyi mətbuat konfransında Ermənistan baş naziri Nikol Paşinyan deyib. "Ermənistan Avrasiya İqtisadi İttifaqından çıxmaq fikrində deyil. Rusiya və Ukrayna arasında baş verən hadisələr Ermənistan üçün həm risklər, həm də imkanlar ehtiva edir, vəziyyət statik deyil. Bir tərəfdən, ötən il Ermənistanın Aİİ-nin digər ölkələri ilə ticarəti böyük həcmə çatıb. Bu, Ermənistan iqtisadiyyatı üçün fürsətdir. Amma digər tərəfdən, Ermənistanın anti-Rusiya sanksiyalarından yan keçməyə cəhd edib-etməməsi ilə bağlı Qərbdə narahatlıq var. Bu, təhlükəlidir", - deyə o bildirib. Baş nazir Ermənistan və Azərbaycan liderlərinin görüşü ilə bağlı heç bir razılaşma olmadığını söyləyib: "İrəvan Brüssel formatı da daxil olmaqla işi davam etdirməyə razıdır, lakin əvvəllər əldə edilmiş razılaşmaların həyata keçirilməsindən başlamaq lazımdır. Praqa danışıqları Brüsseldəki danışıqlardan daha effektiv olub. Əgər Azərbaycan Fransanın Praqa formatında olması ilə razı deyilsə, o zaman format genişləndirilə bilər. Məsələn, Almaniya, ABŞ-ı dəvət edilə bilər".

Formatı genişləndirək və Almaniyanı, ABŞ-ı dəvət edək - Paşinyan

14-03-2023, 16:36

Paşinyan korrupsiya ilə bağlı vəziyyətə toxunub

Ermənistan baş naziri Nikol Paşinyan ölkəsində korrupsiya ilə bağlı vəziyyətdən danışıb. O, bu gün keçirdiyi mətbuat konfransında bu haqda söz açıb. "Ermənistanda sistematik korrupsiya yoxdur. Mövcud korrupsiya işlərinə baxılır", - deyə söyləyən Paşinyan bildirib ki, onların içində baş nazirin özünün təyin etdiyi şəxsləri də görür. Paşinyan səs-küylü işlərdə hakimiyyət nümayəndələrinin də həbs olunduğunu xatırladıb: "Buna görə də toxunulmazlar yoxdur".

Paşinyan korrupsiya ilə bağlı vəziyyətə toxunub

14-03-2023, 16:33

Paşinyan Qarabağ ermənilərinin Bakıya gəlməsinə münasibət bildirdi

Ermənistanın baş naziri Nikol Paşinyan Azərbaycanın Qarabağ ermənilərinə Bakıda danışıqların davam etdirilməsi ilə bağlı təklifinə münasibət bildirib. O, bu gün keçirdiyi mətbuat konfransında bu barədə danışıb. "Artıq təşəbbüsə yekun cavab verilib. Qeyd olunub ki, danışıqlar eyni formatda, Rusiya sülhməramlılarının vasitəçiliyi ilə, eyni yerdə aparılmalıdır", - deyə Ermənistan baş naziri söyləyib. Qeyd edək ki, Prezident Administrasiyası Qarabağın erməni ictimaiyyətinin nümayəndələrini reinteqrasiya ilə bağlı təmasların davam etdirilməsi, habelə Qarabağda infrastruktur layihələrinin reallaşdırılması məsələlərinin müzakirəsi üçün ikinci görüşə dəvət edib. Görüşün yaxın günlərdə Bakı şəhərində keçirilməsi təklif olunub. Bundan öncə ilk görüş Xocalıda baş tutub.

Paşinyan Qarabağ ermənilərinin Bakıya gəlməsinə münasibət bildirdi

14-03-2023, 16:29

İranda çərşənbələr zamanı 15 nəfər ölüb

İranda Novruz çərşənbələri zamanı 15 nəfər ölüb. Bu barədə ölkənin Fövqəladə Hallar Nazirliyi məlumat yayıb. Ölüm hallarının 7-si Təbrizdə, 4-ü Tehranda, 2-si Həmədanda, 1-i Urmiyada, 1-i isə Qəzvində qeydə alınıb. Bundan əlavə, çərşənbələrdə 357 nəfərin yaralandığı bildirilib.

İranda çərşənbələr zamanı 15 nəfər ölüb

14-03-2023, 16:26

Paşinyan Azərbaycanla imzalanacaq sülh müqaviləsindən danışdı

Ermənistan baş naziri Nikol Paşinyan Azərbaycanla imzalanacaq sülh müqaviləsindən danışıb. Bu barədə o, bu gün keçirdiyi mətbuat konfransında söz açıb. "Azərbaycanla imzalanacaq sülh müqaviləsi üçün zaminə ehtiyac var. Sülh müqaviləsinin zaminə ehtiyac var deyəndə, müqavilələrin yerinə yetirilməsi üçün təminatların olmasını nəzərdə tuturuq. Ola bilsin ki, hansısa mərhələdə bu məsələnin həlli olacaq və təklif irəli sürüləcək. Bizim üçün vacib olan zamin institutu deyil, zəmanət institutudur", - deyə Paşinyan bildirib.

Paşinyan Azərbaycanla imzalanacaq sülh müqaviləsindən danışdı